[ أدوات تزيين الكيك ] من مطبخ طمطم

[طمطم]

السلام عليكم ورحمة الله وبركاته


هذه بعض أدوات تزيين الكيك التي اشتريتها حديثا ومعها بعض الأشياء الأخرى


شاهدوها وقولولي رايكم


http://www.libyan-kitchen.com/gallery/images/tt1wm.jpg


قطاعات لعجين الفوندانت والعجائن المشابهة




http://www.libyan-kitchen.com/gallery/images/tt2wm.jpg


اللي على اليمين رولة لصنع أشرطة بأشكال مختلفة وعمل تزيينات منها للكيك


واللي على اليسار لعدة أشياء مثل ترقيق حواف بتلات الأزهار المصنوعة لجعلها تبدو كالطبيعية ولأغراض نقش وتزيين أخرى




http://www.libyan-kitchen.com/gallery/images/tt3wm.jpg


هذه قطاعات لعمل فورمات لتزيين حواف التارت ... ويمكن عمل بسكوتات منها




http://www.libyan-kitchen.com/gallery/images/tt4wm.jpg


هذه القطعة الاستانليسستيل هي صابونة تستعمل بعد تقطيع البصل والثوم تدعك بيها اليدين تحت الماء لبضعة ثواني فتختفي الرائحة من اليدين... روعة


وسيارة ملوكة سكر دماغه لازم تطلع في الصورة.... كخخخخخخخخخخ




http://www.libyan-kitchen.com/gallery/images/tt5wm.jpg


قوالب سيليكون لتشكيل الشوكولاتة ومكعبات التلج وأيضا تنفع لصنع مكعبات السكر




http://www.libyan-kitchen.com/gallery/images/tt6wm.jpg


صينية كب كيك مربع تنفع حتى للحار.... شبكة لتبريد الكيك.... وصينية تنفع للمعمول




إن شاء الله يكونوعجبوكم




انتظرو الباقي قريبا

[للاهم]

حي يا طمطم مبروكات عليك وبسرعة نزلي الابتكارات والحلويات الجديدة بيها
انا اول من رد عليك ونبي مجموعة ادوات النحت
جننني عالاخر
هذك اليوم لقيتهن ف المحل وماقدرتش نشريهن كانن غاليات واجد

[طمطم]

تسلمييا للاهم الابتكارات مؤجلة شوي لين نروحو لو ربي راد في شهر 4 لو قدرت نكمل شن طلبو مني المشرفين نكتبه

ومجموعة النحت في عندي جزء منهم تو انزلهم قريبا إن شاء الله

حتى هنا غاليات بس اني خديت بعض منهم في التخفيض والقطاعات في الصورة الأولى خديتهم من الايبي أرخص ebay خديتهم من بياعة ماشاء الله عليها لأني خديت منها مجموعة ليا ولأختي ردتلي 5 باوند ودزتلي هديه (طرف لتمليسعجين الفوندان لما تغلفي بيه الكيكة) لو تبي اسمها دزيلي نبعتهولك

تسلمي عالرد

[سحابه صيف]

مشاء الله طمطم روعه مجموعه اتهبل

تبيديها بهناء والصحة حبوبة ونشوفو انشاء الله سيارة اكبر من هكي لوليدك

لو مفيش مانع يا ريت تبعتيلي لينك الموقع الي شريتي منه هادو وبقداش اسعاره لو مفيش مانع حبوبه

[ابريكه]

اول حاجة ربي يخليلك ملوكة ويباركلك فية
وعندة حق سيارتة تطلع
هههههههههههههههههههه
مشتريات كلها مميزة ومهمة تتهني فيهن طمطومة
وبانتظار جديدك
جاري التقييم

[خدوج]

اهلا طمطم تبيديهم بالهنأ
الصراحة حلوين
وانى عقلى هذه الحاجات
الاول عندى منها وانى نستعمل فيها زينة للبسكوتات
اما عجينة الفوندان فياريت اذا تعرفى وين نلقاها فى ليبيا قوليلى
وهذه القطع لى

http://www.libyan-kitchen.com/gallery/images/kh19.jpg

وان شاء الله مرة تانية نزل فورماتى فى موضوع
شكر طمطم

[بنية بوها]

يسلموا ياطمطم انشالله تتهني بيهم وتبيديهم بالهني ويخليلك ملوكة

[الساجدة لله]

تسلمي حبيبتي على الموضوع المميز والرائع تتهني يارب وتبيديهم بالهني ياغالية

[الساجدة لله]

والموضوع يستحق التقييم

[أم أيوب]

ماشاء الله طمطومة مجموعة حلوة

ربي يخليلك ملوكة وسيارته

[طمطم]

تسلمي سحابة .... حاضر من عيوني نبعتلك اللينك عالخاص بس لما نفيق شوي توا كيف نايضة نقرا والفجر مازال عليه قريب ساعة.... من عيوني حاضر
الله يخليك بريكة... ويخلليلك احبابك... وتسلمي عالتقييم ياعسل
خدوج أكيد في أي سوبرماركت كبير تلقي عندهم... اني بصراحة مانعرفش هلبة في طرابلس بس عادة ناخدو حاجتنا من سوق المهاري وأحيانا سوق التلات... وفي واحد حلو اسمه سوق العيلة برا طرابلس لكن قريب هلبة واحنا مروحين نخطمو عليه ديما حلو وعنده هلبة حاجات... هذا من حوالي سنتين... ومريت عليهم حتى في إجازتنا اللي فاتت
فورماتك حلوات.... من وين واخدتيهم وبكم؟ لو سمحتي .....نستنى في موضوعك ياحلو
الله يبارك فيك بنية ويخليلك أحبابك
الله يهنيك ساجدة ..... تسلمي ياذوق وبارك الله فيك عالتقييم
ويخليلك احبابك زهورة..... حشيشته سيارات ياقلب امه

[أمـ ساره]

ماشاء الله لا قوة الا بالله

ادوات حلوة ومش عادية

اتبيديها بالهني طمطومة وربي يبارك لك فيهم يارب

ومشكورة الي شاركتينا بيهم

وتوا شمري اكمامك وديريلنا حاجات حلوة

[وفاء]

ماشالله مجموعه حلوه
ان شالله تتهنى بيهم

[طمطم]

أم سارة ... شكرا عالمرور
إن شاء الله نروحو الشهور الجاية إجازة ونجرب معاكم كل أدواتي.... توا دابني نشري ونقيم للشحن

الله يسلم عمرك ويهنيك فوفو.... تسلمي حبيبة

[ام عبدالمعز]

ماشاء الله روعة ياطمطم مبروكات عليك ياغالية

نستنوا في ابداعاتك توا

[السمحة]

http://www.libyan-kitchen.com/kitchen/../gallery/images/tt1wm.jpg

انا عندى نفسهم شريتهم من ليبيا فى منهم والقطعه ب اربعة دينار
تتهنى بيهم يارب

[فضااوي]

روووووووووعه

ماشاء الله

[نسمه ليبيه]

ههههههههههههههههههههه

قبل مانقرا الموضوع وشفت السياره قلت شورهم الاجانب مدايرين السياره هذى ويمشى العجل متاعها عالعجين ويقطعه هههههههههههههه

[kittygago]

ما شاء الله

مجموعة أكثر من رائعة يا حبوبة


تبيديهم بالهنا

[طمطم]

تسلمي يا أم عبد العز الله يبارك فيك... ولا يهمك نوصلو بالسلامة ونديرو شوية وصفات نتعلمو







السمحة.... والله؟ كويس انهم موجودات وتمنهم حلو جدا... الله يهنيك بحاجاتك







مرورك الأروع فضاوي







ههههههههههههههههه.... نسمة ليبية.... فكرة مليحة ... بالك يخترعوها







تسلمي كيتي.... الله يهنيك

[Om Amory]

يهبلوووووووووووو

مشكوره حبوبه

[ام اسر]

بارك الله فيك
روعه

[Om Saga]

مش عاديااااااااااااااااات بكل عجبوني يهبلو
تتهني بيهم ياربي
مشكورة على الموضوع الرائع

[عنود الصحراء]

مشاء الله مجموعه مميزه بس حبيت نسال بالله هل جربتي المعمول في الطاجين هدا والا لالالا وكان جربتيه هل النقشش كان واضح عندي زيه وشجعتيني اختيhttp://www.libyan-kitchen.com/gallery/images/tt6wm.jpg

[عنود الصحراء]

اه نسيت والصابونه متع السنستين هده كيف فكرتها ومنين خديتيها راجلي يكره ريحه البصل موت
وبارك الله فيك

[شوق]

السلام عليكم ..

اختي بغيت أسألج بكم القطاعات ؟ وكم يوم يبالهم لين ما يوصلون ؟

انا من الامارات ..

و أرجو الرد بسرعة

[آمال]

بارك الله فيك

بالهناء ان شاء الله

[luba]

روووووعه تبيديهم بالهني يهبلواااا
ماشاء الله بارك الله فيك

[الصابرة]

رووعه تبيديهم بالهني
ماشاء الله

[تعزيز]

ادوات حلوة ومش عادية

اتبيديها بالهني يغالية وربي يبارك لك فيهم يارب
نبي نعرق كيف تستخدميهم

[بنت حواء]

ماشاء الله حلوات تتهني بيهم
بارك الله فيك

[المصراتيه]

ماشاءالله حلوااات
بارك الله فيك

[بنت أبوها]

مبروك عليك ان شاء الله تبيدي بالهنا