[ كسكسى بالخضرة ] من مطبخ أم يمنى

[أم يمنى]

http://www.libyan-kitchen.com/gallery/images/gdfdi.gif
اليوم قلت خلى ندير كسيكسو الخضرة ونصورهولكم , وأكيدة احنى الليبين مايمرش اسبوع الا والكسكسى يتطيب الكل يحبوه , وجارتى اماراتية كل ماتسألنى ( ش غذاك اليوم ) وتجاوب ( كسكسى ) أقولها ( انتى ما تسألينى الا يوم غذائ كسكسى , ش أسويلك ؟)وطبعا هى من المحبات للاكل الليبي وذواقة بشكل .
المهم نجي توا للمقادير :
أربع أو خمس قطع ( مش حلوة قطع خلى نقول طريفات أحسن )
أربع أو خمس طريفات لحم
بصلتين
نسخن الزيت شوية ع النار ونحط البصل واللحم حتى يصير لون اللحم أبيض .

http://www.libyan-kitchen.com/gallery/images/1jej.jpg

غير استنوا , ماتنخلعوش , هذا لحم وبصل ’ وفلاش الموبايل خلاه يطلع هكى , تعالوا تابعوا معاي

نضيف :
3 ملاعق طماطم معجون
ملعقة كبيرة فلفل أحمر
ملعقة كبيرة ملح
ملعقة كبيرة ( كركم + كروية + كسبر)
ونحرك الصلصة حتى نشوفها تبكبك وتطلع عيون عيون ( عيون زرق وحمر)ههع

http://www.libyan-kitchen.com/gallery/images/12pvp.jpg

نضيف كوب مية ونخليها تغلى مع التحريك .
ثم نضيف لتر مية ونخليها ع نار متوسطة .
نجهز الكسكسى نرشه بشوية مية ونخليه .
نجهز الخضار نغسلها .

http://www.libyan-kitchen.com/gallery/images/2xox.jpg

نرجع للكسكسى نرشه ثانى بشوية مية ونحطه فى الكسكاس فوق الطنجرة , ونخليه ثلت ساعة .
لما نشوف الكسكسى يبوخ ننزله من ع النار ونضيفله شوية من المرقة وشوية قرفة وشوية سمن ( السمن اختيارى ) بس يعطى بنة مش عادية ربع ملعقة بس .

http://www.libyan-kitchen.com/gallery/images/5iki.jpg


نخلط الكسكسى ونرده ع النار .
نجى للخضرة نقصها بالطول
http://www.libyan-kitchen.com/gallery/images/4lkl.jpg


, ونحطها فى الطنجرة , ونخليها حوالى نصف ساعة حتى نشم ريحة الكسكسى والخضرة , وديرى بالك تشيط منك , وكان عارفة روحك تنشغلى خلى النار واطية ع الاخر وخليها ساعة ,المهم تشمى ريحة الكسكسى طاب والطبيخة خثرت ,

http://www.libyan-kitchen.com/gallery/images/6vxv.jpg

وشوفى العيون اللى تبكبك بك بك بك

نزلى كسيكسوك وحطيه فى صونية ولو حسيتيه جاف زيدى شوية مرقة وخلطيه , ورتبى فوقه الخضار واللحم

http://www.libyan-kitchen.com/gallery/images/10qkq.jpg

, وقدميه ياحنة مع شوية سلاطة , وبالهنا والشفاء .

http://www.libyan-kitchen.com/gallery/images/9lxl.jpg

وهذه صوينية جارتى ,ربى يحفظها ان شاء الله
http://www.libyan-kitchen.com/gallery/images/11kwk.jpg


وهذه صوينية تقعد لليل مرات واحد يجوع يأكلها .

http://www.libyan-kitchen.com/gallery/images/12fqf.jpg


http://www.libyan-kitchen.com/gallery/images/9qyq.jpg

وسلامتكم ..:p:p



http://www.libyan-kitchen.com/gallery/images/ead.gif

[ام بيلسان]

حويته علي ايداتك يلتفوووو بالدهب
كسسكو بالخضرة
زي ماتقول جدتي ديره بدموعه ونبو معاه بصل شتل ووفجل وفليفلات خضر










نبي نسالك
هو تطفل مني لكن مانبيهاش تقعد في خاطري
صونية البيضاء لشكوووون??????????
لان ديما اشوف فيها ;););););););););)

[Om Amory]

ماشاءالله يسلمو ايديك

ويعطيك الصحه

[بنية بوها]

ماشااااااااااااااءالله اكلك يسفه صحتين علي قلوبكم

[نحلة]

السلام عليكم

ماشاء الله عليك يشهى الكسكسي حتى أمي قتلي اطلعي من شاشة و بري كوليه من كثرت ما اشتهيت الكسكي مغري هلبة مقدرتش نقوم ، سلم يدياتك

تحياتي

[الساجدة لله]

بسم الله ماشاء الله ام يمنى والكسكسي حكاية و ورواية الحق فايح بنة وصنة وفلاحة ومعها لسان عسل هههههههههههههههه نياله مولى بيتك بفلاحتك ماشاء الله ياسمحة

[أم يمنى]

أم بيلسان :: نبى نقولك أنه 4 أسطر الاولى طلعولى رموز مشكلة تشكيل ومش مفهومة , وضحلى بس سؤالك , ومش أول مرة , ماعرفتش المشكلة من جهازى والا شنو ؟؟
وبالنسبة لسؤالك : هذا ياستى راجلى يحب يتعشى كسكسي , كل مادرته غذئ , لازم نخليله صونية للعشي ,
والصونية الثانية لجارتى العزيزة والنبي أدعولها بالشفاء هي بحاجة شديدة لدعواتكم ياحبوبات , يارب ألطف بينا يارب وأشفينا وعافينا أمين ياربي .

http://www.libyan-kitchen.com/gallery/images/ead.gif

[أم يمنى]

أم عموري : مشكورة حبيبتى ع الرد
بنية بوها : تسلمى ياحبوبة
نحلة يانحلة : صحيتى كلامك كله عسل وأكيدة شكلك زي الوردة , ربى يحفظلك أميمتك يارب
سجودة : ربى يحفظك يارب والحق انى نحب الكسكسي هلبة , نحب نطيبه
وكلكم معزومات عندي , قولولي لو أي وحدة منكم جت الامارات , احنى حاضرين للطيبين .



http://www.libyan-kitchen.com/gallery/images/ead.gif

[أمـ ساره]

ماشاء الله على الكسكسي ايهبل

حتى راجلي يحب الكسكسي هلبة هلبة بالبصلة او بالخضرة

وعلى قولتك تطيبه ساهل وتبدى صنة الحوش فايحة



بالهي والعافية على قلب كل من كلاه

وربي يشفي جارتك يارب ويجعل وجعها غفران للذنوب يارب

وأحلى تقيييييييييييييييييييييييم

[التا ئبه لله]

كسكسيو يجى فى الخاطر

الله يسلم ايديتك

[مغتربة 7]

اشيه اشيه
ماااااااااااااااشاء الله كسكي يهبل
تسلم الايادي

[فضااوي]

ماشاء الله

تسلم الايااادي يالغلا

[Om Saga]

ماشاء الله عليك شكله يسهف أخني
تسلم إيدياتك الحلواااااااااااااااات
وأحلى تقييم للموضوع

[luba]

تسلم الايادي بارك الله فيك

تم التقييم

[الصابرة]

ماشاء الله يسلموا دياتك ويعطيك الصحة

[أم خديجه]

تسلم ايديك
يشهي وان شاء الله ربي يشفي جارتك وكل المسلمين يارب العالمين

[بارود]

كسيكسو ابداع وطريقة تقديم رائعة،،،،،تسلم ايديك اختي ام يمني

[المصراتيه]

ماشاءالله تبارك الرحمان
يعطيك الصحه كسكسي يهبببببببل
تستاهلي احلي نجووووم