المساعد الشخصي الرقمي

مشاهدة النسخة كاملة : [حساء درناوي عالكيف] من مطبخ للاهم



للاهم
01-06-2011, 12:33 AM
http://www.libyan-kitchen.com/gallery/images/img7866.jpg




خير يا بنات
امس كان صقع وضباب
وكروس في الحوش
وشنو احلى من أحسّيَ يقعد الجوف ويدفي هذا غير طعمته اللي ما يعلى عليها!
طبعا كالعادة جت السخفة في اخر لحظة وقريب مرواحته
وغداي عالنار مكرونة سباقيتي مع صلصة
وما عنديش عليها
وفي شوية شربة فاضلة من اليوم اللي قبلها
هذين حاجتين مستعد ياكلهن صاحب بيتي كل يوم
اطمنت عليه
جاء وقت ندلع روحي بحاجة نحبها وعلى مزاجي
بسرعة مش عادية قعدت نطير ف المطبخ بين التلاجة والدولاب والحوض والفرن
هذي طنجرة
وهذا شوية دهان قديد فيه فتاريش قديد ينشافن بالتلسكوب
وخوذ يا ست البيت لولاها
كمشة حبق اخضر
كمشة كسبر
كمشة نعناع اخضر
كله نتش باليد
كم فص ثوم
حبتين طماطم خضر
قررررن فلفل اخضر حاااااار كامل
رغم المنع
وتوصيات الطبيبة
فوتن
وشوية بزار
وكاشيك طماطم معجون
وشوية فلفل شطة يابسة مجروشة معرفتش الكلمة ينباع جاهز وفيه حتى زريعته
المهم كله غغغغغغغغغغغ في ست البيت
وبعدين دلق في الطنجرة عالدهان اللي يدوب سخن
وغم المغطةعليه شوية نين يقلي ويذبل
بعدين تبليل بالمية الساخنة
مش واجد بيش ما يخفش
ويضيع الحباش(حبق كسبر نعناع) وما يبانش
نخلوه الطبيخة على النار لين تستوي ويطيب الطماطم معجون كويس
نست نزيدوا كم قرن فلفل احمر واخضر
طبعا كان فيها قديد تاخذ وقت اكثر
توا جينا نبوا نحطوا الدقيق ( الخثور)
شوفن طريقتي تعلمتها من بويا حبيبي ربي يشفيه ويطول في عمره
مرة شافنا ونحنا نخلطوا ف الدقيق ونصفوا فيه
ونصبوا في مرقة الحساء بحذر
خايفين يكلكع
قال كنكن معقدات الامور
هاتن فازو (برطمان) فاضي
حطن الدقيق
حطن المية
سكرن المغطة
خضن رجن امخضن
صبن حركن
ههههههه
وياعيني يا ابو الافكار
من يومها عشقت الوطن
أأأأأ قصدي من يومها ندير فيها
رحت؟
انا وين وصلت؟
اه في اللحظة هذي - والله يمسيك بالخير يا خالتي شريفة نتبع في وصاك من يومها
"الليمون قبل الخثور"
نعصره في المرقة
ونصب الخثور ونحرك ونخليه علي نار هادية يتكتك
مع التحريك البسيط مرة مرة بيش ما يرسيش الدقيق في ذيلها
بعدين نقمر خبزة
وحتى بشماط ياعيني
نصب الحساء ف القصعة



http://www.libyan-kitchen.com/gallery/images/img7865.jpg



او فلوكة تكون غارقة
مش فلوكة بحر حي عليكن!
ومنها نغرف ف الصونية التبسي الصحن اختارن



http://www.libyan-kitchen.com/gallery/images/img7867.jpg



ونبدوا ناكلوا بسم الله
احلى ما في الموضوع الشوية اللي تفضل في الصونية في الاخير وما يلمهش الكاشيك
نفتتوا عليها خبزة او شوية بشماط
وكان مازلنا ماشبعنش نزيدوا عليها شوية حساء اخرى



http://www.libyan-kitchen.com/gallery/images/img7868.jpg



احم!


:D


وصحة مية صحة
اتبقن علي خير

المغتربه
01-06-2011, 12:39 AM
هههههههههههه ماشاء الله عليك اسلوب وطرح روووعه وحساء اروع وبالذات الدرناوى بالحبق ومن ايدين وحده دمها خفيف زيك ربي يحفظك

للاهم
01-06-2011, 12:42 AM
تسلمي مغتربة
في منه شوية ف التلاجة تجي نسخنوه ونكسدوا عليه
لما يبات يبقى احلى

أمـ ساره
01-06-2011, 12:49 AM
ههههههههههههههههههههه

يعطيك الهني وخيتي للاهم

كلامك زي العسل زيك بالضبط

صحيحتين على قلبك

وسلمت ايدياتك حبيبة

نسمه ليبيه
01-06-2011, 01:19 AM
تسلم ايدياتك حتى انا درته بالقديد اللى معطيته ليا امى طبعا امى تشتغل بضمير القديد يرى بالعين المجرده ومن غير تلسكوب هههههههههههه اسلوبك العفوى عطى الموضوع والحساء نكهه سمحه

ابريكه
01-06-2011, 04:25 AM
سلمها وسلم حساءها
وسلم اسلوبها
حساء جوووووووووووووووعني خلاص
نزرط في ريقي منة
لون ومكونات والتصوير خلية بروحة
ماشاء الله عليك للاهم
سؤالي شنو نوع كميرتك ؟

نوارة ليبيا
01-06-2011, 02:08 PM
ماشاء الله تبارك الرحمن عليك ياللاهم

هههه فلووكه ابعتينا ^_^

ايهبل وروعه ويستحق التقييم والتمييز

وحيكون قيد التجربة

تسلم الأيادي وبانتظار الجديد

فضااوي
01-06-2011, 02:51 PM
ماشاء الله حساء يجي في الخاطر

سلم الدرناوية وسلم ايدياتهااا

زينب محمد
01-06-2011, 03:27 PM
حساء يجي في الخاطر

وكلامك عنه ووصفك له يسهف اكثر واكثر

الله يسلم ايدك وعينيك وست البيت غاليتي

هههههههههههههههه

صحتين وهناء على قليبك

kittygago
01-06-2011, 03:45 PM
ما شاء الله لا قوة الا بالله

يسلم هالإيديات يا حبوبة

أم أيوب
01-06-2011, 05:49 PM
اليوم بس قعدت نحب الحساء

من عمري ما ناكل فيه بس والله حساك جاء في خاطري

انشاء الله نجربه وندعيلك

يسلموا ايديك للاهم

للاهم
01-06-2011, 06:07 PM
العزيزة الذواقة
ام سارة تسلمي ، طيب المرور خيتي

للاهم
01-06-2011, 06:10 PM
هههه لا نسمة ليبية
ماهو حتى انا زي امك
قديدي ( قرقوشي) كبيررر
بس اللي ينشاف بالتلسكوب الفتاريش اللي فاضلات في قاع الزير
القرقوش عدا من زمااان ومابقي مغير الدهان
:(

للاهم
01-06-2011, 06:13 PM
يا ناري يا بريكة حسني زعلت.
جربيه خيتي بيش ما يمشيش ف خاطرك
كاميرتي:
Canon
Power Shot SD790 IS

للاهم
01-06-2011, 06:23 PM
شكرا الغالية نوارة ليبيا عالتقييم والتمييز
نراجو في تطبيقك

السمحة
01-06-2011, 06:25 PM
هههههههههههههههههههههه يعطيك احبيبة وخلاص فى لسانك اللى ينقط عسل
سلمها زوجة الدرناوى اللى واخذة طبع الدروناة حساء صح و100فى 100خاصة علية خبيزة تنور بايتة وارفس الفلفل وهاكى يامعدة اجعنك ماتردى هههههههههههههههه
مع تحياتى السمحة بنت درنة اب عن جد

للاهم
01-06-2011, 06:27 PM
فضااوي خيتي شكرا ليك
تقدري اديريه بدقيق القمح عشان يكون هلثي ومنخفض السعرات ويستفيدن الرشيقات
بس بيني وبينك انا عادة ندير فيه بدقيق القمح لما يكون راجلي بياكل منه ونقعد ناكل فيه وانا زعلانة خفية
بس المرة هذي درته مخصوص ليا حااار وبدقيق الفارينة
ربي يعينه على الهلثي والفيتامينات والوكال القفار :)

للاهم
01-06-2011, 06:31 PM
شكرا يا زوبة خاطري تذوقي منه - بس مايجي شي حذا الجاري متاعك يسهف
من امس وانا نتحنون هالمهشهش
ومكرونتك البكبوكية
الله يعين ونديرهن اليوم

للاهم
01-06-2011, 06:32 PM
شكرا كيتي قاقو
طيب المرور خيتي

للاهم
01-06-2011, 06:36 PM
زهورة فاهمة شعورك
حتى انا مرات مايعجبنيش
في اللي يديره مدهن والا يكون قديده غاوي
او لأي سبب من الاسباب
ومرات مايزبطش
يجي مرخي
واللا ناقص ملح
او حاجة غلط فيه
تبيله نفس
هذا اللي اكتشفته
اكتشفت اني لما نديره بدقة يفلت
ولما نديره بسرعة من غير مانفكر فيه يطلع عال العال
الحاجة اللي نحبها ف الحساء انه يكون غليظ حبتين
ومبزر - يعني عينه صفرة - وما تكثريش الطماطم الحكة
كثري الطماطم الخضر يجي افوح

ام انسام
01-06-2011, 07:18 PM
ياعيني ياعيني
المرة هادي بنقولك نفس طريقتنا الفرق الوحيد
منديروش في الحبق وملحقاته
ونسموا فيه اللوسة وراهو يجي حتى مع البازين قنين عالاخر
ربي يسلم هاليديات وينجيك ويرزقك بصغيويرة يملوا الحوش

للاهم
01-06-2011, 07:21 PM
http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة السمحةhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gif يعطيك احبيبة وخلاص
علية خبيزة تنور بايتة وارفس الفلفل وهاكى يامعدة اجعنك ماتردى

حلوة يعطيك حبيبة يا السمحة
نا غالي علي نقول يعطيك عصيدة

غلبتيني فاتتني خبيزة التنور
ام عن المعدة ما تسألي
امفرية من سنين - واجدة :cool: - من اجيال الفلفل المبطط الخارق المارق
ههههههههههههه
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

تجويد
01-06-2011, 07:42 PM
يعطيك الهنا ياللاهم الحساء يهبل واسلويك هو اللي خلى الحساء يجنن ويجي في الخاطر .

الساجدة لله
01-06-2011, 10:41 PM
يسلم سدساتك حبيبة وماشاء الله عليك في الاسلوب والحق كلامك اللي زي العسل يخلي فينا نتمنو ناكلو الصورة ههههههههههه

بنية بوها
01-07-2011, 02:24 AM
سفهتينا وتسلموا ايدياتك واسلوبك رووووووووووووعة

ابريكه
01-07-2011, 02:37 AM
شكراً للاهم على اهتمامك وردك وتتهني بيها ان شاء الله
بانتظار جديدك المتجدد

نسيم البحر
01-07-2011, 02:52 AM
ماشاء الله اعليك ياللاهم ربي يعطيك اصحيحتك ويخليك لصغويرتك ومولاء بيتك

أم إيناس3
01-07-2011, 12:46 PM
يسلموووووووووووووووووو

** white rose **
01-07-2011, 01:46 PM
روووووووووووعة

تسلم إيديكي

نعومي نت
01-08-2011, 12:10 AM
يسلمواإيدياتك
جاري التطبيق لغداء بكرة إن شاء الله

للاهم
01-08-2011, 12:14 AM
وعد الحر يا نعومي
بكرة بنشوفك نزلتي التطبيق
طيب المرور خيتي

للاهم
01-08-2011, 12:19 AM
شكرا معلقات العزيزات الماهرات
ام انسام ايه سمعت عاللوا وزوبة انظني دايرتها بالبازين وربي يسمع دعاءك
تجويد تسلمي
ساجدة تسلمي
بنية بوها تسلمي
نسيم البحر ويخليلك احبابك
ام ايناس3 تسلمي
وايت روز تسلمي
طيبنب المرور خياتي

خدوج
01-08-2011, 01:07 AM
تسلمى حساك يسهف خاصة فى هالبرد
اللى يجمد
تسم ايديك

ام عبدالمعز
01-08-2011, 10:18 AM
يسلمو ايديك للاهم

انسجمت مع موضوعك بطريقة مش عادية

كلامك زاد من جمال الموضوع

نفس طريقتي علي فكرة

صحتين وعافية يارب

مهاجره ليبيه
01-09-2011, 06:43 AM
يا وخيتي سلمها
وسلم حسها وسلم يدياتها
وسلم لسانك
هههههههههههههه
تهبل طريقتك في شرح الوصفه
صحتين على قلبك حبيبتي

ام رواسي
01-09-2011, 08:50 PM
يم يم يم
حساء شكلة ايسفة
يسلمووووو ايديك

امتنان
01-11-2011, 05:51 PM
روعة عاشت الايادي

henda
01-13-2011, 10:40 PM
الله زى حسئ الشرق
مشاء الله

يجنن وجوعتينى


ومحلاه فى هالصقع


سلم ايدياتك

روح مغتربه
01-14-2011, 01:42 PM
الله يهنيك يا الاهم ويعطيك الصحه والي يقره كلامك ايقول عليك متحبيش المطبخ والتطيب بس الحقيقه انك ست بيت وطباخه درجه اولي و من عشاق الاكلت القديمه والفايحه يسلمو ايديك

ناني2007
01-28-2011, 08:11 PM
يسلمو ايدياتك ياللاهم امس شفت موضوعك وطول على المطبخ ...وطلع معي احلى حساء درناوي بس من ايدين غرباوية خخخخخخخخخخخخ

المستعينة بالله
01-28-2011, 10:37 PM
تسلم ايديك حبيبتي

وصحة وهنا علي قلوبكم

الساجدة لله
02-09-2011, 02:57 PM
انا جربته وطلع ماشاء الله مش عادي بس بزيت الزيتون والدهان والله مانقدره ههههههههههههه انتظري التطبيق

اناواخواتي
02-09-2011, 04:03 PM
يمي يمي جي في خاطري في هالصقع

QUEEN
02-15-2011, 06:10 PM
حساء ايهببببببببببببببببببببببببببل والاحلي منه طبعا اسلوبك وطريقة طرحك للموضوع
ههههههههههههههههه بصراحة ايسهف
بالصحة والهناء علي قلوبكم

ام سراج 3
02-15-2011, 09:30 PM
يسلمووووووووو

ام سراج 3
02-15-2011, 09:45 PM
يسلمووووووووو

مشاغبة المطبخ
02-16-2011, 06:08 PM
احلا ما فى الموضوع اسلوبك الرائع

اريناس
02-16-2011, 11:34 PM
ههههههههههه ماشاء الله عليك اسلوب وطرح روووعه وحساء رائع و ومن ايدين وحده دمها ربي يحفظك


وبصرراحه ريتنى جااارتك خليهااا ررروحى

طرابلس
10-08-2011, 12:38 AM
بارك الله فيك علي الوصفة الحلو اني اول مرة نسمع بيها بس بأذن حنجربها لانها فكرتني برشدة البرمة

ام بيلسان
10-08-2011, 12:44 AM
مشاء الله تبارك الرحمن علي ايدياتك

Om Saga
10-12-2011, 02:39 AM
تسلم إيدياتك المعدلات ياربي
منورة بكل موضوع تنزليه
موفقة أختي

الساجدة لله
12-25-2011, 06:11 AM
طبعا الحساء هذا جربته وعجبني وبااذن الله نديره مرة تانية ونصورة على شانك ياللاهم

للاهم
12-25-2011, 06:17 AM
سلمك طيابة سجودة
خشي للمشلتت عدلت صوره
صحيحة مقدما

mnona
12-25-2011, 01:16 PM
http://www.libyan-kitchen.com/gallery/images/126719yry.gif

أم إيناس3
12-26-2011, 06:35 PM
يسلمووووووووووووووووووو

بنت الاشراف
04-29-2012, 08:37 PM
سلمت يداك

أسماء القائد
04-29-2012, 11:46 PM
سلمت يدياتك

كيمو 2010
04-30-2012, 12:03 AM
امي درناوية يعني خوالي دراونة الله الله على الحساء ومعاه الليم نقعدو انفتو في الخبزة وناكلو مشكورة اختي

أوركيدا
04-30-2012, 11:37 AM
يسلمو الايادي

شكلها حلوة

نسيبة
04-30-2012, 06:19 PM
تسلم الايادي حبوبة

luba
05-05-2012, 10:11 PM
رووووعه اه يسفه ياخد العقل حسيت بحرارته في قلبي
يسلم اليدين وبارك الله فيك وان شاء الله نجربه مع التلج العام الجاي هههه ياحي

ام ميرال
09-04-2012, 04:22 AM
يا حبيبي خفة دم وخفة حساء
منظره ايهبل شوقتيني انجربه
لان خلاص عشش في الدماغ

الصابرة
09-04-2012, 06:01 PM
تسلم دياتك

بنت حواء
12-20-2012, 08:38 PM
حساء يشههههههي ويدفي هذا وقته يممممممم
تسلم الأيادي لك تقييمي وأحلى نجوووووووم

أم خديجه
12-23-2012, 10:04 AM
ما شاء الله لاقوة الا بالله
روعه اسلوبك وطريقتك في كتابت الوصفة

استمتعت جدا بقرائة المكونات والطريقه من كلماتك وسلاسة تعبيرك

بارك الله فيك

تسلم ايدياتك علي الحساء

جاري التقييم

أم ملك
12-23-2012, 03:27 PM
تسلم الايادي وجاري التجريب

أم ملك
12-23-2012, 05:31 PM
على فكرة مشكورة جداً اليوم درته غذاي وطلع تحفة وحنزل تطبيقي بعون الله

المصراتيه
05-11-2013, 01:39 PM
ههههههههههههههههههههه

كلامك زي العسل

يعطيك الصحه وتسلم يدياتك يهبل ويسههههف