[ اللوسة ] من مطبخ روح مغتربه

[روح مغتربه]

االسلام عليكم اخواتي
اقدم لكم اليوم اللوسة علي طريقة عمتي الله يذكرها بالخير
وطريقه هذي قديمه يعني علي قولت الطرابلسيه زمنيه
المهم منطولش عليكم لانها ساهله بكل وعباره عن
اوراق البصل الاخضر
تنغسل وتقطع بحجم مناسب زي الصوره



http://www.libyan-kitchen.com/gallery/images/0260govnv.jpg







ونحطه في الكرو [المهراس]ونضيفله شويه ملح وندقه




http://www.libyan-kitchen.com/gallery/images/0262gdg.jpg






مبعدين انحطه علي بخشه من السعف بس للاسف الكميه الاي مدايرته بسيطه جداً وتحشم بس
درتها علي خاطر نواره ليبيا الغاليه وحطيتها في صحن وحطيتها في الشمس
ونخليها تجف طبعاً اني درتها امس ملحقتش اتجف
بس لما اتجف نرحيها ونستعملها في عمل الحاجات الجاريه والحساء




http://www.libyan-kitchen.com/gallery/images/0263.jpg




وانشاء الله تنال اعجابكم

[Om Amory]

يسلمو ايدياتك روح مغتربه

[نوارة ليبيا]

تسلمي يالغالية على تلبية طلبي ربي يبااارك فيك يارب

لوسه اتهبل ان شاء الله نطبقها ونبدا انطيب بيها

ربي يبارك فيك حبوبة وتستحقي أحلى تقييم

[الساجدة لله]

يسلمو يدياتك ياغالية

[طمطم]

ماشاء الله تجنن وجديدة علي
بس احنا نجففو في البصل التاني الكبير ونسمو فيه حريقة ونطيبو بيه ونستعملو فيه لعمل اللوسة اللي حطيت طريفتها من كم يوم

أكيد الأخضر ليه طعم تاني...

[اريناس]

عرفه اول مره نسمع بيه

مشكوره ع طريقه


ويخليلك عمتك

[OM OSAMA]

حلو تسلم يديك وبارك الله فيك

[أم أيوب]

يسلمو رويحة

أول مرة نسمع بيها وبس تجينا الشمس نجربها

[روح مغتربه]

مشكورات حبيباتي علي الردود الحلوه وان شاء الله بعد اتجف انوريكم كيف نستخدموها
شكراً للحبوبه نوارة ليبيا علي تصغير الصوره وعلي الحركات الحلوه انحس في روحي وليت ماركه مسجله ههههههههههههههههههههههههههههههه

[سحابه صيف]

مشاء الله روعه يسلم ايدياتك

[ابريكه]

يسلم يدياتك روح
وبانتظار جديدك

[ام اسر]

تسلم ايدك يارب

[ام رواسي]

يسلمووووو ادياتك
شكلها اتسفة

[المستعينة بالله]

يسلموا حبيبتي الله يعطيك الصحة

[Om Saga]

سلمها مغتربه ياااااااااااااارب
والله الباين ظغنها مش عاديه وعقلي الحاجات هده
بوركتي أختى

[للاهم]

حاجة جديدة عليا ومش عادية مشكورة خيتي روح مغتربة موضوع متميز

[حنان]

يسلم ايديك يارب

[mnona]

يسلمو هالايديات ويخليلك عمتك ان شا الله
ربي يحفظك

[أم إيناس3]

اول مرة نسمع بيها يسلمو ايديك

[فضااوي]

ماشاء الله

روووووعه

تسلم الايااادي يالغاليه

[ليبيا قلبى]

تسلم ايدك

[المروالوردي]

أول مرة نعرف ان هذي هي اللوسة , الباين عليها اقنينه

تسلم ايدك

ياريت تكتبن على هذه الاشياء التراثية علشان انتعرفوا عليها

[نسيبة]

يعطيك الصحة حبوبة صحيتي

[luba]

بارك الله فيك عليك هاشرح والتوضيح والله اول مره اعرفها ومنكم نستفيد

[أم أنس 2010]

ماشاء الله تجنن وجديدة علي
بس احنا نجففو في البصل التاني الكبير ونسمو فيه حريقة ونطيبو بيه ونستعملو فيه لعمل اللوسة

[عهود]

مشكورة اختي وتسلم ايديك

[بنت حواء]

ماشاء الله أول مرة نسمع بيها
تسلم يديك
ولك تقييمي و 5 نجووووووووم

[المصراتيه]

تسلم الايادي ويعطيك الصحه

[كيميائيه]

تسلم ايدك وبارك الله فيك على هذة المعلومه ديمه نسمع بيها ومانعرفها