الشاهى الاخضر

[jolia]

السلام عليكم ========يابنات اريد ان اعرف منكم كيف نعرف ان الشاهى
الاخضر طايب

[سحابه صيف]

شوفي حبوبة انا اندير فيه نفس مقدار الشاهي الاحمر بزبط وعيني ميزاني الحق

لكن في شاي الاخضر انحط المية ومقدار شاي وانخليه يغلي شوي وبعدين انغييله المية

ونرجع في الحشيش علي نار ومية تانية

ان اشاء الله اتكوني فهمتيني

[sema]

بالضبط حتى انا نفس الطريقة
يعني زي الشاهي الاحمر
بس اغليه الغلوة الاولى وصفيه وعاودي اغليه في ماء اخر

[79nana]

اني نفس طريقة البنات بالضبط حطي مقدار كشيك كبير وغلية في شوية امية غلوة ولا تنين وبعدين بزعي المية وحطي امية تانية عبي البراد وغليه علي نار هادية وبعدين تطلع صنته انه طايبة وبعدين حطي فيه ربطة نعنان في الغلوة الاخير واطفي عليه واربي واتهني
تحياتي

[ام تغريد]

طريقتي نفس طريقة الاخوات ونعرفه طاب لما تلاقي الحشيشة كلها في القاع

طبعا لما تكون ناره هادية

[مغتربة 7]

حبيبة حتى اني نفس طريقة الاخوات وتعرفيه طاب لما ادوقيه
ما يكونش خفيف معدل مش خفيف ومش تقيل هلبة