[ مشاركة في مسابقة شاركي معنا باطباقك التراثية الربيعية ] دجاجة مشوية متبلة باعشاب الجبل مع الزيتون والبطاطا

[للاهم]

http://www.libyan-kitchen.com/gallery/images/pyppyp.gif



خير يا بنات



الربيع يبدا عندي من جناني وبالذات من حديقتي المطبخية



من اخر ايام الصقع ولما تبدا الوطا تسخن ومفيش صقيع ف الليل



نبدا نشري في شتلات الاعشاب والخضروات



ونبدا نقلم في الاعشاب القديمة اللي بهدلها الشتاء وفي حالة كمون



في جناني عندي من الاعشاب: اكليل وزعتر واوريغانو وهو زعتر عريض وثوم معمر ومردقوشة ونعناع ومريمية و معدنوس عادي ومعدنوس مكرمش وكسبر وشبت وووو هههها مزارعة






http://www.libyan-kitchen.com/gallery/images/ln41.png





ومن االخضروات: طماطم بأي نوع ممكن وجميـــــــــــــــــــــــع ما خلق ربي من فلفل نلقى شتلاته ف السوق



الللي اصفر اللي احمر اللي رقيق طويل اللي ملوي اللي مدور اللي خاش في بعضه



مهووسة بالفلفل حتى ان اصحابنا يضحكوا عليا





http://www.libyan-kitchen.com/gallery/images/ln42.png





يقولوا اذا كان للمرسيدي شعار وللنادي الاهلي شعار فأن شعار للاهم قرن فلفل علامة مميزة ترايد مارك يجب وجودها التشريفي في اي صحن



قريب اندير الحلويات بالفلفل



انا حتى نحب الشكولاطة بالفلفل



المهم مانصدق يدفى الجو ونبدي نرد نعتني بحديقة المطبخ



في الربيع وهنا يبدى بدري من شهر فبراير



تبدى الحديقة تنتعش وتعطي ثمارها



في الاسبوع اللي فات جبت من الجبل اكليل بنكهة الليمون وجبت مريمية( تيه) من نوع اخر وزعتر مختلف عن اللي عندي وزرعتهن وجففت جزء منهن



حاولت جلب روح الغابة



وحاولت ندير شواية مشهورة بيها اجديدة الله يرحمها ف زرادي الجبل



ايام المرج والمارزوتي



سقى الله



كان خاطري ندير مكرونة مبكبكة بلحم الحجل او الارانب



كيف ما كانت اديرها ياللي يصيدوه خوالي من الغابة واللي طعمتها مازالت في ريقي من طفولتي البعيدة اللي قضيتها عند اجديدة



الله غالب هذا الموجود



المهم طبقي اللي مشاركة بيه ف المسابقة



دجاج مشوي ف الفرن بأعشاب الجبل والبطاطا والزيتون



مشكلتي ما عنديش مقادير



طول ما انا نطيب كل مرة نزيد حاجة نحس انها حتحلى الاكلة



ومرات نحس ان الاكلة مش تمام من ريحتها ونبدا دايخة شنو اللي ناقصها بيش تنعدل



ونبدا عاد نذوق ونحط



عندي انف لا يخطئ ههههه



وعندي شلطات في ايدي بلا عدد



كيف اجديدة الله يرحمها



كل ما نجوا عندها يا اما رابطة صبعها ذابها موس



او ملبسة طماطم معجون علي ذراعها شالطتها الكوشة



الله يرحمها ديما تشتغل ف المطبخ بسرعة



وعقلها يدوي



مشغولة عالمريض وعالنافس وعالغايب



طبقي اليوم






http://www.libyan-kitchen.com/gallery/images/ln35.png





دجاجة صاحة مزال الشحم منها ومغسولة جيدا بالخل والملح ومسقطرة



كمية لابأس بها من الثوم كل ما زيادة كل ما احسن



عصير ليمونتين



رشة سماق



رشة شطة ميبسة ومجروشة



وراني كريمة عالاخر في الرش هههه



ملح عينك ميزانك راجلي يحب الاكل ملحه طالع



وزيت زيتون



نتبل الدجاج ونفركها زين بما سبق ونخليها ونشقى بباقي المكونات






http://www.libyan-kitchen.com/gallery/images/ln33wvw.png






انا لميت باقة زعتر واوريغانو واكليل وكسبر( وثوم معمر – مش واجد طعمته قوية)



وقرضتهن زين وزدتهن عالدجاجة مع الفرك






http://www.libyan-kitchen.com/gallery/images/ln36.png





قشرت وقرضت بطاطتين



وجبت نص كوب زيتون وانتبهن معاه لكمية الملح بالطبيعة علي راي اخوانا التوانسة



وزدتهن عالدجاج المتبل



وخلطت الجميع بيش حتى البطاطا تتشرب التتبيلة






http://www.libyan-kitchen.com/gallery/images/ln38.png






حبيت نشويها في الشواية برة لكن الشواية من الشتاء ما فتحتها ومحتاجة تنظيف لمدة يوم وسريب طويل



وهي مهمة راجلي ومكسل مازال فيها



:D



كنت مسخنة الكوشة على درجة 400واستعملت طاجين بايريكس مش عارفة نحس ان الدجاج المشوي ديما يجي فيه سمح ويتحمر زي متاع السوق



حطيت الدجاج وزرقتله شوية امية بيش تحركه وخليته يستوي



ومرة مرة نفتح عليه ونسقيه بالمرقة بيش الدجاجة ماتنشفش



يا بنات ريحته مش عادية وخصوصا مع الزيتون



نحنا نقعدو نتعاركو علي حبات الزيتون، والبطاطا تجي لذيذة وذايبة مع محافظتها على شكلها، يطلق عليها الثوم والزعتر والاوريغانو الطازج



صنة وبنة






http://www.libyan-kitchen.com/gallery/images/ln39.png






اللي صار لما راجلي يجي جيعان مايقدرش يصبر علي حركاتي



اللي هن التصوير وقت الوكال



خصوصا انه كلينا ف الجنان ف الشميسة الجو حلو وربيعي هالايام



المرة هذي خليته ياكل وقلت البنات توا يتخيلن شكل الصحن اللي قدمته



وجهزت معا الدجاجة المشوية



سلاطة محبشة من سلطات للاهم






http://www.libyan-kitchen.com/gallery/images/ln40.png






بل القلب علي راي جديدة امي



طماطم مقرض جلوف



بصل موري وهو اللي يجي مع السلاطة حسب تقاليد هالبلاد



عادة ما يطيبوش بيه هو مخصوص للسلاطة



وباقة معدنوس طازة من جناني



وزيتون مفري متاع سوق



وفلفل مخلل مش حار



وسماق وعصرة نص ليمونة من جناني حتى هي وخل وملح وزيت



وراهي اكلة خفيفة مشبعة



ربيعية




http://www.libyan-kitchen.com/gallery/images/scan0001.jpg


لوحة زردة ليبية ربيعية للفنان الليبي الكبير محمد زواوة درتلها سكان من نتجة حاطتها في مطبخي




لكن مش كيف ربيع بلادنا



وهذك المكرونة تدقل وتبكبك عالحطب



والشواية بنتها تجيب من وين موشوقة في عيدان من الغابة يطلقن فيها طعمة



والعصبان اميته اتفاور وتتفيض اتطشطش عالحطب



والعيال والبنات افوامهم خضر من القعمول



والصبايا – النساوين يعني – افوامهن مسوكات بقشرة الخزايني



والشاطرين لاقيين فقاع وقاعدين يشووا فيه عالنار



واللي اشطر منهم مصيدين حجل وارانب وقاعدين ينتفوا ويسلخوا


اكتفاء ذاتي عمرنا ما شلنا لحم معانا كله من الغابة


واللي اشطر منهم يحفروا يوتوا لبومردم



والدحي المسلوق الملون بقشور البصل الموري والاصفر في يدين العيال



ولا تشموا زفر



كلها روائح الطبيعة



والنوار على مسحات السيارة ف المرواحة



ومشينا وجينا سالمين



بريكة رب العالمين



الكل يغنيها ف الطريق



زردة ليبية معتبرة



وربيع ليبي اوريجينال ينشرى بالفلوس



وربي يشفي خيتنا السمحة ويبرد عليها



ترد معانا بنشاطها المعهود ويزهى منتدانا الغالي



ويعم الربيع



وان شاءالله كل ايامكن ربيع



اتبقن علي خير

[سحابه صيف]

مشاء الله تبارك الرحمن

تعرفي نقراء في الموضوع وتمنيت قاعدة ننزل هههههههههههههه انسجمت

يسلم ايدياتك يا رب

[للاهم]

شكرا سحوبة حتى انا قاعدة نعدل فيه ونشوف كان في اخطاء طباعة جعت جوعني
تعرفي ليا يجي ساعة انزل فيه كل مرة يضيع مني ونعاوده هبلني ودهشني ونشف ريقي
هههههه بس الذكريات منقولكش مشيت معاه ليام زمان وسقطت دمعات عالغايبين
سقى الله والله يرحم اجديدة وامها قديش كانن فنانات ف الطبخ والكيكات والحلويات والمخلالات

[زينب محمد]

ماشاء الله لاقوة الا بالله

دجاج يسهف وسرد شيق

مشاركة مميزة ورائعة

الله يسلم ايديك ويعطيك الصحة والعافية حبوبة

صحتين وهناء على قلوبكن

[نسمه ليبيه]

ههههههههههه زرده مش عاديه ذكرتينى باغنية مشينا وجينا سالمين

كل مرواح من الزرده لازم نقولوها
وبالمناسبه فى شعارك ارفعى فلفل وزيتونه شكلك من عشاق الزيتون

وبالتوفيق فى المسابقه

[للاهم]

شكرا حبوبتي زوبة فرحانة اللي ردت فيا الروح ونشطت وشاركت
شكرا علي هالمسابقة الحلوة

[بنية بوها]

والله مش عارفة شن نقولوا عالاسلوب الرائع او عالاكلة الاروع
بس شكلك طالعة لجداك الله يرحمها وان شاء الله انتي اطول عمر
يسلموا ايدياتك وجررررررررررررررررري عالتقييم

[للاهم]

شكرا خيتي نسمة ليبية
هههه والله شنو نقولك الفلفل شعاري
والزيتون شعار راجلي وصاحبه
من كم يوم في مزرعة في الجبل قعدنا فيها تلات ايام سحنونا بالزيتون
في شجرتين قعدوا طول الوقت مشبرين فيهن ويلقطوا ف الزيتون في وسط غابات امريكا الجبلية
ولما تعبنا رفضنا نكملوا نقطعوا معاهم وان نحنا جايين نزردوا مش نكملوا الوقت ف الزيتون زعلوا هههه
بس الحقيقة ساعدوني وحفروا عالزعتر والاكليل والتيه وجبدوه ليا من عروقه عشان نستنبته ف جناني

[بنية بوها]

واا نسيت نقوللك موفقة ان شاء الله في المسابقة

[للاهم]

شكرا بنية بوها عالتقييم ممنونة خيتي الحلوة
الله يرحمهن الاتنين يا ما تعلمت منهن بالنظر فقط
وياما سمعت نصائحن وهن يطيبن
هذي ماتندارش هكي
هذا تتعدل هكي
وماننسش دويرة خزين مظلمة من غير وشن ومسقعة وفيها ارفف مستفة فيها اجديدة الكبيرة فازوات الزيتون المرقد بانواعه ومخلل الفلفل والخيار
سقى الله

[للاهم]

الله يسلمك ويوفقك في مشاركاتك كلها

[طمطم]

والله احترت يا للاهم نعجب بالدجاج المشوي والا الجنان المشكل والا الأسلوب الشيق والا سرد الذكريات الرائع

الله يرحم جديدتك وامها ويبارك فيك ذركتيهم بالخير..... ربي يجازيهم عنك وعنا كل خير

تسلمي حبية وبالتوفيق في المسابقة

جوكم حلو عالآخر ربي يونسكم ببعض انت وزوجك وصحابكم

[الساجدة لله]

بسم الله ماشاء الله ياغالية سردك ممتع للحكاية ولاحكايات الخيال عيشتينا في حديقة حوشك وكان معاك شفناها وطلعنا معاك للغابة وخدينا الشتلات وزرعنا واخيرا كلينا من الدجاجة معاك هههههههههههه احلى تقييم ياغالية

[المستعينة بالله]

رائعة حبيبتي طريقة طبخك مع السرد لها تهبل

تسلم ايديك ويعطيك الصحة

وصحتين علي قلوبكم

[أشواق]

ماشاء الله لا قوة إلا بالله...دجاجة فايحة كل المضاف إليها طبيعى و طازج....يعنى البنة شميتها من هنا

تسلم ايديك أختى الكريمة و تسلمى على الاسلوب الشيق

[ليبية]

الله يسلم ايديك وصح لسانك على قولة الخليجيين
دجيجات يهبلوا يعطيك الصحة

[للاهم]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة طمطمhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifوالله احترت يا للاهم نعجب بالدجاج المشوي والا الجنان المشكل والا الأسلوب الشيق والا سرد الذكريات الرائع

الله يرحم جديدتك وامها ويبارك فيك ذركتيهم بالخير..... ربي يجازيهم عنك وعنا كل خير

تسلمي حبية وبالتوفيق في المسابقة

جوكم حلو عالآخر ربي يونسكم ببعض انت وزوجك وصحابكم
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gifشكرا طمطم مرورك اسعدني وكلامك نزل كيف العسل
ويوفقك طمطومة في قرايتك

[للاهم]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة الساجدة للهhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifبسم الله ماشاء الله ياغالية سردك ممتع للحكاية ولاحكايات الخيال عيشتينا في حديقة حوشك وكان معاك شفناها وطلعنا معاك للغابة وخدينا الشتلات وزرعنا واخيرا كلينا من الدجاجة معاك هههههههههههه احلى تقييم ياغالية http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif
شكرا يا ساجدة يا غالية عالكلام الحلو والتقييم
مردود ف الافراح

[للاهم]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة المستعينة باللهhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifرائعة حبيبتي طريقة طبخك مع السرد لها تهبل

تسلم ايديك ويعطيك الصحة

وصحتين علي قلوبكم
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gifتسلمي خيتي المستعينة طيب التعليق وطيب المرور

[للاهم]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة أشواقhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifماشاء الله لا قوة إلا بالله...دجاجة فايحة كل المضاف إليها طبيعى و طازج....يعنى البنة شميتها من هنا

تسلم ايديك أختى الكريمة و تسلمى على الاسلوب الشيق
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

الله يسلمك يا اشواق
طيب التعليق
وطيب المرور خيتي

[للاهم]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة ليبيةhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifالله يسلم ايديك وصح لسانك على قولة الخليجيين
دجيجات يهبلوا يعطيك الصحة
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

ههههه ليبية قصدك ديايات !
طيب التعليق والمرور خيتي

[ام عبدالمعز]

يسلمو ايديك للاهم روعة

ماشاء الله دجاج ايجي في الخاطر

صحتين وعافية يارب

[للاهم]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة ام عبدالمعزhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifيسلمو ايديك للاهم روعة

ماشاء الله دجاج ايجي في الخاطر

صحتين وعافية يارب
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif
تسلمي خيتي ام عبد المعز
طيب المرور والتعليق

[mnona]

http://www.libyan-kitchen.com/gallery/images/25877qoro.gif

[أم ميوسة]

موضوع جميل يا للاهم

سرد ممتع وذكريات شيقة وطبخة شهية

قداش ليا مقريتش موضوع شدني هكي

أنت بجانب انك طباخة ماهرة أنت كاتبة ممتعة

لا يمل من مواضيعك وطباختك

ربي يحفظك ويحفظلك عيلتك

ويرحم جدتك ويوسع عليها

بالتوفيق في المسابقة

[للاهم]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة mnonahttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gif
http://www.libyan-kitchen.com/gallery/images/25877qoro.gif
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif
شكرا منونة
وشنو هالتوقيع الحلو اللي حاطتيه مميز

[للاهم]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة أم ميوسةhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifموضوع جميل يا للاهم

سرد ممتع وذكريات شيقة وطبخة شهية

قداش ليا مقريتش موضوع شدني هكي

أنت بجانب انك طباخة ماهرة أنت كاتبة ممتعة

لا يمل من مواضيعك وطباختك

ربي يحفظك ويحفظلك عيلتك

ويرحم جدتك ويوسع عليها

بالتوفيق في المسابقة

http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

شكرا ام ميوسة عالكلام الحلو رفعتي معنوياتي
بارك الله فيك ويحفظلك عيلتك وكل احبابك

[أم أيوب]

دهشت للاهم وأنا نقرا هههههههههه

موضوع أكثر من روعة وهدروزاتك تهبل ووصفك للزردة يخليك تحسي كأنك فيها

وطبقك يهبل وبنته وصلت لعندي ما شاء الله

صار انتي من عشاق الحجل والأرانب

توة لما راجلي يصيد نبعتلك منه ديما يجيب فيه بس ما نحبش

نقوله اللي تجيبه انت طيبه وكوله بروحك

مقسم السنة مواسم موسم حجل موسم يمام موسم أرانب

موسم سمك موسم ترفاس طول السنة واخد البندقية على كتفه

ونازل في هالمسيكينات هههههههههههه

صحتين على قلبك وقلب عائلتك وموفقة حبوبة في المسابقة

[للاهم]

هههه دسيلي قسمي من الطرائد في الفريز لعند نتلاقوا
نحبهن واجد ونموت ف السمان ومرة كليت زغاليل محشية بالفريك مشوية في حي الحسين في مصر واللي قاعدين معايا كلهم يدعوا عليا
يا شريرة يا اكلة العصافير نين وجعتني بطني
الاسبوع اللي فات مشينا الجبل وراجلي شال البنادق بس الحمدلله مالقينا ولا حجلة
لآني منحبش نشوفهن وقت الصيد ولا نحب ننتفهن
كان جني واتيات مكيسات او طايبات اوكي
شكرا عالتعليق الحلو نحب التعليقات اللي فيهن اخذ ورد وتواصل

[أمـ ساره]

ماشاء الله لا قوة الا بالله

دجاجاة تجي في الخاطر والله

ربي يسلم ايدياتك وعويناتك ولسانك الحلو الي يقطر عسل


أبدعتي بالوصف والطبخ وخيتي


وأحلى تقييييم لعيونك

[للاهم]

شكرا امـ سارة بارك الله فيك عالتقييم
مردود في الافراح
طيب المرور خيتي

[Om Saga]

خشيت للمنتدى لقيت صنت دجاج جيت نجري لقيته موضوعك هههه
ههههههه موضوعك زي العسل
ومنوره المنتدى كله
وتسلم إيدياتك ياقمر

[للاهم]

ههه ام سجى شفتك وانتِ تجري حيلك حيلك شكلك تحبي الدجاج المشوي
قمعزي خوذي نفسك وذوقي منه

[أم أيوب]

هههه دسيلي قسمي من الطرائد في الفريز لعند نتلاقوا
نحبهن واجد ونموت ف السمان ومرة كليت زغاليل محشية بالفريك مشوية في حي الحسين في مصر واللي قاعدين معايا كلهم يدعوا عليا
يا شريرة يا اكلة العصافير نين وجعتني بطني
الاسبوع اللي فات مشينا الجبل وراجلي شال البنادق بس الحمدلله مالقينا ولا حجلة
لآني منحبش نشوفهن وقت الصيد ولا نحب ننتفهن
كان جني واتيات مكيسات او طايبات اوكي
شكرا عالتعليق الحلو نحب التعليقات اللي فيهن اخذ ورد وتواصل


ههههههههههه ياشريرة تاكلي في العصافير ياروحي؟؟؟

خطرتي عليا الصيد مرة خداني معاه عشان يصيد حجل

قالي انتي سوقي وأنا نطلق بالخرطوش

توكلت على الله وركبت في سيارة الصيد (( لاند كروزر ))

ومشينا لمكان وراء سوسة ... استلمت القيادة وهو يدور بالمنظار

صاحبتك خوافة من صوت السلاح ماشيين ماشيين قالي وقفي وقفي

مازلت ما وقفت طلق طلقتين تعرفي قعدت نعيط ومعش عرفت نمسك فرينو

ما نلقو روحنا اللا ضاربين في حيطة من يومها قالي معش في طلوع معايا للصيد

[النرجس الغالي]

الله كلام عسل وذكريات حلوة نطير فيها للاهل والاحباب وننسى الغربه وطبق روعه بتتبيله طبيعيه تزهى
مشاء الله عليك اختى ماكله الهنا والعافيه

[QUEEN]

الله الله الله عليك يا للاهم روووووووووووووووووووووووعة في كل شي
ابدي من الطرح والاسلوب وكمليها بخفة الدم
ربي يحفظك وموفقة

[فضااوي]

للاهم نسيت الدجاج مع سهاريك ههههههههههههههههه

تسلم الايااادي يالغلا دجاجة محبشة 100% وتخيلت الشمسة وطاسة الشاهي

الله يديم عليناا الامن والامان يالغلا

[للاهم]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة أمـ سارهhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifماشاء الله لا قوة الا بالله

دجاجاة تجي في الخاطر والله

ربي يسلم ايدياتك وعويناتك ولسانك الحلو الي يقطر عسل


أبدعتي بالوصف والطبخ وخيتي


وأحلى تقييييم لعيونك

http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif
تسلمي ام سارة وانتِ احلي
شكرا شكرا خيتي عالتقييم
مردود ف الافراح ان شاء الله

[للاهم]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة أم طهhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gif
ههههههههههه ياشريرة تاكلي في العصافير ياروحي؟؟؟



خطرتي عليا الصيد مرة خداني معاه عشان يصيد حجل


قالي انتي سوقي وأنا نطلق بالخرطوش


توكلت على الله وركبت في سيارة الصيد (( لاند كروزر ))


ومشينا لمكان وراء سوسة ... استلمت القيادة وهو يدور بالمنظار


صاحبتك خوافة من صوت السلاح ماشيين ماشيين قالي وقفي وقفي


مازلت ما وقفت طلق طلقتين تعرفي قعدت نعيط ومعش عرفت نمسك فرينو


ما نلقو روحنا اللا ضاربين في حيطة من يومها قالي معش في طلوع معايا للصيد
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

مش مغير شريرة بس اللي كلتها حمامة محشية بالفريك
عطهم دعوة عطوها ليا بالدعاء ف الحسين
كملت تاني يوم ال.... من بطني وهم يدهورو في القاهرة ويكلمو فيا ينابشو فيا شمتانين
اما انتِ طروح ويا عبا راجلك عليك
تطلقي الدومان هههههه باهي اللي جت سليمة
قلتلك ما هو في هيدفون كاتم تستعمليه عند الاطلاق بيش وذنيك ما يطرشقنشدمك خفيف عالاخر ام طه

[للاهم]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة النرجس الغاليhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifالله كلام عسل وذكريات حلوة نطير فيها للاهل والاحباب وننسى الغربه وطبق روعه بتتبيله طبيعيه تزهى
مشاء الله عليك اختى ماكله الهنا والعافيه
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

شكرا نرجوسة عالتعليق الرائع
شكلك زيي طايب ومرايفة
الغربة اه منها
ولو ريتي النرجس مفتح في حديقتي وريحته الحلوة

[للاهم]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة QUEENhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifالله الله الله عليك يا للاهم روووووووووووووووووووووووعة في كل شي
ابدي من الطرح والاسلوب وكمليها بخفة الدم
ربي يحفظك وموفقة
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif
الله يسلمك يا مليكة كلك ذوق
ويحفظك ويحفظ احبابك

[للاهم]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة فضااويhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifللاهم نسيت الدجاج مع سهاريك ههههههههههههههههه

تسلم الايااادي يالغلا دجاجة محبشة 100% وتخيلت الشمسة وطاسة الشاهي

الله يديم عليناا الامن والامان يالغلا
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif
اه يا فضاوي جيتي عالجرح

الله يديم الامان والامان ويحفظ بلادنا من شر الفتن
شكرا خيتي الحلوة الطيبة

[روح مغتربه]

ما شاء الله عليك اختي اللاهم والله انك فنانه المره الجايه انا نطيب ونصور وانت اكتبيلي الموضوع والله ما نعرف انعبر والكلام عندي ياسر لما نكتب نلقاه راح مني ويطلع الموضوع صصصصصصصصصصصامط حاشاك
المهم ياريتك صورتيلنا جنانك شوقتيني انشوفه موفقه اللاهم

[للاهم]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة روح مغتربهhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifما شاء الله عليك اختي اللاهم والله انك فنانه المره الجايه انا نطيب ونصور وانت اكتبيلي الموضوع والله ما نعرف انعبر والكلام عندي ياسر لما نكتب نلقاه راح مني ويطلع الموضوع صصصصصصصصصصصامط حاشاك
المهم ياريتك صورتيلنا جنانك شوقتيني انشوفه موفقه اللاهم
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

ههههه تسلمي
ياستي اتفقنا بس بشرط انا نكتب ومحسوبة في صونية ااااا قصدي قصعة من اللي بطيبه
وان شاء الله بعد يروق الجو ونطمنو علي هلنا وناسنا وبلادنا نحطلكم موضوع علي جناني وحديقة مطبخي بالصور

[نوارة ليبيا]

هههههه ماشاء الله ياللاهم ^_^ حتى اني نحب خضرتي من الجنان

لكن الحق مش كل شئ حبق ونعناع وجل وفلفل ^_^ أكثر شئ مرة زرعت باذنجان حتى هو طلع امليح ^_^

و ماشاء الله تبارك الرحمن يالغالية خطيرة في الشرح والطريقة اتهبل والف صحه وهناء

وتستحقي احلى تقييم

[الساجدة لله]

حبيبة الاجمل في مواضيعك هو طريقة سردك للموضوع وهذا مايميز مطبخك وتسلمي ياغالية لاتحرمينا من ابداعاتك

[lola9670]

للرفع

[بنت الاشراف]

​سلمت يداك

[luba]

تسلم الايادي بارك الله فيك لك تقييمي:o