[ تمت الاجابة] طلب نصيحة من خبيرات التعسيل

[سحابه صيف]

بنات انا اليوم طيبت مقدار كبير من العسل او شيرة ولما خليته يبرد جيت بنعسل بيه القيته سكر معرفتش شني السبب وياريت لو ليه حل اتقولولي لاني امدايرة مقدار كبير

[أمـ ساره]

والله يا وخيتي مانعرف بالضبط هل ليه حل او لا

لكن أكيد الليم متاعك كان شوية

المفروض انك زيدتيه شوي عسل نحل طبيعي

اني اندير فيها وبصراحة يقعد ماشاء الله

[زينب محمد]

حبوبة رجع تسكر لانه ناقص ليم


كيلو السكر يحتاج نصف ليمونة


مااظنش ليه حل


لانه لو عسلتي به حلويات بعد يوم حتيبس و حيجمد السكر فوقها


خليه ديري به مربيات طبعا بعد ما تزيدي له ليمون


او ديري به قشور برتقال معسلة


او اسقي به كيكة تأكلوها في نفس الوقت


او عسلي به حلويات تستهلكوها في نفس اليوم


او ديري به بسبوسة ما تطولش


طبعا بعد ما تغليه و تزيديه ليمون


هذا اللي خطر في بالي


و ان شاء الله البنات يفيدوك

[ღ¸¸حرة فوق راس حر¸¸ღ]

ان شاءلله غير شنيرك مهناش وقت العملة بس ههههههه

لوحى وديرى غيره

[نسمه ليبيه]

اختى سحابه
مرة الموقف هذا صار لنا
ماما رجعاته عالنار من جديد وونقصت عليه النار وطلع ماشاء الله عليه اكيد انت كنت معليه الغاز وماطابش كويس

[أم أيوب]

اللي نعرفه ان لما ما تذوبيش السكر كويس قبل ما العسل يغلي

بعد ما يطيب يجمد من تحت

[سحابه صيف]

والله يا وخيتي مانعرف بالضبط هل ليه حل او لا

لكن أكيد الليم متاعك كان شوية

المفروض انك زيدتيه شوي عسل نحل طبيعي

اني اندير فيها وبصراحة يقعد ماشاء الله

حتي انا شاكه في ليم تعرفي
مشكورة علي ر د

[سحابه صيف]

حبوبة رجع تسكر لانه ناقص ليم


كيلو السكر يحتاج نصف ليمونة


مااظنش ليه حل


لانه لو عسلتي به حلويات بعد يوم حتيبس و حيجمد السكر فوقها


خليه ديري به مربيات طبعا بعد ما تزيدي له ليمون


او ديري به قشور برتقال معسلة


او اسقي به كيكة تأكلوها في نفس الوقت


او عسلي به حلويات تستهلكوها في نفس اليوم


او ديري به بسبوسة ما تطولش


طبعا بعد ما تغليه و تزيديه ليمون


هذا اللي خطر في بالي


و ان شاء الله البنات يفيدوك

ايه تعرفي هدا الي ايصالي عسلت بيهم قطايف شوية والقيتهم اتقول امطلعتهم م فريز طبقة بيضاء عليهم

شكرا علي الافادة

[السمحة]

شوفى مرة صارت معاى حطيت 2كوب سكر وكوب وربع ماء ومشيت وتركتة ونسيت ورجعت ممكن بعد ساعة وماشفتى ايش اللى صار حطيت نصف ليمون وطفيت عليها وبعدها درت بسبوسة ونيى انحط معقود لقيتة سكر على طول سكبت الماء اللى على الوجة وقى قاع الطنجرة سكر حطيت علية قليل من الماء ونقصت النار وتم التحريك نين يذوب الشكر وسكبت عليه الماء الللا خرجتة وغلا ربع ساعة ثانية ووحطيت نقط ليمون ولوحت فية الليمونة علشان لايتكسر مرة اخرة وطلع تمام
جربى

[سحابه صيف]

شوفى مرة صارت معاى حطيت 2كوب سكر وكوب وربع ماء ومشيت وتركتة ونسيت ورجعت ممكن بعد ساعة وماشفتى ايش اللى صار حطيت نصف ليمون وطفيت عليها وبعدها درت بسبوسة ونيى انحط معقود لقيتة سكر على طول سكبت الماء اللى على الوجة وقى قاع الطنجرة سكر حطيت علية قليل من الماء ونقصت النار وتم التحريك نين يذوب الشكر وسكبت عليه الماء الللا خرجتة وغلا ربع ساعة ثانية ووحطيت نقط ليمون ولوحت فية الليمونة علشان لايتكسر مرة اخرة وطلع تمام
جربى

ان شاء الله حنجربها وانقولك شني صار مشكورة علي الرد والمساعده

[الساجدة لله]

ماشاء الله البنات ماقصروش في الرد

[الجبليه]

زي ما قالت الاخت نسمة ليبيه رجعيه على النار ووطي عليه ولو عارفه ان ليمك ناقص زديه وزديه شوى عسل طبيعى يمنع رجوعه للسكر

[سحابه صيف]

مشكورات مقصرتن