لقاء مع اخواتي في الله لاجل غاليتنا السمحة

[ام عبدالمعز]

السلام عليكم ورحمة الله وبركاته




الحمدلله حمداً كثيراً كماينبغي لجلال وجهك وعظيم سلطانك

قال صلي الله علية وسلم

(ومثل المؤمنون فى توادهم وتراحمهم وتعاطفهم
كمثل الجسد الواحد اذا اشتكى منهم عضو تداعى له سائر الجسد بالسهر والحمى )

(انما المؤمنون اخوة)


اليوم زرت اختنا السمحة و اطمنت عليها والحمدلله كانت فائقة وشافتنا

ولله فرحت انها اصبحت احسن من الاول وانها تجاوزت مرحلة الخطر

وصلنالها سلام الجميع واهلها كانوا فرحانين بزيارتنا ورحبوا بنا بارك الله فيهم

لاول مرة نلتقي باخوات في الله لاتربطني بهم اي علاقة في الحقيقة سوي اخوة صادقة في

الله اجتمعنا علي صفحات هذا المنتدي الغالي


اللقاء كان اكثر من رائع تعرفت فيه علي احلي صحبة ومااعظم هذا الاحساس

حب دون مصالح دون معرفة شخصية ودون حتي صورة للشخص الذي تثحدتين معه

لقاءنا كان بسبب اخت غالية وعزيزة علي الجميع تألمنا لمصابها وانزعجنا ممااصابها

وماكان لها منا الاالدعاء حتي حانت ساعة اللقاء اللهم لك الحمد

وفرحتي لاتوصف بلقاء اخواتي في الله وزيارتهن لاختنا السمحة ان دلت هذه الزيارة علي

شئ فهي تدل علي روعة اخواتي في الله وصدق مشاعرهم

فضاوي**** وناني**** ومشاغبة المطبخ

مااروعكن وبارك الله فيكن جميعا وجعل كل خطوة من خطواتكن في ميزان حسناتكن

لن يكون هذا لقاءنا الاخير ولن نتوقف عن زيارة غاليتنا السموحة حتي يكتب لها الله

الشفاء فكثفوا الدعاء يااخواتي وبارك الله فيكن جميعا

[للاهم]

بارك الله فيكن في ميزان حسناتكن
والصاحب وقت الشدة
ربي يشفي السمحة وان شاء الله نلتموا في طلعتها سالمة باذن واحد احد

[نسمه ليبيه]

بارك الله فيكن جميعا

وهذه لفته جميله منكن ان دلت على شيء تدل على اصل الشعب الليبي وطيب اخلاقه

زيدي حدثينا وطمنينا عن السمحه هل سمعتكم هل استجابت لما عرفتوها على انفسكم؟
زيدي طمنينا

[ام عبدالمعز]

ايوة نسومة هي فائقة وعرفت اننا من المنتدي وعرفناها باسماءنا

لكن طبعا انشوفوا فيها من خلال الشاشة لانها قاعدة في العناية

ولكن حالها تمام الحمدلله اطمنوا لكن كثفوا لها الدعاء حتي ربي يشفيها شفاء تام

[بنية بوها]

بارك الله فيكم وان شاء الله اجركم حاصل والله يطمنكم
زي ماطمنتونا

[بنية بوها]

والله انكم منورات وفزاعات سلمهن ياربي بنيات بلادي

[اريناس]

ماشاء الله هذاا نحن اليبيين وقت الشده نلقوا بعضناا وان شاء اجركم حااصل والحمد الله انكم طمنتوناا عليهاا

[أم أيوب]

أم عزو تصدقي بالله والله تمنيت نكون معاكم

ربي يبارك فيكم ويكثر من أمثالكم والله موقفكم شوية لو قلت عليه موقف نبيل

ويدل على أخلاق عالية وطيبة قلب ومحبة صافية

لما تمشي تزوري انسانة كنتي بس تعرفيها من خلال ما تكتب على المنتدى

ياريت من اتهمت المنتدى بالتحيز والكلام الفاضي كانت توة قاعدة

عشان تعرف شن اللي رابط عضوات هالمنتدى ببعضهم مش تقييم ولا ردود على

وصفات ومشاركات .... اللي رابط بينهم أرقى وأسمى من كلام مكتوب على موقع انترنت

أمانة عليكم وصلولها سلامي قولوها زهور تسلم عليك وتوحشاتك وااااااااجد

ربي ما يشغل بالكم على حبيب ويحفظكم ويحفظ أحبابكم من كل شر يارب

ومش حنبطل نصلي عشانها باذن الله لعند ما نفتح في يوم المنتدى

ونلقى اسمها منور وردودها ووصفاتها نازلة في كل قسم من أقسامه

[أمـ ساره]

بارك الله فيكن وجزاكن خير الجزاء يارب

وان شاء الله نتلاقوا في عرفة باذن الله

وربي يطمن بالكن ويريحكن زي ما ريحتونا يارب

وربي يشفي اختي السمحة ويردها لأهلها ولينا بالسلامة يارب


والله فرحتوني يا بنات بزيارتكن ليها وبكلامكن عليها هذا وين ارتاح بالي شوي

وان شاء الله ما نبطلوا الدعاء حتى ربي يشفيها شفاء لا يغادره سقم


اللهم آمين

[أمـ ساره]

حبوبات بالله سلموا عليها هلبة هلبة وياريت نقدر نزورها ونمشيلها

بالله وصلولها سلامي شخصياً


وربي يبارك فيكن ويعطيكن ما تتمنوا يارب

[سحابه صيف]

والله تمنينت كنت معاكم

الف شكر ليكم وهادم بنات ليبيا وهذا بلادنا دائما سابقين في فعل الخير

ودئما معروفين الحمد لله الشعب الليبي بطيبة قللبة وحنيته

وانتم زدتو اكدتو هذا الكلام

بالله سلمولي عليها هلبة هلبة
بس لو تحصلولي رقم الهاتف علي الاقل حتي بتلفون الواحد ايقوم بالواجب الله غالب لو ي بلادي كنت امشيت واتعرفت علي اللوجوه الطيبه

[Om Saga]

الله الحمد لله الدنيا لسه بخير
كم سعدت بقرائة موضوع أختي أم عبدو
وسعدت بلقائكم وسعدت بصحة السمحه
وبموقفكم الجميل
هذا المنتدى خلانا إخوه وناس مجمولين
ياريت بس النفس العزيزه تدخل وتشوف روح الأخوه
الوجودة مابينا
منورين وونسنا بيكم
والحمد لله على سلامة السمحه الحمد لله
اللهم إشفي السمحه شفاء لايغادر سقما اللهم آمين

[مغتربة 7]

ماشاء الله البشائر تزيد كل يوم الحمد لله ويا رب يا رب تنوض بالسلامة وعافية تامة
حبيبه ام عبدالمعز كلامك أثر فيا بشكل مش طبيعى والله بالفعل احنى ما نعرفوش بعض الا من خلال الكتابة ولكن سبحان الله قلوبنا مترابطة كا البنيان المرصوص وربى ان شاء الله يطمن قلوبكن ويعطيكن كل ما تتمنو يا رب بالفعل احنا اليبين فزاعين وقت الشدة وهدا العشم ربى يحفظكم .

[الساجدة لله]

الله يطمنكم ياغاليات ويازهورة ماخليتي عندي ماانقول لانك كفيتي ووفيتي وبارك الله فيكم يافضاوي وياام العز وياناني ويامشاغبة وان شاء الله في ميزان حسناتكم وماتنسوش امانة يابنات اللي تمشي فيكم تسلملي عليها

[زينب محمد]

بارك الله فيكن وجزاكن كل خير حبوبات

ماقصرتن كفيتن ووفيتن

ان شاء الله نجتمع على جبل عرفات

وتمشوهن خطى في الجنة

والله قلبي عندها وتمنيت نكون معاكن

لكن ماباليد حيلة

الله يسخر ونزورها بعد ماتخرج من العناية ان شاء الله

[فضااوي]

سبحان الله

تلاقيناا من غير سابق معرفة جمعناا الحب في الله

الله يديم عليناا المحبة ويجمعنا مع المتحابين في الله تحت ظلة يوم لا ظل الا ظلة

والله يجمعناا على جبل عرفااات اللهم امييييين

ماخليتي ما نقول ام عبد المعز

بارك الله فيك

[مشاغبة المطبخ]

بارك الله فيك حبيبتى ام عبدو وربى يحفضلك كل غالى
والله يااخواتى لانريد من هده الزياره لاسمعه ولارياء
والله يعلم ربى قداش اتالمت عليها وقداش وجعتنى
لاكن بصراحه انى اليوم فرحانه لانى اول مره
انحس اناعندنا اخوات فى الله بالفعل والتقينا
بالصدفه بدون تنسيق
اشهد الله انى احببتكم اكتر لما شفتكم
ربى يونسنا ببعض

[ام اسر]

الحمد لله رب العالمين
والله فرحت بهاللفته وتمنيت روحي معاكم وربي يجمعنا في الجنه اجمعين
امانه بلغو لها سلامي

[guidona]

بارك الله فيك ام عزووووووو ربي يحفظك انت والاخواتي والحمد الله علي سلامتها زيارتكن تدل علي معدن اصيل في ميزان حسناتكن ان شاء الله تصدقو والله من سمعت الخبر وجوي مش تمام وخايفه تفتح حتي النت ونسمع خبر مش كويس لاسمح الله والله معاد نتحمل الحمد الله علي كل حال وربي يشفيها وجزاكن كل خير بوركتي ام المعز

[ام سراج 3]

http://t2.gstatic.com/images?q=tbn:ANd9GcSmcK2uT3DRJVfOMrE58MUB3lKWz6czS HSR7KR1Xc6XRfJ5_GsY

[ناني2007]

بارك الله فيه اخت ام عزو

ومثل ماقالت الغالية مشاغبة المطبخ مانبومن هذه الزيارة لاسمعة ولارياء ...

وجعتنا هلبة وحبينا نطمنو عليها والحمد لله بعد ماشفناها وشفنا عيلتها اطمنا اكثر ...ربنا يشفيها ويزيدها من

الشفاء...

[Om Amory]

بارك الله فيكم فعلا بنات أصل

والله تمنيت نكون معاكم

ربى يحفظكم

وان شاءالله ربى يشفيها

وسلامى ليها هلللللبه

[روح مغتربه]

بارك الله فيكم اخواتي والله اني اليوم سعيده الحمد لله لاني كلمت اخت السمحه وطمنتني عليها وخبرتي انهم فرحانين انها وعيت بيكن وتبسمت لما عرفتكم والحمد لله ان المنتدي جمعنا وخلانا اخوات بدون اي مصالح او منافع مجرد اخوه في الله والحق يقال انكم بنات اصل وفزاعات والواحد معادش يخاف علي روحه مدام يعرف ناس عندهم انفس طيبه زيكم بارك الله فيكن

[ام الحلوين]

الله يبارك فيكم وان شاء الله فى ميزان حسناتكم والله فعلا زى ماقالت روح الواحد معاش يخاف على روحه معاكم يتهنى

[رائفة العين]

بارك الله فيك وانشاء الله في ميزان حسناتك

[QUEEN]

بارك الله فيكم وان شاء الله في ميزان حسناتكم يارب وماننحرموش من بعض
بلغن تحياتنا للسمحة واحني معها بقلوبنا لين اتانسنا بطلتها السمحة وهي طيبة

[ملكه بنقابي]

بارك الله فيكم وربي يجمعكم علي الخير يارب

وصلني رقمها من الغالية زينب

الله يبارك فيها نقدر نتصل بيها ولا ماتقدرش تتكلم ؟