[ تطبيق ] المكرونة الشعيرية بالمفروم لزينب محمد من مطبخsaliamr

[saliamr]

السلام عليكم
كيفكن إن شاء الله بخير؟
امس جا ع بالي مكرونة مبوخة اللي نحبها واجد وعجبتني كيف دايرتها اختنا زينب،
هذا رابط المكرونة لزينب محمد
http://www.libyan-kitchen.com/kitchen/showthread.php?t=2161

جا باتي ربي يحفظه وكالعادة سألني كان نبي شي وصيته على مفروم ومكرونة، فتحت المنتدى وتأكدت من المقادير لأني لما نجرب اي شي لأول مرة نحب نلتزم بالمقادير وبعدها نغير على حسب مانا نبي.. المهم كتبت كل شي في ورقة ودركت ع الكوجينا

بديت بالمكرونة كسرتها وحطيتلها المية والزيت والملح وحطيتها في الكسكاس

http://www.libyan-kitchen.com/gallery/images/11vsv.jpg

بعدها في طنجرة ثانية حطيت الزيت وعليه المفروم وخليته دقايق نين يتغير لونه ورشيت عليه الفلفل الاسود

http://www.libyan-kitchen.com/gallery/images/12ioi.jpg

بعد شوي حطيت عليه البصل وخليته يذبل

http://www.libyan-kitchen.com/gallery/images/13dpd.jpg

بعدين باقي البهارات والطماطم والملح وحطيت اميا وكثرتها شوي عشان نسقي منها المكرونة

http://www.libyan-kitchen.com/gallery/images/14kik.jpg

بعد نص ساعة قلبت المكرونة وسقيتها بالمرق متاع المفروم ورديتها ع النار لنص ساعة اخرى
بعدين تميت نبي نحط البهارات ع المكرونة كان عندي كل شي مش مطحون طحنت من كل شي شوي وحطيتهن ع المكرونة مع السمن بعد طابت ورفعتها من الكسكاس
بوقتها جا خوي ربي يخليه ليا واستعجلني بالغدا نا كنت نبي ناخذ وقتي بيش نكسد وناخذ الصور براحة بس ما صار شي
المهم المكرونة طلعت طعمتها سمحة
بس طبعا اختي الصغيرة لازم تنقد كل شي (ما يعجبها العجب) قالتلي ليش ما فيهاش حمص (لأننا متعودين انديروا فيها بتقلية الحمص) وبعدين قالتلي مش حارة (لأني ما حطيت فلفل احمر بودرة ماكانش عندي)، بس مع الاخير كلت منها نين شبعت، صحتين على قلبها..
هذا شكلها بعد حطيتها ع الغداء

http://www.libyan-kitchen.com/gallery/images/15hjh.jpg

http://www.libyan-kitchen.com/gallery/images/16ono.jpg

ان شاء الله تعجبكن .. بالهنا
تسلم ايديك اختي زينب

[ام بيلسان]

يسلمو ايديك تطبيق رائع

[نحلة]

و عليكم السلام


تسلم الايادي ، منظرها حلو الحق،، و طعمها اكيد بيكون احلى،،

تحياتي

[سحابه صيف]

مشاء الله تبارك الرحمن يسلم ايدياتك وايديات زينب يا رب

[الساجدة لله]

بسم الله ماشاء الله لاقوة الابالله ياغالية مكرونة تسههههههف تسلم الايادي

[guidona]

ماشاء الله يسلمو تطبيق رائع

[أمـ ساره]

ماشاء الله لاقوة الا بالله

تطبيق روووووووووووووعه وشكله يجي في الخاطر

ربي يسلم ايدياتك وايديات زوبة الحلوة

وبالهني والعافية على قلب كل من كلاها

[بنية بوها]

تطبيق راائع يسلموا الايادي

[saliamr]

تسلمن يا غاليات على ردودكن.. ربي يحفظكن

[التا ئبه لله]

السلام عليكم ورحمة الله وبركاته


تسلم الايادى

[Om Saga]

تسلم إيدياتك ياربي
تطبيق حلو الصراحة وراح أجربها حتى أني
رعيش هههههههههههه رعشت منك ههههههههه

[ام رواسي]

http://vb.h777h.com/imgcache2/55172.imgcache2.gif

[أحلآم الدنيا]

يسلمو الايادى حبيبتى
تطبيق مميز

ودى

[luba]

تطبيق حلو وتسلم ايديك وايدين اللي علمتهلنا وشجعتينا نجربوها

[luba]

يسلم ايديك بصراحه شكلها روعه واكيد حنجربها

[نسيبة]

وعليكم السلام و رحمة الله و بركاته
تطبيق متقن تسلم ادياتك

[شروق الشمس]

تطبيق ايهبل
الله يسلم دياتك انت و زوبه

[الصابرة]

http://up.3dlat.com/uploads/12871174062.gifوفي زنوبة سلم دياتها يارب ودياتك

[sweet nona]

تطبييق راااااااااااااااااااااائع

وزينب اروع

[لوتي]

تسلم إيدياتك علي التطبيق
تم التقييم ليك وللموضوع