المساعد الشخصي الرقمي

مشاهدة النسخة كاملة : [تمت الاجابة ]طريقة العصيده



OM OSAMA
01-19-2011, 10:33 AM
:confused:السلام عليكم ورحمة الله
كيف حالكم اخواتي نوارات ليبيا وكل بلاد...
اليوم انا جايتكم بطلب وان شاءالله نلقى عندكم الاجابة:rolleyes:
نبي نعرف كيف يديروا العصيدة نبي طريقة ماتخرش المية على قوللة المصريين
تعرفوا عقدتنيييييي هلبا مابتش تجي معاي ...وانا عايشة في مصر فانبي نتعلمها
يعني من بيديرهالي وخصوصا في هالصصقعععععععععععع ............
ولكم مني جزيل الشكر على تعاونكم وسعة صدركم:)

أم إيناس3
01-19-2011, 01:03 PM
السلام عليكم حبيبتى ادحلى على قسم الحلويات تلقى الاخت زينب محمد منزلتها لكن انتى ديرى نصف المقدار او الثلت لانها هى كمية كبيرة الاخت زينب كفة ووفة وممكن تكون مشكلتك من الدقيق وانشاالله نكون افدتك

ام الحلوين
01-19-2011, 01:12 PM
السلام عليكم
اختى ام اسامة زى ماقالت اختى ام ايناس الابلة زينب منزلتها بالمقادير بالنسبة ليا انى عينى ميزانى
نصب ماء ودقيق وملح ونغربل الدقيق ولما تطبخ المية نقص منها شويه نص كوب ونصب على فى الطنجرة شوية زيت
ونصب الدقيق ونحرك باش ماتكروشش وحركى شويةعالغاز ونزل الطنجرة ونسبك العصيدة زين ونردها ونصب عليها المية اللى نقصتها فى الاول ونسبكها تانى ونب شوية زيت مع السبكوندهن الصونية بشوية زيت ونحط فيها العصيدة ونساويها ونصب عليها الزيت والرب
وهيا اغسلى ايدك وتفضلى وحدة انسجمت انشاءالله بس نكون افدتك وزى ماقالت اختى ام ايناس نوع الدقيق ليه دور

OM OSAMA
01-19-2011, 03:13 PM
الله يباركم فيكم اخواتي
ووالله ماريتهاش منزلينها فاتوا بنمشيلها جرييييييي
مشكورات حبوبات

أمـ ساره
01-19-2011, 03:19 PM
ماشاء الله الاخوات ما قصروا الله يبارك فيهم

وان شاء الله تنجح معاك العصيدة يارب


بس وخيتي لو تبي اي استفسار او طلب او مساعدة المفروض تكتبيها

في قسم الطلبات والاستفسارات المطبخية

أم أيوب
01-19-2011, 03:47 PM
أم اسامة أنا لما تزوجت ماكنتش نعرف نديرها

بس ورتني ماما ربي يحفظها الطريقة التونسية مضمونة وساهلة

تاخدي 4 أكواب دقيق عليهم 3 أكواب ماء ورشة ملح وشوي زبدة أو زيت

خلطيها كويس قبل ما ترفعيها عالنار بعدين حطيها عالنار وقلبيها بالمعصدة

لغاية ما تغلظ وتتكتل زين نزليها عالارض وعصديها كويس

حطي عليها كباية ماء فاير ورديها تطبخ عالنار لغاية ما تجف بعدها عصديها منجديد

ورتبيها في الصينية وحطي الزبدة أو السمن عليها وسمي بالله وكولي

بنية بوها
01-19-2011, 04:50 PM
اهو البنات ماشاء الله كفوا ووفوا ربي يسهلك وتجيك مزبوطة

*الليبية*
01-19-2011, 07:17 PM
ماشاء الله شكله شتي وصقع الجماعة حافضينها ربي يحفظكم لعويلتكم الجميع ماقصر معاك هيا الواحد يبي اشوي تقة في النفس ودابنك في مصر بعيد على الناس ديري بروحك مرة باهية ومرة لا تتعلميها انشاء الله اني عيني ميزاني زي ماقات الاخت ام الحلوين ةوماشاء الله عجبتني طريقة زهورة الامورة شكلي بنجربها ومنكم نستفيد مشكورين

نوارة ليبيا
01-19-2011, 08:17 PM
ماشاء الله البنات ماقصروا

بالتوفيق وان شاء الله تنجح معاك

OM OSAMA
01-20-2011, 09:56 PM
شكرا حبيباتي الله يبارك فيكم والله فرحتوني بردودكم
وكل ماندير العصيدة ح نتفكركم وندعيلكم
و ح نجرب الطريقة التونسية ان شاء الله..
بس مالقيتش طريقة زينب في المنتدى اعطوني اللنك بالله عليكم

Om Amory
01-27-2011, 10:26 PM
http://www.libyan-kitchen.com/kitchen/showthread.php?t=29

الأخت زينب ماقصرت ماشاءالله عليها

وان شاءالله تستفيدى حبوبه