المساعد الشخصي الرقمي

مشاهدة النسخة كاملة : [ عاشوراء ] من مطبخ أم يمنى



أم يمنى
10-08-2011, 12:20 AM
يابنات تعالوا ,

تتذكروا فى العاشوراء متع زمان , لما كنا صغار وفى الصيف

بعد ماتكمل المدرسة , فيه من صغار يقعمزوا فم الحوش ويحطوا قدامهم سفرة صغيرة ملونة



http://www.libyan-kitchen.com/gallery/images/2udu.jpg



, وفيها حلوة بيضاء وفوقها حلوى ملونة , ويبيعوا فيها بطاسة شاهى , الطاسة بقرش ,
باهى , اليوم تذكرتها فى القايلة وقلت : خلى نفرح صغارى بيها , سألت راجلى كان يبى , قالى : مانعرفهاش , وهو من الزاوية المناضلة , المهم طيبتها .

واتصلت بجارتى قلتلها : تذكرى فى العاشوراء .
قالت : ايه متع زمان متع الطاسة بقرش .
قلتلها باهى شن رأيك نبيعهالك بخمسة قروش توا ,
فرحت وقالت : ياريت .
قلتلها : انتى فى الحوش .
قالت : لا فى المول .
تغايضت قلتلها : انتى تتدهورى , وبتأكلى العاشوراء ., والله ماك ذايقتيها .
وانى بنسكر عليها نسمع فيها تقولى : والنبى خليلى والله الا مروحة توا . المهم سكرت عليها .وبعتلها رسالة : أنسى الصفقة .
وطيبتها وكليناها , ولكن نكدت ونزلت دموعى غصبا عنى , تذكرت طفولتى فى منطقة (فشلوم )
الله قداش كانت حلوة أيام كنا صغار , ولما كبرنا كترث الهموم , الحمد لله , يلا نخليكم مع الصور والمقادير .
المقادير ::
كوبين مية
3ملاعق سكر
نخليهم فى طنجرة ع النار حتى يغلوا



نأخذ كوب مية وفيه 4 ملاعق طحين , ونحرك حتى يذوب الطحين
نصب كوب المية والطحين فى الطنجرة ونحرك ونخلى النار هادية ,

ولما نشوف فقاقيع ( حلوة فقاقيع ) يعنى بتكون طابت العاشوراء نضيف 2 ملعقة عطر ونحرك .
نصب الخليط فى السفرة الصغيرة الملونة ونخليها تبرد .
نزينها بالحلوى الملونة ونقدمها . بالهنا والشفاء

http://www.libyan-kitchen.com/gallery/images/3ckc.jpg




http://www.libyan-kitchen.com/gallery/images/2win2dod.gif

ام بيلسان
10-08-2011, 12:29 AM
الله يرحم ايام زمان
بارك الله فيك ياعسل

الساجدة لله
10-08-2011, 09:52 AM
شكلها قنين من يدياتك واهلييييين بكل اهال فشلوم والزاوية

بنية بوها
10-08-2011, 05:46 PM
يسلموا الايادي دكرياااات حلوة في بلادنا

سحابه صيف
10-08-2011, 06:05 PM
ماشاء الله يسلم ايدياتك اول مرة نسمع بيها وانشوفها

جي خاطري فيها لين عيوني طلعو فقاقيع هههههههههه

أم يمنى
10-08-2011, 06:28 PM
تسلموا ع الردود ,
يعطيهالك ياسحوبة , ماتقوليليش منين تطلعيلى , فجأة نلقى فى ردك ونموت بالضحك , وفى كل مرة نفس الموقف , ربى يدوم عليك الهنى ياحنة , وهذه زمان كانوا أمهاتنا يديروا فيها , يزلبحوا فينا باش نلهو ونلعبوا .وهى حلوى للصغار .

أمـ ساره
10-08-2011, 06:49 PM
ماشاء الله ام يمنى

شكلها ينادي ويقول كولوني

مع اني اول مرة نعرفها ونشوفها

سلم ايدياتك الحلوة وبالهني والعافية

نمارق اسعد
10-09-2011, 11:55 PM
الله الله علي ايام زمان يام يمني عليك ايام حلوة معادش تولي وغريبة الااخوات اللي مايعرفوش العاشورة اغلب الليبيين يعرفوها والله ذكرتيني كانت ايام ولن ترجع

زينب محمد
10-11-2011, 12:13 AM
ماشاء الله شكلها يسهف
الله يسلم ايديك ويعطيك الصحة والعافية حبوبة

صحة وهناء على قلوبكم

ننتظر منك مزيدا من المشاركات والموضوعات والتطبيقات

تجويد
10-13-2011, 01:39 AM
تسلم ايدياتك الله فكرتيني بايام زمان وعيوني من الضحك والدموع ولو فقاقيع فقاقيع هههههههههههههههه ان شاء الله نجربها تستحق التطبيق .

فضااوي
10-13-2011, 07:45 PM
تهبل

سلم يديك ذكرتناا بالذي مضى

ام عبدالمعز
10-17-2011, 08:08 PM
يسلمو ايديك ام يمني

اول مرة انشوفها شكلها حلوة

صحتين وعافية يارب

خدوج
10-18-2011, 02:58 PM
ماساء الله عليك
انى اول مرة نسمع بيها
احنى زمان كنا نديروا فول وحمص فى العاشوراء
وصحتين على قلوبكم
وبانتظار المزيد من المشاركات

حنان
10-20-2011, 02:32 AM
امممم اتهبل يسلم ايديك يارب
اتجنن ماشاء الله

نسيبة
10-20-2011, 02:56 PM
ايه ايام زمان والدتي كانت تحكي على العاشوراء بقرش
ايه روعةةةةةةةةةةةةةةةةةةةةةةةةة ايام المدينة القديمة صحيتييييييييييييييي حبوبة اختيار روعة

ام تغريد
11-30-2011, 06:27 PM
http://www.libyan-kitchen.com/kitchen/../gallery/images/3ckc.jpg


تسلم ايديك ام يمنى على حلوة العاشورة فكرتيني فيها وقلت توا انوض انديرها خلي نرجعوا ايام زمان

ام تغريد
11-30-2011, 06:28 PM
مشكوووووور والله يعطيك الف عافيه

مغتربة 7
11-30-2011, 06:34 PM
تسلم الايادي حبيبة

ام رواسي
12-08-2011, 12:46 AM
يسلموووووووووو ايدياتك

ام جنى
12-16-2011, 06:43 PM
تعرفى اظنها يسمو فيها عندنا حلو الدقيق كانت امى ادير فيهها لنا ونحن صغيرين ذكرتينى باحلا ايام مشكوره

أم أيوب
12-18-2011, 06:12 PM
يسلمو ايديك أم يمنى

عاشوراء اللي فتحت عيوني عليها حمص وفول ومكسرات

كنا نشدوا صونية الفول والحمص وخود اي لف عالجيران ونغنوا

اللي ما تاخدش الفول يصبح راجلها مهبول

اللي ماتاخدش الحمص يصبح راجلها يتلمس

ههههههههههههه الله عليكم ايامات زمان

أم يمنى
12-18-2011, 06:33 PM
يابنات هذه العاشوراء تندار فى أيام الصيفية , بعد ماتكمل المدرسة , وما قلت ولا أشرت انه تندار فى العاشوراء ,
ومش انى اللى سميتها عاشوراء , من يوم عرفتها لقيت اسمها عاشوراء , شورة اللى اخترعتها اسمها خلتى عاشوراء .

للاهم
12-22-2011, 06:25 PM
الله يا ام يمنى انا نموت في المواضيع حول الاكلات التراثية التي ان لم تنقرض تكاد تنقرض
اول مرة نسمع بيها
بسيطة وسكرية وتفرح الاطفال
زيدي تذكريلنا حاجات اخرى
انا خاطري في حلوت البامبلينا الحمرا اللي كانوا يبيعوا فيها ملفوفة في سلوفانة!!
سردك مرح ومشوق

أم يمنى
01-03-2012, 08:19 AM
ياوخيتى ياللاهم حلوتك أول مرة نسمع بيها . ولكن نبى طريقة حلوى الشاكال كان حد يتذكر فيها .

بنت الاشراف
02-24-2012, 07:21 AM
ماشاء الله عاشورة قنينة تسلم الايادى

نجوته
02-25-2012, 11:02 AM
هههههههههههههههههههه

هههههههههههههههههههههههه

ايه عاشورة والطويسات امتعها في محبس اليموني ويتشكشكو

ههههههههههههههه

اي والله

تعرفي والله مولا بيتي قاعد يطلب فيها

ويخي يرفع فيها لي الجامع وياكل فيها مع اصحابه
\
يسلمو ايدياتك

ام زكريا
03-11-2012, 09:17 PM
السلام عليكم
مساء الخير ،
الله الله يا أختي رجعتيني 50 سنة فاتوا ، و ذكرتيني بطفولتي في المدينة القديمة قوس المفتي ، كنا صغار في ايام الصيف بعد ما تكمل الدراسة نديروا في العاشوراء ، حتى دموعي نزلت و تفكرت الايام الحلوة التى عشنها بكل براءة و حب و ود لبعض ،

و كانت فيه حلوى اخرى حلوة التفاح ملبسة بحلوة الكراميل ملونة و فيها طرف لوحة و تلحسها لين تجيك التفاحة ، و طروني كان يلود به رجل اسمر في ازقة المدينة القديمة ، ايام لا تنسى حتى بمررو السنوات بحلوها و مرها و لكن الشئ الجميل ان ذكريات زمان لا يمكن ان تنسى طول العمر ، اشكرك على موضوعك القيم و بالفعل العاشوراء كانت تصنع في العطلة الصيفية و ليس متعلقة بيوم العاشوراء المتعارف عليها ، و هي تصنع في اي وقت ...


رحم الله والديك و والدي

الصابرة
07-01-2012, 05:24 PM
http://www.str-ly.com/up/uploads/images/str-ly.com3087f1da88.gif

المصراتيه
10-02-2012, 07:20 AM
اول مره نسمع بيها
بارك الله فيك

luba
10-02-2012, 07:16 PM
تسلم الايادي اول مرة نعرفها ونسمع بيها احني مانديروش فيها

لربي يعطيك الصحة جاري التقييم