المساعد الشخصي الرقمي

مشاهدة النسخة كاملة : [ العصيدة ] من مطبخ ام يمنى



أم يمنى
10-01-2011, 09:53 AM
اليوم فقت الصبح وفى بالى العصيدة
, طبعا احنى عندنا الساعة 9 , وانتم فى سابع نومة الساعة 7 الصبح,
خشيت المطبخ وهذه مقادير عصيدتى ( وهى متشابهة فى أغلب البيوت )
المقادير :
3أكواب مية
3أكواب دقيق
شوية ملح
الطريقة :
نأخذ الطنجرة ونحط فيها كوبين مية , وشوية ملح خليها تغلى وبعدين ننقص النار , وصب الدقيق ونحرك بالمغرف ( طبعا كلكم تعرفوه) حتى تتماسك العجين وننزلها من ع النار ونحصرها فى زاوية ونبدأ نعصد ونعصد ونعصد نين ندهش , ونردها ع النار , ونضيف الكوب الثالث وننقص عليها وخليها نين تنشف منها المية , وننزلها ثانى مع اضافة شوية زبدة , ونحرك ونعصد , ولما نحسها خلاص شدت ونسمع تطربق تحت المغرف , نوقف ونأخذ نفس , ونكون مجهزة الصوانى مدهونات بشوية زيت , ونكركبها ونواسيها ع هيئة دائرة , ونصب عليها زيت ورب , وصينية زوجى فيها زيت زيتون بس , (يحبها هكى ) وان شاء الله نكون وضحتها وبالهناء والشفاء.

أم يمنى
10-01-2011, 10:02 AM
يابنات سامحونى , خذيت روحى بالعين , نبى ننزل الصور الثانية متع عصيدة الزيت الزيتون بس معندة معاى وتكررت الصور هاذى , أكيد بتكرهوها العصيدة توا . وأول مرة تعلمت كيف ننزل الصور فى صفحة وحدة , ولكن لما جيت بنحذف اللى تكرر , ماجيتش معاى , أسفة جدا

ناني2007
10-01-2011, 11:00 AM
ماشاء الله عصيدة تجي في الخاطر ...يسلمو ايديك يارب

ليبية
10-01-2011, 12:23 PM
ماشاء الله الله يسلم ايديك على هالعصيدة صحة ليك ولزوجك

ام صهيب
10-01-2011, 12:50 PM
سلم الايادى

والله انا مانعرف انديرها طريقتك واضحة وحلوة

أم يمنى
10-01-2011, 01:57 PM
مشكورات ع الردود , يا أم صهيب جربيها مرة , تتعلميها , وتبدأ كل ماتجى ع بالك تخشى الكوجينة , وتديريها , والاحلى لما تلقى الكل مخلص عليها والصونية قاعدة سخونة .

تجويد
10-01-2011, 02:11 PM
تسلم الايادي نفس طريقتي ساهلة وحلوة ولاتجيك يابسة ولا رطبة تجيك عصيدة امبدعه على قولت راجلي هههههههههههههه ؛ وبالنسبة للاخت اللي قالت ما تعرفش اديرها تجرب هالطريقة وتجرب بالمق متلا نفس الشئ وبعدين تبدأ تزيد اني مكيلة في كل مق شخصين وجربي وقولينا .

أم إيناس3
10-01-2011, 10:17 PM
يسلمو ايديك

بنية بوها
10-01-2011, 10:28 PM
يسلموا ايدياتك شكلها قنين تضحكوا عليا كان قتلكت نعرف البازين واسطاوية فيه لكن العصيدة منعرفهاش هههههه
توا بنجرب طريقتك

سحابه صيف
10-01-2011, 10:32 PM
ماشاء الله روعه وشكلها قداش رطيبة وناعمة قداش سفهتيني فيها

هكي انحبها انا

بنت طبرق
10-01-2011, 10:44 PM
ماشاء الله
سلمك عصادة ياحنة طريقتك قريبة من طريقتي بس انا نحط في زيت مع المية والملح عالنار
هكي تضمني العصيدة مستحيل تكلكع معاك واول تعصيدة تو انزلها ليكن بإذن الله
ونحنا في الشرق العصيدة عندنا بالسمن الوطني او الزبدة الوطنية بس

Om Saga
10-02-2011, 01:00 AM
يسلموووووووووو أم يمنى

أمـ ساره
10-02-2011, 06:52 PM
ربي يسلم ايدياتك الحلوة على العصيدة الحلوة

والله الا تجي في الخاطر واني ماعندي الروح معاها

أي وقت تجي في خاطري انديرها

بالهني والعافية على قلوبكم

ونستنوا في ابداعاتك الحلوة ماشاء الله عليك

زينب محمد
10-02-2011, 10:04 PM
يسلموا ايديك وعينيك حبوبة

صحتين وهناء على قلوبكم

ننتظر منك مزيدا من المشاركات والموضوعات والتطبيقات

روح مغتربه
10-03-2011, 12:41 AM
يسلموا ايديك وعصيدتك تفتح النفس

أم ميوسة
10-03-2011, 11:44 AM
صحتين عزيزتي على العصيدة

حتى انا اليوم درتها

الجو ما شاء الله في طرابلس مطر وخيرات

وهيا جوها مع المطر

نتفكر زمان نغنوا المطر تصب وعصيدة بالرب ههههه

الساجدة لله
10-06-2011, 06:33 PM
الله يسلم ايديك ويعطيك الصحة والعافية

صحة وهناء على قلوبكم

حنجرب طريقتك لان المكيال صغير بارك الله فيك

ام بيلسان
10-06-2011, 06:43 PM
مشاء الله تبارك الرحمن علي ايدياتك

ام صهيب
10-13-2011, 12:46 AM
درتها توا وجت اتهبل

صحيتى صحيتى

وماقدرت انصورها ولدى سلامته كسر الكميرا قاعدة زى العميه

Om Amory
10-16-2011, 06:45 PM
امممم عقلى نحبها وخاطرى فيها هلللبه

يسلمو ايديك حبيبه

خدوج
10-16-2011, 08:20 PM
ماشاء الله ماشاء الله
عصيدة سمحة
نفس مقاديرى
انى كوب مية كوب دقيق
وشوى ملح وقطيرة زيدة
بس نعصدها فوق النار ماتنزلش
من عالنار
يسلم ايدياتك
وبانتظار مشاركاتك دائما بالقسم

ام رواسي
10-24-2011, 01:54 AM
سلم ايدياتك
شكلها اتسفة
صحيحة على قلوبكم يا حبيبة

ام تغريد
11-30-2011, 06:44 PM
مشكوووووور والله يعطيك الف عافيه

مغتربة 7
11-30-2011, 06:58 PM
تسلم الايادي حبيبة

الصابرة
07-10-2012, 05:35 AM
http://www.althkra.net/pic/ep/Z6.gif