[فكرة] كيك حمام العروس (مش للأكل ماتوتش الملاعق)

[طمطم]

السلام عليكم ورحمة الله



اليوم عندي ليكم فكرة مش عادية تنفع للعروسة يوم الحمام أو يمكن توضع في حمام العرسان كهدية من أهل العريس


شفت الفكرة في مواقع أجنبية وتفاجأت إن حتى هما عندهم يوم لحمام العروسة.... بصراحة مانعرفش شن يديرو بالضبط فيه بس من ضمن التجهيزات يحضرو في مجموعة من الفوط بكل الأحجام ومعاها مستلزمات الحمام من شامبوو ومنظفات وجه وليفة وقطع صابون ويزينوها على شكل كيك



عجبتني الفكرة وقلت ممكن حد يستفيد منها بصراحة مالقيتش طرق مصورة بالخطوة كل اللي لقيته فيديوات أو شرح بدون صور بس اللي حابة تشوف الفيديو تكتب بالانجلش (bridal cake shower)


تفضلو



المواد التي تحتاجين إليها



2فوطة وجه


2 فوطة يد


2 فوطة حمام


http://www.libyan-kitchen.com/gallery/images/towelset.jpg




http://www.libyan-kitchen.com/gallery/images/towelset2.jpg




(الفكرة من ذلك خلق طبقات الكيك بأحجام مختلفة (فوط الوجه صغيرة ثم الأكبر منها فوط اليد ثم الحجم الأكبر فوط الحمام (البشكير))



مجموعة دبابيس أمان (خلالات)


http://www.libyan-kitchen.com/gallery/images/safetypin.jpg





أشرطة ملونة



http://www.libyan-kitchen.com/gallery/images/ribbons.jpg




صابون أشكال وروائح مختلفة


http://www.libyan-kitchen.com/gallery/images/soap1.jpg




http://www.libyan-kitchen.com/gallery/images/soap2.jpg




اكسسوارات زي فراشات وزهور



http://www.libyan-kitchen.com/gallery/images/flower.jpg


http://www.libyan-kitchen.com/gallery/images/butterfly.jpg


وممكن ليفة حمام


http://www.libyan-kitchen.com/gallery/images/sponges.jpg





الآن نأتي للتجهيز



لعمل كيك دائري



عمل الطبقات متاع الكيكة


أولا قومي بطي الفوط إبدأي بالحجم الكبير


افرديها على طولها واطويها بالطول وكل ما تطوي اضغطي شوي على الجزء المثني باش يتبت عندك لحد ما تخليها زي الشريط الطويل وانتبهي انك تخلي الحواشي يكونو للداخل بانك تطوي من الخارج للداخل



واطوي الفوط الأخرى بنفس الشكل



خودي الفوطتين الكبار لفي الأولى (ابرميها) لحد ماتوصلي لنهايتها شبكي فيها الفوطة الأخرى وكملي اللف وشبكيها بدبوس تاني لما توصلي لنهايتها



وبهكي تكون عندك اسطوانة دائرية كبيرة



الصورة لتوضيح الفكرة بس (هذا أقرب شي لقيته فقط لتوضيح شن نقصد بكلمة اسطواني بسه تكون عندك أغلظ )


http://www.libyan-kitchen.com/gallery/images/foldedtowe.jpg




كملي بنفس الطريقة مع الفوط الأخرى لتحصلي على ثلاث اسطوانات



الآن قومي بجمع طبقات الكيك فوق بعضها



لفي حول كل اسطوانة شريط وثبتيه بدبوس (لو الشريط ورقي مش من القماش تقدري تثبتيه بلصقة شفافة)



ضعي الطبقات فوق بعض ثم أبدعي في التزيين بإضافة الورود وأشكال الصابون الجميلة والمعطرة



ليفة بلون مناسب فوق أعلى طبقة



تاكم حمام كامل من شامبو وبلسم ومعطر وهكي




الكيك المربع:

يمكنك عملها بتغيير شكل الطوي: اطويها مربعات عادي وخلي الحواشي للداخل ولفي عليها الشرائط وكملي بنفس الطريقة


نخليكم مع الصور وهي تحكيلكم القصة بلغة أبلغ



http://www.libyan-kitchen.com/gallery/images/cake1.jpg





http://www.libyan-kitchen.com/gallery/images/cake2.jpg





http://www.libyan-kitchen.com/gallery/images/cake3.jpg





http://www.libyan-kitchen.com/gallery/images/cakesquare.jpg





وهادي لو الكيك هدية للعرسان ممكن اضيفي شبشب حمام القماش





http://www.libyan-kitchen.com/gallery/images/cakewithsl.jpg




مع تحياتي...

[فضااوي]

عندهم افكار مش عادية

بصراحة روووووعه

[أم أيوب]

رووووووووووعة والله

ممكن الواحد يستفيد منها ويديرها

[للاهم]

حبوبتي زهورة الامورة
البرايدال شاور
كيف ما تقولي يوم يلتموا فيه ويقدموا الهدايا للعرسان
ويكونوا العرسان قبلها اتفقو مع محل او مجموعة محلات وعطوهن قائمة بالحاجات الراغبين فيها منه
وما على الاهل والاحباب والاصحاب الا الذهاب للمحلات ومراجعة القائمة واختيار هديتهم منهن
وعادة ما يخلوا فاتورة الهدية معاها بدون السعر
عشان العرسان لو تكررت الهدية يرجعوها وهكذا
نفس الشئ يديروه للبيبي شاور - وتعرفن الشاور زي ما زمان وقت تقعيد البيبي كيف كانوا هلنا يرشوا عليه الحلوى والمكسرات
نفس الفكرة هنا الاهل والاحباب يلتموا في لمة سواء في البيت او صالة - انا حضرت بيبي شاور في صاله وكانن بنتين توامة - عقبال للجميع - وكانن الهدايا مربوطات فيهن بالونات مستفات جنب البنوتين اللي كانن لابسات فسلتين دانتيللا طويلة جدا يوصلن للارض من يد الام للارض لو شالت البيبي
كان مش عادي
المهم يبدو ان الموقع اللي خذيتي منه تفنن في لف المناشف بورق الكريشة الناعمة على شكل كيكة ادوار
شكرا لبحثك وتقديمك الافكار الحلوة

[بنية بوها]

روعة ماشاء الله ياطمطم يسلموا عالنقل

[طمطم]

تسلمو حبيباتي عالرد ... تشرفت بمروركم
وشكرا ليك للاهم على التوضيح.... حلوة فكرتهم والله

بس بنات هذا مش نقل (الموضوع مش منقول) ...أني تفرجت على كم فيديو وقريت كم مقال واني اللي كتبت الموضوع ونسقته وجمعت الصور من مواقع مختلفة مش ترجمة يعني

صح مش شغل يديا لكن مش نقل في نفس الوقت

شكرا لدودكم جميعا

[خدوج]

تسلمى فض فض
يقول المثل تعيش وتشوف
وفعلا موضوع جميل
شكر لك

[طمطم]

هههههههههههه خيركم وحدة تقولي زهورة ووحدة تقولي فضفض؟؟؟؟

بس مش مشكلة كلنا واحد وهذا دليل تأثيرنا في بعض

تسلمي خدوج عالمرور

[نعومي نت]

ما شاء الله افكار سمحة

[طمطم]

تسلمي نعومي.... أسعدني ردك

[نوارة ليبيا]

روووعه طمطم حبيبتي

اني مانعرف انهم عندهم يوم للحمام بس
لما في عرس خالتي
قعدت اندور في هدية نهدوهالها احني البنات العزابة هههه
اللي لا نشتغلوا وناخذو في مصروفنا من اهلنا

فقعدت اندور على افكار لهدايا الأعراس في المواقع الأجنبية
ولقيت الفكرة هاذي
حلوة وسهل ومش مكلفة

مشي درنهالها

ربي يبارك فيك يااااحلوة وان شاء الله ربي يفرحك
زي ما حسبتيني معاك بالفكرة يالغالية

[loen]

ماشالله فكره كتير حلوه
حلو انا الشخص يتفنن فى تقديم الهديه
مشكوره على الفكره الحلوه

[اريناس]

تسلمى ع نقل

فكره راائعه

[ابريكه]

تسلمي طمطومة عالافكار الحلوة
موضوع واضح متعوب عليه
بانتظار جديدك