استفسار عن محلات بيع اكسسوارات الفجرة ( الفضة ) في مدينتي بنغازى والبيضاء

[المغتربه]

السلام عليكم ورحمة الله وبركاته


يا بنات انا عندى مناسبة ونبي دنادين واكسسوارات شعر تكون فجرة زى فجرة العبروق


ويكونن دائريات وكبار حتى لو مقلدات


بس ما نبيهنش ايجار نبي شراء


لانى شريت لبسة تبي الستايل هذا


فيا ريت اللى تعرف محل معين تقولى اسمه واسم الشارع


الله يخليكن وانا توا ندعيلها من قلبي :)

[أم أيوب]

أهلين مغتربة

انت من بنغازي أم البيضاء؟؟؟

لو من البيضاء نسألك زوجي وين يبيعوا فيهم لأنه عنده محل ذهب وفضة وأكيد يعرف

الستايل اللي انتي تبيه

[السمحة]

وعليك السلام فى محل فى البيضاء خاص بالفضة والمغطوس ونفس لبس الجلسة الليبة روعة بس والله نسيت اسمة ممكن زهور اتجيب معلومات اكثر
انا من درنة

[ليبيا قلبى]

انشاء الله
نسألك وانجوبك
لانى انا مانلبس لافى العربى ولا فى العبروق

[أم أيوب]

حبيبة سألت زوجي قالي انه في البيضاء يجيبوا فيهم حسب الطلب

لكن في بنغازي في محل اسماه المستيري يبيع فيهم

لو كنتي من البيضاء ممكن زوجي يوصلهم لكي لعند هنا وتاخديهم من المحل متاعه

انتي بس قولي شن اللي تبيه وحاضرين

[المغتربه]

الف شكر حبيباتى على المرور والاهتمام زهوره لو ممكن تجيبيلى وصف محل المستيري فى بنغازى واسم محل زوجك ووصفه فى البيضاء لانى انا مش من البيضاء ولا بنغازى بس منا سبتى فى البيضاء وحنمر على بنغازى ولو ما لقيتش وقت نمر لمحل زوجك

[أم أيوب]

حبيبة توة نسألك على وصف المحل ونرد عليك اليوم بالليل انشاء الله

ولو تبيهم هنا في البيضاء قوليلي قبلها بكم يوم عشان يلحق يجيبهم من بنغازي

[المغتربه]

الف شكر على اهتمامك زهوره مش غريبه على عرب البيضاء

[أم أيوب]

الف شكر على اهتمامك زهوره مش غريبه على عرب البيضاء

الله يبارك فيك حبيبة

بس توضيح أنا من بنغازي ومتزوجة في البيضاء

وزوجي من مصراته بس عايش في البيضاء

انشاء الله اليوم نرد عليك حبيبة