وين الفاتح

[ام بيلسان]

وين الفاتح وين تريسك .. وين اسلاحك وين خميسك ؟ وين كلامك وين وعودك .. وين دفاعك وين جنودك ؟ وين اعيالك وين جدودك ؟؟؟وين كلابك وين حدودك
وين و وينك يا لباس عباة جدودي في الأخير طلعت يهودي .

[خدوج]

لافاتح ولامعمر
ان شاء الله تكون صفحة وانطوت
وربى اكبر من كل ظالم
الله اكبر الله اكبر الله اكبر
ولله الحمد
ليبيا دفعنا تحريرها غالى
ولولا دماء شهدانا ماتحررت ليبيا
ربى يرحمهم ويشفى جرحانا
ويشفى كل شخص ترك له مدمر اثر فى قلبه

[باسمة]

الله اكبر ليبيا حره والطاغيه مات مات مات مات مات مات

[بنت طبرق]

الفاتح راح السو معاه لامعمر لاعاد ضناه

[نعومي نت]

هرمنا من أجل هذه اللحظة التاريخية
من وحي المناسبة

[79nana]

هههه والله عجبتني ولاكن ان شاء الله ياربي مانقول وين هاديكا الايمات ان شاء الله معاد نشوفوها يارب من نصر لنصر يارب ومبروك علينا النصررررررررررر ياحي ياقيوم احفظ ليبيا من كل شر

[الساجدة لله]

انتلف الله لايرده ولايرحمه ولايختم عليه يارب اهلكه وشرد ضناه اللي قتل ضنانا ياااااارب صفحة وانطوت وتوا ليبيا اليوم بعيون ليبيا ليبيا المستقبل يارب تفرح ليبيا والحمدلله المطر مابطل علينا من افتكينا منه ومن سحره الطاغي

[ام صهيب]

من انتم؟؟؟؟؟؟؟؟؟؟؟؟





ما تعرف نحنا من نحنا؟ أسباب شقاك أنت و عيالك يا هرواك

هضولا ضنا عيسى الوكواك تريس يظهر وقت المحنة.



نحنا هم همك أحنا إلي نشٌفنا دمك

نحنا أسباب كداك أو غمك ما تعرف نحنا من نحنا؟



أسباب إهمومك نحنا إلي طيٌرنا نومك

نحنا كسٌاريين خشومك ما تعرف نحنا من نحنا؟



نحن فرسان أسباب هلاكك يا جبان

تريس عتل مانا جرذان وياويلك لو اتواجهنا.



نحنا هل برقة نحن إلي درنالك حرقة

في جوفك تحدر ما ترقا نيين إتعدي او إتريحنا.



نحنا مصراتة خشمك ياتافه وطاته

إحنا ككلة وأحنا الزناتة ماتعرف نحنا من نحنا؟



نحن نالوت مع الزواية نسقيك الموت

هضولا أسيادك ياسلفوت ما تعرف نحنا من نحنا؟



نحن الرجبان رجال فراسيين أو شجعان

أنموتوا في وسط الميدان ولاشكلك يرجع يحكمنا.



نحن فزان إلي إمحاصرها يا جبان

فيها زارع خيٌان أو بالفتنة تبي إتفرقنا.



الليبيين إلي في طرابلس منحازين

إلي إمحاصرهايالاعين أو بالقوة تبي تحكمنا.








نحن إلي ثرنا من البيضاءوالمرج أو درنة

اوبنغازي نيين تحررنا وماتعرف نحنا من نحنا؟



نحن من طبرق من القبة أوشحات أو لابرق

او جيشك من شيح و شبرك يالي في العالم فاضحنا.



سبايب عارك نقصوا أثنين أندمروا دارك نيين تهرب أو تشيل إصغارك من ظلمك بيش إتريحنا أو ماتعرف نحنا من نحنا؟


الله كبر الله اكبر

[مشاغبة المطبخ]

من انتم من انتم
شدو الجردان ما تخافو منهم
انى قاعد هينا
توره توره توره توره
لارجوع لارجوع
الى الامام الى الامام
الله تفكينا من ها لمهبول ومن كلامه المهزله
لاكن والله الى بنفقدو كاريكاتير كبير هههههه
ربى يحفظ بلادنا وولى علينا خيارنا

[ام رواسي]

الحمد لله ربى العالمين
ربى يمهل ولا يهمل
الحمد لله دم الشهداء مايميش هباء
معاش فى فاتح تاتى معاش في مدمر تاتى

[أمـ ساره]

الفاتح عدا الفاتح راح ونسيناه خلاااااااااااااااااااااص


ياسر منه وهو كان مسكره في وجوهنا


لكن الحمد لله هم وانزاح عن صدورنا

واخيراً شمينا الحرية وحسينا بيها

الله اكبر على من طغى وتجبر سبحان الذي يعز من يشاء ويذل من يشاء

بيده الخير وهو على كل شيء قدير



يا أخوات النصر تم ولله الحمد لكن لا تنسو التكبير والدعاء

فهذا ما نصرنا كنا مع الله فكان معنا

لا تبدلوا التكبيرات بالاغاني والاحتفالات بل بالشكر والدعاء والتكبيرات

ليتم الله علينا النصر وننعم بـ ليبيا الحرة التي نتمناها

[guidona]

الحمد الله والله اكبر الي حد الان مفرحه مش سايعتني