(الفرن المحمول ) من مطبخ 79nana [الأرشيف] - المطبخ الليبي لزينب محمد

مشاهدة النسخة كاملة : (الفرن المحمول ) من مطبخ 79nana

79nana

09-25-2011, 11:19 AM

السلام عليكم ورحمة الله وبركاته

http://www.libyan-kitchen.com/gallery/images/thumbnqqq.gif

اخواتي الغاليات كيف حالكم والله ليكم وحشة ولاكن الله العالم بالضوروف الي مرينا بيها والواحد ماعنده نية في شي حتى سلتة شعر نكيد فيها ولاكن الحمد لله بعد النصر وان شاء الله التحرير لباقي المناطق ويوفقنا في تنظيم بلادنا ويبعد علينا الطاوبير الخامسة وغيرها وان شاء الله يعم على بلادنا الخيرات والامان اللهم امين

المهم اني قلت خلي نشاركم ولو بحاجة بسيطة

واليوم جيتكم بطنجرة نقول عليها الطنجرة السحرية لانها اتطيب وتشوية وووووووووومبيييييييييييييييحة للريجيم لانها تطرد الزيوت والدهون واتنزرها كلها تحت وتاكلي الاكل صحة في صحة بادن الله

وتعرفو اني نستعمل فيها لشنووووووو نستعمل فيها للتجفيف القرقوش روووووووووووعة والاحلى من هكي ما تستهلكش هلبة كهرباء لانها اتطيب الحاجة في اقل من وقتها وفيها موقت للزمن وامنة جدا وروعة في كل شي طيخ وتسخين وشوش وتحمير وفي كل شي هما بيقولو حتى المعجنات اني جربت فيها خبيزة الباغلي جت روعة ولاكن طبعا الكمش مش هلبة زي الكوشة العادية ولاكن تساعد وهده الصورة لاحد الماركات وفي منها اشكال والاوان ونفس النتيجة للجميع

http://www.mynuwaveoven.com/b239/img/page/index/main_header_free_shipping2.jpg

وان شاء الله تستفيدو منها زي ما اني استفدت

تحياتي للجميع

79nana

09-25-2011, 11:22 AM

راهو هدا مش حقها هدا التقسيط امتعها حقها يجي 100 دولار ويجو معاها الطروف هادي في الموديل هدا وفي مايجيش معاها شي وارخص وهكي

omhammam78

09-25-2011, 12:24 PM

والله معاش اعرفنا شن بنشروا كل مرة تطلع حاجات جديدة وكل وحدة اتجي في الخاطر أكثر من غيرها وخاصة اني ماعنديش الروح مع معدات المطبخ وربي يعينا على اقناع الراجل اللي بيدفع الفلوس بيقولك ماهو أمي وجداي كانت أطيب من غيرهاهذه من باب الفوكاهة

79nana

09-25-2011, 01:21 PM

والله عندك الحق يا ام حمامة الواحد بيهبل تعرفي اني مرات نجمع شوية فليسات ونقول اهو نشري بيهم حوايج لما نمشي للسوق نلقى في رحوي نوقف علي الطناجر والماعين ونقعد بالساعات ونقعد نربش لين نشري خخخخخخخخخخخ ان شاء الله حتى كويشيك ولا صوينية حالة وخلاص الواحد معادش وين بيقسم هالمعيش خخخخ
ولاكن انقول في حاجات والله مافيهاش فايدة ماتستفيديش منها وفي حاجات تحتاجيلها تعرفي هده زي حالاتي في الغربة لاتقدري تنشري قرقوش ولا الجو يساعد ولا قوانينهم تساعد ولاكن هالطنيجرة تلقيها زي الرحمة القروروش في ساعة يطيب الي قبل كنت في الكوشة 7 ساعات باش ايطيب ويجف يعني رحمة وفيها ميزة انها تغسل نفسها بنفسها وفي ميزة الحرارة انتي تتحكمي فيها من 250 فهرا هايت ابى 450 يعني في عوض كوشة وفيها ميزة انك لو ماتبيش الدهون تنحيلك كل الدهون وتقدري تدخلي السلفر والطاجين عادي المهم مش كلينكس بس

وعلى العموم ربي يرزقنا جميعا ونشرو كل الي خاطرنا فيه ورجلاتنا راضين وفرحانين

تحياتي ليك

ام عبدالمعز

09-25-2011, 05:54 PM

يسلمو ايديك نانا طنجرة حلوة وتستاهل الشريه

بانتظار جديدك دوماً

أمـ ساره

09-25-2011, 09:52 PM

ماشاء الله طنيجرة تجي في الخاطر والله

دخلتيها لراسي والله

ربي يستر ونقنعوا الراجل يشريها

لكن مش عارفة فيه منها في ليبيا او لا

مشكورة حبيبة

سحابه صيف

09-25-2011, 11:33 PM

يعيني والله حترنا وين انحطوهن هل قريشات ههههههههه لكن عجبتني الحق واندخلها في قائمة ههههههه

باك الله فيك نانا وان اشاء الله تبيديها بهناء ومننحرموش من جديدك

79nana

09-26-2011, 08:12 AM

ام عبد المعز ام سارة وسحابة صيف الله يبارك فيكم يارب ويسعدكم ويهنيكم ويعمر بيتكم وتشرو الي في خاطركم كله يارب العالمين والله تعرفو عندكم الحق الواحد قداش بيشري وفي اولويات وكل حاجة في ميزات وعيوب

والواحد يقنص علي التخفيضات باش يقدر يشري كل شي وكان هدا قول علي نفسك يارحمن يارحيم هههههه

وان شاء الله نجو نشرو كل شي من بلادنا الله يارب يعمرها بالخيرات ومانحتاجو لا نكركو من الغربة ولا شي

يجي في خاطرنا شي نشروه من السوق يلا الواحد يتفائل الخير والله بلادنا ماتستاهل الا الخير وان شاء الله يجيبلنا الخير

بارك الله فيكم علي مروركم العطر الله يسعدكم ويهنيكم يارب

المستعينة بالله

09-26-2011, 12:11 PM

رائعة شكرا ياعسل

فضااوي

09-26-2011, 01:59 PM

روووووووووووووووووعه

بارك الله فيك

79nana

09-27-2011, 08:57 AM

اخواتي المستعينة بالله وفضاوي الله يبارك فيكم ويجزاكم الف خير علي مروركم الكريم

تحياتي لكم

lola9670

09-28-2011, 12:44 PM

حلوة مشكورة

79nana

09-29-2011, 08:45 AM

تسلمي يالوللا
تحياتي لكي

نسيبة

09-29-2011, 04:21 PM

صحيتي يسلموا

زينب محمد

09-29-2011, 11:18 PM

موضوع قيم ومعلومات مفيدة

هذا الفرن متوفر في اسواقنا منذ سنوات

الله يبارك فيك ويرزقك الذرية الصالحة عاجلا غير اجلا حبوبة

ننتظر منك مزيدا من المشاركات والموضوعات القيمة

الساجدة لله

09-30-2011, 12:10 AM

تسلمي نانا على الموضوع المفيد وفعلا صدقتي مافيش حاجة مش مهمة ومافيش حاجة تقولي مانحتاجش ليها يعني مستحيل توفري لان على اول محل منزلية حتحطي اللي عندك وتطلعي مبتسمة هههههههههههههههه

بنية بوها

10-01-2011, 05:26 PM

رووعة توا نبدوا في الزنان دخلتيها في روسنا

79nana

10-02-2011, 01:55 AM

ياسلممممممممممها مشرفتنا تكمتلي موضوعي الله يبارك فيك ويهنيك ياري

والله فرحت هلبة من هدا الاهتمام ويارب يقدرني نزيد اكتر واكتر غير نحصل كمبيوتر خاص بيا بس وان شاء الله نكون في تواصل مستمر مش زي توا نتعارك اني والشنبر دور بدور هخخخخخخخخخخخ العبو جميع خخخخخخخخ

تحياتي ليكم وشكرا جزيلا مشرفتنا العزيزة

79nana

10-02-2011, 02:00 AM

79nana

10-02-2011, 02:03 AM

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة زينب محمدhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifموضوع قيم ومعلومات مفيدة

هذا الفرن متوفر في اسواقنا منذ سنوات

الله يبارك فيك ويرزقك الذرية الصالحة عاجلا غير اجلا حبوبة

ننتظر منك مزيدا من المشاركات والموضوعات القيمة
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

زوبة اولا الله يبارك فيك على ردك وتقيمك ودعاااااااءك ليا الله يارب يسعدك ويهنيك

وتانية شككككككككككككككككرا على هالموقع الي خفتة دمه زي العسل ان شاء الله من تقدم الى تقدم
وتالتا والله فرحتيني وقلتيلي انه موجود في البلاد من زمان والله روعة روعة الواحد يشري من بلاده ويربح ناسه واهلة خير من يربح هالكفر يارب يارب بلادنا تزيد تعمر وتزدهر اللهم امين
تحياتي ليك يازوبة وان شاء الله ربي يقدرني على التواصل

79nana

10-02-2011, 02:08 AM

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة الساجدة للهhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifتسلمي نانا على الموضوع المفيد وفعلا صدقتي مافيش حاجة مش مهمة ومافيش حاجة تقولي مانحتاجش ليها يعني مستحيل توفري لان على اول محل منزلية حتحطي اللي عندك وتطلعي مبتسمة هههههههههههههههه http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif
اسكتي سااااكتة ياساجدة لله والله الواحد معاد عرف كيف بيقسم روحة وعاد اني ننسى في روحة مانقدرش نقاوم طنيجرة ولا صوينية حليوة حي ياحي تلقيني كنت ماشية علي لبس ولا مستلزم مهم اناجل هاديكا اللبسة المهمة ونخليها مش مهمة نقول عادي عادي مافيش حد يشوف فيا خخخخخخخخخخخخخخ ولما تجينمي المناسبة تلقيني نجري للمحل بش نشري قفيطين ونقعد نعد في الفلوس ونقول يارب يسدو ههههههههههههههههه وعاد كان طنجرة ولا مكنسة ولا موس تلقيني نقول ياسلام رخيصة هههههههههههههههههه

صحيتي علي مشاركتك معايا في حفظ الله

79nana

10-02-2011, 02:12 AM

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة بنية بوهاhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifرووعة توا نبدوا في الزنان دخلتيها في روسنا http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

اسكتي ساكتة علي الزنان هههههههههههه تعرفي شن اندير باش نشري الحاجة نقعد قبلها بشهر واني علي قولة اه يارجلي واه ياضهري واه يا يدي كان في هاديكا الحاجة راهو ماخدتش مني وقت وكان خديت هاديكا راهو ضهري ماوجعنيش وووووو وعاد كل شهرين تلاتة نخنسلي علي حويجة كانها رخيصة وكانها غالية عاااد نمدد في مدة النقان هههههههههههههههههههه

ريتي ريتي مايطلع مني ههههههههههههههههه والله حالة
لاكن تبي الحق مرات نسخف عليه ناخد فيهم من مصروفي ماهو عاد زعميتك ناخد في مصروف واهو نقعد زي العزوزة نصررر فيهم لين يدريولي تفتوفه ونجري علي السوق خخخخ

الواحد بيسار حاله امالا كيف بيدير

تحياتي ليك ولكل البنات الي شاركوني موضوعي

في حفظ الرحمن

Om Saga

10-02-2011, 02:40 PM

أوووووووووو ماشاء الله
ياريت نحصل منه لكن إلا في الحلم غالي هلبه
بالك وين يرخصو ناخدو منه
مشكورة نانا على الأقل خدينا عليه فكرة

79nana

10-06-2011, 02:13 AM

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة Om Sagahttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifأوووووووووو ماشاء الله
ياريت نحصل منه لكن إلا في الحلم غالي هلبه
بالك وين يرخصو ناخدو منه
مشكورة نانا على الأقل خدينا عليه فكرة
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

مرحبا بيك ام سجا والله هو عندك الحق غالية ولاكن والله كللللللللل شي غالي غير الميزة هني يددلعو في زباينهم يعني تقدري تشري بالتقصيط مش زينا كل شي وريني فلوسك الاول ولاكن الواحد يعد ياراااقب فيها لاين تنزل سوقها ماهو هني عاد بالموضة المرة هادي تشوفي هادي المرة الجاية تلقي شي تاني وانت اقعدي الهدي في جرتهم ههههههههههههههههههه ان شاء الله يارب يرزقني ويرزقك ونقدرو نشرو كللللللللللل شي يارب

تحياتي ليك