المساعد الشخصي الرقمي

مشاهدة النسخة كاملة : [استفسار]عن أفضل ماركات


زهرة البيلسان
10-19-2011, 11:43 PM
االسلام عليكم :لوسمحتوا نبى نشرى الات وماكينات كهربائية لمطبخى الجديد(غاز.. ثلاجة ..شفاط ..ميكروويف غسالة اماعين .. كوشة كهربائية خلاط......) لكن مش عارفة الماركات... ولو فيه الات جديدة ياريت تفيدونى
أمـ ساره
10-20-2011, 12:13 AM
سألت زوجي وقال لي أحسن شيء البضاعة التركية ومش غاليات

بيكو أو آرشيليك

اني واخذة غسالة الملابس منهم

والغاليات آرستون بضاعة ايطالية


وان شاء الله تشري وتبيدي بالهني يااااااااااااااااااااااارب

والبنات أكيد يفيدوك
تجويد
10-20-2011, 01:27 AM
اني بصراحة نحب نشري الماركة اللي تكون قطع غيارها متوفرة فمثلا اني غسالتي الملابس والماعين lg ونفضل المالركه هذه لانها تعيش ووحاجات المطبخ مخلطه من تيفال وهومر ومونيلكس وهذا لنفس السبب وهو توفر قطع الغيارانتي شوفي اللي يريحك .
زهرة البيلسان
10-21-2011, 11:45 AM
بارك الله فيكن يابنات ...............لكن ياريت تفيدوني اكثر مثلا هل فيه وكيل للماركات التركية والايطالية هنى فى طرابلس ووين مكانهم وياريت لوتفيدونى لو فيه ادوات مطبخية جديدة ...وين يبيعوا فيهم لاننى بصراحة نبى نشرى حاجات مميزة ....................ارجوكم ساعدووووووووووووووووووووونى
مغتربة 7
10-21-2011, 01:36 PM
وعليكم السلام

وخيتي نصيحتي ليك ماركة lg اني جربت كذا ماركة بس الماركة هذه روعة تعيش عمر

بالتوفيق
أمـ ساره
10-22-2011, 03:34 AM
http://www.libyan-kitchen.com/kitchen/tahasoft.com_1/misc/quotes/quot-top-left.gif اقتباس http://www.libyan-kitchen.com/kitchen/tahasoft.com_1/misc/quotes/quot-top-right.gif
http://www.libyan-kitchen.com/kitchen/tahasoft.com_1/misc/quotes/quot-by-left.gif المشاركة الأصلية كتبت بواسطة زهرة البيلسان
http://www.libyan-kitchen.com/kitchen/tahasoft.com_1/misc/quotes/quot-by-right.gif
http://www.libyan-kitchen.com/kitchen/tahasoft.com_1/misc/quotes/quot-top-right-10.gif



بارك الله فيكن يابنات ...............لكن ياريت تفيدوني اكثر مثلا هل فيه وكيل للماركات التركية والايطالية هنى فى طرابلس ووين مكانهم وياريت لوتفيدونى لو فيه ادوات مطبخية جديدة ...وين يبيعوا فيهم لاننى بصراحة نبى نشرى حاجات مميزة ....................ارجوكم ساعدووووووووووووووووووووونى
http://www.libyan-kitchen.com/kitchen/tahasoft.com_1/misc/quotes/quot-bot-left.gif
http://www.libyan-kitchen.com/kitchen/tahasoft.com_1/misc/quotes/quot-bot-right.gif



بالنسبة لهذه الماركات متوفرة أكثر شيء في محلات في قرجي قدام شارع 10 بالزبط

اني واخذة غسالتي من محل الوكيل وبصراحة ليها حوالي 3 سنين توا

والحمد لله كويسة وما فيها اي شيء
Om Amory
10-22-2011, 03:34 PM
حتى أنى ننصح بLg

رووعه
الساجدة لله
10-22-2011, 04:21 PM
سموحة ان شاء الله تتهني ياربي وتاخدي ماتتمني ننصحك بماركة lg واذا لقيتي اريستون مافيش باس للاسف البضاعة الامريكية مش متوفرة هني بس هي اكتر جودة بس على المتوفر lg وبالنسبة للالات المطبخية عليك وعلى ماركات مولينكس وبراون وهومر ولو تبي بالتفصيل كل ماركة شن تاخدي منها ماعنديش مانع نساعدك
زهرة البنفسج
10-22-2011, 04:50 PM
ماركة كينوود افضل ماركة قوية ومميزة ولا كن غالية وخاصة العجانة تعجن حتى البازين وهي مضمونة بادن الله
زهرة البيلسان
10-22-2011, 06:27 PM
شكرا اختى الساجدة لله وياريت تساعدينى اكثر................بالتفاصيل
نعومي نت
10-23-2011, 12:30 PM
باللنسبة للمواد الكهربائية الخااااااااصة بالمطبخ عليك وعلي محل تبارك في النوفليين
و حتى الماعين تشوفي حاجة تنسي حاجة كلهم حاجة العمر وفي محل تاني في شارع اول سبتمبر سابقاً مقابل محل أبوحجر حتى هو مش عادي وفي محل تيفال في بن عاشور الماعين اللي فيه مميزات جداً جداً و موفقه إن شاء الله
التا ئبه لله
10-23-2011, 04:24 PM
السلام عليكم



زى ما قلت نعومى محل تبارك ايهبل فى النوفلين وتيفال والا مقابل تيفال فى بن عاشور


وحتى البيت المعمور ما شى حاله فى هلبه محلات مش عاديات
حبيبتهم
10-26-2011, 02:15 AM
السلام عليكم
انا ننصحك الغسالة lg
الميكروويف انا عندي بلاك اند ديكر كويس
ام تغريد
10-29-2011, 10:20 PM
السلام عليكم ورحمة الله وبركاته
نصيحتي ليك وخيتي بماركةlgعن تجربة الثلاجة والغسالة
والوكيل موجود وماتستحقيلاش
وغسلات الصحون متوفرة بجميع الانواع
وماركة كين وود موجودة وساومتها ب650دينار لكن ماشريتهاش

ولو تبي محلات عليك وعلي غوط الشعال طريق قرجي

محلات كلها جنب بعض والوكيل نفسه خودي وعيونك مغمضة
وان شاء الله تشري وتبيدي
أم أيوب
10-30-2011, 01:24 AM
شوفي حبوبة لو تبي ثلاجة تعيش عندك عشرين سنة

أو غسالة ملابس تعيش عمر ننصحك بماركة أمريكية

هي ويستنج هاوس ( westing house )

الغسالة تاخديها معاها مجفف كأنه دور تاني للغسالة خالتي خدتها

في بنغازي متوفرات عند محل الصالح بس طرابلس والله مانعرف

تعرفي ثلاجة اهلي ليها 15 سنة كأنها جديدة ماشاء الله

باقي الكهربائيات زي ما قالولك البنات LG ممتازة وغيارها متوفر

المهم تاخديها من الوكيل

حتى بلاك اند ديكر ممتازة بس المكنسة الكهربائية من الماركة هادي ما ننصحك بيها

عندك حتى ماركة بوش الألمانية رهيبة وحتى هي متانة وتعيش عمر