[تمت الاجابه]ماهي افضل نوع الشوكولا الي تتحمل الحراره

[guidona]

السلام عليكم اخواتي اني نبي نسال عن افضل نوع للشكلاته الي تحطيها في وسط الكيك وتتحمل الحراره وتجي سائله متتفتفتش ياريت افهمتوني علي شن نفصد ولكم جزيل الشكر اعطوني اسمها او صورتها ان امكن

[Om Amory]

وعليكم السلام حبيبه

بصراحه أنى مانعرفهاش

لأنى ماعنديش على الكيكات هلبه الحق هدا وين بديت ندير هههههه

لكن ان شاءالله البنات يفيدوك ويفيدونى

[أمـ ساره]

حبوبة انتي تقصدي كيكة الشوكولا نفسه

يعني تضيفي الشوكولا مع المكونات قبل ما تدخل الفرن



لو هذا قصدك

فأني نستخدم في نوع شوكولا الحبوب الصغيرة بصراحة كويسة

بس ما نذوب فيها نخلطها مع المكونات ونحطها بالفرن عادي



ان شاء الله نكون فهمت عليك

[guidona]

ام ساره باهي الحبوب الصغيره اما هيا تقصدي فصدك كيف تخلطي فيها مع المقادير اني نقصد متلا لما اندير كب كيك انحط وسط الكب كيك الشوكلاته بفوقها باقي خليط الكب كيك ونبيها بعد متنضج الكب كيك الشكلاته في وسطها اتكون دايبه وسائله كانها امدوبتها انت في حمام مائي ومتتفتفتش ياريت اتفدوني ومشكورين

[أمـ ساره]

ايه حبوبة اني هذه الي نستخدم قيها والله

لكن نخلط فيها مع المزيج نفسه ما نحط فيها بالوسط


واعتقد في طريقتك انتي لازم تغلفيها بشوي دقيق حتى ما تنزل للقاع


طيب انتي ليش ما تحشي الكب كيك بعد ما اطيبيه

بحيث انك تذوبي الشوكولا وتحشي بيها الكب كيك بواسطة ابرة

يعني ما تشقيه او تفتحيه كله يا ذوب فتحة من فوق وبعدين اتغطيها

بالشوكولا أو بالغلاف الي تحبيه

[guidona]

مش عارف ياساره حتي هيا فكره حلوه اني نحشي الشكلاته بالابره لكن اني في دماغي شوكولا من النوع الي اتحكها في الوسط ومدوبش
مشكوره علي تعاونك وان شاء الله راح انجربها

[ليبية]

فيه عندك شكلاته سعيد والمايسترو يذوبوا في الكيكات جربيهم وادعيلي

حبيبتي وعن تجربة اني مدايرة فيما سبق كب كيك بالمربي
يعني حطيت خليط الكب كيك وبعدين كشيك صغير مربى وبعدين خليط الكب كيك مرة تانية وجت كويسة

فأعتقد والله اعلم انك لو استعملتي ملعقة نوتيلا ولا سعيد ممكن تجيك كويسة والله اعلم على العموم لو جربتها حنقولك بعون الله

[Om Saga]

مثل ماقلتلك أختنا ليبيه
إنتي تبيها ماتتفتتش في الكيك
زي سعيد ومايسترو
إنتي خودي الشوكولاه إلي زيهم عندكم في ماليزيا
وموفقه غيدو

[خدوج]

اذا قصدك اللى تجى فى البريوش
ديرى الخام ماركة البستان (تونسية)
وان شاء الله افدتك غيدونا
على فكرة اسمك عجبنى
ايش معناه

[فضااوي]

غيدوناا

انا نستعمل في شكولاتة التقديم الدائرية زي بوبون وجلاكسي

او اي شكولاتة تقديم تجي روووعه