المساعد الشخصي الرقمي

مشاهدة النسخة كاملة : [الفطير المشلتت] من مطبخ طمطم



طمطم
01-20-2011, 03:20 PM
السلام عليكم

http://www.libyan-kitchen.com/gallery/images/hbhmgh.gif







http://www.libyan-kitchen.com/gallery/images/dsc0542wm.jpg





الفطير المشلتت قد يبدو صعبا خاصة لو حاولنا نتبع نفس الطريقة المعتمدة عند الفلاحين المصريين



رووووووووووووووعة خاصة كيف يحلو في العجينة ويلفوها وكله في الهواء بين يديهم مايحتاجوش لطاولة بكل



بس أني بنديره بخبرتي اللي على قدي




يالله نبدو مع بعض




المقادير




بسيطة مافيش من أسهل منها دقيق وشوي ملح وما يعجن مية



أني درت 3 كبايات دقيق على قد عيلتي



أهم شي يكون نوع الدقيق ممتاز باش يساعدك في الحل




للدهن


سمن وزيت نباتي مذوبين على النار في طنجرة ونسبة كل واحد للتاني على حسب رغبتك:



(تقدري تحطي سمن صافي أو 1:1 أو تحطي زيت أكتر وتخلي السمن منكه فقط على حسب ذوقك ورغبتك في تقليل الدهون الضارة (بس نصيحة مني طلعي المشلتت من قائمة تقليل الدهون الضارة لأنه رهييييييييييييييييب بالسمن علاوة على أنه كل ماكان الزيت أو الزبدة أقل والسمن أكثر كل ماجاك الفطير رطب من الداخل ومقرمش من الخارج))




للحشو
عسل.... رب..... كسترد...... زبدة فول سوداني..... أو أو أو..... ويمكن من غير حشو




للوجه
سكر ومكسرات مهروشة لو حبيتي أو تخليه سادة






http://www.libyan-kitchen.com/gallery/images/dsc0537wm.jpg






الطريقة




العجن عادي زي الفطيرة الليبية أو أي عجين خبز




نتركها ترتاح بعد العجن الجيد ثم نقرصها أقراص متوسطة ثم نتركها ترتاح تاني



أنا قرصتها صغيرة لأن طاولة العمل عندي مش كبيرة



ندهن الطاولة بخليط الزيت والسمن ونبدأ في حل العجين بنفس طريقة الفطيرة العادية ونحاول نشد حتى تكون أرق ما يكون




ماتخافيش لو تقطعك منك لأن ذلك مش هيأثر فيها بعدين ولا هيبان (ماهو قلنا خبرة عالقد)





http://www.libyan-kitchen.com/gallery/images/dsc0538wm.jpg





ثم اطويها من الجهتين المتقابلتين كأنك تطوي الملابس وادهني زيت وسمن



بعد هالطويتين توا تقدري تحطي حشوك لو ناوية تحشيها





http://www.libyan-kitchen.com/gallery/images/dsc0527wm.jpg




هذه محشية زبدة فول سوداني





الآن عندك طريقتين لإكمال الطوي:



إما تطوي بالعكس وتكوني مربع صغير وتلميه زي الصرة وهنا يمكنك اديري أكتر من فطيرة لتكوني فطيرة وحدة زي في الصورة يعني اديري وحدة وتحشيها لو تبي وتحطيها على جنب وبعدين اديري التانية وتثنيها من جهتين فقط وتحطي الأولى اللي درتيها وتكملي الطوي






http://www.libyan-kitchen.com/gallery/images/dsc0540wm.jpg






أو تطوي بالطول لتخفي الحشوة وتعمليها كاسطوانة طويييييييييلة ثم تمسكي أحد الأطراف وتلفي الطرف الآخر لتكوني حلزون مثل السينابون




أنا استعمل الطريقة الأولى




بعد الطوي تقلبيها بحيث يكون الجنب المساوي لفوق والثنيات لتحت وتحطيها ترتاح لفترة بسيطة في الطاجين (حوالي 5 دقائق)




بعد أن ترتاح تفرديها شوي بيديك وترشيها بسكر وقرفة ومكسرات لو تحبي




أنا رشيتها بخليط سكر بني وقرفة ولوز شرائح




تحطيها في فرن حار حتى تستوي وطلعيها تهدا ولفيها في كيس




وكوليها بالصحة والعافية





http://www.libyan-kitchen.com/gallery/images/dsc0543wm.jpg





http://www.libyan-kitchen.com/gallery/images/dsc0544wm.jpg






أنا درت 2 بحشو زبدة الفول السوداني... ووحدة بالرب (عسل الشوكولاتة زي ماتقول بنتي) والباقي سادة يتاكل مع جبن كريمي أو جبن مالح (فيتا مثلا) أو عسل أو أي شي تاني





ملحوظة (في عيبين كانو في الفطير متاعي: الأول الدقيق ماكانش كويس فماساعدنيش هلبة في الفرد لتكون الطبقات أرق. والتاني ان طاولة الفرد عندي كانت صغيرة وهذا كان مزعج في العمل وقلل عدد الطبقات لأني اضطريت ندير أقراص صغيرة)




احسن شي تندار على الطاولة (السفرة) المدورة زي متاع عالة الشاهي لكن تكون كبيرة وينفع تنزل من حواشي السفرة بالعكس هيكون أسهل في الفرد بس ردي بالك تنزل هلبة منك





أتمنى وصفتي تكون عجبتكم



على فكرة شفت مرة في برنامج عباسيات ان الشيف في المطعم حشاها حشوة بيتسا من صلصة مزيتون وجبنة وغيرها وكان شكلها مشهي
بس أني ماجربتهاش هكي وناوية نجربها إن شاء الله

مغتربة 7
01-20-2011, 03:30 PM
مشاء الله عليك يا طمطم شكلها مش عادى وساهلة سلم ايدياتك
جارى التقييم

ابريكه
01-20-2011, 03:52 PM
روعة طمطومة روعة ماشاء الله
يسلم يدياتك تستاهل تقييم حلو

الجبليه
01-20-2011, 04:17 PM
ما شاء الله تسلم يدك فكرتينى بيه

ام عبدالمعز
01-20-2011, 04:19 PM
http://www.libyan-kitchen.com/gallery/images/dsc0544wm.jpg


اهلا اهلا بطمطم نورتي الركن ياغالية

بماان مافيش حد خدي الفطيرة خدبتها انا

روعة ماشاء الله يسلموايديك حبوبة

والموضوع يستحق التقييم

لاحرمن جديدك المتميز

الساجدة لله
01-20-2011, 07:01 PM
بسم الله ماشاء الله لاقوة الابالله
صحة وهنا على قلبك ياغالية

المستعينة بالله
01-20-2011, 07:06 PM
رائعة حبيبتي واكيد الطعم اروع لانه من ايديك الحلوين ياعسل

طمطم
01-20-2011, 08:07 PM
مغتربة 7 ايه فعلا هيا ساهلة جربيها...بس تأكدي تستخدمي دقيق كويس باش ماتتعصبيش زيي وصحيتي عالتقييم

بريكة انت أروع... وتسلمي عالتقييم حبيبة

تسلمي جبلية وين اني من فطير ست الحبايب...

أم عبد المعز... هيا ليك ياغالية بس الصورة بس لأني كليييييييييييتها اني وشوشو وبوها
لكن من عيوني مرة تانية ندسلك حصتك
تسلمي حبيبة عالرد والتقييم

الله يهنيك سجو.. صحيتي

المستعينة... كلك ذوق ياعمري... بارك الله فيك

نوارة ليبيا
01-20-2011, 08:30 PM
ماشاء الله تبارك الرحمن خطيرة

تستاهل التقييم

ان شاء الله نجربها ^_^

ليبيا قلبى
01-20-2011, 09:47 PM
ماشاء الله
تسلم ايدك

henda
01-20-2011, 09:50 PM
اااااااااااااه
كان تحدفيلى فريده


راهو انى قريبه منك انتى غر احدفيها توصل طول هههههههه

انى جنبك فى شيفيلد




سلم ايدياتك يعطك الصحه والعافيه


بس مقتيلى عوالك الارم او لا
لانى كل مندير فطيره مشاء الله وى وى وى وى




بارك الله فيك


وسامحينى طولت عليك



تقبلى مرورى

أم أيوب
01-20-2011, 10:19 PM
يسلمو طمطومة وتستاهلي التييم يا عسل

تعرفي من فترة الشغالة اللي تجيني من الريف المصري

نحكي معاها على الفطير المشلتت عطتني طريقته

زيك بالضبط بس مازال ما جربته

قالتلي هم يحشو فيه من جوة بالقشطة وبعد ما يطيب يصبو عليه العسل

انشاء الله نوصي أبو الشباب على دقيق ايطالي ونجربه بيه

رهف
01-20-2011, 10:22 PM
ما شاء الله تسلم يدك يا طمطم ..

فضااوي
01-21-2011, 01:09 AM
الله الله الله عليك ياطمطومة

حطيتي يدك ع الجرح الا الفطير المشلتت

اصلي تو غير كليتة

ضاااااااااااااع الرجيم

يسلموو ايدياتك يالغلا

بنية بوها
01-21-2011, 01:14 AM
ماشاء الله يسلموا ياطمطم

ام اسر
01-21-2011, 04:36 AM
روعه ماشاء الله
تسلمي

طمطم
01-21-2011, 06:50 AM
نوارة ليبيا تسلمي وشكرا وعلى التقييم..... جربيها هتعجبك أكيد
ليبيا قلبي... ويديك ياعسل... تسلمي عالمرور
من عيوني هندا..... في شيفيلد؟؟؟؟؟؟؟؟؟؟ مشينالها مرة لما بنجددو الفيزا عطينا فيها بصماتنا
تعالي انت زورينا المرة هادي ووعد نديرلك أحلى فطيرة يا عسل
الألارم لا لا ماعواش..... ايه مع الفطيرة متاعنا اللي تطيب فوق الغاز وادير دخان طول يعلق الإنذار..... لكن هادي في الكوشة
علاش أني لا قادرة نديرها الفطيرة ولا السفنز....... لكن هلبة ليبيين يديرو فيهم مانعرفش علاش إلا اني يعلق معاي الإنذار لما نديرهم وهما لأ
تسلمي زهورة على التقييم.... أسعدتيني بقصتك مع الفلاحة المصرية (هما أي حد من الريف يقولوله فلاح واني نحبها التسمية.... لأني من الريف وبوي يمووووووووووووت في الفللاحة واني تمنيت تخصصت زراعة)
خلاص جربي وقوليلي..... على فكرة القشطة اللييحشو فيها من صنع ايديهم هما... بس أكيد مافيش فرق في النتائج بينها وبين الواتية..... وصبان العسل عليها وهيا سخونة رهيييييييييييييييييب ويعطيها لمعة حلوة وتمصه زين.... اااااااااااااااااااااااااااه عليك يازهورة

وايديك يارهف.... تسلمي عالمرور ياعسل

لا لا فضفض ريجيم شني وانت في مصر.... ماتروحيش لين اضوقي ماكلتهم كلها..... بصراحة من يديهم غييييييييييييييييييير

بنية بوها... أم أسر تسلمي عالمرور أسعدتني مشاركتكم

أمـ ساره
01-21-2011, 09:54 AM
ماشاء الله طمطم فطير يهبل والله

ومش عادي الصراحة نحس في بنته في فمي

سلمت ايدياتك على الموضوع وعلى الشرح الوافي

ابي الغالي
01-21-2011, 10:01 AM
سلم ايدياتك ياطمطم

خدوج
01-21-2011, 10:17 AM
اه ياطمطم اه
هذا الشى الوحيد اللى غلبنى فى المطبخ
نبيها رقيقة زى الورقة ماتبيش تجينى
بس طريقتك الباين ساهلة وان شاء الله نجربها
تسلمى طمطم الله يخليلك
سلمت يمناك

أم إيناس3
01-21-2011, 02:17 PM
يسلمو ايديك روعة صحتين على قلبك

loen
01-21-2011, 03:05 PM
ماشالله شكلها يشهى
يسلمو يدياتك

اريناس
01-23-2011, 07:21 AM
صحه وعافيه

ليبية
01-23-2011, 10:01 AM
يسلموا ايديك يا طمطومة ويعطيك الصحة شكلها رائع

mnona
01-23-2011, 10:56 AM
http://www.libyan-kitchen.com/gallery/images/141888eoe.gif

حنان
01-24-2011, 05:41 AM
ماشاء الله يا طمطم والله خاطرى من قبل انجربها
ومترددة لاكن انتى شجعتينى ان شاء الله حنجربها

طمطم
01-26-2011, 01:14 AM
أم سارة الله يسلم عمرك حبيبة







الله يسلم أبي الغالي







خدوج جربي طريقتي ساهلة ومش محتاجة خبرة







أم إيناس3 الله يسلم قلبك







الله يسلمك لوين







الله يعافي قلبك أريناس







الله يسلمك ليبية







الله يعافيك منونة







ايه حنان جربيها ساهلة جدا... ماتنسيش توريني شن طلع معاك حبيبة

guidona
01-26-2011, 11:46 AM
بسم الله ماشاء الله روعه ياعسوله احنن وعجبني فعلا متقن ماشاء الله وتستاهلي احلي تقييم

ام الحلوين
01-26-2011, 12:40 PM
يسلموووووو طمطومة

ميلا
01-26-2011, 01:49 PM
ما شاءالله
مشلتت ايجي في الخاطر
تسلم ايديك

QUEEN
02-02-2011, 08:22 PM
تسلم ايدياتك يا طمطم و بالعافية عليكم

الصابرة
07-09-2012, 03:47 AM
http://islamroses.com/zeenah_images/w6w2005041919345643d1e4f8.gif

luba
09-28-2012, 06:58 PM
ماشاء الله ربي يعطيك الصحة

موضوع اكتر من رائع تم التقييم والتمييز

نسيبة
09-30-2012, 01:38 AM
طمطم روعة الفطير تقيبمي

نسمه ليبيه
10-17-2013, 02:24 AM
يسلموا ايديك شكله يجنن

نجوي
10-18-2013, 04:15 PM
مشكورة طريقة ساهلة تسلم ايديك

زوبة الطيوبة الحبوبة
12-05-2013, 02:26 PM
ماشاء الله ..
يسلموا ايديك على هالطريقة الحلوة..