[استفسار] عن طريقة سلطتين ؟؟

[lola9670]

السلام عليكم ورحمة الله وبركاته
ارجو من اخواتي الليبيات الشطورات المساعدة في نوعين سلطة

الاولى: هي سلطة كليتها في عرس سنة 2007
وهي عبارة عن جزر مبشور لكن مبلل شوي وبنته حلوة
كملت الصونية لانهم كانوا مدايرين انواع السلايط كل وحدة في صوني كمقبلات
المهم كملت الصونية وماقدرتش نزبط المكونات بالضبط
ياريت من يعرف يقولي عليها

الثانية: هي سلطة عرسي 2008
وهي عبارة عن باذنجان مقلي وجوز خزايني وزيتون اسود ومانعرفش الباقي
ياريت من يعرف يقولي عليها

ولكم مني كل الاحترام والتقدير

[زينب محمد]

حبوبة سلطة الجزر ممكن يكون معاها هريسة

وبالنسبة لسلطة البادنجان ممكن تكون مثل المكدوس بادنجان وهريسة ولوز خزايني وزيتون وزيت زيتون

طبعا بلاضافة الى الثوم والكزبرة والكراوية

والله اعلم

[ام صهيب]

شوفى كان نفس السلايط

السلاطة الاولى خودى السفنارى ونظفيه وابشريه وقطعى طماطم مكعبات رقيقة وزيتون شرائح
وضيفى ملح وزيت زيتون

السلاطة الثانية : قطعى البدنجال مكعبات واقليه فى الزيت وقطعى الطماطم مكعبات وزيتون شرائح
وهريسه عربيه وملح وكان عندك تابل التونسى تطلع اتهبل

وصحة

[الساجدة لله]

السلام عليكم

ياريت توضحي اذا كان الجزر معه مايونيز او لوحده لان يمكن تكون كوول سلو اما سلاطة الباذنجان هي نفس اللي خبروك عليها البنات

[lola9670]

شكرا ع الرد السريع
سلطة الجزر مش زي ماحكيتولي عليها كانت سفناري وبس وكان طعمها حلو حتى امي نذكر فيها قالتلي فيها سكر وماكانش فيها لامايونيز ولاثوم
وشكرا ع سلطة الباذنجان

[نعومي نت]

بالنسبة لسلاطة الجزر مرة خديت من مطعم تشكيلة سلايط كان من ضمنها جزر مبشور لكن معاه مايونيز مع جوز هند عاطيه طعمة غير عادية ممكن هيا ممكن لا لكن معاها مايونيز
النوع التاني حسب ما قلتي تشبه المكدوس والله اعلم

[جميلة الكون]

بالنسبة للسلطة الجزر يمكن اضيفيلة خل باش يبداء مبللو او ليم عصري
اما السلطة التانية هدي بري للمراء يلي دارتهالك وقولليها كيف درتيها وكان عطاتك طريقتها اكتبهالنا

[ليبية]

سلطة الجزر هادي هل هي حارة ؟ لو حارة اني عرفتها وعندي طريقتها بعون الله

[أمـ ساره]

ان شاء الله الاخوات ايفيدونا معاك

[ام بيلسان]

ان شاء الله الاخوات ايفيدونا معاك