[تمت الاجابه] عن كيفية عمل المريشة

[زهرة البنفسج]

السلام عليكم ورحمة الله وبركاته



لو سمحتم اللي تعرف طريقة وصورة اكلة ليبية اسمها المريشة تقولي سمعت عليها في المنتديات لاكن لاشفتها


ولاعندي طريقتها قعدت في خاطري ان شاء الله تكون زي مايشكرو فيها ولكم كل الشكر والتقدير

[أم يمنى]

المريشة ماسمعتش بيها , ولكن نعرف الرياشة , تقصدى هذه .

[زهرة البنفسج]

يقولو المريشة لاكن حتي هده ماسمعتش بيها بالك هي نفسها لو سمحتي اعطيني طريقتها وكان عندك صورة احسن وشكرا على الرد

[أم يمنى]

والله بصدق احنى فى حوشنا عمره مادرناها , لكن عزوزة أختى تدير فيها وتعلمتها أختى , يديروا فيها فى واحدة من المواسم , وهيا عصيدة لكن مش بالرب , بدل الرب يديروا فى طبيخة قديد بالدحى ,وحلوة حلوة , وممكن وحدة من الاخوات الطرابلسيات تفيدك أكثر .

[زينب محمد]

شوفي ياحلوة انا عمري ماسمعت بها

لكن درت بحث وهذه النتيجة اللي توصلتللها

المريشة الليبية

هذي طريقة عمل نوع من أنواع المعجنات أو الفطائر الرهيبة والسريعة واللي تخليك طايرة من الفرح وانتي قاعدة أديري ( تعملي ) فيها
وعن نفسي لما عملتها خوتي كل يوم يتمنوا يلقوها عالسفرة قدامهم في رمضان وانا نفس الشي
ماانطولش عليكم .كنت انتمنى إني انصور الخطوات بالصور ..
بس وعد المرة الجاية حنصوره

مقادير العجينة :2 ونص كوب دقيق
نص كوب زيت
رشة ملح
ظرف B.p

مقادير الحشوة :2-3 صدور دجاج مسلوقة ( يفضل وضع البهارات مع ماء السلق )
كوب جبن كريمي
( ويمكن عمله بالبيت : علبة حليب مركز + ملعقة صغيرة ملح ليم وتضرب في الخلاط مع ملاحظة إضافة الزيت حسب الرغبة)
كوب كسبر أو معدنوس مقطع
كوب بصل مقطع شرائح
4 بيضات
شرائح طماطم
جلجلان ( سمسم )

الطريقة :1. تعجن العجينة وتترك لترتاح إلى حين تحضير الحشوة مع ملاحظة عدم وضع خميرة الخبز بها .
2. نحمر شرائح البصل في زيت حتى تحمر جيداً وتذبل .
3. بعد سلق صدور الدجاج نفصله عن العظم ونريشه أو نفتته باليد ( ومن هنا جاء اسمها المريشة من تتنيف أو ترييش لحم الدجاج )وندخنه أي نشعل فحمة ونسقطها في زيت ونضعها مع لحم الدجاج
4. نخلط الدجاج المريّش مع البصل المحمر ونضع البهارات حسب الذوق والرغبة .
5. نفرد العجينة في طاجين الفرن بعد دهنه بالزيت ورشه بالدقيق .
6. نضع الجبنة الكريمي اولاً ثم نرش عليها الكسبر أو المعدنوس المقطع ( المقرّض)
7. نضع خلطة الدجاج والبصل .
8. نوزع شرائح الطماطم
9. نضرب البيض نوزعه فوق الدجاج السابق ( الطبقة السابقة )
10. نرش الجلجلان ( السمسم ) وندخلها الفرن حتى تنضج من أعلى ثم من اسفل .

[أم يمنى]

باهى هذه طريقة المريشة , باهى الرياشة اللى كتبتها طبق طرابلسى والا جبالى ,وأكلتها مرتين بس عجبتنى , وأنى من طرابلس بس عمرى ما سمعت بيها الا لما تزوجت أختى كما أسلفت .

[زهرة البنفسج]

بارك الله فيك وكثر الله خيرك عاد زي ماقلتي نستنى في الصور تمنياتي لكي بالتوفيق

[أمـ ساره]

والله أول مرة نسمع بيهم الاثنين

زوبة ومنكم نستفيد بارك الله فيك

ومشكورات الأخوات الي سألوا

[ام صهيب]

شكلها حلوة

اول مرة نسمع بيها

[زينب محمد]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة أم يمنىhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifباهى هذه طريقة المريشة , باهى الرياشة اللى كتبتها طبق طرابلسى والا جبالى ,وأكلتها مرتين بس عجبتنى , وأنى من طرابلس بس عمرى ما سمعت بيها الا لما تزوجت أختى كما أسلفت . http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif


العصيدة بشكشوكة الدحي نديروا فيها

لكن متعجبش فيا لان العصيدة رطبة ومع الايدام تبدأ تلصق في الفم

نحب العصيدة بروحها

وشكشوكة الدحي او ايدام الدحي بروحه

[أمـ ساره]

أم يمنى

هذه حتى أهل مسلاته ايديروا فيها ومشهورة عندهم هلبة

لكن والله لحد توا ما درتها ولا كليتها ولا نعرفها

ومعروفة بالعصيدة لكن اسم الرياشة جديد علي

[نعومي نت]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة أمـ سارهhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifأم يمنى

هذه حتى أهل مسلاته ايديروا فيها ومشهورة عندهم هلبة

لكن والله لحد توا ما درتها ولا كليتها ولا نعرفها

ومعروفة بالعصيدة لكن اسم الرياشة جديد علي

http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

ام سارة شني إنتي مسلاتية
كيف ما تعرفيش عصيدة القديد إتهبببببببببببببببببببببببببببببببببببببببببببببل
جربيها ومش راح تندمي لذييييييييييييييييييييييييييييدة
اما بخصوص المريشة على ما اعتقد هي نفسها المترودة إيديروا فيها اهلنا في الشرق
ممكن هم يقدروا يفيدوك اكثر مني