[ تمت الاجابة] افضل انواع العجانات

[التا ئبه لله]

السلام عليكم
اخوتى من منكم شاريه العجانه الفرنسيه

لان نبى نشريها وخايفه ما تطلعيش روجنال

موله المحل يشكر فيها وقالى احسن من كينود

ومن تعرفى انواع احسن طبعا الصنيه لا

[kittygago]

الحق يا حبوبة اني ما نقدرش نفيدك هلبة

لكن نعرف انه الكينوود كويسة هلبة

و خاطري فعلا نعرف شن هو الكويس في العجانات هنا في البلاد

و بارك الله فيك على السؤال المهم

و ان شاء الله نلقو حد يفيدنا

[سحابه صيف]

بالنسبة ليا انا انفكر بنشري كين وود لانها كويسة وتقدري اتركبيها هلبة ملحقات منها المفرمة ومكينة الرشدة وغيرة يعني بدل منشري كل وحدة بروحها ويعبولي المطبخ بنشري العجانه وانركبلها كل مرة قطعة

[نوارة ليبيا]

الحق ياربي مانقدر نفيدك

اني عجانتي من بلاك اند ديكر ...وكويسة كويسة الحق نشكرها لك

وبالتوفيق يارب

[الساجدة لله]

غاليتي اذا انا نشكرلك عجانتي كيتشن ايد ونصيحتي لو تبي تاخدي اي عجانة وقالولك خوديلها ملحقات زي المفرمة او الخلاط او الة المكرونة متاخديش اي ملحقياريت تخصصيها للعجن فقط بش تعيش عندك اكتر مدة

[ابريكه]

مانقدر نفيدك حبيبة
لاني حالياً لا أملكها وان شاء الله لما ارجع لارض الوطن ح نسألكم شنو نأخذ من النوعيات

[التا ئبه لله]

غاليتي اذا انا نشكرلك عجانتي كيتشن ايد ونصيحتي لو تبي تاخدي اي عجانة وقالولك خوديلها ملحقات زي المفرمة او الخلاط او الة المكرونة متاخديش اي ملحقياريت تخصصيها للعجن فقط بش تعيش عندك اكتر مدة
الله ايبارك فيكم كلكم ما ننحرميش من ردودكم الا تهمنى لكن سجوده العجانه هدى ما لقيتيش منها ونعرفها انها كويسه بس اديرى فيا معروفمن اى محل انى مشيت يا بنات لمحلات تبارك فى النوفلين تخيلو نخطم من جنبه او مش معدله
عليه لين قالتلى عليه سويت الله يدكرها بالخير تحفه المحل وعندكم تيفال فى بن عاشور نفس الماركه
الفرنسيه تمنها 500ومعها لكن ام سجود انتى كم تمنها
حبيبتى نواره بنسبه لكينود كامله
راهو غاليه شويه الا فى سوق التلاتاء نحس فيها مش كامله

[خدوج]

ماشاء الله جيتو عالجرح وداويته
قريب نهبل على عجانة ومانعرفش شن ناخد بس ياريت يااخت ساجدو والتائبة لله تحطو الاسعار ومن وين؟؟؟؟؟؟؟؟؟؟؟


بس وين فى بن عاشور عطونى العنوان تام لانى مش من طرابلس
وربى يحفظكم

[الساجدة لله]

ماشاء الله جيتو عالجرح وداويته
قريب نهبل على عجانة ومانعرفش شن ناخد بس ياريت يااخت ساجدو والتائبة لله تحطو الاسعار ومن وين؟؟؟؟؟؟؟؟؟؟؟


بس وين فى بن عاشور عطونى العنوان تام لانى مش من طرابلس
وربى يحفظكم


اهلين خدوج حبيبة شكلك من مصراته ؟ صح ؟ المهم بري لبن عاشور محل تيفال فيه عجانة كابريس ب500 دينار ومحل عالم المنزل يكون مقابله العجانة اللي خديتها منه هي كتشن ايد ب600 دينار واي سؤال تفضلي

[خدوج]

اهلين خدوج حبيبة شكلك من مصراته ؟ صح ؟ المهم بري لبن عاشور محل تيفال فيه عجانة كابريس ب500 دينار ومحل عالم المنزل يكون مقابله العجانة اللي خديتها منه هي كتشن ايد ب600 دينار واي سؤال تفضلي

بوركتى ساجدة
انى مش من مصراتة
بلادى بعيدة هلبة على طرابلس
ان شاء الله بس نلقاهم
بس سامحينى توا تقولى علقت فيه
بس يىن احس فيهم
الكابريس والا كتشن ايد
صحيتى هلبه

[الساجدة لله]

بوركتى ساجدة
انى مش من مصراتة
بلادى بعيدة هلبة على طرابلس
ان شاء الله بس نلقاهم
بس سامحينى توا تقولى علقت فيه
بس يىن احس فيهم
الكابريس والا كتشن ايد
صحيتى هلبه


اهلين بيك حبيبة وتفضلي اي سؤال انتي وخيتنا ونتشرفو بمعرفتك

[أم أيوب]

توبة في نوع مش طبيعي

ماركة بوش الألمانية

هيا غالية شوية بس مش عادية

سألت عليها من فترة في بنغازي عند الوكيل

لقيتها 1160 كلها ستانليس ستيل

متانة ومعاها ضمان 3 سنوات من الوكيل

[أمـ ساره]

ماشاء الله

عجانات روووعه وحسب ما اعرف فيلبس كويسة

عندي منها مكنسة كهربائية ماشاء الله


والله نخمم نبي وحدة كبيرة وكويسة وكاملة

ربي يستر ان شاء الله

[المغتربه]

حبيبتى انا عجانتى بوش المانى اكثر من ممتازه وتلم العجينه ومعاها مضرب بيض ومشبك لعجن الحلويات 185 دينار ولما تاخذى معداتها كامله السعر يضاعف بس هى تعجن كيلو واحد بس

[ام انسام]

هو اني بصراحة معنديش
ولكن لو بناخد ناخد كيين وود علي مايشكروا فيها اللي عندهم
وربي يسرلك الامور وتاخديها زي ماتبي

[عين بصيرة]

بصراحة انا ارشح الكيتشن ايد لانها شركة معروفة فى ادوات المطبخ و على مستوى عالمى و من تجربتى الشخصية ليها .

[التا ئبه لله]

السلام عليكم
مشكورين يا عسولات او ما ننحرميش من ردودكم

بس اختى عين بصيره وين نلقاها ماركة الكتشن ايد ياودى قدمه لفيت ما ريتهاش فى حتى محل من المحلات

الماركات المعروفه ديرى فيا معروف وين نلقاها