[مشاركتي فى مسابقة شاركي معنا باطباقك التراثية الربيعية] بورديم دجاج من مطبخ الجبليه

[الجبليه]

http://www.libyan-kitchen.com/gallery/images/gdfdi.gif



http://www.libyan-kitchen.com/gallery/images/ha128fof.png

بورديم دجاج




دجاجه مغسولة ومنظفه جيداً


للخلطة لتغليفها من الخارج :-


ملح + فلفل أسود + فلفل أحمر + قليل من البزار _ قليل من الزيت + كمية مناسبة من الزعتر + ملعقة صغيرة طماطم معجون


أما الخلطة من الداخل


2 بصله كبيرة مبشورة + ملح + فلفل أسود + قليل من الزيت +
طماطم أخضر مقطع



نأتي للخلطة الداخلية


تضاف المقادير لبعض ثم دهن الدجاجه من الداخل فى كل مكان



أما الخلطة الخارجية


نضيف المقادير مع بعض ونفرك الزعتز بين راحتي اليدين ونضيفه ونحركهم مع بعض
جيداً ثم ندعك الدجاجة من الخارج ونضعها فى كيس لمدة ساعتين



http://www.libyan-kitchen.com/gallery/images/ha122mtm.jpg



الخطوة الثانية :-


نحفر حفره عميقة ونشعل الحطب أو الفحم داخل الحفرة وعندما


تهدأ النار نأخذ الدجاجة ونثبتها جيداً فى سيخ الشواء تبع فرن الغاز


ونربط شوكتي السيخ جيداً مع الحرص لأنها حادة
ونثبت الجنوحين بعودان أسنان



http://www.libyan-kitchen.com/gallery/images/ha123zgz.jpg




ثم نثبت السيخ فى قاع الحفرة




http://www.libyan-kitchen.com/gallery/images/ha124mnm.jpg




ونكون مجهزين عجين من التراب مش سائل ولا جامد هلبه نفس العجينة


كنا نعجنو فيها وحنا صغار لما نلعب ونأخذ سفرة اكبر من فتحة


الحفرة وخصصيها للبورديم ( أي سفرة قديمه عندك )


نضع دائرة حول الحفرة وبوسع السفرة



نغطي الحفرة بالسفرة


وناخذ باقي عجين التراب ونغطي بيه السفرة ونسكر من جميع الجوانب
يعنى لا نترك ولا فتحه




http://www.libyan-kitchen.com/gallery/images/ha125xxx.jpg




http://www.libyan-kitchen.com/gallery/images/ha126opo.jpg



نتركها لمدة ساعتين او 3 فى ناس تغطي فى الدجاجة بورق الألمونيوم بس أنا ما غطيتها لذلك أشعلت النار مرتين



واتبعت نفس الخطوات المرة الأولى حبيت طعم النار فيها


هذا الشكلها النهائي
بألف صحة



http://www.libyan-kitchen.com/gallery/images/ha127jsj.jpg




شكراً حبيباتي

[روح مغتربه]

يسلموا ايديك اختي جبليه مشاركه مميزه ومفيده ...اسلموا ايديك

[نسيم البحر]

ماشاء الله وقوه الا بالله بورديم مش عادي موفقه حبيبتي

[ام عبدالمعز]

ماشاء الله جبلية

بورديم ايجي في الخاطر

يسلمو ايديك حبيبة وصحتين وعافية يارب

[خدوج]

ماشاء الله عليك
بورديم يسهف
احنى نحطوا فيه فى التنور
تسلم ايديك

[حنين 8]

يسلمو إيديك حبيبتي ماشاء الله

[ansam ali]

شهيتينى ما شاء الله بورديم يهبل جارى التطبيق تسلم إيديك

[أم أيوب]

يسلمو جبلية بورديم يجي في الخاطر

تعرفي أنا زوجي في مزرعتنا بناها بناء حفرة البورديم بالطوب الحراري

بصراحة عمري ما جربت نديره أنا ديما تخصص أبو الشباب في طلعاتنا غادي

[ليبية]

يعطيك الصحة يا جبلية والله يسلم ايديك الحلوة وصحة ليكم

[بنية بوها]

يسلمواااا ايدياتك موفقة ان شاءالله

[الجبليه]

بارك الله فيكم
اسعدتني ردودكم و شكرا لمرورك على موضوعي

والله البارح صايرة فيه حاله من ضعف النت انحمل صورتين ونزلهم بالتقاطع هههههههههه

[أمـ ساره]

ماشاء الله جبلية بورديم ايهبل

من البارح واني نستنى فيه قلت عليه حتى لزوجي قال ماشاء الله

شكله يقول تعالي كوليني

ربي يسلم ايدياتك حبوبة وتاكلوه بالهني

وبالتوفيق

[أم إيناس3]

يسلمو ايديك سفهتنى فى البرديم بصراحة روعة بصحتك ياحبيبة

[ام الجميلات]

يسلموا وموفقة

[ام انسام]

بسم الله ماشاء
ربي يسلم ايدياتك ياجبلية
بنسالك شن قصدك بانك شعلتي النار مرتين

[مغتربة 7]

مشاركة رووووووووووووعة سلم ايدياتك وموفقه

[الساجدة لله]

تسلم الايادي حبيبتي والطريقة ماشاء الله بالتفصيل تسلم الايادي

[ميلا]

ما شاءالله

يسلموا يجي في الخاطر

[ام الحلوين]

يسلمو ايديك اكثر من روعه واحلى تقييم وموفقة باذن الله

[طمطم]

اسمعي خلي السفرة والحفرة واتيات ووصي على دجاجتين مقومات

حيه عليك حيه مااديريهوليش لما نجي..... غدانا الأول عندكم هذا راهو

يابنات أشهدو راهو غداي بعد شهر وشوي في حوش امالية إن شاء الله تعالى بورديم

تفضلو معانا

[QUEEN]

ايسلم ايدياتك يالجبلية
وصحة وهناء عليكم
وبالتوفيق

[أشواق]

يا عينى على هذا ال بورديم
يم يم يم
هى خوذوا عندكم لا غاز لا طنجرة لا شئ ..دجاجة طايبة فى البرارى :cool:
صقع على الانجليز، جماعة الميكروويف والأكلات الجاهزة.....ههههه

يسلمن ايديك أختى الكريمة

[نوارة ليبيا]

ماشاء الله تبارك الرحمن يالغالية

تسلم الأيادي الطيبة يارب

بالتوفيق يااارب ولك أحلى تقييم يالغالية

[المستعينة بالله]

ماشاء الله حبيبتي
سلم ايديتك
لكن وين نلقه حفرة هني

تاكلوا بالهني وبالتوفيق ياقمر

[mnona]

http://www.libyan-kitchen.com/gallery/images/112180kzk.gif

[فضااوي]

ماشاء الله

روووووووووووعه

تسلم الايااادي يالغلا

موفقة

[ام اسر]

http://www.libyan-kitchen.com/gallery/images/25877qxrx.gif

[اريناس]

ماشاء الله جبلية

بورديم ايجي في الخاطر

[للاهم]

مشاركة متميزة وبورديم بنته جايبة من هنا
صور دالة ومقادير واضحة
بالتوفيق ف المسابقة يا جبلية

[Om Saga]

ماشاء الله عليك برديم روووووووووووووووعة
الصراحة عجبني
وأحلى تقييم لعيونك ياجيجي

[lola9670]

للرفع

[أسماء القائد]

ماشاء الله ...تسلم إيدياتك

[LOLO]

شكراااااااااااا:confused::confused::p

[نسيبة]

سلم ادياتك الجبلية

[نسيبة]

سلم ادياتك بورديم يجي في الخاطر

[luba]

تسلم الايادي بارك الله فيك لك تقييمي:o:o

[نسمه ليبيه]

الله سهفتينى بجد عليها

يسلموا ايديك يارب

[أم خديجه]

ما شاء الله
ربي يعطيك الصحه