[ العصيدة التونسية ] من مطبخ زهورة الأمورة

[أم أيوب]

http://dc14.arabsh.com/i/02376/7um59dh63p65.gif

السلام عليكم ورحمة الله وبركاته

كيف حال الحبايب

أمس كنت نحكي مع أختي في بنغازي وفي وسط الحكايات قالتلي اليوم درنا عصيدة

قلتلها ثواني ونعاود عليك واتصلت بأبو الشباب ووصيته على زبدة ورب وقررت ان فطوري حيكون

انشاء الله عصيدة وأول ما وعيت اليوم من النوم جري جري للمطبخ وجهزت العصيدة

طبعا كان عندي مشكلة مع الطريقة المعتادة للعصيدة اني نرش الدقيق عالماء وقت ما يغلي

المشكلة لها عدة وجوه مرات الماي يكون أكثر من الدقيق وتطلع العصيدة رطبة زيادة عاللزوم

ومرات الدقيق أكثر من الماء ويتكتل عندي وتجي العصيدة مش حلوة لعند ما ماما الله يحفظها

علمتني الطريقة التونسية للعصيدة والطريقة سااااااااهلة ومضمونة وانشاء الله ما تتكتل

المقادير زي ماهو متعارف عليه ماء وملح ودقيق وزبدة أو سمن

أنا مقاديري اليوم هي لثلاث أشخاص أنا وشنبيري وعمي أب شنبيري

مقداري كان 4 أكواب دقيق (( استخدمت الايطالي )) + 3 أكواب ماء + رشة ملح + شوي زيت أو زبدة

خلطت المقادير كلها قبل ما نحط الطنجرة عالنار وقلبتهم كويس لعند ما تأكدت انهم تخلطو كويس

http://www.libyan-kitchen.com/gallery/images/za333.jpg

بعدين حطيتهم عالنار ويدي والمعصدة والتحريك يشتغلو مع بعض بدون توقف لغاية ما تتكتل عندي

وتقعد كتلة وحدة

http://www.libyan-kitchen.com/gallery/images/za444.jpg

بعدين نزلتها وعصدتها كويس وكنت مجهزة حوالي كوب ماء عالنار على جنب وأول ما رجعت العصيدة

عالنار صبيت عليها الماء عشان تطبخ كويس وتستوي

http://www.libyan-kitchen.com/gallery/images/za555.jpg

وعلى بال ما جهزت الزبدة والصحن والسفرة والرب والعسل كان الماء اللي حطيته عليها نشف

نزلتها عصدتها من جديد ورتبتها في الصحن بالطريقة المعتادة وزينتها بطرف الكوب وحطيت

الزبدة السااااخنة عليها

http://www.libyan-kitchen.com/gallery/images/za666.jpg

وقدمتها لأبو الشباب مع العسل وأنا نحبها مع الرب

هي تفضلو حبايب سمو ومدوا يديكم

http://www.libyan-kitchen.com/gallery/images/za777.jpg

[نسمه ليبيه]

سلم ايدياتك وايديات امك وحتى اختك اللى ذكراتك بيها خخخخخخخخخخخ

ان شاء الله جارى تطبيق الطريقه

وماتحرمينا من طلاتك واكلاتك الحلوة

[أم أيوب]

نسمة يا حبيبة بارك الله فيك عالرد

[ابريكه]

فكرة حلوة والله
يسلم يدياتك زهورة وصحة على قلوبكم

[بنية بوها]

يساموا يازهورة ايدياتك صحتين انتي وشنبيرك

[للاهم]

اه ياني هلكتيني زهورة - ماشاءالله ناشطة وتجيبي في كل اللي يحبه قلبي وما نقدر نمد يدي عليه
بس اهو نراجو ف الميلود بيش نديروها ونشبعوا منها
سلم يدياتك وسلم امك ونصائحها الرائعة
صحتين

[دلع]

يسلمووووووووووا

[نعومي نت]

لاني نهبل في العصيدة
وإن شاء الله ناكلوها في خلاصك
مني ليك احلى تقييم

[lolo1971]

تسلم الايادى

[79nana]

يماشاء الله تسلم هاليديات والله روعة وحني نقولولها العصيدة الباردة رغم اني مانديرش فيها لاني نحب نطيبها علي السخون ولاكن دايقتها وقنينة وتسلم ايدياتك

تحيااتي

[أم أيوب]

فكرة حلوة والله
يسلم يدياتك زهورة وصحة على قلوبكم

ردودك هي الحلوة بريكة والله يسلم قلبك حبيبتي

[أم أيوب]

يساموا يازهورة ايدياتك صحتين انتي وشنبيرك

يسلمك ويخليك بنوتة بوها

[أم أيوب]

اه ياني هلكتيني زهورة - ماشاءالله ناشطة وتجيبي في كل اللي يحبه قلبي وما نقدر نمد يدي عليه
بس اهو نراجو ف الميلود بيش نديروها ونشبعوا منها
سلم يدياتك وسلم امك ونصائحها الرائعة
صحتين

للاهم كولي ولا يهمك وأشربي زيت زيتون عشان تقضي عالكوليسترول اللي في العصيدة

نورتي يا حبيبة

[أم أيوب]

يسلمووووووووووا

يسلمو ايديك حبيبة عالرد

[أم أيوب]

لاني نهبل في العصيدة
وإن شاء الله ناكلوها في خلاصك
مني ليك احلى تقييم

الله يسلمك عالدعوة الحلوة

وبارك الله فيك نعومي عالتقييم

[أم أيوب]

يماشاء الله تسلم هاليديات والله روعة وحني نقولولها العصيدة الباردة رغم اني مانديرش فيها لاني نحب نطيبها علي السخون ولاكن دايقتها وقنينة وتسلم ايدياتك

تحيااتي

ليش تقولولها باردة مع انها سخونة ؟

سلمتي نانا عالرد حبيبة ونورتي

[نوارة ليبيا]

اشيه اشيه عصيده اتهبل

احني كل جمعه فطورنا عصيده

لكن ماعنديش عليها هلبة ونحبها بالرب وزيت زيتون

تسلم ايدياتك يارب

[أم أيوب]

اشيه اشيه عصيده اتهبل

احني كل جمعه فطورنا عصيده

لكن ماعنديش عليها هلبة ونحبها بالرب وزيت زيتون

تسلم ايدياتك يارب

يسلمو نوارة عالرد حبيبة

بالرب أنا معاك

بس بزيت الزيتون أول مرة نسمع ان حد ياكلها بزيت الزيتون

بس لأنك تحبيها أكيد روعة

[الساجدة لله]

ماشاء الله لاقوة الابالله

حبيبة عصيدة قنينة وانا عمري مادرتها ياغالية ممكن نجرب طرقتك لانها بمقدار صغير

[خدوج]

صحتين ويسلموا ايديك
والله فكرة قنينة بكل وان شاء الله نجربها
انى ندير فيها
كوب ماء كوب دقيق بس بالطريقة الليبية
يسلمو يسلموا يسلموا زهورة

[ناني2007]

يسلمو ايدياتك ياغالية ...والله عصيدة في غاية الروعة ...هذا وقتها

[ام اسر]

بصراحه اول مره انشوفها الطريقه لكن حنجربها لاني اني وبنياتي وشنبيري من عشاقها
تسلم ايدك يارب وفي خلاصك ان شاء الله

[mnona]

يسلمو اني نحسابه طريقتها تختلف علي طريقتنا

يسلمو ايدياتك وخيتي زهورة الامورة ، بالنسبة ليا اني نحبها بالزبدة والعسل ولما تبدى مخلطة بدقيق الشعير;)

[أم إيناس3]

يسلموووووووووووووو

[ام عبدالمعز]

يسلمو ايديك روعة

صحتين وعافية يارب

[أمـ ساره]

ماشاء الله زهورة

عصيدة اتجي في الخاطر والله

لكن عندي الطريقة العادية اسهل

سلم ايدياتك حبوبة وبالهني والعافية يارب

[وفاء]

سلم دياتك ياحلوه

[اريناس]

اول مره نشوفهاااااااا


وتواا نجربهااا مشكوره


بس رااهوتلصق فى يدى ههههههههههههههههههههه

[Om Saga]

فكره حلوه كتير
وساهله مشكوره أم طه
ومبروك الإسم الجديد

[guidona]

ماشاء الله اني مره وحده اهني جارتي وتهالي ودقتها عندها اقنينه بس اني انفضلها الطريقه المعتاده اسلم هلاديات يارب وصحيحه وهني انت وشمبيرك ياعسوله

[حنان]

يسلم ايديك يارب
وصحتين

[فضااوي]

ماشاء الله

روووووووووعه

تسلم الايااادي يالغلا

[برنسيسة ليبيا]

يسلموااااا
رح نجربها وتشوفيني على الاكلات المجربه

[بنوتة صيدلانية]

تسلم إيديك حبيبتي
شكلها يشهي مشكورة

[ام تغريد]

يم يم يم ما شاء الله تبارك الله
عصيدة اتجي في الخاطر تبارك الله

[بنت الاشراف]

سلمت يداك

[المغتربه]

والله فكره حلوه بمأن زوجى مسافر بكره نجربها انا وعيالي

[sweet nona]

http://www.alfrasha.com/up/948258397948446455.gif (http://vb.we3rb.com/showthread.php?t=32037)
سهلة وتهبل
في التطبيق

[عهود]

نفس طريقتي شكلهم يديرو فيها زينا :p لاكن نحبها بالعسل والزبدة بس

مشكورة حبيبة خليتيني خاطري نديرها في هالفجر ههههههه

[luba]

ماشاء الله تسلم ايديك واني بروحي عندي عقدة من العصيدة

ماناكلش فيها علي خاطر تعصيدها جاري التطبيق

وربي يعطيك الصحة وراحة البال

[ميرولاكى]

الله يسلم ديااااااااااااااااااااتك
بجد درتيلى حل كنت متعقده من العصيده بس اليوم جربتها بطريقتك وطلعت خياااااااااااااااال
وان شاء الله اعتمدتها
شكراااااااااااااااا

[الصابرة]

تسلم الايادي فكرة تهبل

[زوبة الطيوبة الحبوبة]

ماشاء الله .. يسلموا أيديك

[نسيبة]

بارك الله فيك تسلم ادياتك الحبوبة زهورة طريقة قنينة لك اروع نجوم
حتى اني نفضلها بالرب

[المصراتيه]

ماشاءالله
يعطيك الصحه وتسلم يدياتك