المساعد الشخصي الرقمي

مشاهدة النسخة كاملة : [ بوريك سبانخ ] من مطبخ للاهم



للاهم
01-07-2011, 09:34 PM
http://www.libyan-kitchen.com/gallery/images/twiri.jpg http://www.libyan-kitchen.com/gallery/images/twiri.jpg
http://www.libyan-kitchen.com/gallery/images/twiri.jpg http://www.libyan-kitchen.com/gallery/images/twiri.jpg



خير يا بنات


حال الصقع والجمود




نحنا نحبوا السباناكا ( السبانخ )


وانا نحب الحاجات اللي ينحطن قريبات من مدت اليد


بيش لما الواحد يجوع بعد الغداء او العشاء يلقط منهن


ومنهن البوريك او الفطيرة


اللي جايبته لكن توا مش عارفة نسميه


نشوف فيكن تقولن خبيزة محشية


بس انا نقول بوريك


بوريك سبانكا


وما عنديش عجينة معينة


مرة باللي فاضل من عجينة البيتسا


مرات عجينة الخبزة

ومرات اخرى عجينة السفيحة
ومرات من الكساد وحالات البيارة المؤقتة
عجينة بيتسا جاهزززززة



بس المرة هذي عجينتي كانت:


3 كوب دقيق

نص ملعقة قهوة خميرة خبزة

كوب وربع زبادي

Sour creamوماكانش عندي درته بـ

مش عارفة ايش يقابلها عندنا ما اظنش

هي لبنة !

2 ملعقة طعام زيت

نص ملعقة قهوة ملح

نص ملعقة قهوة سكر

ربع كوب ماء دافي








المهم عجنت العجينة وخليتها تخمر يجي ساعة زمان




http://www.libyan-kitchen.com/gallery/images/img7869.jpg




وبعدين قرصتها قريصة وريحتهن


وكنت في الاثناء بديت نضفت السباناكا كويس - افطنن - اكثر من غسلة واللا تجي تقزقز من الرملة


المهم وقرضتها خشن


وحطيت ذبلتها في طنجرة من غير امية


اميتها منها فيها


طلعتها وحطيت صفيتها ف صفاي مع الضغط عليها بيدي زين




http://www.libyan-kitchen.com/gallery/images/img7876.jpg





قرضت راس بصل وشوحته في الزيت مع فلفل احمر مطحون


وزدت الثوم







http://www.libyan-kitchen.com/gallery/images/img7873.jpg






حطيت السباناكا


وزدت عليها شبت مقرش خشن


ومعدنوس






وتبلت الخليط بملح ونعناع يابس – وكان تبّن فلفل اكحل – انا ممنوع عندي


ولما نشفت


عصرت عليها نص ليمونة


ومفروض هنا نحطوا الجبنة البيضا المالحة


بس برضو ماكانش عندي


اكتفيت بقطعة موزاريلا عند لف البوريكة


او الفطيرة


جينا للعجينة


خذيت القرص وسهلته بيدي


ومديته بالضرابة مستطيل



ودرت فيه خطوط عمودية


وحطيت بعض من السباناكا

وفوقها قطعة موزاريللا


ولفيت






http://www.libyan-kitchen.com/gallery/images/img788tut.jpg




وواسيتها على شكل بيضاوي




http://www.libyan-kitchen.com/gallery/images/img7885.jpg




وانتن وتفننكن


انا ديما نشكل


حسب المزاج


http://www.libyan-kitchen.com/gallery/images/2011wvw.png





ودرت معاه سلاطة تن





http://www.libyan-kitchen.com/gallery/images/img789hwh.jpg





ومكرونة جارية


اليوم مزاجي معكر عشان هكي قلمي دمه تقيل سامحني


بس البوريك جا يجنن






تبقن علي خير

أم أيوب
01-07-2011, 10:33 PM
يسلمن ايديك للاهم منظرهم يجنن

بس سؤالي انتي كاتبة في المكونات نص كوب خميرة خبزة

انتي قصدك نص كوب ماء وفيه خميرة أم نص كوب خميرة بروحها؟؟؟؟

الجبليه
01-07-2011, 10:37 PM
مشاء الله شكلها جميل

نوارة ليبيا
01-07-2011, 10:47 PM
ماشاء الله يالغالية تبارك الرحمن رووعه ^_^
من ايد مانعدمها

المغتربه
01-07-2011, 11:02 PM
سلم ايدياتك وربي مايحرمك من طويرك

بنية بوها
01-07-2011, 11:15 PM
الله عليك وتسلم ايدياتك وانشالله ماعاد يتعكرلك جو

للاهم
01-07-2011, 11:39 PM
مش قلتلكم الحالة غيوم عندي؟
هابا
هو نص ملعقة صغيرة خميرة خبزة يا زهورة الامورة
انا ماحوتك نزلت هالموضوع عك معايا واجد
شوره انا اللي مزاجي مش ولابد ما با يسلك معايا
سامحيني
عدلت الخطا
وشكرا لانتباهك

للاهم
01-07-2011, 11:39 PM
وانتِ اجمل يالجبلية

للاهم
01-07-2011, 11:40 PM
يحلي ايامك نوارتنا
طيب المرور خيتي

للاهم
01-07-2011, 11:43 PM
هههه والله يالمغتربة ما تطلع مني الحاجة سمحة لو طويري مش حذاي يونسني
مرات نقعد نحكيله بيش ما ننهبلش من الملل
سلم هالمنتدي ملالي الفراغ
وخلاني يا اما لاصقة في المطبخ يا طايرة عالسوق نجيب مكونات اكلة
بس نطيب مقدار صغير
خوذي عندك المقدار هذا درت نصه

للاهم
01-07-2011, 11:44 PM
ولا تنظري اللا الخير والهنا
شكرا يا بنية بوها
طيب المرور خيتي

أمـ ساره
01-08-2011, 02:10 PM
ماشاء الله بنية بوها


شكلها ايهبل وباين ان بنتها أحلى وأحلى


تعرفي لو اني جوي معكر ما اتجيني الحاجة باهية بكل ماشاء الله عليك



سلمت ايدياتك حبوبة وربي يبارك فيك ويشيل همك يارب



وبالنسبة لـ Sour cream هو الكريمة الحامضة

الساجدة لله
01-08-2011, 06:33 PM
تسلم ايديك حبيبة البوريك رائع

للاهم
01-08-2011, 07:01 PM
ام سارة ههههه شكلي مش بس انا اللي دايخة
الله يخليلنا بنية بوها ويخليلها بوها
راني للاهــــــــم يا ام سارة هاللوووووووو!! ههههههههههههه
وعارفة ان ترجمتها كريمة حامضة - بس اللي مش عارفته ايش يقابلها عندنا ف السوق الليبي بيش نسهلها للبنات
ونصيحتي الالتزام بالزبادي افضل
واخف
للاهم بنية بوها

للاهم
01-08-2011, 07:02 PM
تسلمي الساجدة لله
طيب المرور خيتي

ابريكه
01-08-2011, 07:20 PM
يسلم يدياتك نحب هالتشكيلة وخاصة بالعصرية وبرمضان وتقديمها حلو للضيوف
واوخيتك زيك ما اتقيد باي عجينة اللي متوفرة عندي اندير بيها مرات والله دقيق ومية وخميرة
نجيك ونجي طويرك اللي يحادي في أطباقك
وربي يبعد عنك الهم والنكد
بانتظار جديدك للاهم

ام رواسي
01-08-2011, 08:01 PM
راااااااااااااائع
يسلموووووووووو ايديك

kittygago
01-08-2011, 08:36 PM
ما شاء الله لا قوة الا بالله عليك

طريقة واضحة و حلوة مرة ما شاء الله

يسلم ايدياتك يا حبوبة و يبارك فيك

اريناس
01-09-2011, 01:52 AM
صحيتى وديمه ان شاء الله جوك سمح

أم إيناس3
01-09-2011, 02:29 PM
يسلمو ايديك على ابوريك

طمطم
01-09-2011, 09:07 PM
يسلمو يديك حبيبة عالخبيزات...... طريقة تشكيلها روعة ما شاء الله

حلو توقيعك الطائر..... ربي يفرج همك

ام انسام
01-10-2011, 03:26 PM
سلم ايدياتك ياللا
ماشاء الله ابدعتي في اللفة
وخيرك العفو مزاجك متقلب راهو حق حسيت بيك من اسلوبك
عوتينا على اسلوب معين في الكتابة لكن اليوم ياودي امهأه
وخلاص راهو زي ماعوتينا استمري
ربي يسعدك ويهنيك ويريح بالك حبيبتي

ام عائشة
01-11-2011, 12:10 AM
ماشاء الله
تسلم ايديك

ليبيا قلبى
01-14-2011, 05:30 PM
اممممممممممم
تسلم ايدك

ام عبدالمعز
01-21-2011, 11:41 AM
يسلمو ايديك للاهم روعة ماشاء الله

صحتين وعافية يارب

السمحة
01-21-2011, 03:41 PM
تسلم ايدك حبيتى
حتى كان المزاج معكر كلامك طالع مثل السكر
تحياتى

حنان
02-12-2011, 07:05 PM
ماشاء الله يسلم ايديك يارب
دائما مميزة عزيزتى

guidona
02-12-2011, 07:22 PM
سلمها للاهم روعه روعه جاي معاك وتشكيله حلوه وان شاء الله ديما مزاجك ميه ميه باش تبدعي وتورينا الفنيات ماشاء الله عليك

~~ ضوء القمر ~~
02-13-2011, 01:06 PM
يعطيك الف صحة على الطعم والشكل
تسلم ايديك اختى العزيزة
وتحية مني لك وللعصفورة اللي في صورة

فضااوي
02-17-2011, 10:00 PM
ماشاء الله

طالعة معاك رووووعه

تسلم الايااادي يالغلا

Om Amory
02-17-2011, 10:49 PM
يسلمو ايديك ياغاليه

QUEEN
02-18-2011, 09:43 AM
تسلم ايدياتك بوريك يفتح النية
وشكله ايهبل
صحيحتين يا ام دم شربات علي قولت اخوانا المصريين

Om Saga
02-19-2011, 07:47 PM
الصرحة تهبل وفي قمة الدقة
منورة للأهم الحبوبة
وخيرة جوك لالا كل شئ ولا الحبوبة الغالية
منورة المنتدى أختي

nonna
11-25-2011, 10:00 AM
افكارك رهييييييييييييييييييييييبة
يسلموووووووووووووووو

guidona
11-26-2011, 07:58 AM
ماشاء الله

نسيبة
12-14-2011, 08:52 PM
روعة تسلم الايادي حبيبة

ام ليبيه حره
12-14-2011, 10:27 PM
يسلم ايديك
بارك الله فيك

اسراء
12-14-2011, 11:14 PM
ساعدوني انا اول مره ادخل واشارك في منتدي

اسراء
12-14-2011, 11:18 PM
بدي واحده ترد عليا وتساعدني من فضلكم

lolo1971
12-15-2011, 12:23 AM
مشاء الله شكلها جميل

نعومي نت
12-15-2011, 09:27 AM
بسم الله ما شاء الله شغل مرتب
يسلموا إيديك يا للاهم

أم إيناس3
12-20-2011, 03:19 PM
يسلموووووووووووووووووو

المروالوردي
04-21-2012, 06:30 AM
شكلها ايهبل امالا لو كان المزاج رايق كيف جت

إن شاء الله كل أيامك حلوة بلا نكد

يسلمو

أسماء القائد
04-29-2012, 09:46 AM
http://images.imagehotel.net/xynja94l4l.gif

بنت الاشراف
04-29-2012, 09:59 AM
سلمت يداك

luba
05-02-2012, 06:18 PM
بسم الله ماشاء الله بارك الله فيك
واجعله في موازين حسناتك
وتسلم ايديك يارب

الصابرة
04-20-2013, 04:50 AM
تسلم الايادي ويعطيك الصحة

نسمه ليبيه
05-05-2013, 04:25 PM
يسلموا ايديك

المصراتيه
05-21-2013, 09:35 AM
ماشاءالله
روووعه
تسلم الايادي ويعطيك الصحه