عجائب الرجل الليبي

[ranaa]

من ايميلي
من
عجائب الرجل الليبي





كان جاع
هبل


,,,


وكان شبع
رقد


,,,


وكان رقد
معاش ينوض


,,,


وكان ناض
طلع


,,,


وكان طلع
معاش يجي لعقاب الليل


ويرقد


,,,


ولو طلبتي
منه اي شيء غضب .


لايعرف
الحرية.


وبعيد كل
البعد عن الديمقراطية.


ومن
الطلبات عنده حساسيه.


وزوجته
دائما منسيه.


وافكاره
سطحيه,


وابتسامته
غبيه


ومشاريعه
اوهام أو خسرانه أو ملغية


,,,,,,





وبعد كل هدا يقول انا مافيش مني


.....






2 قويالمفعول

[التا ئبه لله]

ههههههههههههههههههههههههههههه

يعطيك الهنى يا رنونا غير وينه

شنبيرك خلى يقرا زوجته شن كتبة

خخخخخخخخخخخخخخخخخخخخخ

[سحابه صيف]

لالالالالالالالالالالالالا شنبيري مش هكي ههههههههههه

[ranaa]

الله يسلمك ويحفظك حتي شنبيري مش هكي هذه جاءتني علي ايميلي وقلت نقلها للحبوبات ويعطن رايهن ههههههه

[اريناس]

ههههههههههههههه

مظلوم الرجل اليبيى

[بنية بوها]

لالالا اني غزالي مش هكي راهو بكل

[ام رواسي]

لا يا اوخيتى انى زوجى الحمد لله كان هكى رانى من زماااااااااااااااااااان مطلعة قرون

[ام الحلوين]

توة كان الوصف هدا فى المراة الليبية راهى الرجالة كلهم يقولو صح ودماغها راقد فيه حمار حشاكم
اللى ضحكنى البنات كلهم نفس الردود لالالالا انى راجل مش هكى <<< خوافات لكن حتى انى راجلى مش هكى

[ام اسر]

هههههههههههههه
حلوه بكل والحمد لله

[أمـ ساره]

في الأقوال الاولى اغلب الليبين هكي صح

أما الاخيرات ضالمينه هلبة

وبالعكس ما اعتقد انه ينسى زوجته

سلمت ايدياتك حبوبة عالنقل الحلو زيك

[ام سريوات]

لا حرم عليك ظلمتية
هلبه

[ناني2007]

ههههههههههههههههههه

[ابريكه]

مظلوم هالراجل والله
وصلتني عالايميل ضحكتني
ههههههههههههههههههههههه

[أم أيوب]

صفة وحدة في شنبيري كان رقد معاش ينوض نومه تقيييييييييييل

ههههههههههههه

الباقي ما فيش منه شي

الله يعطيك الهنا رنا

[فضااوي]

هههههههههههههههه

لا تعليق

[خدوج]

رنا يسلمك
كان جاع هبل
وكان شبع رقد
هذه ماعندى مانقول فيها
انى راجلى غير يشبع يجبد البطانية
اما الباقى والله ظالمينهم
قريت كلامك وسمعته لراجلى قعد يضحك
وقالى صحيتوا اخدمو فينا
والنهاية كله كلام
ومافيش حد كامل
والكمال لله
وشكر لك رندا

[ليبية]

خخخخخخخخخخخخخخخخخخخخخ
والله ضحكتيني يعطي الهني
بس كلام ام الحلوين مزبوط
لكن الله غالب حني منقدروش انديروا زي الرجالة قلوبنا رهيفة منقدروش غير ندافعوا عليهم
الحمدلله ربي يحفظلكم ازواجكم ويرزق الصبايا بأزواج صالحين امين

[ranaa]

شكرا اخواتي علي الردود الجميله وبارك الله فيكن

[المشتاقة للرحمان]

الرجل الليبي كان رجل شجاع وأصبح نصف شجاع والنصف حسب سعيه

[روح مغتربه]

الرجل الليبي كان شجاع ولايزال شجاع ...............................حرام عليكم الرجل الليبي ينشره بلفلوس وانتم ادموا فيه وتفصفصوا في عيوبه الي مش عاجبها اتخليه

[أم إيناس3]

ههههههههههههههههههه

[ام لبنتين وولد]

يسلمو عالنقل

[ranaa]

شكرا اخواتي علي الردود الجميله بارك الله فيكن

[سعدة ليبيا]

هههههه مظلوم

[امتنان]

ههههههههههههههههههه
موتوني من الضحك عجبتني بكل
حتي انا مش هكي
لكن بنبعتها لراجلي

[اناواخواتي]

تو كلهم رجالتكم ملاك
لكن اني بندير خالف تعرف
اني راجلي هكي ياخوافات ههههههههههههههههههههههههههههههههههههههههههههه
شن رايكم

[برنسيسة ليبيا]

ههههههههههههههههههههههه اضحك الله سنك

[Moony heart]

ههههههههههههههههههههه
واين انقوله بنطلع ايقولي واين بتطلعي http://www.hawaaworld.com/sites/default/files/qJB72934.jpgواين ايقولها لين اطير النيه من الطلوع ههههههههههه

[رائفة العين]

انا لما انقوله هيا نطلعو اليوم يقول هو ويييييييييييييين لالالالالا تلج صقع

[زهرة البيلسان]

السلام عليكم: هدا احسن وصف للراجل الليبى

[ام بيلسان]

ههههههههههههههههههههههههههههه

[نسيبة]

يسلموووووووووووووووووووووا

[نحلة]

السلام عليكم ،،

عجائب خاصة بالرجل الليبي و حصرياً ..

[ام تغريد]

هههههههههههههه والله الا صدقت اللى قبلى النص الاول صح والنص الثانى ينطبق على البعض لكن ما تلوموهمش مش منهم من اللى خلاهم هكى ههههههههه .....شفشوفة