[ باكورة هندية ] من مطبخ أم يمنى

[أم يمنى]

http://www.libyan-kitchen.com/gallery/images/2011092400.jpg

هذه سفيرة رمضانية , زى ما طلبوا العويلة , اليوم بعد مافطروا فى الصبح قالو : مانبوش غذى نبو نفطروا معاك (كنت صايمة ) طيبت مكرونة بالبصلة , وفاقون الشربة , وباكورة هندية , وسلاطة , وقلاية (شوية ).وسلامتكم:o

وبالنسبة للباكورة الهندية كليتها فى عزومة عند جارتى الاماراتية فى شهر رمضان , وطريقتها :
كوب دقيق , كوب طحين حمص , 2 بصل مقطع شرائح ومذبل شوية فى زبدة أو زيت , قرن فلفل حار مقطع شرائح , ربع كوب كزبرة مفرومة , ملعقة صغيرة بيكنج باودر , ملعقة صغيرة كركم , ربع ملعقة صغيرة كمون , شوية ملح , ثلث كوب ماء ,
تخلط كل المقادير وتجيك رطبة زى اللقيمات , تأخذى بالملعقة وتنزليها فى زيت سخون ,ولما تتحمر طلعيها , جربوها مش عادية , ملاحظة ( يفضل قليها فى وعاء عميق وليس فى الطاوة ) .وبالهنا والشفاء

[أم يمنى]

هيا عاد نبى تشجيع قوى , انشطوا , نبى نشوف ردكم كلكم ,

[أمـ ساره]

ماشاء الله لا قوة الا بالله

سفيرة تجي في الخاطر والله تبي تقعميزة باهية

بالهني والعافية

وربي يسلم ايدياتك الحلوة يارب

[ام بيلسان]

مشاء الله
سفيرة تفتح النفس حقا
صيامك مقبول انشاء الله

[سحابه صيف]

ماشاء الله صفرة اتهيبلر

وان اشاء الله تفطريه في جنه يا رب

بس نزلينا طريقة الباكورة الهندية نتعرفو عليها هههههه

[بنت طبرق]

تسلم يدك
وصحيحتين عالمكرونة نموت فيها

[نسيبة]

تقبل الله صيامكم
سلم ادياتك اخية سفرة مرتبة و فطور شهي صحتيننننننننننننننننننننننننننن

[79nana]

ياعيني ياعيني علي المكيرينة الي بالبصيلة تسلم ايدياتك ماشاء الله صنة البصلة بالقربة واصلة لهني

تسلم هاليديات وصحة فطورك ان شاء الله

[omhammam78]

ماشالله سلم ايدياتك صفرة مرتبة وزي ماقالت الاخت سحابة صيف نبو نعرفوها الباكورة الهندية

[ام الجميلات]

صيامك في الجنة ماشاء الله سفرية تجي في الخاطر يسلموا

[ام صهيب]

صحة صحة ان شاء الله بالهناء

والله الصورة ماشاء الله تتكلم ومكرونة البصلة صنتها فايحة

[ام عبد الله السلفية]

صحة صحة أوخيتى ام يمنى ا سفيرة تهبل الباين

عليها بنة وصنة ويعطيك ألف عافية حبيبتى

[بنية بوها]

شكلها مكرونة فاااااااااااايحة يسلموا ايدياتك وصحتين ليكم وصيام مقبول

[أم إيناس3]

صحتين صيامك فى الجنة يسلمو الايادى

[لولو]

صيامك فى الجنة أيمنى سفيرة مقومة تسلم أيدياتك

[lola9670]

صفرة حلوة
وصحة فطورك

[أم يمنى]

مشكورات هلبة هلبة , وتفضلوا فى أى وقت .

[نعم درناويه]

مشاء الله سفره اتهبللللل صياما مقبولا

[الساجدة لله]

غاليتي العزيزة
ياريت تكتبي طريقة الباكورة في نفس الموضوع وليس كتعليق هذه قوانين المنتدى كي يتسنى للجميع الاستمتاع باكلاتك

غاليتي وياريت تكملي باقي الوصفات او تكتبي الموضوع بااسم الباكورة الهندية

وتسلم ايدك على الوصفة ياغالية

[أم يمنى]

حاضر , حاضر , ياالساجدة لله . باذن الله , ح نزل طريقة عمل الباكورة ونصورها , انى ماكنتش نحساب حد بيسألنى عليها , لكن ان شاء الله الايام الجاية , نديرها ونصورها ونعرضهالكم .

[Om Amory]

ماشاءالله يسلمو ايدياتك

[Om Saga]

ماشاء الله أم يمنى
تسلم إيدياتك ياربي
وصفرة يم يم بس لو صورتينا الباكورة قريبة بس
هي فهمتها بتكون زي العجة صح ؟
المهم مشكورة أم يمنى النشيطة

[ام رواسي]

ماشاء الله
سفيرة دايمة وان شاء الله صيامك فى الجنة
وسلم الله ادياتك يا حبيبة

[فضااوي]

ماشاء الله تبارك الرحمن

بجد بجد روووووووووعه

تسلم الايااادي يالغلا

[أم أيوب]

سلم ايديك ماشاء الله

بس وينها الباكورة مش باينة علينا

ياريت حطيتيلها صورة بروحها

ربي يتقبل صيامك وصحتين على قلوبكم

[guidona]

ربي يتقبل ياعسوله وصحيحه وهني

[خدوج]

يسلموا ايدياتك
صفرة تشهى
بوركتى

[بنت الاشراف]

سلمت يداك

[ام جنى]

مشاء الله سلم ايديك