مش شئ يحرق الدم

[ام بيلسان]

السلام عليكم ورحمة الله وبركاته ..

صدق أو لا تصدق...عرض أزياء في برج طرابلس "الفاتح "سابقا..على الطراز الغربى..هذي أخرتها؟؟؟

تم تاكيد خبر معرض الازياء اللي صار في طرابلس في برج طرابلس ( الفاتح ).. ويقولون انه غداً اخر يوم من العرض ..

في حين لاتزال المستشفيات تكتظ بالجرحة ودم الشهداء لازال ينزف في الجبهات,,

لا تزال دمعة ام الشهيد تدرف لا تزال عائلاتنا مشردة لا يزال ازلام الكلب المسعور تقتل في اهلينا..

والادهى والأمر يأتوك بعذر أقبح من ذنب ..وهوأن عرض الازياء فلوسه راح تمشي للجرحي !!
مش عارف شن بنٌـقول الا كلـمة حسبي الله ونعم الوكيل

اي تبرعات واي اناقة واي فاشن يتحدثون عنها
اقول لهم ليست هذه الحرية التي دفعنا ثنها الباهظ جدا
ونحن في غنى عن هذه التبرعات

يقولون انه غداً اخر يوم من العرض .

وقد تم الاتصال بكـتبية السويحلي بطرابلس المتواجدة بكلية البنات
وأيضا..كتيبة الشهيد محمد المدني تم تبليغها وهم جاهزون لوقف المهزلة في برج الفاتح سابقا و ستضرب بقوة كل من يقف امامها او يحاول ايقافها داخل البرج


للأسف لم أجد صورة محتشمة من عرض الأزياءالذي كان على الطراز الغربى..لأعرضهالكم

http://www.libyan-kitchen.com/gallery/images/2990041470.jpg

http://www.libyan-kitchen.com/gallery/images/3155041470.jpg





http://www.libyan-kitchen.com/gallery/images/2967911470.jpg

منقول

[ام بيلسان]

لا حول ولا قوة إلا بالله العلي العظيم
اللهم لا تؤاخذنا بما فعل السفهاء منا
هذا هو جزاء الثوار الذين ضحوا بدمائهم من أجل أعلاء كلمة الله ومنع الظلم
هل هكذا اصبحنا نذهب وراء كل ما هو مخالف للشرع هل يجوز إقامة هكذا مناشط حتى ولو كنا فى ابهى ايامنا
هل هكذا اصبحنا شعب اقوال لا أفعال نقول لن تضيع هباء يا دم الشهداء ثم نضيعه نحن بأفعالنا



نداء إلى الكل التوجه غدا إلى برج طرابلس ومنع إقامة مثل هذه المناشط



قولوا متعصبين متشددين إلى بتقولوه قولوه
هذا ما ناقص والله حال توا غدوه يطلعولك يغنوا يا البرتقاله ورقيص ويديروا جو العراقيين مع إحترامى للناس الشريفه



النوعية من هذه الناس قدافي واحد اشوية فيهم يبو مئة قدافي ويالله الحال ايلايم

[Gatto]

لا حول ولا قوة إلا بالله.

[زهرة البنفسج]

حسبي الله ونعم الوكيل ربي يستر على البلاد كان ما تبدا هكي بعد التحرير ان شاء الله وربي ينصرنا على كل ضالم ويرحم الشهداء ويشفي المرضى هو القادر على كل شئ

[بنت طبرق]

يحرق الدم بس والله من لما شفته عالفيس وانا نغلي
سبحان الله ناس تقدم في ارواحها ومخلية عائلاتها وتتسابق لنيل الشهادة
وناس تتسابق نحو جحيم النار
أعوذ بالله من غضب الله نحن نقولوا كبرواياناس ثورتنا كسبناها بالتكبير وهذوما يردوا فينا للخلف
حسبنا الله ونعم الوكيل فيهم

[الساجدة لله]

لاحول ولاقوة الابالله

فعلا مش يحرق الدم هذا يجلط جلط انا لومي الاول والاخير على النساوين اللي مادين وجوههم ومقعمزين الصراحة يستاهلو ار بي جي هما واالموجودين كلـــــــــــــــــــــــهم دون استثناء

[سيدة ليبية]

بجد لما شفتا ع الفيس ما صدقت ... وقبل هكي بنتي تسمع ع الراديوا وقاتلي ياماما في عرض ازياء في برج الشيطان ... ماصدقت وشفتا ع الفيس وتاني ما صدقت واللي كانوا تصوري من ان الشئ غير معقول في ناس يعلقوا يقولوا لا لا لا هدا فبركة ... ووحدين يقولوا فوتوشوب ... واخرين يقولوا ...كيف علم الاستقلال بحدا العريانه قصدي العارضه .... قالوا خلاص خلاص خلاص هدي الصور من بعد الاستقلال ايام الملك بس بعدين اكدوا الخبر وتأكدنا .... شفتي الشعب قداش طيب .... ياخواتي والادهى شبيه الرجل اللي متمنية نرفع لجبهة سرت وبالضبط لحي الدولار ...المهم العيب ايظا" يصب ع الاخوات """ المتحجبات "" الليبيات """ اللي كانوا حاضرين .... بصراحة غلطوا والغلطة هدي تدفع فاتورتها تورتنا الشريفة تورة الله اكبر ....

[مغتربة 7]

عندي شعور يابنات وراء القصة هذه الطابور الخامس
لكن ربي يرد كيدهم فى نحورهم ويجعل تدبيرهم تدمير عليهم
هذا ما ناقصنا تريس تستشهد فى الجبهات وما شبه باالرجال يرقص فى الحفلات
البلاد تبيلها تتطهير وتنظيف كاااااااامل من ها النماذج
ربي يولي علينا خيارنا و يجعل بلدنا آمنا مطمئنا و سائر بلاد المسلمين

[بنية بوها]

لاحول ولاقوة الا بالله العلي العظيم

[ناني2007]

لاحول ولا قوة الابالله

[بنغازية]

والله لما شفت المشهد والعرض تقشعر جلدي وحسيت ان لبلاد في فوضة وما فيش من يحكمها يا خوفي نالقوهم ايبيعوا في الوسكي في الشارع ويقولوا نبوا انتبرعوا بحقة للجرحة لا حولا ولا قوة الا بالله العلي العظيم
ياخوفي تنقلب الموازين ياستير استر

[خدوج]

لاحول ولا قوة الا بالله
اللهم نور بصائرنا على الحق

[سحابه صيف]

لاحوة ولا قوة الا بالله لكن حسب مسمت انه اتوقف واعتدرت الادارة امتاع البرج

[أمـ ساره]

والله مش يحرق الدم بس يرفع الضغط والسكر حاشاك

لكن ولله الحمد


قامت كتيبة من سوق الجمعة يوم أمس بالذهاب لبرج الفاتح

وقبضت على المسؤولين القائمين على العرض

والذي كان من المفترض أن يستمر لأكثر من يوم للأسف

وأيضاً المفروض انه يكون لأزياء الأطفال من قبل جمعية خيرية

ولكن المجلة قامت بتغيير العرض طبعاً وللأسف اتقول انها تبي تثقف الشعب الليبي

يلعن هالثقافة الي تبينا نتثقفوها لو كان هي شكلها

لا وقالك العائد للجميعات الخيرية حتى يعطوه للثوار والجرحى (( فلوس حرام ))


لكن شوفوا نتيجة تدخل الثوار


موظفي برج طرابلس يبعثون بيان شديد اللهجة لجمعية زهرة الصبار لظهور عرض أزياء بلباس غير لائق ويوقفون مهرجان الجمعية داخل البرج بعد أن استغلت موافقة موظفي البرج على اقامة حفل خيري لجمع تبرعات للجرحى والايتام


http://a5.sphotos.ak.fbcdn.net/hphotos-ak-ash4/296766_303072273040427_100000129716539_1406935_731 965626_n.jpg







والحمد لله وربي ينصر الثوار

[نعومي نت]

لا حول ولا قوة إلا بالله العلي العظيم
والله حتى أني من راي مغتربة 7 إنحس إن وراء هذه المسخرة الطابور الخامس ربي يهده
وهدوما إللي ما شين توا بالله عليكم متعلمين بيه الشي هذا وإلا شني وحتى كان متعلمين بيه الظرف إللي تمر بيه البلاد
ما يسمحش بمثل هذه الترهات
ومن الاخير يا خوفي النماذج هادي تسرقلنا ثورتنا لا قدر الله

[تجويد]

والله مش يحرق الدم بس حشاكم يجلط والله المفروض الواحد يلغم روحه ويمشيلهم وجي في رقبة هاالمتشبه بالرجال واحد يدفع في دمه باش احني نعيشوا في حريه وامان واحني نكافوه بها الاعمال حسبي الله ونعم الوكيل .

[ابي الغالي]

لا حول ولا قوة الا بالله

[أم ميوسة]

اللهم استرنا دنيا وأخرة

الحمد لله تم إيقاف العرض المهزلة

حتى يكون رادع لهذه النماذج كي لا تنساق وراء هذه الافعال المشينة

الهم استرنا فوق الأرض وتحت الأرض ويوم العرض عليك

[حنان]

لاحول ولاقوة الا بالله العلى العظيم
وين هذا الشى وين المهزلة هادى كيف يفكرو الناس يا سبحانة الله دم اخوانا مزال منشفش والبلاد فى حرب
هو حتى بلا حرب وميجيش الشى هذا كيف وين الرقابة
استغفر الله والله يا اختى لين مصدقتش عيونى شن حرق الدم هذا
ياربفرج على بلادنا يارب
وانصر ثوارنا وارجعهم سالمين امين

[ام رواسي]

حسبى الله ونعم الوكيل

[mnona]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة مغتربة 7http://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifعندي شعور يابنات وراء القصة هذه الطابور الخامس
لكن ربي يرد كيدهم فى نحورهم ويجعل تدبيرهم تدمير عليهم
هذا ما ناقصنا تريس تستشهد فى الجبهات وما شبه باالرجال يرقص فى الحفلات
البلاد تبيلها تتطهير وتنظيف كاااااااامل من ها النماذج
ربي يولي علينا خيارنا و يجعل بلدنا آمنا مطمئنا و سائر بلاد المسلمين
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif


معليشي اختي مغتربة حتى انتي درتي زي صاحبتي كل ماتسمع مكان في مشاكل وضرب رصاص تقولي والنبي فيكني فكيني هذا طابور خامس وفي حقيقة الامر وللأسف الشديد انه الموضوع مايتعلقش بالطوابير الامر يتعلق بالشعب نفسه للأسف ديمة الليبيين مع احترام للبعض جايتهم الحضارة بالمقلوب وحتى توا جايتهم الحرية بالمقلوب سمعو انه فيه حرية بدو يديرو في اللي يبوه ولكن للأسف مش هكي ليبيا نبوها ، صح نبو التغيير ونبو الحرية ولكن مننسوش اننا مسلمين وعلى ديانة وحدة وانه هالكلام الفاضي كله مايتماشاش مع ديننا الاسلامي
اللي بنقوله في الاخير صدقيني فيه ناس للأسف تبي الحرية لمواضيع زي هذي وماخفيا كان أعظم وربي يسترك ياليبيا ويستر عليك ان شا الله
وصدقوني مش كل شئ مايعجبكمش تحطوه في روس الطحالب والا الطابور الخامس ، لازم نكونوا واقعيين شوية يعني ( الطحالب دارو والناس اللي حصلت الحرية من كتوف وجهاد ودماء شهداءنا وثوارنا دارو وربي يهدي الجميع ) وفي الاخير كلنا خوت ( الشعب الليبي كله خوت )


هذا شئ يفرطس الحمير ( حااااااااااااااااااااشاكم ) مش يحرق الدم وبس
وربك يستر وربك يهدي بإذن الله

[التا ئبه لله]

السلام عليكم

كلام زين العقل اختى منونا كان اسمك هكى صح

كل الا قلتيه 100\100 هدا كلام الحق

قالو العزايز كل واحد بميسه ويقدد
ربى يهدى الجميع الى كل ما يحب ويرضى

هذا شئ يفرطس الحمير ( حااااااااااااااااااااشاكم ) هدى قويه هلبه

ههههههههههههههههههههههه عطك الهنى بس ليا هلبه معاش سمعتها

[نسيبة]

لاحول و لاقوة الا بالله العلى العظيم
اذا كنت لا تدري فتلك مصيبة وان كنت تدري فالمصيبة أعظم ؟؟!

[ام جنى]

والله فعلا شى يحرق الدم
وماصح وجهه النساوين المقمعزين يتفرجو على هالمسخره
لاحول ولا قوه الا بالله