[ تمت الاجابة]طريقة ورق العنب

[mnona]

السلام عليكم ورحمة الله وبركاته
اهلا وخياتي كيف حالكم اليوم
ان شا الله تكونو في احسن حال
اني بصراحة ومن غير مقدمات نخش في الموضوع
زوجي الله يصلحه شرالي ورق العنب المخلل
وقالي ديريلي منه واني بصراحة جربته بحشوتنا المعتادة
للمحاشي مجاش بنته حلو :D ومتقولوش لحد لما روح من العمل
سألني عليه قلتله مازال مجربتاشي :cool::rolleyes:
فياريت منكم تنقدوني من هالورطة وتقولولي علي طريقة 100% مضمونة
وياريت متعطلوش عليا
ومشكورة هلبااااااااا

[mnona]

تي وينكم هيااااااااااااااا معقولة مافي رد:confused:

[المستعينة بالله]

مرحبتين حبيبتي هذه طريقتي لمحشي ورق العنب وارجو ان تنال اعجابك

كوب رز مصري
بقدونس حزمة + شتب حزمة+ حزمةكزبره ( مفـروم فـرم ناعم )
حبة بصلة ك ( مفـرومه فـرم ناعم )
2حبة طماطم طازجه كبيره مقـطعة إلى قـطع صغيره
م ص فلفل اسود ملح حسب رغبتك وفلفل احمر وكركم
2 ملعقة طعام صلصة الطماطم
نصف الكوب عصير ليمون + ثلاثة أرباع الكوب زيت زيتون
بطاطس مقـطع حلـقات توضع في قاع الطنجرة

الطريقة

تخلط مقادير الحشو جيدا وتحشي ورق العنب ويلف ويوضع بالطنجرة
وتاخد ماء وملح وطماطم وملح وفلفل وتخلطيهم كويس وتسكبيهم بهدوء
ضعي طبق ثقيل فوق ورق العنب حتي لاتتحرك حباته اثناء الغلي
اسكبي كمية الليمون والزيت واتركيه حتي ينضج وينشف من الماء
وصحتين

[mnona]

صحيتي بارك الله فيك ** المستعينة بالله ** عالطريقة والله جربتها ومشت امورها تمام
بس زدت عليها نعناع وثومة لما تستفي ورق العنب في الطنجرة ضيفيله نعناع اخضر مفروم وثومة وليم وزيت يجيك مية مية حتى زوجي عجبه الله يسترك دنيا وأخرة يارب

ومشكورة هلباا هلباا

[أمـ ساره]

صحيحتين على قلوبكم منونا

والحمد لله جاك كويس

وربي يبارك في وخيتي المستعينة

[للاهم]

خير منونة
عندك حق مايجيش ورق العنب ابراك المخلل فايح لسبب ان المواد الحافظة تغير طعمته
انتِ ما قدامك الا انك تعتمدي طريقة المستعينة ويجيك فايح
بس خياتي من يوم وغادي ديرن حاجة
وين ما تلقن ورق عنب - في دالية - ف السوق - في مزرعة هلبتن عليها ;)
لمن ورق العنب واغسلنه كويس
وستفنه ورق ةفوق ورقة بنظام
وغطسنه في امية ساخنة في طنجرة على النار دقيقة لين يتغير لونه
وبعدين خلنه يسقطر او صفنه مع المحافظة ما امكن على ترتيبه
وستفنه كمية وجبة في علبة بلاستيك بحجمه وخزننه في الفريز
كل ما احتجتن تستعملن منه
اجبدن علبة او اكثر حسب حجم الغذاء
وخلنها بره تطلق
وما تلمسنه نين يسترطب عالاخر والا يتكسر منكن
وديرن ابراككن ضولمتكن وصحتين
في اللي يحط لورق من غير تذبيل ماننصحكنش لأني مرة كسلت وحطيته طول ف الفريز = جاء الابراك حرش :eek:

[الساجدة لله]

يسلمو اختي المستعينة وللاهم كفت ووفت في طريقة التخزين

[mnona]

صبااااااااااااااااااااحوا

يسلموا الحلوات :p وربي يحفظكم

[ام الجميلات]

المحاشي ورق عنب نفس طريقتنا غير ما تعبيش الورقة هالبة باش تلفيها باهي وتجيك اللفة حلوة
الحشوة ارز مصري المكركب ولحمة مقرظة صغيرة شوية بهارات نعناع يابس ليم قارص شوية خل وملح