[تطبيق ] دبلة الوردة لام صهيب من مطبخ أم يمنى

[أم يمنى]

http://www.libyan-kitchen.com/gallery/images/untitled17.gif

اليوم شفت عندى فورمات على هيئة فراشة ووردة وكوتشينة اللعب ,قلت : لازم نجرب دبلة الوردة متع (أم صهيب )وأكيدة أم صهيب بالها واسع أكثر منى لانى ماقدرتش نكمل العجينة .وهذه صور الاشكال اللى عندى :

http://www.libyan-kitchen.com/gallery/images/6mmm.jpg

وهذه العجينة :

http://www.libyan-kitchen.com/gallery/images/1lcl.jpg

وهذه بعد القلى :

http://www.libyan-kitchen.com/gallery/images/3xnx.jpg

http://www.libyan-kitchen.com/gallery/images/4owo.jpg

ولكن نبى نسأل ( أم صهيب ) علا ش بعد ماقليت كم وحدة , بدت العجينة صعب أنها تنزل من الفورمة , وخذيت ملعقة صغيرة وقعدت ننزل فيها لانها لصقت وقالت : بوى باعنى , نتمنى تجاوبينى , لان عجبتنى الدبلة بس ماقدرتش نكملها , قعدت تلصق حتى بعد حاولت نبردها مافيش فايدة .وسلامتكم .

[ام بيلسان]

مشاء الله تبارك الرحمن علي ايدياتك

[ام صهيب]

ماشاء الله

سلم ايدياتك
بالك العجينة جاتك خفيفة هلبه هداعلاش تلصق انا عادى تمشى معى الله اعلم
صحيتى على التطبيق

[أمـ ساره]

ماشاء الله أم يمنى شكلهم حلواااااات

وان شاء الله تقدري تكملي باقي المقدار

والشكر موصول للغالية أم صهيب

[سحابه صيف]

الله قداش نتمي انطوقها نتفكر زمان لما كنت صغيرة واخواتي اديرو فيها وحلوة وبعدها معاش طقتها وتوة اندور في الفورمة امتاعها وخاطري انجربها

يسلم ايدياتك وايدياتك ام صهيب

بالنسبة لمشكلتك جربي غطسيها في زيت قبل العجينة بالك يمشي الحال

[زينب محمد]

يسلموا ايديك وايدين ام صهيب حبوبة

لابد تحطي رابط الموضوع الاصلي اللي طبقتيه في موضوعك

الدبلة هذه يااما درتها زمان وفورماتها اكل عليهم الدهر وشرب

قداش ليا ندور في فورمات جدد معادش لقيتهم

انا منعسلش فيها نرش عليها في السكر الناعم تجي حفيفة ومقرمشة تأكلي منها وماتشبعيش

بالنسبة للفورمة سخنيها في الزيت وبعدين حطيها على فوطة للتخلص من الزيت الزائد لكن بدون ماتمسحيها بيدك

ثم مباشرة غطسيها في العجينة وحطي في الزيت

[بنت طبرق]

خطرتي علينا الماضي يا حبيبة
ياما سفينا منها زمان
زي ماقالت لك زوبة سخني الفورمة في الزيت في كل مرة وماتغطسي الفورمة كلها في العجينىة يادوب للنص

[بنية بوها]

اييي بالله ياحسرة علي ايامات زمان امي الغالية كانت ديماتدير فيه يسلموا الايادي

[Om Saga]

تسلم إدياتك وقداش لينا عليها
والشكر موصول لأم صهيب
نورتي أختي

[الساجدة لله]

تسلم الايادي ياغالية

صحـــة وهنـــا

الشكــــر واصل لام صهـــيب

[ناني2007]

يسلمو ايديك ياغالية وايدين ام صهيب...تطبيقك في منتهى الروعة

[فضااوي]

تطبيق راااااائع

تسلم الايااادي يالغلا

[جنجر2009]

يسلمن ايديك مبدعه

[Om Amory]

ماشاءالله تطبيق حلووو

[sweet nona]

حلوة وهيا صح حلاوتها اتقرمش..صحتين

[ام ليليا]

ما شاء الله تسلم ايدياتك اني كيف درتها امس و خسارة تعبي و وجاع ظهري الشراب جي خفيف هلبا و اني مش مركزة مالصقتش في بعضها ولت زي المبكبكة " اهئ اهئ اهئ اهئ "