[تمت الاجابة]عن أفضل نوعية لماكينة الرشده

[nonna]

السلام عليكم
اخواتي احب اسئلكم عن افضل نوعية لمكينة الرشتة او الرشدة
ووين نلقاها لأني احترت بصراحة
شكراااااااااا

[خدوج]

اهلا حبوبة
افضل نوعية الايطالية
بس وين تلقيها الله اعلم
بس اكيد فى محلات راقية وكبيرة عندها الحاجات هذه
وان شاء الله افدتك

[Om Amory]

حبيبه أكيد الايطاليه أفضل حاجه

[nonna]

شكرا كتيييير اخواتي بس ياريت حد يقولي على اسم محل معين في طرابلس موجودة فيه

[Om Amory]

ياريت اللى تسكن فى طرابلس تفيدك لانى مش فيها

[طمطم]

شوفي كماركة تقريبا كل الماكينات الموجودة في السوق أغلبها إيطالية وأشهر وحدة وأكثرها انتشارها اسمها أمبريا


لكن المشكلة مش انها تكون إيطالية أو غيرها
في ميزة معينة إحنا الليبيين نبوها وهيا إنها لازم تعطينا رشدة رقيييييييييييقة هلبة.......... ومرات تلقي آلات غالية جدا لكن مش شرط رقيقة لأن الطليان وغيرهم عنهدم وصفات باستا عادية ومايهمش إن تعطي الآلة عجينة رقيقة

لذلك بدل ما ادوري على أغلى ماركة دوري على ماكينة يكون رقم فرد العجينة 9 أو أكتر ممكن حتى 12

إن شاء الله نكون أفدتك وربي يوفقك وتلقيها

[nonna]

بارك الله فيك اختي طمطم
اكيد هذا هو المهم

[نسمه ليبيه]

انا ماكينتى ماركة هومر وترقيمها لعند 9 وماشاء الله عليها ومعاها قطع اخرى للعجين

[أمـ ساره]

ماشاء الله الاخوات ماقصروا

حبوبة حتى عزوزتي عندها ماركة هومر وكويسة بصراحة

وزي ما قالت نسمة ان معاها قطع اضافية


وبالنسبة للمكان أغلب المحلات فيها

بس وكيل هومر موجود في طريق الخدمات في سوق الجمعه

وفيه واحد ثاني في تاجوراء بس وصفه صعب شوي الا الي يعرف تاجوراء كويس

[nonna]

بارك اللـــــــــه فيكم اخواتي ماقصرتم