المساعد الشخصي الرقمي

مشاهدة النسخة كاملة : [ مقطع بالحليب ] من مطبخ saliamr


saliamr
10-03-2011, 04:06 AM
السلام عليكم ورحمة الله وبركاته

http://www.libyan-kitchen.com/gallery/images/li.gif





هذي مشاركتي الأولى بالمنتدى والأولى ليا بتنزيل الصور لأني مازلت جديدة ونجرب وان شاء الله يضبط معاي..
المهم نخليكم مع المقطع.. طبعا خواتنا اللي في الغرب اكيد حيستغربن شوي منه خاصة اني لقيت موضوع من قبل لقطع باللبن وكانن اغلب البنات مش سامعات بيه..
نحنا بعيد الفطر سنتنا المقطع بالحليب وهذا اكثر شي نحبه بعدين لأن في امقطع اللبن وامقطع بالتقلية
وبطولت عمري هالعيد كانت اول مرة ليا اندير فيها المقطع والحمدلله مشى حاله بس خليتهم يراجوا شوي بعد روحوا من الجامع وتما خوي يقولي انتي اطيبي في امقطع ولا جمل ^_^ .. بس الحمدلله ان ربي سترني معاهم


بالنسبة للعجينة مقاديرها هي دقيق وميا وملح وكمية الميا على حسب العجينة اللي لازم تكون يابسة شوي
بعد العجن نخلوها اتريح شوي بيش اتساعدنا في الفرد
هنا قطعتها كور وبعدين حطيتهم على مفرش بيش تتريح


(http://www.libyan-kitchen.com/gallery/?v=2kvk.jpg)



بعدين نجيب مكينة المقطع او الباستا او مكينة الرشتة كيف ما تبوا ونفردوها على اول رقم وبعدين على ثالث رقم، مش المفروض انها تكون رقيقة



http://www.libyan-kitchen.com/gallery/images/4ngn1.jpg (http://www.libyan-kitchen.com/gallery/images/4ngn1.jpg)




بعدين نحطوها في القطاعة واللي المفروض تكون على القطاعة الصغيرة بس لأني مستعجلة درتها بالكبيرة وعلى فكرة هيا المفروض تتقطع باليد بس نا مازلت مبتدئة لهكي استعنت بالماكينة


http://www.libyan-kitchen.com/gallery/images/5cnc1.jpg (http://www.libyan-kitchen.com/gallery/images/5cnc1.jpg)




بعد انقطعها نقعد انرش عليها دقيق كل بين فردة والثانية عشان ما تلصقش
وهنا تم المقدار بعد شعري شاب


http://www.libyan-kitchen.com/gallery/images/6qlq1.jpg (http://www.libyan-kitchen.com/gallery/images/6qlq1.jpg)



نكون بهالوقت مسخنة اميا ع النار ونحطلها ملح ع حسب رغبتكم


وبس تغلي حطوا المقطع شوي شوي عشان ما يلتصقش في بعضه ونبدا نحرك براحة وبعد 10 دقايق نكون مسخنة الحليب حوالي لترين ونحطه عليه ونخليه شوي بيش يخثر معاه


http://www.libyan-kitchen.com/gallery/images/8lml1.jpg (http://www.libyan-kitchen.com/gallery/images/8lml1.jpg)




طبعا انا حوست الدنيا واعتقد اني حرفت الطريقة التقليدية شوي بس الطعمة قريب انها وحدة
اخر شي نحطها في الرباعات وحط عليها السمن او الزبدة والرب لو تحبوا


http://www.libyan-kitchen.com/gallery/images/9xix1.jpg (http://www.libyan-kitchen.com/gallery/images/9xix1.jpg)

وان شاء الله تعجبكم
بالهنا
saliamr
10-03-2011, 04:09 AM
على قد ما فرحت ان الصور طلعن بس زعلت انهن طلعن كبار هكي.. زعما كيف نقدر انصغرهن؟ هل لازم نحملهن من جديد ولا في طريقة اسهل؟؟
ناني2007
10-03-2011, 07:48 AM
يسلمو ايديك ياغالية ...وصحتين وعافية يارب

هذه الصور صغرتها بالرسام وكتبت عليها اسمك ...ابعثيها لزينب محمد وهي حتضعها في مكان الاولى


http://www.libyan-kitchen.com/gallery/images/4ngn1.jpg (http://www.libyan-kitchen.com/gallery/images/4ngn1.jpg)

http://www.libyan-kitchen.com/gallery/images/5cnc1.jpg (http://www.libyan-kitchen.com/gallery/images/5cnc1.jpg)

http://www.libyan-kitchen.com/gallery/images/6qlq1.jpg (http://www.libyan-kitchen.com/gallery/images/6qlq1.jpg)

http://www.libyan-kitchen.com/gallery/images/8lml1.jpg (http://www.libyan-kitchen.com/gallery/images/8lml1.jpg)

http://www.libyan-kitchen.com/gallery/images/9xix1.jpg (http://www.libyan-kitchen.com/gallery/images/9xix1.jpg)
بنت طبرق
10-03-2011, 11:18 AM
السلام عليكم
بما اني مولودة في طبرق وعايشة فيها نعرف المقطع بالحليب
كل جيراننا يديروا فيه
وماشاء الله عليك هذه اول مرة اديريه واتقنتيه
انا نعطيك درجة الامتياز في دورته
غير نسيتي تضيفي الزبدة عالمقطع ومعبية الصونية واجد شكلك جعانة بكل
موفقة عزيزتي
روح مغتربه
10-03-2011, 11:29 AM
يسلموا ايديك شكله عجبني وبدات انك قلتي انصب عليه سمن ورب
وبنسبه لحكاية الصور مش مشكله خويتك قريب طلعوها من المنتدي باش تعلمت وبعد هل الغيبه انسيت كل الي تعلمته وربي يستر
أم إيناس3
10-03-2011, 12:14 PM
يسلموووووووووووووووووو
زينب محمد
10-05-2011, 11:55 PM
الله يسلم ايديك ويعطيك الصحة والعافية حبوبة

صحة وهناء على قلوبكم

ننتظر منك مزيدا من المشاركات والموضوعات والتطبيقات

بارك الله في ناني على تصغير الصور
أم أيوب
10-06-2011, 02:25 AM
ماشاء الله عليك وتسلم ايديك

شكلك من الشرق

أنا ليا اربع سنوات في البيضاء عمري ما كليته ولا جربت نديره

ان شاء الله نجربه حبوبة

المرة الجاية نبو طريقته باللبن
79nana
10-06-2011, 03:13 AM
سبحان الله كل مكان لها اكله وفنه في التقديم والله الشكل يجي في الخاطر ولاكن البنة عاد عمري لا سمعت بيها ولا نعرفها ان شاء الله انحصل وقت ونديرها ومنخليهاش في خاطري ولو ان نتنمى ندوقها من ناسها الاحرار مش من يديني اني خخخخخخخخخخ ان شاء الله نزوركم في طبرق وندوقها من يديات ناستها

تحياتي
الساجدة لله
10-06-2011, 06:25 PM
الله يسلم ايديك ويعطيك الصحة والعافية حبوبة

صحة وهناء على قلوبكم
ام بيلسان
10-06-2011, 07:01 PM
يسلموووووووووووووووووو
Om Saga
10-06-2011, 08:56 PM
سلمها ياربي وسلم عجينتها
نقولولها الرشدة هنيا في جبل نفوسة
تسلم إيدياتم يارب
أمـ ساره
10-07-2011, 02:27 AM
ماشاء الله عليك حبوبة

بالهني والعافية على قلوبكم

ونستنوا في مواضيعك ومشاركاتك الحلوة
saliamr
10-07-2011, 07:18 AM
السلام عليكم
مشكورات خواتي ع ردودكن الحلوة، وشكرا اختي ناني على تصغير الصور والشكر موصول لك اختي زينب على اضافتهن من جديد..
مشكورة على تقييمك ليا بنت طبرق واكيد طبارقة ونعرفوا وكال بعضنا زعما نحطولهم الرز الممروق (المرجع) قولك يعجبهم؟ وباهي اللي لحقت نصور كل مرة خاش عليا حد في الكوجينا ومعش كملت تصويره بالزبدة والرب كان طولت شوي مش بعيد كانوا يقلبوا الطنجرة على راسي ^_^..
ومن عيوني ام طه بس انديره باللبن توا نحطه مخصوص لك..
تشرفينا nana79 والله تنور طبرق والشرق كله بيكم.. وانتي كان جربتي جربي دوب تبسي صغير وكان ضبط معاك ديري رباعة كبيرة ^_^ ..
ام سجى اكتشفت مؤخرا ان المقطع كيف الرشدة عندكم بعد شفت موضوع لأختنا زينب الرشدة المبكبكة وعلى فكرة ياريت تتبعن طريقتها في العجن والتقطيع ماشاء الله عليها اتدير في الشي على اصوله واكيد الطعمة غير..
نا بعد شفت ردودكن تحمست نبي انطيب أي شي بيش نحطه بس فجر ومافي شي وتاه كامل.. تسلمن يا غاليات
بنت طبرق
10-12-2011, 08:26 PM
ههههههههههههه
صار طلعنا بلديات ياsaliamr (http://www.libyan-kitchen.com/kitchen/member.php?u=372)
أكيد الرز المرجع شورنا وتو يسخر ربي ونقدموه للبنات عالعيد كان تمينا طيبين
تسلمي حبيبتي ومنورة((الرشدة المبكبكة هيا المقطع عندنا))
ام صهيب
10-12-2011, 10:46 PM
اول مرة نسمع بيه

شكله غريب شن بنته زعمة

سلم ايدياتك
خدوج
10-13-2011, 12:17 AM
تسلم ايديك
نسمع بيه بس ولاعمرى شفته ولا ذقته
والحاجة الكويسة استفدنا وشفنا اكلات بلادنا
وتسلم ايديك مرة تانية
مغتربة 7
10-14-2011, 03:22 AM
تسلم الايادي حبيبة
فضااوي
10-18-2011, 01:15 PM
ماشاء الله

تسلم الايااادي يالغلا
نسمه ليبيه
01-06-2013, 05:33 PM
توه وقته

يسلموا ايديك
الصابرة
01-06-2013, 06:14 PM
الله يسلم ايديك ويعطيك الصحة والعافية
اني صاحبتي تموت فيه مع اني عمري ماذقته
ميرولاكى
01-06-2013, 06:33 PM
يمىىىىىىىىىىىىىىىىىىىىىى
نموووووووووووووووووووت فيه
الله يسلم دياتك يهبلللللللللللللللللل
صحتين وعافيه
luba
03-12-2013, 12:36 AM
تسلم ايديك وشكرا عالمعلومة والطبخة الجديدة عليا لاول مرة بارك الله فيك
حي الجماعه كلهم اللي فوق طلعوا يموتوا فيه هكي بتخلينا نجازفوا ونجربوا