[ مشاركة في مسابقة السلطة المشوية ] من مطبخ للاهم

[للاهم]

خير يا بنات



هذي مشاركتي في مسابقة السلاطة المشوية



شكرا فضاوي انك خلقت هالجو الحلو في الركن



الشكر موصول لزوبة



شيف اول



المطبخ الليبي



قبل ما نقدم سلاطتي



نحب نحكي عالمتعة فبل التعب في مراحل اعدادها



من شراء وتجهيز مقاديرها



التفكير في شكل تقديمها



مراجعة دفاتر الطبخ القديمة



استحضار شطارتي المطبخية القديمة من اقجار الذاكرة



ومن فنون التزيين اللي تعلمتها زماان قبل النت ما تخش الحيشان



من ماما اللي بالنسبة ليا محد فنان زيها



واللي تابعتني خطوة خطوة امس عبر السكايب



وياما ضحكنا وتفكرنا بوفيهاتنا ايام زمان انا وهي



ونوادرنا في تجريب الحاجات



وتحسرنا كيف مطبخنا كسد بعد مرض بابا الله يشفيه



سبحان الله كأن ضؤ خفت في المطبخ اللي كان يحن ويرن



يابنات انا نعتبر هذي مش بس مشاركة في مسابقة وبس انا نعتبرها نوع من تجديد الذاكرة ومن التنشيط ومن فتح ابواب جديدة للأمل



خلتني حتى نذكر اللي قريته في دورات الفوتوشوب زمااان



وماتقولن كثرت خربشة في السلاطة



حبيت تشوفن جزء من شطارتي ايام زمان




ما نطولش الحكي



http://www.libyan-kitchen.com/gallery/images/lellahum20.png





مكونات السلاطة المشوية معروفة ومختلفة من ذوق لذوق



الكمية يقررها عدد الآكلين



انا سلاطتي 3 حبات كبار طماطم طازج



قرن فلفل حشو اخضر



قرن فلفل حشو احمر



قرن فلفل حمر حار مبطبط



وانا عادة ندير فيها طماطم وقرون فلفل حمر مبطبط بس وتجي حارة مش عادية



بس افترضت ان هذي سلاطة بوفيه وحياكلوا منها ناس واجدة نقصت الفلفل



بالنسبة للبصل يدوبك



قشرة بصل او جزء بسيط من بصلة صغيرة



لآنه لو يكثر يضيع طعم السلاطة


رتبت المكونات في طاجين مخصوص للشوي



رشيت عليهن شوية ملح وقطرات زيت زيتون



وشويتهن تحت الشواية عالعالي



ماقدرتش نديرها عالفحم برة



وهي احسن



بس الجو كان صقع عالاخر



بعد استوت



طلعت الخضرة المشوية



وحطيتها في صحن بغطاء مع الثوم المدقوق الجاهز



وخليتها تبرد




وفي الاثناء



بديت في الجانب التزييني لتقديم السلاطة



وكان بعضه عفو اللحظة



وبعضه خططت له من يوم فكرت نشارك في المسابقة



طبعا جهزت ادوات التزيين والنحت



وهي متوفرة في كل مكان



انا العدة متاعي خليتها في ليبيا



بس بديت نجمع فيها من هنا



قصاصة مسننة



موس حاد واخر معكوف وقصاصات الورود (http://www.libyan-kitchen.com/kitchen/showthread.php?t=1067)



وشنو اخرى ! اللي نسيته حيبان ف الصور اكيد



كنت مفكرة ان السلاطة تكون في بحيرة فيها بجعة ومحاطة بالنخل



عمك النخل قال انا نوقف!



قلتله بلاش نلقولك حل



واذكرت فويرات ماما ادير فيهن بالدحي



قلت نخليهن ارانب خير ما نحبش الفيران
انشاءالله جن يشبهن







http://www.libyan-kitchen.com/gallery/images/mmjh.png




قلت نطبخ الدحي رخامي
السلطة المشوية لازملها دحي



نص طبخة ف الاول



وبعدين نطلعه وندقدق قشرته بدون ما نخرب



وبعدين نرده يغلي في صلصة صويا



ونطلعه نقشره نلقاه رخامي



طلعت صلصة الصويا متاعي مش داكنة ماعلمتش واجد



ممكن تنفذنه حتى بالالوان او قشور البصل الموري



قسمت البيض نصين



حولت الصفار



عشان كان طولت السلاطة ف البوفيه ماديرش زفرة ف المكان



العوينات قرنفلات



والوذينات زريعة ( سامنسا) وكان تبوا ذويل عود معدنوس



ودرت وردات بقصاصاتي من الفلفل الاحمر ولاخضر



والنخل من العود اليابس متاع الاسبراغس





http://www.libyan-kitchen.com/gallery/images/ele.png






شفتن الحوسة



لو كان نلقى من يلم ورايا بس



جينا للبجعة او البطة






http://www.libyan-kitchen.com/gallery/images/swan3.png






قصيت شوية من التفاحة من تحت عشان تثبت



قصيت الجناحات من تلات اماكن



وكل مكان فصلته تلاتة بالموس


ننحتوا بشويش راس البجعة من الجزء اللي حولناه من التفاحة


على فكرة تجي بالتفاح الاحمر اجمل



بس سلاطتي حمرة



درتلها بجعة خضرة



وطول ما انا نقص ف التفاحة ونشتغل عليها حذايا ليمونة نعصر منها عشان مايتغيرش لونها وتنسود




رديت للسلاطة حطيتها في صفاي



ولما نشّفتْ



قشرت الخضرة



وقرضتها خشنة



هكي نحبوها



وتبلتها



ليمون مش واجد



ملح



كمون



شوية كروية



فلفل حمر



شوية ملح ليم لأنه يعطي في حموضة خاصة ويحفظ السلاطة



و زيت زيتون



طبعا الثوم وهو عماد السلاطة المشوية كنت حطيته في الاول مع الخضرة وهي طالعة ساخنة من الشواية



وجيت رتبتها في الصحن



وبديت نزين






http://www.libyan-kitchen.com/gallery/images/corner.png






طبعا خطة النخل ما صارش منها



غيرت



وعادة لما نبدا نزين الشكل يفرض نفسه



ونلقى روحي لغيت حاجات وحطيت حاجات غيرهن



وهذي اصعب مرحلة



كيف التشطيب والرتوش الاخيرة في البناء








http://www.libyan-kitchen.com/gallery/images/2011lleahu.png






طبعا استغرقت السلاطة مني وقت اكثر من المعتاد



لأني كنت مضطرة كل لحظة نغسل ايديا وناخذ عدة لقطات ونتاكد انهن كويسات



والا نضطر نعاودهن



واحسبن عندكن



طبعا توا اكتملت السلاطة بشكلها النهائي



مازال الاخراج الفني وحكاية الاسم واسم المنتدى على الصور



وهي مهمة شاقة



لأني منحبش نخرب الصور بالكتيبة عليهن



يفقدن قيمتهن



لكن في نفس الوقت هذين تعليمات المنتدى



وعندهم حق فالحقوق ضائعة من قطاع طرق النت



المهم



عمتكم للاهم لما تنسجم ياما ادير



ومرات تخطرلها افكار تشعل لامبتهن في راسها



درتلكن غلاف مجلة المطبخ الليبي






http://www.libyan-kitchen.com/gallery/images/libyankitc.jpg




رئيس التحرير زينب محمد



مسابقة افضل سلاطة مشوية



اشراف فضاوي



الطبق المشارك من اعداد للاهم



سامحني الموقع اللي كونت فيه الغلاف مفيهش لغة عربية
المرة الجاية


عموما سعر العدد مجانا للعضوات العزيزات




وجت سلاطة فايحة تستاهل فويماتكن
والحمدلله
والشكر لله

[مغتربة 7]

مشاء الله عليك مش عادية تهبل واحلى شى الغلاف مبدعة ربى يعطيك الصحة تستاهلى خمسة نجمات

[للاهم]

شكرا خيتي المغتربة 7 اخجلتيني
اول ضوقة لك
يللا صونيتك وافتتحي البوفيه

[أم ميوسة]

ما شاء الله عليك

ما عندي ما نقول غير


إبداع

[الساجدة لله]

بسم الله ماشاء الله حبيبة ربي يهنيك والسلاطة ماشاء الله روعة في التقديم والتزين يسلمو ايديك تستاهلي احلى تقييم

[للاهم]

شكرا ام ميوسة
كلك ذوق
طيب المرور خيتي

[للاهم]

شكرا خيتي الساجدة
كلامك حلو للقلب مباشرة
طيب المرور خيتي

[فضااوي]

ماشاء الله تبارك الرحمن

سلاطة مش عادية وطريقة التقديم اروع واروع

الله يسلم هاليدياات يالغاليه

ههههههههههههههههه

للاهم انتي مش واخذ الشعار هههههههههههه

الشعار تحت اللي هو السلاطة اللي تنطر هههههههه غيرية

[ليبية]

كل مانشوفلك موضوع انحبك اكثر يا لالهم والله
ماشاء الله عليك
مبدعة فعلا وتصويرك جدا رائع ماشاء الله
الله يسلم ايديك وعويناتك وذوقك الحلو

بالتوفيق يا قمر

[للاهم]

يسلمك يا غالية اخجلتيني
بس كيف صار فضاوي؟
كنه الشعار؟ مش قاعد؟
دخت حسني

[السمحة]

تسلم ايدك سلاطة تجنن والمنظر ايسهف كلة دوق حبيبتى ماننحرم

[روح مغتربه]

ما شاء الله عليك فنانه وتستاهلي احلي تقييم

[أم أيوب]

ابداااااااااااااااع يا للاهم

منظر مش عادي

أفكار زينة رهيبة والله ما شفت من قبل زيهم

يسلمو ايديك والله وتستاهلي عليها 100 نجمة مش بس 5 نجمات

[ابريكه]

لي عودة لقراءة الموضوع بشوية وتركيز
المهم دخت منة خليني نجمع ونرجعلة

[للاهم]

شكرا ليبية القلوب عند بعضها
طيب المرور خيتي وربي يوفقك

[للاهم]

الله يسلمك يا سموحة
طيب المرور خيتي

[للاهم]

شكرا يالروح المغتربة
اخجلتيني
اهو محاولات
طيب المرور خيتي

[للاهم]

زهورة يا امورة كلامك اسعدني
واخجلني
لو شفتيني زمان شن كنت نفتلك ونزين ونخترع ونجيب من هنا ومن هناك
سقى الله
طيب المرور خيتي

[للاهم]

ههههه بريكة ما اخف دمك
انت مش بتجمع عالاخر
نراجي في روقتك وجيتيك ما تعطليش وتغيبي عاد
طيب المرور حتى وانتِ دايخة

[خدوج]

ماشاء الله تبارك الرحمن

مبدعة

[للاهم]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة خدوجhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gif
ماشاء الله تبارك الرحمن




مبدعة
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gifشكرا خدوج طيب المرور خيتي

[ابريكه]

صحصحت توة
وخشيت من تاني عالموضوع
في الاول هبلنا اسلوبك وكلامك العفوي
توة خشيتي عالابداع من واسع ابوابة
ابدعتي ابدعتي بصدق
وواضح انك جهزتي تجهيز كامل ومرتب للمشاركة مجهود جداً تشكرين علية
بالتوفيق بالمسابقة
استفسار
قوليلي اللي قطعتي بيها الخيار
قوليلي باي محل بامريكا ؟

[نوارة ليبيا]

ماشاء الله تبااارك الرحمن روووعه للاهم
ربي يخلي لك الوالده يارب ^_^

ويسلم الايدين الطيبة وبالتوفيق يارب
وأحلى تقييم لأحلى طرق تزيين

[أمـ ساره]

ماشاء الله لاقوة الا بالله

سلطة اتهبل ومش عادية

سلمت ايدياتك حبوبة

وماشاء الله فنانة في التصميم

وبالتوفيق في المسابقة يارب

[للاهم]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة ابريكهhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifاستفسار
قوليلي اللي قطعتي بيها الخيار
قوليلي باي محل بامريكا ؟
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

والله يابريكة من امبكري قاعدة نتفكر منين شريتها - هيا لها سنتين عندي من منطقتي الاولة - بس حاولي تشوفي في محلات ال 99 ;) يابلاش واللا في الدلاور تري
انا عادة تلقط منهم في حاجات ما تتوقعيش تلقيهن عندهم
وكان قابلتني وحدة توا ناخذ لك وندزها لك
بس كان ماصارش - انتِ مروحة انشاءالله للوطن الغالي وحتلقيها في محلات المنزلية طقم كامل بما فيهن الموس الترنيت والمعكوف واللي ادير البطاطا حلزون - متوفرات - لعند اخر مشية شفتهن
شكرا علي كلامك الطيب يا ودودة

[للاهم]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة نوارة ليبياhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifماشاء الله تبااارك الرحمن روووعه للاهم
ربي يخلي لك الوالده يارب ^_^

ويسلم الايدين الطيبة وبالتوفيق يارب
وأحلى تقييم لأحلى طرق تزيين
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gifالله يسلمك يانوارة ليبيا وربي يخليك اهلك واحبابك وشكرا عالتقييم خيتي

[للاهم]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة أمـ سارهhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifماشاء الله لاقوة الا بالله

سلطة اتهبل ومش عادية

سلمت ايدياتك حبوبة

وماشاء الله فنانة في التصميم

وبالتوفيق في المسابقة يارب
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif
شكار عزيزتي ام سارة اخجلتيني
طيب المرور خيتي

[طمطم]

ما شاء الله للاهم إبدااااااااااااااااااااااااااع
وعجبتني طريقة البيض الرخامي... تسلم يديك وبالتوفيق

[ابريكه]

سلمها ياربي
كانها وصلت يا حبيبا
بارك الله فيك
جاري البحث عليها

[للاهم]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة طمطمhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifما شاء الله للاهم إبدااااااااااااااااااااااااااع
وعجبتني طريقة البيض الرخامي... تسلم يديك وبالتوفيق
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gifشكرا طمطومة
وانشاءالله نعاولكن طريقة البيض الرخامي علي اصولها
طيب المرور خيتي

[أم إيناس3]

يسلموووووووووووووووووووووووو

[kittygago]

ما شاء الله لا قوة الا بالله العلي العظيم

هذه الصونية لو قدامي مش راح نقدر ناكلها هههههههههههههه

نديرلها سبراي و الا اي نوع من التحنيط

خخخخخخخخخخخخخخخخخ

و نديرها تحفة في المطبخ ... باش اللي يخش يشوفها و يعطي تحية

ما شاء الله

ابداع يا حبيبة ابداع

ربنا يبارك في صحتك و في جهدك

و لا يحرمنا منك

و يسلم ايدياتك يا حبوبة

[للاهم]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة أم إيناس3http://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifيسلموووووووووووووووووووووووو http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gifشكرا ام ايناس 3

[للاهم]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة kittygagohttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gif
ما شاء الله لا قوة الا بالله العلي العظيم



هذه الصونية لو قدامي مش راح نقدر ناكلها هههههههههههههه


نديرلها سبراي و الا اي نوع من التحنيط


خخخخخخخخخخخخخخخخخ


و نديرها تحفة في المطبخ ... باش اللي يخش يشوفها و يعطي تحية


ما شاء الله


ابداع يا حبيبة ابداع


ربنا يبارك في صحتك و في جهدك


و لا يحرمنا منك


و يسلم ايدياتك يا حبوبة



http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif
هههه يا كيتي قاقو
ضحكتيني
طيب المرور والتعليق خيتي

[ام عبدالمعز]

بسم الله ماشاء الله للاهم

ابدعتي في كل شئ

تقديم وافكار رائعة

صحتين وعافية يارب

[للاهم]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة ام عبدالمعزhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifبسم الله ماشاء الله للاهم

ابدعتي في كل شئ

تقديم وافكار رائعة

صحتين وعافية يارب
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

شكرا خيتي ام عبدالمعز
ربي يسلملك عزو
طيب المرورو التعليق خيتي

[بنية بوها]

سلم ايدياتك وسلم امك وسبحان الله حتى اسلوبك مشوق ودايما انتي رائعة

[guidona]

روعه روعه اسلم هلايديات ابداع وفن حنا انقولو الزين ايبان من فم الحوش باين اعليك شطوره ومبدعه وخليك ديما رايقه باش تبدعي وتورينا الابداعات الله يحفظك من كل سوء وكلامك كله عسل ياعسوله

[امتنان]

روعة ماشاء الله
وطبخات فعلنا للاهم

[للاهم]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة بنية بوهاhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifسلم ايدياتك وسلم امك وسبحان الله حتى اسلوبك مشوق ودايما انتي رائعة http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

الله يسلمك بنية بوها وانت الاكثر روعة خيتي
طيب المرور

[للاهم]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة guidonahttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifروعه روعه اسلم هلايديات ابداع وفن حنا انقولو الزين ايبان من فم الحوش باين اعليك شطوره ومبدعه وخليك ديما رايقه باش تبدعي وتورينا الابداعات الله يحفظك من كل سوء وكلامك كله عسل ياعسوله http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

اخجلتييني عن جد guidona انتِ اللي عسل يا عسل

[للاهم]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة *اصالةhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifروعة ماشاء الله
وطبخات فعلنا للاهم
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

شكرا اصالة طيب المرور خيتي

[سحابه صيف]

http://www.libyan-kitchen.com/gallery/images/heh.gif

[ام الحلوين]

للاهم انتى مش عادية والله فعلا تخلى الواحدة تحبك من اسلوبك سلاطة مش عادية والاروع وسعة بالك واسلوبك والغلاف حلو يامبدعه

[ناني2007]

ماشاء الله عليك ياللاهم ...بصراحة قمة في الابداع

[Om Amory]

ماشااااااااءالله مبدعه

يسلمو ايدياتك

تستاهل التقييم

[ليبيا قلبى]

امممم
تسلم ايدك

[أم يمنى]

ماشاء الله , تبارك الرحمان , ابداع ما بعده ابداع , وأنى من رأى كيتى غاغو , سبراى وتحنيط وعرض فى المطبخ , ربى يحفظك ويخليلك الماما .

[للاهم]

خشيت متسهفة علي شغلي ونشاطي الاولاني في المنتدى قبل التحرير ... شكرا يابنات اللي فاتني ما رديت علي تعليقاتكن
ادعنلي ننشط من جديد

[lola9670]

تسلم الايادي

[om_adnan]

بسم الله ما شاء الله ,نحب نطمنك وصلنا شعور انك تحاولى اتقدمى مش بس سلاطة ولكن عمل فنى,ربى يشفى لك الوالد ويخلى لك أمك اللى فعلا اثبتت ان البنت ممكن تطلع لامها,سعدت بقراءة موضوعك.

[ترهونيه حره]

مااااااشاء الله سلطه حلوه والاحلى منظرها
مشكورررررره عالجهد المبدوووووووووول

[بنت الاشراف]

سلمت يداك

[نسيبة]

سلم ايدياتك حبوبة

[بنت الاشراف]

سلمت يداك

[شروق الشمس]

سلطة رائعة
لكن بنحط معلومة من بعد اذنك انه البيض ممكن تطبخيه في الشاي بدل الصويا
و البجعه روعه
وربي يعطيك الصحة علي وسعت البال ماشاء الله

[luba]

ماشاء الله موضوع حلو وانسجمت فيه مع هدرزتك الحلوة
ربي يردك سالمه للمنتدي

[الصابرة]

تسلم الايادي