المساعد الشخصي الرقمي

مشاهدة النسخة كاملة : صحن يصلح لتقديم الأكل وخصوصاً البازين في المناسبات الاجتماعية الليبية



سحابه صيف
01-07-2011, 09:57 PM
اخواتي في الله


اليوم وانا نتقلب في احد المنتديات لفتت نطري هدي الصونيه للبازين حسيتها


كويسة ومش كويسة الحق


كويسة في انها كل واحد يا كل في الجهه بروحه وتعرفي البازين كيف انت


ومش كويسة ىل=انحس فيها مش عملية


المهم حبت انزلهلكم وتشوفوها ونشوف تعليقاتكم عليها
http://img832.imageshack.us/img832/5594/91661510.png

الساجدة لله
01-08-2011, 10:22 AM
والله هي كويسة من ان كل شخص ياكل في الاناء الخاص بيه , انا عن نفسي عجبتني موفقة سحوبة

أمـ ساره
01-08-2011, 01:10 PM
سبحان الله اختراع والله, كل شي ايديروله حل

بصراحة اني ما ناكل في البازين ولا اندير فيه

اختي لما شافتها قالت هذه بيديروها للبازين المعلب هههههههههههههههههه


سلمت سحوبة على الموضوع الحلو زيك

جميلة الكون
01-08-2011, 01:38 PM
والله الفكرة حلوة وعجبتني هلبا وضحكتني في نفس الوقت
مشكورة وصححتين علي البازين

guidona
01-08-2011, 06:25 PM
بالعكس حلوه وعجبتني ودرتها في دماغي ان شاء الله لما نرجع لليبيا

ابريكه
01-08-2011, 10:30 PM
خطيرة هالصينية
فكرة حلوة رغم ان الكبار مايحبوش ياكلو الاكلات القديمة الا في صينية وحدة
زي ماقات غيدونا اروحو لارض الوطن ونفكرو فيها ان شاء الله
تقييم حلو تستاهلين سحوبة

خدوج
01-08-2011, 10:41 PM
تسلمى سحوبة
انا عجبتنى لافراد اسرتى(فقط)
بس للمناسبات نشوفها مش عملية

فيراك
01-08-2011, 10:55 PM
السلام عليكم.................!

معلينا اتغيرت العادات الليبية ومن اين اشترتي الصحن مشا الله علية.

ام انسام
01-10-2011, 03:54 PM
شفتها مندكرش في اي محل
ولكن بصراحة معجبتنيش انحسها مش عملية
منورة سحوبة عالموضوع

بنية بوها
01-10-2011, 09:13 PM
فكرتها حلوة لكن نحس فيهم مايكلوش فيها ومش عارفة لكن اني عن نفسي عجبتني منورة سحوبة

فضااوي
01-13-2011, 03:49 PM
طبقو المثل اللي يقول

اللي توحل فية دبرله هههههههههههههههههههههه

بصراحة انحسهاا منظر اكثر منهاا عملية

أم أيوب
01-13-2011, 05:02 PM
البازين كان ما قعد في صونية اللوح متاع العود ما يطيبلي وكاله

ممكن نستخدمها الصونية هادي في حاجة تانية بس للبازين

صونية اللوح وبس

ام الحلوين
01-13-2011, 05:40 PM
الا البازين خلوه فى قصعته لا اختراع ولا حاجة اوختى هدا شن البازين بروحه والمرقه بروحها ماهيش عملية :mad:

ام عائشة
01-13-2011, 05:50 PM
السلام عليكم ورحمة الله وبركاته
الصونية غير مناسبة ابدا للبازين
قد تكون مناسبة لشئ اخر ولكن البازين
لا اعتقد انها تناسبه ابدا ابدا ابدا
مشكورة حبيبتي .. تقبلي تحياتي

طمطم
01-13-2011, 09:22 PM
هيا فكرة التقسيم مليحة وكل واحد يلعب قدام حوشهم براحته زي مانقولو..... لكن حكاية كركوبة البازين المتعلي فوق وحيد بلا حساء مش مهضومة

هههههههههههههههههههههه

تقبلي تحياتي وشكرا على مشاركتنا حبيبتي

ام رواسي
01-20-2011, 02:27 AM
حتى انى مع الاغلبية انحس فيها مش مناسبة البازين تمشى مع حاجات تانية ممكن
تسلمى

mnona
01-20-2011, 09:08 AM
http://www.libyan-kitchen.com/gallery/images/23.png

لا لا اسمعو ايوه كله الا البازين خوله في حاله
عقلي البازين ومحلاه ياكبادي لما يكون في صونية العود وهديكة الطبيخة الخاترة وارفسي براحتك

*****************

وخيتي صحيتي بارك الله فيك ولكن هذا رأأي فيها الصونية كل حاجة تبي حاجة والا شنو رأيكم

نوارة ليبيا
02-27-2011, 11:08 PM
مشكوووووورة والله يعطيك الف عافيه

سحابه صيف
09-26-2011, 02:08 PM
الله ايبارك فيكم جميعا اسعدني تواجدكن

نسيبة
09-29-2011, 04:22 PM
سلمها يا ربي حليوة و قنينة
شكرا لروعتك حبوبة

أم يمنى
09-29-2011, 07:03 PM
هيا حلوة , ولكن اللى بنقدمهاله زعمة يأكل والا يقولى هذا شنى اللى جايبتيه , مشكورة حبيبتى .

79nana
10-10-2011, 03:35 AM
لاحول ولاقوة الا بالله تراتنا وعاداتنا حتندتر شوية شوي

هده الصونية امتع زيتون ومخلالات ولا تشبس وصوصات حوليها هي هكي انخلقت مش عاد للبازين حني كنا نتميزو بالشراكة في الاكل يعني ناكلو من صحن واحد وهده احلى صفة في العرب وعاد كان قلتو لا مانبوش ناكلو من نقس الصونية موضوع تبلبيز ولا عايافة كل واحد ديروله صوينية بروحها علي قد الضيف عاد هي هي لما القمة في الوسط في كل مربع مرقة تجي مقفصة واخي لان اللقمة عالية والمرقة واطية اتقول ملاهي

عن نفسي مانحبش الابتكارات الي مافيهاش عقل غير فكرو فيها بس

سامحوني هادس وجهة نضري وبصراحة غرت علي عاداتنا وتراتنا رغم اني طرابلسية مش تراتنا الاصلي البازين ولاكن والله غرت علي الاصالة في بلانا

تحياتي

Om Saga
10-10-2011, 03:46 PM
الصورة مهناش خسارها كنت ملهوفة نبي نشوفها
تسلمي سحوبة على العموم

ام بيلسان
10-10-2011, 07:11 PM
بعيد وبرا وااااااااك امان ياربي امان
هي الناس من كثرة اشغالها يتلقوو مرة في الاسبوع ويدرو في هذاك البازين وصنته وبنته فها الزايد مع العايلة ويتقابلو علي صونية العود ويبدو في هذاك الرفس ويزدو في الطبيخه
وحيها حيهها كان الطبيخه تمت والبازين ماتمش كلهم اينضو متكنطين
ههههههههههههههه
انا عن نفسي وعائلتنا وعائلة زوجي مانحبو ناكلو البزين الا في صونية العود
و اما صونية الموضة هذه خلوها لي اهلها
كل واحد في حالة ياسر في الحياه العادية
اما لمة البازين خلوها لناسها هما الي يعرفو قانتها وقيمتها


استحشتك ياليبيا ولمت العيله
نوضتو عليا جروحي ياسحوبة

ملكةالرومانسيه
11-02-2011, 04:34 AM
http://www.libyan-kitchen.com/kitchen/../gallery/images/141888zvz.gif

ملكةالرومانسيه
11-02-2011, 04:36 AM
http://www.libyan-kitchen.com/kitchen/tahasoft.com_1/misc/quotes/quot-top-left.gif اقتباس http://www.libyan-kitchen.com/kitchen/tahasoft.com_1/misc/quotes/quot-top-right.gif
http://www.libyan-kitchen.com/kitchen/tahasoft.com_1/misc/quotes/quot-by-left.gif المشاركة الأصلية كتبت بواسطة 79nana
http://www.libyan-kitchen.com/kitchen/tahasoft.com_1/misc/quotes/quot-by-right.gif
http://www.libyan-kitchen.com/kitchen/tahasoft.com_1/misc/quotes/quot-top-right-10.gif



لاحول ولاقوة الا بالله تراتنا وعاداتنا حتندتر شوية شوي

هده الصونية امتع زيتون ومخلالات ولا تشبس وصوصات حوليها هي هكي انخلقت مش عاد للبازين حني كنا نتميزو بالشراكة في الاكل يعني ناكلو من صحن واحد وهده احلى صفة في العرب وعاد كان قلتو لا مانبوش ناكلو من نقس الصونية موضوع تبلبيز ولا عايافة كل واحد ديروله صوينية بروحها علي قد الضيف عاد هي هي لما القمة في الوسط في كل مربع مرقة تجي مقفصة واخي لان اللقمة عالية والمرقة واطية اتقول ملاهي

عن نفسي مانحبش الابتكارات الي مافيهاش عقل غير فكرو فيها بس

سامحوني هادس وجهة نضري وبصراحة غرت علي عاداتنا وتراتنا رغم اني طرابلسية مش تراتنا الاصلي البازين ولاكن والله غرت علي الاصالة في بلانا

تحياتي
http://www.libyan-kitchen.com/kitchen/tahasoft.com_1/misc/quotes/quot-bot-left.gif
http://www.libyan-kitchen.com/kitchen/tahasoft.com_1/misc/quotes/quot-bot-right.gif صدقتى والله