للاهم
01-27-2011, 07:52 PM
http://www.libyan-kitchen.com/gallery/images/user37pic6.gif
خير يا بنات
ماني قلت من قبل اني نموت في الرز
ونحبه بكل انواعه الا الرز الابيض العادي اللي يجي مع الطبيخة
جبتلكم من قبل الرز الجاري (http://www.libyan-kitchen.com/kitchen/showthread.php?t=1361)
والمنسف ( الُمليبّ) (http://www.libyan-kitchen.com/kitchen/showthread.php?t=1359)
امبارح حرنت عالمكرونة المبكبة غدانا هكي حسيت اني منبيش ناكل منها
مزاجات راني وطهقات ما نحكيلكمش
قلت مافيها الا رز
رز ايش مش عارفة
تقرره التلاجة
واللي فيها
وعقلي ولمباته
هههه
المهم قلت هيا ندير رزيزة بالشعيرية علي طريقتي
بعدين فكرت انها تجي عادة ناشفة
واللا معجنة كان كثرتي حاجة علي حساب حاجة
قلت ايش نحطله بيش يجي ارطيب سلحوبي وحانط
قلت نبدا بسم الله
والالهام توا يجي وانا نقلب في الطنجرة
بديت حطيت شعيرية وزيت ف الطنجرة وقلبت نين تحمرت الشعيرية زين نحبها سمرة
زدت عليها نص راس بصل مقرض مكعبات بيش يبان
http://www.libyan-kitchen.com/gallery/images/ln25aua.png
ولوز ابيض مزلط ومفصص
وكمشة زبيب
رشيت عليه الملح وبهارات غرام مسالا الهندية الحارات
فيهن كاري وكسبر وكمون طعمة هندية
قرضت جزرة وحطيتها
http://www.libyan-kitchen.com/gallery/images/ln26uhu.png
وحطيت فقاع (مشروم) مقرض شرائح لأنه عادة يرطب الوكال ويحل محل اللحم في الوجبات اللي على استعجال
ماهو نبي نلحق قبل ما اطيب المكرونة
وزدت حطيت بازيليا خضرة عشان نوازن الالوان
وجلفت شوية من فلفل رومي احمر عاللون عادة ما نحبّش
وقرضته مربعات
http://www.libyan-kitchen.com/gallery/images/ln27.png
قلبت هذا كله في بعضه وخليته يقلي شوية ويذبل
بعدين بللته بعلبة مرقة دجاج جاهزة
وزدت عليها شوية امية
لأن الرز هنا ( حبة طويلة بس مش بسمتي ) يحتاج مرق زايد
http://www.libyan-kitchen.com/gallery/images/ln28jyj.png
اضافة ان الشعيرية حتمص نص المية
خليت النار عالية شوية لعند مابكبك
وبعدين نقصت النار عالرز
وخليته يتكتك
http://www.libyan-kitchen.com/gallery/images/ln29gyg.png
بعد قسته ولقيته طاب
عزلت منه لأول معلقة في فنجان شربة
وضغطت عليه بملعقة زين
وبعدين قلبته في اصوينية شريتها مخصوص عشان التصوير
وحدة بس هههه
باهي اللي يبيعوا فيهن بالطرف هنا
وبدا عاد جو النقرشة يشتغل
شوية كيتشب
شوية صلصة رانش
ووريقات كسبر
http://www.libyan-kitchen.com/gallery/images/ln32cuc.png
العجيبة اني كنت نبيهن مغير نقيطات - لطشات فنية يعني
اللي يديروا فيهن في المطاعم 7 نجوم
هههههههه
ولما تجي تسلكي الفاتورة تلقيها فوق الاربعمية
هههه صارت لوحدين نعرفهم
قريب غّسلوهم صواني المطعم
المهم
مازبطنش معايا
ماهو هذا عليش غاليات
جايبين واحد مخصوص اكيدة من الصين لتنقيط الصحون وتنسيقها
واكيدة مفيش حد يراجي جيعان عالطاولة
وصبره قريب ينفذ
كان غيرهن النقاطي ساحن
;)
بس الصراحة ومن غير شكيرة في حضرة جنابيجاء مش عاديوحصري للتجريبكولن وادعنلي
تبقن علي خير
خير يا بنات
ماني قلت من قبل اني نموت في الرز
ونحبه بكل انواعه الا الرز الابيض العادي اللي يجي مع الطبيخة
جبتلكم من قبل الرز الجاري (http://www.libyan-kitchen.com/kitchen/showthread.php?t=1361)
والمنسف ( الُمليبّ) (http://www.libyan-kitchen.com/kitchen/showthread.php?t=1359)
امبارح حرنت عالمكرونة المبكبة غدانا هكي حسيت اني منبيش ناكل منها
مزاجات راني وطهقات ما نحكيلكمش
قلت مافيها الا رز
رز ايش مش عارفة
تقرره التلاجة
واللي فيها
وعقلي ولمباته
هههه
المهم قلت هيا ندير رزيزة بالشعيرية علي طريقتي
بعدين فكرت انها تجي عادة ناشفة
واللا معجنة كان كثرتي حاجة علي حساب حاجة
قلت ايش نحطله بيش يجي ارطيب سلحوبي وحانط
قلت نبدا بسم الله
والالهام توا يجي وانا نقلب في الطنجرة
بديت حطيت شعيرية وزيت ف الطنجرة وقلبت نين تحمرت الشعيرية زين نحبها سمرة
زدت عليها نص راس بصل مقرض مكعبات بيش يبان
http://www.libyan-kitchen.com/gallery/images/ln25aua.png
ولوز ابيض مزلط ومفصص
وكمشة زبيب
رشيت عليه الملح وبهارات غرام مسالا الهندية الحارات
فيهن كاري وكسبر وكمون طعمة هندية
قرضت جزرة وحطيتها
http://www.libyan-kitchen.com/gallery/images/ln26uhu.png
وحطيت فقاع (مشروم) مقرض شرائح لأنه عادة يرطب الوكال ويحل محل اللحم في الوجبات اللي على استعجال
ماهو نبي نلحق قبل ما اطيب المكرونة
وزدت حطيت بازيليا خضرة عشان نوازن الالوان
وجلفت شوية من فلفل رومي احمر عاللون عادة ما نحبّش
وقرضته مربعات
http://www.libyan-kitchen.com/gallery/images/ln27.png
قلبت هذا كله في بعضه وخليته يقلي شوية ويذبل
بعدين بللته بعلبة مرقة دجاج جاهزة
وزدت عليها شوية امية
لأن الرز هنا ( حبة طويلة بس مش بسمتي ) يحتاج مرق زايد
http://www.libyan-kitchen.com/gallery/images/ln28jyj.png
اضافة ان الشعيرية حتمص نص المية
خليت النار عالية شوية لعند مابكبك
وبعدين نقصت النار عالرز
وخليته يتكتك
http://www.libyan-kitchen.com/gallery/images/ln29gyg.png
بعد قسته ولقيته طاب
عزلت منه لأول معلقة في فنجان شربة
وضغطت عليه بملعقة زين
وبعدين قلبته في اصوينية شريتها مخصوص عشان التصوير
وحدة بس هههه
باهي اللي يبيعوا فيهن بالطرف هنا
وبدا عاد جو النقرشة يشتغل
شوية كيتشب
شوية صلصة رانش
ووريقات كسبر
http://www.libyan-kitchen.com/gallery/images/ln32cuc.png
العجيبة اني كنت نبيهن مغير نقيطات - لطشات فنية يعني
اللي يديروا فيهن في المطاعم 7 نجوم
هههههههه
ولما تجي تسلكي الفاتورة تلقيها فوق الاربعمية
هههه صارت لوحدين نعرفهم
قريب غّسلوهم صواني المطعم
المهم
مازبطنش معايا
ماهو هذا عليش غاليات
جايبين واحد مخصوص اكيدة من الصين لتنقيط الصحون وتنسيقها
واكيدة مفيش حد يراجي جيعان عالطاولة
وصبره قريب ينفذ
كان غيرهن النقاطي ساحن
;)
بس الصراحة ومن غير شكيرة في حضرة جنابيجاء مش عاديوحصري للتجريبكولن وادعنلي
تبقن علي خير