[فيديو مترجم] طريقة تجهيز الدجاج للشوي

[طمطم]

كيفية إعداد دجاجة كاملة للشوي



هذه الطريقة الصحيحة والحرفية في حالة تبي تشوي دجاجة كاملة وهي المعتمدة لدى كل الشيفات في الفنادق والمطاعم



هذه التقنية يسموها (Butterfly a chicken) والترجمة الحرفية هي فرشنة الدجاجة يعني فتح الدجاجة وجعلها تشبه شكل الفراشة



والفكرة هي في جعل الدجاجة الكاملة كطبقة واحدة مستوية لتُشوى بشكل متجانس من كل الجهات



http://www.youtube.com/watch?v=l-8tMEwBnSA





الشيف في المقطع قال الدجاجة حوالي من 3 ونص ل4 باوند (1.5-2 كيلو) وهذا هو الوزن الصحيح للدجاجة المراد شويها بشكل كامل



قال هيحول عظم الظهر قبل وبعدين عظم الصدر وهذا اللي هيخليها مسطحة زي الفراشة


وبعدين (وهذا اختياري) هيقسم الدجاجة لنصفين لو تبيها تكون مقسمة



المقص المستعمل مقص خاص بالمطبخ وهو هيستعمل ذيل الدجاجة لكي يتحكم بيها ويبدا في قص عظام الظهر



حاولي ماتوسعيش القصة يعني يادوب تقصي السلسلة من الجهتين



وتقدري توا تفتحيها بقوة لحد ما يتكسرو العظام وتنفتح وهذا صح لكن هو عنده طريقته الخاصة (يحب يقص عظام الصدر) وبدا من النقطة البيضة في أعلى الصدر يقصها والباقي واضح (والغرض انه يحول غظمة الصدر اللي فيها الغضروف (أني بصراحة نحبها لكن خوي ديما يقولي راهي صحيا مش كويسة)



بعدين نظفي ونحي الحاجات الزايدة زي الدهون وهكي وكملي شغلك وطيبيها زي ماتبي (غالبا شوي)

[سحابه صيف]

واااااااااااااو علي المقص ايهل

مشكورة طمطم

[ابريكه]

روعة روووووووووووعة طمطومة
فيديو يجوع
بانتظار جديدك

[الساجدة لله]

تسلمي على الفيديو ياغالية

اختيار موفق والله يسلم ايديك على الترجمة

ماتحرميناش من مشاركاتك

[بنية بوها]

بارك الله فيك ياطمطم

[بنغازية]

بارك الله فيك ياطمطم شرح مفصل بالتمام تعرفي تخيلتها بعد ما كملها عالفحم واوووو هيا تفضلوا ياغاليات
الباقي عليا شن رايكن في عزومه زرده للنسوين المنتدى