المساعد الشخصي الرقمي

مشاهدة النسخة كاملة : [اللوسة] من مطبخ طمطم



طمطم
01-18-2011, 03:06 PM
http://www.libyan-kitchen.com/gallery/images/42.gif




السلام عليكم


اليوم جايبتلكم طريقة اللوسة كيف مانديرو فيها في مدينتي الصغيرة الرياينة


في الأول نحب نوضح الفرق بين اللوسة والهريسة
الهريسة كل مكوناتها طازة مش مجففة من فلفل وثوم أما اللوسة فهي تتكون من الفلف المجفف والطماطم المجفف والبصل المجفف ويمكن إضافة اثوم البودرة المجفف


(طريقتي مافيهاش الطماطم المجفف لسببين أولهم ماعنديش هني في بريطانيا منه والثاني لأن أمي عودتنا اديرهالنا بطماطم الصلصة العلب وأنا أحب أن امشي على نهجها ولا أحب المساس بوصفاتها)


نبدا على بركة الله


المكونات: حوالي كوبين متوسطين طماطم صلصة
كوب فلفل احمر مجفف ومطحون خشن (زي الشطة الجافة الجاهزة)
حريقة: وهي البصل المجفف في الشمس بالملح والمقلي في زيت الزيتون ومطحون
البهارات: ملعقة صغيرة ونص كروية- ملح حسب الرغبة- كسبر مطحون ملعقة ونص صغيرة- زعتر مجفف مطحون


زيت زيتون كمية كبيرة


الطريقة:


تجهيز الفلفل:
أنا هنا خديته جاهز بس عادة في بلادنا نشرو الفلفل قرون يابسة وانضفوه كويس وننزع منه البذور على قد مانقدر ونقلي يادوب قلية خفيف في الزيت (والغرض من ذلك حتى ننزع منه أي رطوبة تكون موجودة فيه)


تجهيز الحريقة:
بعد تجفيف البصل المقط جوانح في الشمس وتقليبه لعدة أيام تحت الشمس القوية وهو مخلوط بالملح
بعدها نقليه يادوب في زيت زيتون ونرحيه كله ونخليه عندنا في أواني نضيفة محكمة ونضيفه لأكلنا الليبي الحلو المسقي والطبايخ


http://www.libyan-kitchen.com/gallery/images/tl2wmeee.jpg


اللي على اليمين الفلفل المجفف الجاهز اللي على اليسار الحريقة من يدين عمتي أم زوجي الله يباركلنا فيها ويطول في عمرها


نضع كمية الزيت على النار في طنجرة ونضيف كمية الطماطم الصلصة لما يسخن الزيت ونحرك على عالي وأول ما يبدا يغل انقص عليه عالآخر ونتركه يتقلى تمام لحد ما نحس ان كل مافيس من سائل جف


نضيف الفلفل والحريقة ونحرك ونتركهم لفترة بسيطة


نضيف البهارات ونطفي عليها


بعد أن تبرد نضعها في أواني ونحطها في التلاجة


http://www.libyan-kitchen.com/gallery/images/tloosa1wm.jpg


http://www.libyan-kitchen.com/gallery/images/tl3wm.jpg


وتستعمل في الساندويشات يمي يمي

أمـ ساره
01-18-2011, 03:27 PM
سلمت ايدياتك طمطم

ماشاء الله شكلها ايهبل

وبالهني والعافية

نوارة ليبيا
01-18-2011, 03:34 PM
ماشاء الله تبارك الرحمن

روعه

يستحق التقييم طمطم ^_^

بأنتظار جديدك

روح مغتربه
01-18-2011, 03:34 PM
يسلموا ايديك يا طمطم بس احني في الشاطي عندنا اللوسه ورق البصل الاخضر مجفف بالملح ومطحون بس بدون القلي في الزيت وبدون فلفل يعني يختلف عن اللوسه عندكم بصراحه اتسفه شكلها محرحره

اريناس
01-18-2011, 04:17 PM
مشكوره

بنية بوها
01-18-2011, 04:29 PM
سلمت يداكي

فضااوي
01-18-2011, 04:30 PM
وااااااااو

حسيتهاا حرقتني <<<<<مبالغة ههههههههههههههه

ماشاء الله تباارك

تسلم الاياااادي يالغلا

طمطم
01-18-2011, 08:15 PM
أم سارة تسلمي على مرورك... الله يهنيك ياغالية


نوارة ليبيا... تسلمي ياعسل وشكرا عالتقييم


إيه والله ياروح محرحرة... تجنن .... سبحان الله طريقتكم جديدة عليا... ديريها ووريهالنا! شن رايك؟


أريناس.... بنية بوها الشكر ليكم..... نورتم موضوعي


إيه والله تحرق يافضفض.... يسلم عمرك ياغالية

المستعينة بالله
01-18-2011, 08:20 PM
ماشاء الله تسلم ايديك حبيبتي ويعطيك العافية

للاهم
01-18-2011, 08:26 PM
الله يسامحك طمطومة توا انا شايطة فيا النار من اخبار العاصفة ولما نتوتر اول حاجة نفكر فيه نص تن بهريسة عربية ويا ريت خبزة شعير
توا دزيللي من لوستك توا قبل ما نطيرو وانا نوعدك نحمل لك كل الزيتون الغامي اللي ف الفازوات واللي في القراج قاعد يتملح في بريد العاصفة وانشاءالله تنطره لك غادي في بريطانيا :)
نسيت نقولك انه موضوع متميز وتراثي وجديد عليا من الالف للياء.
وهذي ميزة المنتدي يوقثق ويعرف بالاكلات الليبية من جميع ارجاء ليبيا للجميع
مشكورة
وربي يخليلك امك وعمتك ويسلمهن ويسلم ايديهن اللي من ذهب

أم أيوب
01-18-2011, 09:00 PM
فكرة جديدة تستحق التجريب

صحيتي طمطومة

السمحة
01-18-2011, 10:05 PM
تسلم ايدك على اللوسة واول مرة نعرفها ماننحرم من جديدك وبارك الله فيك

ام رواسي
01-19-2011, 03:11 AM
يم يم يم انموت فيها والبنة يللى فيها مش عادية عندى صاحبتى جبالية ادير فيها
يسلموو ادياتك شكلها اتسفة

ابريكه
01-19-2011, 04:48 AM
تعبتينا طمطومة
ماشاء الله لوسة تفتح النفس
وانا أول مرة نعرفها
وبارك الله فيك لانك عرفتينا عليها
جاري التقييم

طمطم
01-19-2011, 10:09 AM
الله يسلمك المستعينة ... سعيدة إنها عجباتك

ههههه للاهم... سعيدة جدا انك نورتي موضوعي بخفة دمك
شن رايك انديرو أفاري؟؟؟؟؟ نعطيك اني كلللللللللللللللللللل اللوسة وانتي تبعتيلي زويتيناتك؟؟؟؟؟ ديل مش عادي صح؟؟؟
بس من غير عواصف.... اني خايفة وهيا غادي لابال تجيني هني... شن رايك تخليها هيا غادي وتجيني انت وتجيبي الزويتينات ونديرو خليطة بحدا بحيرة البجع اللي صورتهم في توقيعي؟؟؟؟؟؟؟؟؟؟؟ مش هتقدر تغمض عينك!!!!
مانحكيلكش قداش نكره صوت الريح..... اكره صوت عندي مهما كان ضعيف
ويخليلك حبابك ياعسل ويحفظ كل مسلم من شر الريح والعواصف
تسلمي زهورة جربيها ساهلة وتجنن... تنسي كل الريجيمات معاها... خاصة مع التن أو جبنة المثلثات

تسلمي السمحة.... والله استغربت ان في هلبة جديدة عليهم واني لما ندير في الموضوع كنت مترددة ونقول شن الجديد فيها علاش بنزله الموضوع

أم رواسي تسلمي... ياريت نطولك ونعطيك منها

بريكة تسلمي على التقييم..... جربيها حلوة عالآخر ومختلفة على الهريسة ... واطول هلبة لأن كل اللي فيها مجفف مافيهاش مية بكل

الساجدة لله
01-19-2011, 10:16 AM
الله يسلم يدياتك حبيبة تعرفوني اللوسة نستعمل فيها يوميا ومااتمش مني وهده عجبتني هلللللبه صحة ياغالية

سحابه صيف
01-20-2011, 12:31 PM
مشاء الله والله تعرفي عندي كميه من الفلفل هدا هههههههههه واندير فيه كان لما اندير بربكيو و انحب انرش عليه شوية في الفاصوليا لكن توة انجرب طريقتك وانستغله
وحنا عندنا الوسه تختلف عليكم هلللللللللللللللللللبة
عندنا وجبه لنقولوها بازين بلوسه
ولوسه هي نفسها في من ايقوللها الحميضه وهي عشبة خضرةوحامضة لكن طعمتها اتهبل
كاني في بلادي راهو دورتلكم عليها وطيبتها ونزلتها

ومشكورة عيا طمطم علي المواضيع المميزه

الجبليه
01-20-2011, 04:15 PM
تسلم يدك تسفه

سيدة ليبية
01-20-2011, 05:04 PM
:mad:

guidona
01-20-2011, 07:11 PM
ياعيني علي اللوسه نفس طريقك عمتي بالزبط وتعلمت منها باش تعرفي النساوين واكيد انت عاد فالحه فيها اسلم هلايديات وربي اخليلك احبابك يارب

طمطم
01-20-2011, 07:56 PM
الله يسلم عمرك يا سجو... ياللا مادامك تحبيها جربيها ساهلة... وصحتين مقدما

سحوبة.... خلاص ديري بيه لوسة وفاجئي بيه زوجك لما يرجع من فرنسا
ايه نعرفها الحميضة... نمووووووووووووووووت فيها وهي من علامات الربيع عندنا ونلقطو فيها في الزرادي تجنن (فكرتيني بموقف... زمان بوي يحكيلنا انه زمان جايب عمال من مصر يخدمو معاه لما احنا صغارهلبة .. المهم مرة قالوله ايه ياعم احنا عايزين ميخلل ... المهم بوي دور هني دور غادي مالقالهمش... يمشي يلقطلهم حميضة ويعطيهالهم وقالهم هذا هو مخللنا طبيعي ... ومن يومها قال بوي مايفوتوش وجبة من غيره ويقولوله الله دا مخلل ربنا


أما بالنسبة للوسة اللي قلتي عليها احنا عندنا حاجة مشابهة لكن اسمها المسندة وهي عبارة عن زميطة تنعجن بالمية بس من غير زيت وتنحط مساوية ومضغوط عليها في ركن الصونية ونصبو اللوسة هادي بجنبها وتكون مخلوطة ومحلولة بزيت زيادة (يني زي البازين لكن على جنب مش في الوسط)


تسلمي جبلية.... قولي لامي اديرهالك لكن دسيها على الولاد باش ما يبقعولكش بيها الكوجينة هههههههههههههههه

سيدة ليبية خيرك غضابة.... له له له كله ولا زعلك.... غير قولي شن تبي بس ... نبعتهالك كلها لو تبي بالدي اتش إل

غيدونا ... ويخليلك احبابك حبيبة... تسلمي عالرد... أخيييييييييييييييييييييرا لقيت حد يدير فيها زينا

*الليبية*
01-20-2011, 07:57 PM
ماشاء الله على اللوسة السمحة واني ماعني روح مع الهريسة الحارة ولا اللوسة سلم ايدياتك

OM OSAMA
01-20-2011, 09:32 PM
تسلم يديك صورتها تحل النفس يابال طعمتها اكيد تهبل

طمطم
01-21-2011, 06:53 AM
الليبية .....أم أسامة بارك الله فيكم عالتشجيع والكلام الحلو..... الليبيين كلنا نحبو هالمكونين السريين
تعرفي حتى الأجانب لما يضوقوهم ينعجبو بيهم هلبا
الحار مايعلى عليه أبدا.... شيماء بنتيبس اللي في العالم تكره أيشي لونه أحمر هههههههههههههههههه

سحابه صيف
01-21-2011, 12:44 PM
http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة طمطمhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gif
الله يسلم عمرك يا سجو... ياللا مادامك تحبيها جربيها ساهلة... وصحتين مقدما



سحوبة.... خلاص ديري بيه لوسة وفاجئي بيه زوجك لما يرجع من فرنسا
ايه نعرفها الحميضة... نمووووووووووووووووت فيها وهي من علامات الربيع عندنا ونلقطو فيها في الزرادي تجنن (فكرتيني بموقف... زمان بوي يحكيلنا انه زمان جايب عمال من مصر يخدمو معاه لما احنا صغارهلبة .. المهم مرة قالوله ايه ياعم احنا عايزين ميخلل ... المهم بوي دور هني دور غادي مالقالهمش... يمشي يلقطلهم حميضة ويعطيهالهم وقالهم هذا هو مخللنا طبيعي ... ومن يومها قال بوي مايفوتوش وجبة من غيره ويقولوله الله دا مخلل ربنا


أما بالنسبة للوسة اللي قلتي عليها احنا عندنا حاجة مشابهة لكن اسمها المسندة وهي عبارة عن زميطة تنعجن بالمية بس من غير زيت وتنحط مساوية ومضغوط عليها في ركن الصونية ونصبو اللوسة هادي بجنبها وتكون مخلوطة ومحلولة بزيت زيادة (يني زي البازين لكن على جنب مش في الوسط)


تسلمي جبلية.... قولي لامي اديرهالك لكن دسيها على الولاد باش ما يبقعولكش بيها الكوجينة هههههههههههههههه


سيدة ليبية خيرك غضابة.... له له له كله ولا زعلك.... غير قولي شن تبي بس ... نبعتهالك كلها لو تبي بالدي اتش إل


غيدونا ... ويخليلك احبابك حبيبة... تسلمي عالرد... أخيييييييييييييييييييييرا لقيت حد يدير فيها زينا

http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif



ههههههههههههههههههههههه ضحكتيني مخلل ربنا جو عليكم المصريين

صحتين علي قلبك

بدر الزمان
01-21-2011, 01:06 PM
http://www.nsaayat.com/up/uploads/nsaayat2a2d0d5f19.gif

طمطم
01-21-2011, 09:15 PM
سحوبة الله يسلم قلبك يارب

بدر الزمان؟؟؟؟؟ مافهمتش؟ شن كتبتي؟ ماتشفريش راهو اني عالدور الخامس الفهم حاشاك.... عموما تسلمي حبيبة عالمرور

حنان
01-25-2011, 06:11 AM
ماشاء الله روعة لوسة اتجنن الله يسلم ايديك يارب

طمطم
01-25-2011, 09:12 PM
ويسلم عمرك حنونة.... سعيدة انها عجباتك حبيبة

ام نسيبة 78
01-25-2011, 11:05 PM
فكرتيني بلوسة امي ياطمطم
يسلموايديك

mnona
01-26-2011, 02:12 PM
http://www.libyan-kitchen.com/gallery/images/989479rvr.gif

Om Amory
01-26-2011, 02:45 PM
يسلمو ايدياتك

Om Saga
10-03-2011, 02:26 PM
يسلمو إيدياتك طمطم
نسمع بيها وقبل واكلتها في المدرسة هههه
جايبتها مدرسة معانا
فعلا حلووووووووووة وتبان عندك مش عادية
ربي يباركلك

بنت طبرق
10-03-2011, 04:56 PM
والله ياطمطم حاجة روعة بكل وعجبتني ومبهورة بيها
سبحان الله ليبيا كبيرة والاكل فيها متنوع بشكل كبير ورائع
تسلم ايديك وان شاء الله يوم من الايام نذقوا اللوسة من صنع ايدين هلها

ام بيلسان
10-03-2011, 05:23 PM
مشاء الله
واكيد طعمتها حلوة
تسلم ايدك

أم يمنى
10-03-2011, 08:46 PM
الموضوع من شهر واحد , يعنى أكيدة أكيدة كملت منك طمطم ,وأكيدة حتى خذيتى الدكتوراة وروحتى , ياريت تبعثى أخر ابداعاتك , وتقولينا وينك انتى واللاهم , كنتما مميزتان ياريت نشوف مشاركتكم من جديد , ونبى سندويشة باللوسة , وان شاء الله بنجربها الايام الجاية .

79nana
10-04-2011, 09:25 AM
ياوخييييييييييييييييييتي قدااااااااااااااش خاطري فيها يحاليلي شكلني مافيهاش لالازم ندورلها وقت ونديرها

صحيتي تسلم الايادي

تحياتي

أم إيناس3
10-05-2011, 05:23 PM
يسلموووووووووووووووووووو

نعومي نت
10-19-2011, 01:14 AM
يسلموا ياطمطم
والله اللوسة ماعندي معاها الروح إنحبها خير من الهريسة
طعمتها وووووووووووووووووووووواو من الاخير

شروق الشمس
05-08-2012, 03:43 PM
اممممممممممممممم
صار هذي اللوسه لذييييييييييييييييذة اكيد
و منكم نستفيد
شكلها خطييييييييييييييييير
الله يسلم دياتك و يعطيك الصحة

مرام البيان
05-08-2012, 04:40 PM
شكلها تهبل خاطري انذوقها .....بس للاسف نحنا مانعرفوهاش

luba
06-25-2012, 04:43 AM
تسلم ايديك وبارك الله فيك لك تقييمي

الصابرة
12-05-2012, 04:28 AM
تسلم ايديك ويعطيك الف صحة
ويخليك امك وام زوجك يارب

تعزيز
12-05-2012, 09:15 AM
تسلم ايدك ياغالية يميم

ندير في الفلفل المجفف قرون نقلية في الزيت قبل بعدين ندقة في المهارس زي البصل المجفف

صحة وعافية

نسيبة
12-11-2012, 08:35 PM
تسلم الايادي حبوبة يعطيك الصحة

بنت حواء
12-21-2012, 10:35 PM
ماشاء الله لوسة تشههههي
تسلم الأيادي لك تقييمي وأحلى نجوووووووم