[زينب محمد] في [لقاء مع عضوة مميزة] [الأرشيف]

نسمه ليبيه

12-03-2010, 01:05 AM

مع حفظ الالقاب طبعا الرجاء تثبيت الموضوع

اختى زينب محمد منذ ان تلقيت الدعوه لهذا المنتدى وانا تدور فى بالى الاسئله العديده والموضوع شاغل كل تفكيرى لدرجة انى حكيت لزوجى عنك وعن المنتدى ولو سمحتى لى عند بعض الاسئله ياريت تجاوبينى عليها بصراحه

1\ماهو السبب الذى دعاك لعمل هذا الصرح؟

2\منذ متى وانت تفكرى فى انشاء المنتدى ؟ وهل اخذ تنفيذ الفكره وقتا طويلا؟

3\ هل قمت باقامته بنفسك ام هناك من ساعدك؟

4\هل كان يراودك شعور بان الليبيات مظلومات او لم ياخذن قدرهن بالقدر الكافى فى منتديات اخرى؟

5\انت صاحبة العضويه رقم 2 فمن هى صاحبة العضويه رقم 1؟؟

6\هل هناك افكار جديده ومستقبليه للمنتدى؟؟

7\ هل لديك اقوالا اخرى

واخيرا سامحينى على كثرة الاسئله ولكن شعورى بان المنتدى منتدانا جميعا هو الذى اعطانى الحق بان اتجرا واسئلك
والسلام عليكم

ابريكه

12-03-2010, 01:56 AM

والله العظيم
كنت قبل شوي بنبعت رسالة لزينب محمد
نأخذ منها الاذن اني أعمل معها لقاء
ههههههههههههههههههههه
وعندي اسئلة قريبة من اسئلتك
سبحان الله توارد أفكار
وسعيدة لفتحك الموضوع نسمة
وبأنتظار اختنا زينب محمد
للرد على اسئلتك القيمة
منورة

زينب محمد

12-03-2010, 02:00 AM

مع حفظ الالقاب طبعا

اختى زينب محمد

نعم

منذ ان تلقيت الدعوه لهذا المنتدى وانا تدور فى بالى الاسئله العديده والموضوع شاغل كل تفكيرى لدرجة انى حكيت لزوجى عنك وعن المنتدى

هل تفكرين في فتح منتدى؟

ولو سمحتى لى عند بعض الاسئله ياريت تجاوبينى عليها بصراحه

تفضلي اسألي

1\ماهو السبب الذى دعاك لعمل هذا الصرح؟

احببت ان يكون لنا منتدى خاص بنا نعرف من خلاله بمطبخنا الليبي و نفيد به بلدنا

و نحفظ فيه جهدنا و تعبنا بدل ان يضيع هباءً منثوراً في منتديات اخرى لا تقدره

2\منذ متى وانت تفكرى فى انشاء المنتدى ؟ وهل اخذ تنفيذ الفكره وقتا طويلا؟

لم افكر في انشاء منتدى من قبل

الذي حدث انه طرحت على فكرة انشاء منتدى خاص بي

و بعد ذلك بيومين ذهبت إلى شركة الاستضافة دفعت و حجزت مساحة للمنتدى.

و تم تفعيله مباشرةً

اي ان التنفيذ لم يأخذ وقتاً طويلاً

3\ هل قمت باقامته بنفسك ام هناك من ساعدك؟

انا لا اعرف البرمجة و التصميم

لذلك الدعم الفني بارك الله فيه هو من قام بتركيب نسخة المنتدى و تركيب الستايل

كذلك الاخ سوزاكو جزاه الله خيراً صمم لي الواجهة و البنر

اما الباقي فقد اشتغلته بنفسي

4\هل كان يراودك شعور بان الليبيات مظلومات او لم ياخذن قدرهن بالقدر الكافى فى منتديات اخرى؟

نعم الليبيات مظلومات في المنتديات العربية

و قد عانيت شخصياً من هذا الظلم

و لذلك احبطت و لم اشتغل اي موضوع جديد منذ اكثر من سنة

5\انت صاحبة العضويه رقم 2 فمن هى صاحبة العضويه رقم 1؟؟

العضوية رقم 1 للدعم الفني

لانه كما قلت سابقاً هو من قام بتركيب النسخة و الستايل

لذلك سجل قبلي

و لم اشاء ان اغير رقم العضوية بعد ذلك رغم انه طلب مني التغيير عدة مرات

6\هل هناك افكار جديده ومستقبليه للمنتدى؟؟

ان شاء الله سيكون هناك افكار وخطط جديدة لتطويرالمنتدى

نحن لازلنا في بداية الطريق

خطينا الخطوة الأولى و البقية تأتي لاحقاً ان شاء الله تعالى

الله يوفقنا و يعيننا و يسدد خطانا

7\ هل لديك اقوالا اخرى

لا ليس لدي اقوال اخرى سيادة المحقق

واخيرا سامحينى على كثرة الاسئله ولكن شعورى بان المنتدى منتدانا جميعا هو الذى اعطانى الحق بان اتجرا واسئلك

مفيش اي مشكلة

شكرا لاستجوابك و اهلاً و سهلاً بك في اي وقت

هههههههههه

حسيت نفسي في لقاء تلفزيوني

والسلام عليكم

و عليكم السلام و رحمة الله و بركاته

ღ¸¸حرة فوق راس حر¸¸ღ

12-03-2010, 02:01 AM

أهلاً بيك معنا يا نسمه منور بوجودك

انا انجاوبك على السؤال هدا

هل كان يراودك شعور بان الليبيات مظلومات او لم ياخذن قدرهن بالقدر الكافى فى منتديات اخرى؟

ايه مظلومات لابعد درجة الصراحة عاطيين كل ماعندهم ومافيش عدل ومحلك سرررر
كل واحدة منا تعانى من هالشىء لازم الواحد يحسم الامر
انا درت لين عيت فى المنتديات فى احدى المنتديات فى 3 شهور قعدت ادارية نحكم ونطلق زى مايقولو
بس للاسف ماقدرتش انكمل لعدة اسباب نحتفظ فيها لنفسى
وان شاءلله نلقو هنا الاخوة الصادقة وتعاون ومشاركت بعضنا البعض فى كل شىء
احنا فى البداية والنهاية ليبيات ياريت انكونو يد واحدة وقلب واحد
نشجعو بعض ونساعدو بعض من غير اى شئ
طولت عليكم المعدرة
^_*

نسمه ليبيه

12-03-2010, 02:01 AM

ابريكه عادى عادى كان عندك اسئله غير اسئلتى اكتبيها هنا ههههههه (لان زينب مستجوبه هنا اصلا ههههههه)

أمـ ساره

12-03-2010, 02:04 AM

ههههههههههههههههه

يعطيك السلامة يا نسمة

والله تقول فاتحة تحقيق وخاصة أخر سؤال

وهل لديك أقوال أخرى

فكرة حلوة والله وخيتي ومتأكدة انها بتزيد تخلينا نفهموا ونتعلقوا بالمنتدى أكثر

وان شاء الله يزيد عدد الأعضاء والمشاركات والتفاعل

ونرفعوا المنتدى لفوق

أم أيوب

12-03-2010, 02:06 AM

أهلاً بيك معنا يا نسمه منور بوجودك

انا انجاوبك على السؤال هدا

ايه مظلومات لابعد درجة الصراحة عاطيين كل ماعندهم ومافيش عدل ومحلك سرررر
كل واحدة منا تعانى من هالشىء لازم الواحد يحسم الامر
انا درت لين عيت فى المنتديات فى احدى المنتديات فى 3 شهور قعدت ادارية نحكم ونطلق زى مايقولو
بس للاسف ماقدرتش انكمل لعدة اسباب نحتفظ فيها لنفسى
وان شاءلله نلقو هنا الاخوة الصادقة وتعاون ومشاركت بعضنا البعض فى كل شىء
احنا فى البداية والنهاية ليبيات ياريت انكونو يد واحدة وقلب واحد
نشجعو بعض ونساعدو بعض من غير اى شئ
طولت عليكم المعدرة
^_*

كلامك صح لأبعد حد أسيرة

ღ¸¸حرة فوق راس حر¸¸ღ

12-03-2010, 02:12 AM

كلامك صح لأبعد حد أسيرة

هدا قليل من كتيرررر عندى ياغالية :mad:

ابريكه

12-03-2010, 02:46 AM

موضوعك جداً حلو نسمة
واسئلتك ماشاء الله كلها متنوعة ومهمة
والله انك ابدعتي بالاسئلة
الله يوفقك
وبأنتظار زوبة
وموضوعك فعلاً يستحق التقييم والتتبيث

اريناس

12-03-2010, 02:49 AM

موضوع راائع

نسومه

واسيره الغربهـ هو صح فى ظلم بس فيه استفاده لنااا بصراحه

تعلمناا العديد من الاشياااء

واناا عندى الاحترام والاسلوب الحسن احسن من الشهادات ومميزات او الالقاب

واخيراا اتمنى ان يجمعناااااااا الحب و تفهم ولاخوه فى الله

ابريكه

12-03-2010, 02:56 AM

نسومة هذا سؤالي اللي عندي فضول نعرفة من الاخت زينب محمد
http://www.libyan-kitchen.com/kitchen/showthread.php?t=105
يعني سؤال فضولي
سامحينا زوبة رح نتعبك معانا
وحتى انتي نسومة بانتظار مشاركتك

ღ¸¸حرة فوق راس حر¸¸ღ

12-03-2010, 04:20 AM

موضوع راائع

نسومه

واسيره الغربهـ هو صح فى ظلم بس فيه استفاده لنااا بصراحه

تعلمناا العديد من الاشياااء

واناا عندى الاحترام والاسلوب الحسن احسن من الشهادات ومميزات او الالقاب

واخيراا اتمنى ان يجمعناااااااا الحب و تفهم ولاخوه فى الله

ايه صح زى ما الناس اعطيت بيش تفيد غيرها لازم تلقى من يعطيها حقها
زى ماانا نفيد اكيد بنستفيد
لكن انا نعطى فى منتدى ليبى انفيد بلادى ونغير الفكرة يلى واخدينها علينا احسن
مانعطيه فى منتدى اخر
وقتى ثمين ف نخسر انى نعطيه لحد مايستاهله
والحمد لله الاسلوب والاحترام مافيشى اتنين عندى من قبل لا نخش عالم المنتديات
ونشكر ربى على هده النعمة
يعنى يلى ايخبط يسمع ويلى ايسلم يسلم
انا مانحبش الكدب والنفاق ويلى على راس لسانى انقوله ولو على قطع رقبتى
مانعرفش انجامل ونفاق لالالا الجو هدا مايمشيش معى
ابيض ابيض اسود اسود<<طولتها هههههه
وانا ضد العطاء بدون شىء ياماما الناس كلها تلاحظ وتشوف فى الدنيا كيف ماشية
فلازم ناخد حقى او ننسحب
الاستفادة نقدر نستفيد من مية موقع وانا مش مسجلة او عضوة فعالة فيه
بس لااااااااااااااازم زى مانعطى ناخد
بعيد عن كدبهم ونفاقهم وانا خشيتتتتتتتتتت فى الدغيريق وشعشرت ناس وعرفت الصالح من الطالح فيهم
والحمد لله وصلت لاقناعات غيرت حياتى ورتحت هلبةةةة
عيت خلاص خخخخخخ
وبسسسسسسسسسسس

والبنات اعطو لين قالو بس وعندهم الحق
وكل شخص وقناعاته فى النهاية

اريناس

12-03-2010, 04:35 AM

ايه صح زى ما الناس اعطيت بيش تفيد غيرها لازم تلقى من يعطيها حقها
زى ماانا نفيد اكيد بنستفيد
لكن انا نعطى فى منتدى ليبى انفيد بلادى ونغير الفكرة يلى واخدينها علينا احسن
مانعطيه فى منتدى اخر
وقتى ثمين ف نخسر انى نعطيه لحد مايستاهله
والحمد لله الاسلوب والاحترام مافيشى اتنين عندى من قبل لا نخش عالم المنتديات
ونشكر ربى على هده النعمة
يعنى يلى ايخبط يسمع ويلى ايسلم يسلم
انا مانحبش الكدب والنفاق ويلى على راس لسانى انقوله ولو على قطع رقبتى
مانعرفش انجامل ونفاق لالالا الجو هدا مايمشيش معى
ابيض ابيض اسود اسود<<طولتها هههههه
وانا ضد العطاء بدون شىء ياماما الناس كلها تلاحظ وتشوف فى الدنيا كيف ماشية
فلازم ناخد حقى او ننسحب
الاستفادة نقدر نستفيد من مية موقع وانا مش مسجلة او عضوة فعالة فيه
بس لااااااااااااااازم زى مانعطى ناخد
بعيد عن كدبهم ونفاقهم وانا خشيتتتتتتتتتت فى الدغيريق وشعشرت ناس وعرفت الصالح من الطالح فيهم
والحمد لله وصلت لاقناعات غيرت حياتى ورتحت هلبةةةة
عيت خلاص خخخخخخ
وبسسسسسسسسسسس

والبنات اعطو لين قالو بس وعندهم الحق
وكل شخص وقناعاته فى النهاية

وجهااااااات نظر

انتى هذاا رايك

واناا نختلف عنك فى وجهة نظرك :rolleyes:

ولالا يفسد فى الود قاااضيه:)

وان شااء الله نرقواا للحسن فى هذا المنتدى ونعطواا صوره محبوبه ع مطبخ اليبيى

ونكونواا يد بيد جميعنااااا ;)

حنان

12-03-2010, 05:15 AM

السلام عليكم يا بنات والله
انا مع الاخت اسيرة ان فعلا فى ضلم
فى المنتديات والتفرقة ما بين كل بلد واخرى لان الليبيات
ماشاء الله بادلين جهد لاكن مفيش هداكه التقدير
لاكن اهو الحمد لله هالمنتدى حيعوضنا ان شاء الله

ام عبدالمعز

12-03-2010, 11:19 AM

الصراحة عجبني الموضوع هلبة
شكرا نسومة لطرح الموضوع
وشكرا لك يازوبة علي الرد حتي انا حسيت اني نتفرج علي مقابلة

سحابه صيف

12-03-2010, 01:29 PM

حتي انا عجبني الموضوع هلبه هلبة مشكورة اختي زينب علي الرد علي الاسئلة ومشكورة اختي نسمة علي الموضوع لانك خففتي عليا التعب هههههههه
وبالنسبة ليا انا سجلت في اكتر من منتدى واستفدتت هلبة الحق وبارك الله فيكم لاكن عمري ما نزلت موضوع من مطبخي او بطريقتي لكن هنا اتشجعت لان الاخت زينب هي المسولة قلت يعني تعبي مش حيمشي هدر لاني شفت هلبة حاجات معجبونيش في اكتر من منتدى
وان شاء الله ربي ايوفقنا ونتعاونو جميع في رقي المنتدى هدا

ღ¸¸حرة فوق راس حر¸¸ღ

12-03-2010, 03:44 PM

وجهااااااات نظر

انتى هذاا رايك

واناا نختلف عنك فى وجهة نظرك :rolleyes:

ولالا يفسد فى الود قاااضيه:)

وان شااء الله نرقواا للحسن فى هذا المنتدى ونعطواا صوره محبوبه ع مطبخ اليبيى

ونكونواا يد بيد جميعنااااا ;)

اكيد وجهات نظر ياحبيبه
مش اكتر ولا اقل
ورى ايوفقنا جميعاً
انا تكلمت عن فئة معينة ماشملتش الكل
والنقاش لايفسد للود قضية
بالعكس جميع الاطراف تفهم وجهات بعض
:p

ღ¸¸حرة فوق راس حر¸¸ღ

12-03-2010, 03:46 PM

السلام عليكم يا بنات والله
انا مع الاخت اسيرة ان فعلا فى ضلم
فى المنتديات والتفرقة ما بين كل بلد واخرى لان الليبيات
ماشاء الله بادلين جهد لاكن مفيش هداكه التقدير
لاكن اهو الحمد لله هالمنتدى حيعوضنا ان شاء الله

بارك الله فيك اختى على وجهة رائك هى نفس وجهة رائي
وان شاءلله عند ربى خير

:)

ღ¸¸حرة فوق راس حر¸¸ღ

12-03-2010, 03:49 PM

صحه لسانك واحسن مادرتى لانه بلادنا اولي بها الشئ من اى مكان اخر
وانتم ماشاءلله عليكم

و بعد ذلك بيومين ذهبت إلى شركة الاستضافة دفعت و حجزت مساحة للمنتدى.

ممكن لو مافيش مانع نعرف الاستضافة وين درتيها وبكم سعرها ؟؟

زينب محمد

12-03-2010, 04:13 PM

صحه لسانك واحسن مادرتى لانه بلادنا اولي بها الشئ من اى مكان اخر
وانتم ماشاءلله عليكم

ممكن لو مافيش مانع نعرف الاستضافة وين درتيها وبكم سعرها ؟؟

صح بدنك حبوبة

شن القصة شكلكم كلكم بديتوا تفكروا تفتحوا منتديات و تفروا من هني؟

الشركة المستضيفة هي شركة العنكبوت الليبي

السعر 125 دينار ليبي

ღ¸¸حرة فوق راس حر¸¸ღ

12-03-2010, 04:23 PM

صح بدنك حبوبة

شن القصة شكلكم كلكم بديتوا تفكروا تفتحوا منتديات و تفروا من هني؟

الشركة المستضيفة هي شركة العنكبوت الليبي

السعر 125 دينار ليبي

لالا بالعكس مش ح انفر ههههههههه قاعدة ومتربعة زائدة :d

هو سؤال بس لانى مره جربت فتحت واحد مجانى كاتجربة
وسالت واحد اخرى ع الاضافة قالتلى ب400

زينب محمد

12-03-2010, 04:34 PM

لالا بالعكس مش ح انفر ههههههههه قاعدة ومتربعة زائدة :d

هو سؤال بس لانى مره جربت فتحت واحد مجانى كاتجربة
وسالت واحد اخرى ع الاضافة قالتلى ب400

اهلا و سهلا بك حبوبة

تأنسي و تشرفي

الصدر لك و العتبة لنا

و ان ما شالتكش الارض نشيلوك على رؤوسنا

ممكن سعر 400 دينار استضافة مع النسخة

انا فقط عملت استضافة عندهم

على فكرة انا مازال نستنى في الشغل اللي اتفقنا عليه

ღ¸¸حرة فوق راس حر¸¸ღ

12-03-2010, 04:39 PM

اهلا و سهلا بك حبوبة

تأنسي و تشرفي

الصدر لك و العتبة لنا

و ان ما شالتكش الارض نشيلوك على رؤوسنا

ممكن سعر 400 دينار استضافة مع النسخة

انا فقط عملت استضافة عندهم

على فكرة انا مازال نستنى في الشغل اللي اتفقنا عليه

بارك الله فيك الله ايحي اصلك
من عيونى والله

نوارة ليبيا

12-03-2010, 04:40 PM

ماعندي مانضيف عليكم يابناويت

وماشاء الله الأخت زنووبة جاوبت على الأسئلة بأدق مايكون

وفعلا نحنا مظلومات في المنتديات الأخرى ...ولو وضعونا تحت اسامينا القاب

بارك الله فيك يازينب وفيكم يابنااااويت

ابريكه

12-03-2010, 06:13 PM

فعلاً كأننا نتفرج على مقابلة عالتلفاز
اسئلة دقيقة ومهمة
وأجابات وواضحة ومفصلة
وفقك الله أختي زينب
سيري وأحنا معك سائرون

نسمه ليبيه

12-03-2010, 06:31 PM

نعم الليبيات مظلومات في المنتديات العربية

و قد عانيت شخصياً من هذا الظلم

و لذلك احبطت و لم اشتغل اي موضوع جديد منذ اكثر من سنة

والله العظيم اختى زينب انا كنت حاسه بيك وحاسه انك انظلمتى وماخذيتى تقديرك بالقدر الذى تستحقيه

نسمه ليبيه

12-03-2010, 06:33 PM

فعلاً كأننا نتفرج على مقابلة عالتلفاز
اسئلة دقيقة ومهمة
وأجابات وواضحة ومفصلة
وفقك الله أختي زينب
سيري وأحنا معك سائرون

مشكوره اختى بريكه على روحك السمحه

نسمه ليبيه

12-03-2010, 06:37 PM

مع حفظ الالقاب طبعا

اختى زينب محمد

نعم

منذ ان تلقيت الدعوه لهذا المنتدى وانا تدور فى بالى الاسئله العديده والموضوع شاغل كل تفكيرى لدرجة انى حكيت لزوجى عنك وعن المنتدى

هل تفكرين في فتح منتدى؟

ولو سمحتى لى عند بعض الاسئله ياريت تجاوبينى عليها بصراحه

تفضلي اسألي

1\ماهو السبب الذى دعاك لعمل هذا الصرح؟

احببت ان يكون لنا منتدى خاص بنا نعرف من خلاله بمطبخنا الليبي و نفيد به بلدنا

و نحفظ فيه جهدنا و تعبنا بدل ان يضيع هباءً منثوراً في منتديات اخرى لا تقدره

2\منذ متى وانت تفكرى فى انشاء المنتدى ؟ وهل اخذ تنفيذ الفكره وقتا طويلا؟

لم افكر في انشاء منتدى من قبل

الذي حدث انه طرحت على فكرة انشاء منتدى خاص بي

و بعد ذلك بيومين ذهبت إلى شركة الاستضافة دفعت و حجزت مساحة للمنتدى.

و تم تفعيله مباشرةً

اي ان التنفيذ لم يأخذ وقتاً طويلاً

3\ هل قمت باقامته بنفسك ام هناك من ساعدك؟

انا لا اعرف البرمجة و التصميم

لذلك الدعم الفني بارك الله فيه هو من قام بتركيب نسخة المنتدى و تركيب الستايل

كذلك الاخ سوزاكو جزاه الله خيراً صمم لي الواجهة و البنر

اما الباقي فقد اشتغلته بنفسي

4\هل كان يراودك شعور بان الليبيات مظلومات او لم ياخذن قدرهن بالقدر الكافى فى منتديات اخرى؟

نعم الليبيات مظلومات في المنتديات العربية

و قد عانيت شخصياً من هذا الظلم

و لذلك احبطت و لم اشتغل اي موضوع جديد منذ اكثر من سنة

5\انت صاحبة العضويه رقم 2 فمن هى صاحبة العضويه رقم 1؟؟

العضوية رقم 1 للدعم الفني

لانه كما قلت سابقاً هو من قام بتركيب النسخة و الستايل

لذلك سجل قبلي

و لم اشاء ان اغير رقم العضوية بعد ذلك رغم انه طلب مني التغيير عدة مرات

6\هل هناك افكار جديده ومستقبليه للمنتدى؟؟

ان شاء الله سيكون هناك افكار و خطط جديدة لتطويرالمنتدى

نحن لازلنا في بداية الطريق

خطينا الخطوة الأولى و البقية تأتي لاحقاً ان شاء الله تعالى

الله يوفقنا و يعيننا و يسدد خطانا

7\ هل لديك اقوالا اخرى

لا ليس لدي اقوال اخرى سيادة المحقق

واخيرا سامحينى على كثرة الاسئله ولكن شعورى بان المنتدى منتدانا جميعا هو الذى اعطانى الحق بان اتجرا واسئلك

مفيش اي مشكلة

شكرا لاستجوابك و اهلاً و سهلاً بك في اي وقت

هههههههههه

حسيت نفسي في لقاء تلفزيوني

والسلام عليكم

و عليكم السلام و رحمة الله و بركاته

اختى زينب طبعا لا ..لا افكر ابدا فى افتتاح منتدى

ومشكوره على اجاباتك اللى نتج عنها اسئله اخرى فى راسى
وان شاء الله موفقه

حنان

12-03-2010, 06:45 PM

بارك الله فيك اختى زينب انتى وفرتى على الاخوات
عدة امور واهم امر هو الاستقلالية احنا توا انحسو فى روحنا فى بلد
وحدة واخوات وراينا راى واحد
مع العلم يشرفو كل الاخوات من البلدان الاخرى مشرط اتكون ليبية
لاكن المهم احنا كاليبيات نعرفو ان حقوقنا محفوضة بأدن الله
بارك الله فيك اختى الغالية وجزاك الله كل خير والاخوت جميعا.

اريناس

12-03-2010, 06:49 PM

مااشاء الله زنوبـهـ

ربى يسااعدك وتحطى المنتدى فى المستوى الاحسن

ونفتخرو بيه

وان شاااء الله نكون معاك جميعاااا

واتمنى التوفيق للجميع العضوات فى المنتدى وتقديم الاحسن حتى تعم الفائده

تحيااتى لكم

ياااحلى ليبياات وجمعه مباركه وطيبه ع جميع

أمـ ساره

12-03-2010, 06:55 PM

ماشاء الله اجابات وافية بارك الله فيك

وتأكدي ان حني معاك على نفس الدرب ان شاء الله

وبجد والله ما نقدر نحكي على فرحتي وسعادتي بهذا المنتدى الرااااائع

وفعلا نقدروا ناخذوا حقنا هني ونثبتوا نفسنا من غير ظلم

الله يبارك فيك سموحة وفي الأخت زنوبة

وكل من له يد في إقامة هذا الصرح الجميل

وكل من تشارك وتخط حرف فيه

لنلتقي ونرتقي وندفع به للإمام ان شاء الله

guidona

12-03-2010, 07:11 PM

هههههههههه بانتظار الاجابات يازوبا والف الف مبروك ياعسل

أم أيوب

12-03-2010, 11:48 PM

نسومة والله فكرة أكثر من روعة

ولو انها تدل على كميات الفضول اللي عندك :)

نبصر معاك والله أسئلة ذكية وحلوة وأكيد كل وحدة

تدور في راسها الأسئلة وتبي اجابات

بالنسبة للمنتديات أنا عندي سؤال

ليش لما يعرفوك ليبية يطنشوك ومعاش يعدلوا عليك

ولا تلقي أي اقبال على مواضيعك ولا من يعدل عليك

أنا مرة تعقدت ودرت روحي سعودية

لقيت تفاعلات وردود وماشاء الله

مش لأني نتنكر لكوني ليبية أنا ليبية ونفتخر بنفسي

ورافعة راسي وين ما كنت لأني ليبية لكن قلت نجرب

هل الخلل في مواضيعي أم الخلل في جنسيتي من وجهة نظر العضوات

ولقيت الخلل في كلمة ليبية

ليش شن متخايلين الليبيات؟؟ والله ماشاء الله علينا نهبلوا

لكن فكرة ان يكون عندنا منتدى زي هالمنتدى والله حاجة ترفع الراس

وترفع المعنويات

أكيد مرحبين بأي عضوة من أي دولة لأن نحن شعب ما نعرفوش التمييز

العنصري

( حسيتها كأنها خطبة جمعة بس الموضوع مضايقني )

الساجدة لله

12-04-2010, 11:32 AM

الموضوع حلو وممتع ومشكورة يازوبة على التفاعل

زهورة عندي تعقيب على كلامك فعلا انا لاحظتها لما تقولي ليبية معش يدوروك والايضايقوك بااي كلمة مستفزة والايقولولك كلامكم مش مفهوم مااعتاقدش ان لهجتنا اصعب من اللهجة الخليجية او المغربية او الجزائرية ...والحمد لله بدي لينا مكان وحويش نلتمو فيه

فضااوي

12-06-2010, 11:09 AM

السلام عليكم ورحمة الله وبركاته

اولا بارك الله فيك اختي زينب على هل المنتدى اللي جمع كل الليبيات

وان شاء الله تكون جمعتنا في الله والله يجمعنا تحت ظله يوم لا ظل الا ظله

ثانياا انا قريت كل الردود واستغربت ان في ظلم على الليبيات في المنتديات الثانيه

انا من سنتين مشتركه في منتدى خليجي وحطيت فيه بصمتي وبصراحه لي وزني فيه

ووصلت الى الرقابه العامة ولتو انا فيه ومانفكرش نتركه وبصراحه هن اخوات لي في الله

وبعمري ما حسيت اني غريبه عنهن بالعكس حبوبات واجتماعيات واسمي له وقع على كل اللي بالمنتدى

وبعمري ما حسيت اني غريبه عنهن

يعني مش كل الليبيات تعرضن للظلم

بس هذا ما يعنيش ان ما تكون لناا هوية خاصة بين المنتديات منتدى زينب محمد بعده في بداية المشوار

ومع بعض راح نخلو اسمة ياخذ مكانه بين المنتديات العربية

Om Saga

12-06-2010, 01:57 PM

عجبتني الفكره
ولقاء كان روووووووووووووووووووعه
وأسأله كانت في محلها
ومرحبتين بيك نسوم

الجبليه

12-07-2010, 06:03 PM

السم عليكم
كيف حالك نسمة ليبية

لما قريت رد الاخت زينب عليك حسيت كانها معاك فى لقاء
بس فكرة المنتدى جدااااااااااااً حلوه لانى لما كنت ندخل للنت كنت متعلمه الطبخ بس الطبخات الليبيه فيها مش ممتازه خاصة الحلويات الليبيه للمناسبات بس لما تعرفت على زنوب فى منتدى لك وجدت ما ابحث عنه وللأمانه قبل انشاء منتدى الطبخ الليبي نقعد اندور على كل مشاركة لزينب ولكل اخت ليبية فكان ايدور فى راسي ونقول الله لو زينب ادير منتدى خاص وتحط كل الاكلات الليبية عليه باش الواحد يوصل بسرعة ويحس بوجوده
وفرحت هلبه بالمنتدى

ام انسام

12-08-2010, 11:12 PM

سلمها زوبا اللي لمتنا اهني
وراك وراك وين ماانتي ههههه
ربي يجمعنا عالخير في الدنيا وفي الفردوس الاعلى صحبة سيدنا محمد في الاخرة

نسمه ليبيه

12-09-2010, 12:52 AM

زوبا الجزء الثانى من الاسئله جاهز امتى نبدوا فيه:d

النطاحيه

12-11-2010, 03:06 AM

مشكوره يازوبه علي التصريحات :)
وهدا الشي اللي احبطني انا كدلك وانسحبت من المنتديات
اللي ماعرفت قيمتنا المشكله اننا نشارك معهم بقلب ورب
ربي ان شاءالله يعوضنا خير ونفيد ونستفيد احنا الليبيات من بعض

بيبي دوح

12-12-2010, 03:16 PM

بجد فكرة الموضوع جدا رائعة والاروع الاسلوب اللى تم بيه الاستجواب

انقوللكن على سر!!!!!

انا لما نخش اى منتدى احس بالغربة جدا وبخاصة اغلبهم يتميزوا بالعنصرية مش عارفة ليش؟؟؟

وخصوصا عند عمل المسابقات وبخاصة الرمضانية!!!

اى لا يوجد عدل ابدا بتاتا مطلقا

اما والحق يقال حسيت انى داخلى فى بيتى وبين اهلى وناسى

والله يا اختى زينب لكى الاجر

يارب فى تقدم دائم ومستمر امين يارب

تحياتى القلبية لكن جميعا

(((( بيبي دوح ))))

المجروحة والمصدومة لفراقك يادوح

ღ¸¸حرة فوق راس حر¸¸ღ

12-13-2010, 03:28 AM

مشكوره يازوبه علي التصريحات :)
وهدا الشي اللي احبطني انا كدلك وانسحبت من المنتديات
اللي ماعرفت قيمتنا المشكله اننا نشارك معهم بقلب ورب
ربي ان شاءالله يعوضنا خير ونفيد ونستفيد احنا الليبيات من بعض

اية والله صحة ليك عرفتى روحك ورتاحتى بكري بكري
مراة وتعجبنى اى واحدة تقدر تعبها
وجلوسها ع النت فى الفاضي
:d

ღ¸¸حرة فوق راس حر¸¸ღ

12-13-2010, 03:30 AM

بجد فكرة الموضوع جدا رائعة والاروع الاسلوب اللى تم بيه الاستجواب

انقوللكن على سر!!!!!

انا لما نخش اى منتدى احس بالغربة جدا وبخاصة اغلبهم يتميزوا بالعنصرية مش عارفة ليش؟؟؟

وخصوصا عند عمل المسابقات وبخاصة الرمضانية!!!

اى لا يوجد عدل ابدا بتاتا مطلقا

اما والحق يقال حسيت انى داخلى فى بيتى وبين اهلى وناسى

والله يا اختى زينب لكى الاجر

يارب فى تقدم دائم ومستمر امين يارب

تحياتى القلبية لكن جميعا

(((( بيبي دوح ))))

المجروحة والمصدومة لفراقك يادوح

دحدوحة ربى يجمعك به فى جنات النعيم
وكلنا ليها ياغالية
مافيشحد جاء منها
:mad:

بيبي دوح

12-13-2010, 02:18 PM

سلمك يارب

وتسلميلى يا حرة يا غالية

بالله بوسيلى نبأ

سويم

12-13-2010, 06:20 PM

السلام عليكم ورحمة الله وبركاته

اختي زينب الله يوفقك ويجعل كل ما قدمتيه في ميزان حسناتك انا شخصيا استفذت هلبا منك المطبخ والله كنت ما نعرفه لكن منك حبيته وتوه بشوية بشوية نتطور فلك مني كل الشكر والتقدير
تحياتي

ام ماجد

12-13-2010, 10:55 PM

انا عضوة جديدة بس على طول انتبع فيكم فى منتديات تانية وانطبق فى اكلاتكم الحلوة البنينة واكلات زنوبا وعندى سؤال لزنوبا ليش ما درتيش كتاب على الاكلات الليبية وانتى ما شاء الله عليك شف من الدرجة الاولى

بنية بوها

12-14-2010, 04:54 AM

كانك في تحقيق اخت نسمة لكن اسئلة حلوة والله وتدور في الدهن
غالبا والاخت زنوبة منورة عالردود والواحد بجد يفتخر بيك وببلاد وببنات بلاده
وانا عن نفسي فرحانة بالمنتدى وبالبنات اللي معاي

أمـ ساره

12-14-2010, 11:20 AM

بالله يا بنات ماتعرفوا خيرها الأخت زينب متغيبة ليها فترة

ان شاء الله المانع خير

والله كل يوم نخش نشوف في الموجودين مرات نلقاها

لكن للأسف

والله انشغله عليها هلبة الي تعرفها ياريت اطمنا

والأخت كيتي متغيبة حتى هيا ان شاء الله المانع خير يارب ويرجعوا بالسلامة

سحابه صيف

12-15-2010, 10:16 PM

بالله يا بنات ماتعرفوا خيرها الأخت زينب متغيبة ليها فترة

ان شاء الله المانع خير

والله كل يوم نخش نشوف في الموجودين مرات نلقاها

لكن للأسف

والله انشغله عليها هلبة الي تعرفها ياريت اطمنا

والأخت كيتي متغيبة حتى هيا ان شاء الله المانع خير يارب ويرجعوا بالسلامة

اهلين ام سارة حبيت انطمنك

بالنسبة لاخت زينب عندها مشكله في النت امتاعها
ام كيتي هي دئما اتقول مشغولة يعندي متفطاش ديما ديما اتخش للمنتدى ربي ايعاونها
زان اشاء الله هما اتنين ميتاخروش علينا
سلامي لكل

ليبية

12-17-2010, 12:06 AM

يعطيك الصحة على الأسئلة
وشكرا على الأجابات يا زوبة
وفعلا كلامك مية مية
حتى اني كنت ادارية فيما سبق
وحسيت بظلم في عدة مواقف ولهذا السبب انسحبت من الأدارة
وان شاء الله نتأملوا خير في منتدى وجه الخير زنوبة

خدوج

12-17-2010, 09:11 PM

موضوعك عسل اخت نسمة
الله يبارك فيك
وشكر خاص للاخت زينب
سبحان الله نفس احساسكم
هما الليبيات مش مضلمومات فى المنتديات التانية وبس
حقنا مهضموم
تصدقوا شفت المنتدى الليبيى من هنا
وخديت اشتراك ليبيا ماكس من هنى
حسيت انى صاحبة المنتدى(عذرا ابله زينب) من فرحتى بيه
وان شاء الله تنصفنا الاخت زينب لانه حاسة بينا
وعندى نيه مش عادية انى نزل مواضيع عكس المنتديات الاخرى
وشكر خاص للاخت اريناس اللى عرفتنى بالمنتدى
تصدقوا حاستكم وخياتى بدون مجاملة
وربى يعيننا باش يزيد ويزيد المنتدى ويتقدم

نسمه ليبيه

12-20-2010, 08:22 PM

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة خدوجhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifموضوعك عسل اخت نسمة
الله يبارك فيك
وشكر خاص للاخت زينب
سبحان الله نفس احساسكم
هما الليبيات مش مضلمومات فى المنتديات التانية وبس
حقنا مهضموم
تصدقوا شفت المنتدى الليبيى من هنا
وخديت اشتراك ليبيا ماكس من هنى
حسيت انى صاحبة المنتدى(عذرا ابله زينب) من فرحتى بيه
وان شاء الله تنصفنا الاخت زينب لانه حاسة بينا
وعندى نيه مش عادية انى نزل مواضيع عكس المنتديات الاخرى
وشكر خاص للاخت اريناس اللى عرفتنى بالمنتدى
تصدقوا حاستكم وخياتى بدون مجاملة
وربى يعيننا باش يزيد ويزيد المنتدى ويتقدم
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gifان شاء الله المنتدى وصاحبته وعضواته عند حسن ظنك

kittygago

12-26-2010, 03:08 AM

بارك الله فيك يا حبوبة على الموضوع الروعة عجبني هلبة

و خاصة انه المستضيفة هي زنوبة

و سبحان الله الأسئلة هذه كانت في بالي

غير انه بعضها كانت زنوبة مصرحة بيها و هي ان الليبيبات مهضوم حقهم في المنتديات الأخرى

مشكورة حبوبة جدا

نعومي نت

12-26-2010, 04:07 PM

نسمة موضوعك حلو
والأسئلة ديما تتبادر إلى دهني لكن ولا مرة فكرت إني نسالها للاخت زينب
يلا أنتي صاحبة السبق الصحفي تستاهلي

ام بكر

01-02-2011, 05:08 PM

والله امنوره لانك تقريباً اسالت الاسأله كلها الي بنسالها لكن
من خلال اجاباتها جاني سوال اوهو
س:مانوع الظلم الي تعرضت ليه الاخت زينب محمد ف النوادي الاخري!!؟

التوقيع: مساعد المحقق...

اناواخواتي

01-04-2011, 10:38 PM

مبروك عليك وعلينا المنتدى يا زوبة ونراجو في الاكلات الجديدة
عندي سؤال
علاش مدريش دورة عملية لفنون الطهي

نسمه ليبيه

01-06-2011, 01:25 AM

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة ام بكرhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifوالله امنوره لانك تقريباً اسالت الاسأله كلها الي بنسالها لكن
من خلال اجاباتها جاني سوال اوهو
س:مانوع الظلم الي تعرضت ليه الاخت زينب محمد ف النوادي الاخري!!؟

التوقيع: مساعد المحقق...
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

ههههههههه وينك يامساعد المحقق اليوم غير شاركت:mad:

QUEEN

01-27-2011, 07:32 PM

موضوع رائع وبصراحة ايخلي الوحدة منا اتحس بواجبها تجاه المنتدي لانه منا وفينا

guidona

01-30-2011, 06:06 PM

هههههههه ماشاء الله يانسمه الموضوع رائع ونستني في زوبا اتجاوب لانها نفس الي في بالي الله ابرك فيها وينولها وينول الجميع الي في بالكم يارب

Moony heart

09-10-2011, 09:10 PM

والله احلا حاجة درتها منتدي ليبي انحس روحي مع خواتي مش غريبه في منتديات اخر وان شاءالله يد بيد ليكون احلا منتدي:):rolleyes:

زينب2007

09-20-2011, 06:47 PM

السلام عليكم
راق لي ما قرأته وعندي امنيه اتمنى ان تتحقق
وهي انشاء منتدى خاص بالمرأة الليبية بروعة هدا المنتدى
لأن الفتاة الليبية اهتماماتها لا تنصب على المطبخ فقط على ان يكون شامل
هل توافقوني الرأي؟
ادن نحتاج الى زينب اخرى
شكرا لكم

Moony heart

09-20-2011, 07:22 PM

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة زينب2007http://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifالسلام عليكم
راق لي ما قرأته وعندي امنيه اتمنى ان تتحقق
وهي انشاء منتدى خاص بالمرأة الليبية بروعة هدا المنتدى
لأن الفتاة الليبية اهتماماتها لا تنصب على المطبخ فقط على ان يكون شامل
هل توافقوني الرأي؟
ادن نحتاج الى زينب اخرى
شكرا لكم
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gifانا معاك في الراي;)

زينب محمد

09-20-2011, 08:10 PM

وعليكم السلام ورحمة الله وبركاته

اختي بكل تأكيد اهتمامات المرأة الليبية لاتنحصر في الطبخ فقط وهى لا تتواجد في المطبخ طوال اليوم

لكني اقول لك بان مطبخنا الليبي مجهول ولم يشتهر وينال حظه مثله مثل المطابخ العربية الاخرى

لذلك انشىء هذا المنتدى المتخصص للتعريف به

اما انشاء منتدى عام للمرأة الليبية

فيوجد منتديات نسائية ليبية عامة لو بحثي عنها في الشبكة ستجديها

زينب2007

09-21-2011, 02:29 PM

شكرا اختي زينب على ردك
ولكن هل المنتديات الليبية الاخرى شامله وفي روعة منتدانا ؟
او ان يرفق لهدا المنتدى منتدى صغير باسم البيت الليبي يشمل كل ما يخص المرأة والرجل والطفل وكل شئ ليبي وانا متاكدة ان هناك الكثيرات من لديهن افكار وخطط مستقبلية للتطوير
شكرا لك عزيزتي على الرد

نسيبة

09-22-2011, 04:10 PM

بارك الله في جهد ك الغالية زينب
الموضوع لطيف الظل
كن بخير

الحنونة

02-01-2012, 02:29 PM

ما شالله والله انى مبهورة بالمنتدى ومعجبة بيه جدا وكل ليبية فى داخلها كانت تتمنى تشوف منتدى ليبيى زى هدا نتمنى نوصولوا بيه لارقى الدرجات من زمان كنت نتمنى نشوف الاكلات الليبية الى خاطرى فيها فى النت منظمة ومصورة لما شفت المنتدى كان حلم وتحقق فجاء ان شالله يكون من افضل المنتديات