[ طريقة صنع شوكولا محشوة ] من مطبخ الجبليه

[الجبليه]

http://www.libyan-kitchen.com/gallery/images/goodhabjb.gif


شكولا محشوة من أفكاري



http://www.libyan-kitchen.com/gallery/images/ha187.jpg




فكرت فيها اليوم وصممت أنى أديرها اليوم لهذا حشيتها بحشوة
حليب محلى ولوز والحشوة الثانية حليب محلى وجوز هند هذا كان موجود
عندى اليوم لكن ممكن تحشيها فواكه مجففه بعد طحنها أو مربى
أو شكولا نوتيلا مع بندق
أو بسكوت يتكسر قطع صغيرة ويخلط بالنوتيلا
أو قطع تمر صغيرة وشكولا
وكل وحده حسب ذوقها وأفكارها

المقادير
شكولا بيضاء _ شكولا بني _ لوز مزلط ومطحون خشن _
روح لوز _ حليب محلى من صنع ايدي _ جوز هند _

http://www.libyan-kitchen.com/gallery/images/ha178.jpg



http://www.libyan-kitchen.com/gallery/images/ha179mem.jpg


طاجن فورمات للشكولا

طبعاً بتاع طمطم بعد أذنك طمطومه أستعملته عشان عيون المنتدى هههههههه

الحليب المحلى :- استعملت كوب سكر على علبة حليب وقليل من الفانيليا
تخلط المقادير وتوضع على النار ونقص النار ونتركه لحد ما يصل للكثافة
المطلوبه انا خليتها ثقيل شوي المهم كل شوى انحرك حتى لا يلتصق

يخلط اللوز المرحى مع ملعقة صغيرة من روح اللوز ونضيف مقدار من الحليب لحد
ما يكون متماسك يعنى مش سائل ومش جامد هلبه

وكذلك جوز الهند يخلط مع مقدار من الحليب المحلى وكذلك ما يكونش سائل
هلبه أو متماسك هلبه

ثم تذوب الشكولا على حمام مائي ونضع فى طاجن الفورمات جزء من الطاجن شكولا
بني ومجموعه بالشكولا البيضاء


http://www.libyan-kitchen.com/gallery/images/ha180yxy.jpg


ثم نقلبها على سفرة تنزل الزائد


http://www.libyan-kitchen.com/gallery/images/ha183xrx.jpg


ونتركها تجمد قليلاً ثم نحشوها بالحشو

البني حشيتها بخلطة اللوز


http://www.libyan-kitchen.com/gallery/images/ha181klk.jpg


والبيضاء بحشوة جوز الهند


http://www.libyan-kitchen.com/gallery/images/ha182.jpg


ونضع فوق الحشو شكولا باش تتسكر وندخلها الثلاجه لحد ما تجمد
وبعدينانطلعها ونظف بأي شي مسطح تزيل الزوائد
نقلبها من الطاجن على سفرة ونضعها فى ورق بلسية وتقدم
هذا الشكل النهائي


http://www.libyan-kitchen.com/gallery/images/ha184zuz.jpg



http://www.libyan-kitchen.com/gallery/images/ha185bnb.jpg






هذا شكلها من الداخل


http://www.libyan-kitchen.com/gallery/images/ha188.jpg



وبألف عافيه
خصيصاً لمنتدى المطبخ الليبي لزينب محمد

[ام صهيب]

شكلها فكرة حلوة

صحيتى

[طمطم]

هيه ما ياخد حد منها بطاجيني راهو

ههههههههههههههههه
فكرتها تجنن دسيلي طرف جاياتك إن شاء الله

[الجبليه]

بارك الله فيك ام صهيب

ههههه طمطم أكشفتينى داستلك لن تروحي

[سحابه صيف]

مشاء الله تبارك الرحمن

يسلم ايدياتك يا رب

ربي يحفظك

وهل قطيات ليا انا وطمطم ديريلها طازة هههههههههههههه

http://www.libyan-kitchen.com/gallery/images/ha185bnb.jpg

[بنية بوها]

ماشاء الله عيني عليك باردة يسلموا ايدياتك وحتى اني دزيلي حصتي مادخلنيش فيك تجي
في البيبي بعدين اهو نستنى

[الجبليه]

صحتين على قلبك سحابة صيف ويسلمك يارب

[مغتربة 7]

واووووووووووووو ما شاء الله تبارك الرحمن تهبل افكار مش عادية ان شاء الله ربى يحفظك

[الجبليه]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة بنية بوهاhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifماشاء الله عيني عليك باردة يسلموا ايدياتك وحتى اني دزيلي حصتي مادخلنيش فيك تجي
في البيبي بعدين اهو نستنى
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

كله ولا البيبي كلهم ليك عشان خاطر عيون البيبي

[أمـ ساره]

ماشاء الله لاقوة الا بالله ابدعتي اختي الجبلية

موضوع أكثر من الروعه نفسها

وكله كوم والحليب المحلى كوم

الله يسلم ايدياتك ويحرمهم من النار وخيتي

نبي نسألك أي نوع حليب استخدمتي (( باكو أو المركز ))


بجد رووووعه حاولت نقيمك لكن رفض حالاً

وان شاء الله بنقيم موضوعك

مشكورة الجيلية

[ام اسر]

ماشاء الله منظرهم روعه\تسلم ايدك يارب والف هنا

[ليبية]

بسم الله ماشاء الله رائعة بكل المعايير ابدعتي

نحب نسألك شن نوع الشكلاته اللي استعملتيها

واني نحب اندي ندير زيك بس نخاف انه الشكلاته تلصق في الطاجين فهل انت داهنة الطاجين

وسؤال اخير بعد اذنك من شريتي طاجينك الحلو هذا وبكم؟

[امتنان]

موضوع رائع عجبني بكل
يسلمو ايديك ماشاء الله

[حنان]

ماشاء الله فكرتها تجنن يسلم ايديك عزيزتى دائما مميزة

[ناني2007]

ماشاء الله عليك ياغالية ...وصفة في منتهى الروعة

[الجبليه]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة أمـ سارهhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifماشاء الله لاقوة الا بالله ابدعتي اختي الجبلية

موضوع أكثر من الروعه نفسها

وكله كوم والحليب المحلى كوم

الله يسلم ايدياتك ويحرمهم من النار وخيتي

نبي نسألك أي نوع حليب استخدمتي (( باكو أو المركز ))


بجد رووووعه حاولت نقيمك لكن رفض حالاً

وان شاء الله بنقيم موضوعك

مشكورة الجيلية
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

بارك الله فيك اختى أم ساره
بالنسبة للحليب أستخدمت علبة حليب أبو قوس أستخدمي أى
حليب عندك أهم حاجه يكون كامل الدسم يعطي نتيجه أحن

لم أشترى حليب نستله لآن الشركه يهوديه وأنا مقاطعه منتجاته من فترة لهذا بصنعه فى البيت

[فضااوي]

ماشاء الله عليك يام الافكار

فكرة روووووووووووعه

تسلم الاياااادي يالغلا

[الجبليه]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة ليبيةhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifبسم الله ماشاء الله رائعة بكل المعايير ابدعتي

نحب نسألك شن نوع الشكلاته اللي استعملتيها

واني نحب اندي ندير زيك بس نخاف انه الشكلاته تلصق في الطاجين فهل انت داهنة الطاجين

وسؤال اخير بعد اذنك من شريتي طاجينك الحلو هذا وبكم؟
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif


تسلمي ليبيه وبارك الله فيك
والله الطاجن بتاع أختى طمطم جباته من بريطانيا وهو نوعيه جيده تقريباً سعره 30 ليبي

لم ادهن الطاجن لان النوعيه جيده والشكولا المستعمله شكولا
عاديه البستان بتاع الطبخ بس أن مفكرة فى شكولا سعيد ونبي أنجربها
بتاع الطروف طعمها احلى لو جربتها هقولق النتيجه انا عندى فورمات فى
هذا الرابط سلكون وكذلك جيدة فى الاستخدام


http://www.libyan-kitchen.com/kitchen/showthread.php?t=499


لهذا ممكن تستخدمي فورمات السلكون وأعتقد أن الشكولا لما تجمد تنزل عادى من أى فورمه

[الجبليه]

شكرا لمروركن على موضوعي وهذا شرف لي ووسام على صدري
فضااوي
ناني
حنان
أصاله
أم اسر
مغتربة
بارك الله فيكن

[نوارة ليبيا]

اشيه اشيه ماشاء الله تبارك الرحمن روووعه

هههه طمطم حشيشتها الشكاليط ^_^
فمنستغربش الطاجين يكون عندها

ربي يبارك فيك يالغالية واحلى تقييم

[نهاوند]

والله الكل مشاء الله عليكم ومبدعات وربى يحفضكم ويجعله فى ميزان حسناتكم اخواتى واخص بالدكر الاخت زين مشاء الله عليها:)

[نهاوند]

انى مش عارفة ولا فاهمة كيف نشارك فى المنتدى ولا كيف نكون صداقات

[الجبليه]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة نهاوندhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifانى مش عارفة ولا فاهمة كيف نشارك فى المنتدى ولا كيف نكون صداقات http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

أختى بارك الله فيك
بالنسبه لطريقة المشاركه بعد تصويرك للطبخه وتعديل الصور ادخلى للقسم المختص ليها واضيفي موضوع جديد وحملى الصور من مركز التحميل ودخلى على طلب الدعم الفني

http://www.libyan-kitchen.com/kitchen/forumdisplay.php?f=51


اما كيف تكونى اصدقاء ادخلى على لوحة على اي مشتركه بالضغط على اسمها وستجدى
خيار بان تختاريها صديقه او تبعتى رساله ليها و ادخلى على صالون الضيافه

وبالشوي تو تتعلمي انا تعلمت بالشوى

[الجبليه]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة نوارة ليبياhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifاشيه اشيه ماشاء الله تبارك الرحمن روووعه

هههه طمطم حشيشتها الشكاليط ^_^
فمنستغربش الطاجين يكون عندها

ربي يبارك فيك يالغالية واحلى تقييم
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

تسلمى نوارة ليبيا وفيك بارك الله


هههههههههه وانا احرف منها لما جباته توريهولى سكت عليه باش اندير فيه سافرت ونساته عندي

[طمطم]

هههههههههههههههههه نوارة طلعتلي كاشفتيني

والله حشيشتي الشكاليط حاااااااااااااااااالة

[طمطم]

نهاوند.... شوية وتلقي الكل أصدقائك المنتدى هني ماشاء الله القلوب كلها مفتوحة.... وكل شخص جديد مرحب بيه وإن شاء الله على طول هتلقي روحك انسجمتي وبديتي اطلعي في مواهبك

[رائفة العين]

يمممممممممممممممممممممممممممممم اتهبل الشوكلاه يسلمووووووووووووووووووووووو

[Moony heart]

اممممممممممممم روووووووووعه سلم ايدك
خاطري انجربها من فتره لكن معنديش قولب السيلكون

[الساجدة لله]

يسلمو ايديك غاليتي ...وصفة رائعة

صحة وهنـــــــا على قلـــــــبك

[عفيفة]

ماشالله روعة وابدعتي يسلم ايدك......ممكن نضع فيها بسكويت مطحون.....ولوز مرحي وشوية روزاطة نحركهم مع بعض ....ونحشو بيهم

[ام بيلسان]

مشاء الله تبارك الرحمن علي ايدياتك

[أم إيناس3]

يسلمووووووووووووووووووووو

[بنت بنغازي]

بجد تهبل تسلم ايدك ربي يحفظك

[خدوج]

ماشاء الله
مش عادية بكل

[أم أيوب]

روووووووووووووووووعة

يسلم ايديك يارب

[Om Amory]

امممم حلوات يهبلو

يسلمو حبيبه

[جنجر2009]

رووووعه يسلموا ايديك

[المصراتيه]

كلا انت يا جبليه ابداع وفن والله الصراحه ماشاءالله عليك وعلي يديك تهبلي وخلاص

[حاملة الورد]

ما شاء الله تحفة يسلموا إيديكي

[نجوته]

ماشا الله عليك يا أم الافكار

يسلمو ايدياتك

[نسيبة]

طريقة رائعة سلم ادياتك الجبلية

[luba]

مااااااااااااااااااااشاء الله

ربي يعطيك الصحة شكلهم وحشواتهم تهبل

بارك الله فيك

[أم خديجه]

ماشاء الله ولاقوه الابالله

روعه قمة الاناقه والابداع منظرها خيالي شغل مرتب
ربي بعطيك الصحة ويسلمك

يستحق التقييم والنجوم

عجبتني واجد وان شاء الله انجربها

[علياء السلفية]

فكرة حلوة يسلموا ايدياتك وربي يحفظك . تستاهلي احلى نجمات

[طباخة تحت التدريب]

تسلم الايادي
شكلها يجنن

[amooola]

تسلم ايديك

[الصابرة]

يعطيك الصحة العافية وراحة البال
شوكلا مش عادية سلم دياتك

[أم ملك]

ماشاء الله تسلم ايدياتك قمة في الروعة حبوبة ربي يخليك ويهنيك
مشكورة افدتيني في موضوع الحليب المحلى

[بنت الاشراف]

​سلمت يداك

[زوبة الطيوبة الحبوبة]

ماشاء الله عن جد روعة وشكلها يهبل .. يسلموا ايديك

[نسمه ليبيه]

قيد التجربه باذن الله


يسلموا الايدين

[أم عبادة الليبية]

حلو مميز وسهل جدا , تسلم ايدك الجبلية , جاري بإذن الله التطبق .

http://www.libyan-kitchen.com/gallery/images/ha184zuz.jpg