المساعد الشخصي الرقمي

مشاهدة النسخة كاملة : [ بريوش طري وخفيف ] من مطبخ saliamr



saliamr
10-22-2011, 05:37 PM
السلام عليكن


http://www.libyan-kitchen.com/gallery/images/hbhmgh.gif



الف مبروك علينا التحرير والحمدلله ان ربي خذ حقنا من الطاغي وعياله


وبهالمناسبة حبيت اندير بريوش ونخليكن تذوقنا معاي،


بصراحة الطريقة وخذتها من النت ومش متذكرة اسم صاحبتها


بس من يومها وانا معتمدة المقدار هذا جزاها الله كل خير



الطريقة تبي شوي وقت بس النتيجة روعة ، لأني نحب البريوش


موت، بجد البريوش اللي درته كأنه بريوش السوق يعني من الأخير




نبدوا بالمقادير:


4 كوب دقيق منخول


200 جرام زبده أو مرجرين


2 ملعقه كبيره سكر


معلقه صغيره و نصف خميره


كوب و ربع حليب سائل طازج


بيضه


نص ملعقه صغيره ملح




نجوا للطريقة


طبعا كيف ما قلت تاخذ شوي وقت، نا خذت مني 5 ساعات


بس مش متواصلة توا تعرفن كيف


نخلط المقادير الجافه مع بعضهن ( الدقيق و الملح و السكر


و الخميره )



بعدين نضرب الدحية ونحطها عليهن وبعدين نزيد الحليب


ونعجنوا كويس نين يختلطوا مع بعض وتقعد عجينة متجانسة


نقطع 100 جرام من الزبدة يعني نص الكمية قطع صغيره و نحطها عالعجين


ونعجنوا بخفة ومش ضروري تختفي الزبدة بشكل كامل،


وحتكون العجينة طرية



نسيت ما صورتش الخطوات الاولى


لما تعجنيها نخلوها اتريح 45 دقيقة بعدين نحطوها في الثلاجة


لمدة 3 ساعات او تقدري تحطيها ساعة ونص في الثلاجة


وساعة ونص في الفريز لو انتي مستعجلة وهذا اللي درته


هذي صورة للعجينة بعد ما تريحت










بعدين نفردوها مستطيل كبير ونرشوها بالدقيق من فوق


ونقطعوا باقي الزبدة قطع صغيرة ونحطوها على ثلثين العجينة










وبعدين
نطويها كيف ماهو باين في الصور




http://www.libyan-kitchen.com/gallery/images/3jnj.jpg




اخر شي نفردها من جديد مستطيل ونطويها ونحطوها في


الثلاجة نص ساعة او الفريز ربع ساعة، والحق نا حطيتها


في الفريز


نكرر الخطوة هذي 4 مرات يعني كل مرة نفردها ونرد نطبقها


ونحطها في الفريز



اخر شي نفردها مستطيل كبير ونقطعه مثلثات ونشقوا القاعدة


من الوسط، الصور توضح




http://www.libyan-kitchen.com/gallery/images/4yhy.jpg



http://www.libyan-kitchen.com/gallery/images/5qcq.jpg




توا تقدري تحشيها بشوكلاطة ولا عسل ولا سادة تخليها كيف


ما درت لأني نحب نحشيها بشوكلاطة سايلة وتلف من القاعدة


للطرف ونحطوها في طاجين مدهون بزيت




http://www.libyan-kitchen.com/gallery/images/6fhf.jpg




و تخليها تخمر لمدة ساعة، وهذا شكلها بعد خليتها تخمر




http://www.libyan-kitchen.com/gallery/images/7vnv.jpg




قبل ما نحطوها في الكوشة ندهنو بحليب مركز


نحطوها في فرن على حرارة متوسطة وبعد تنشقر من تحت


نولعوا النار من فوق وهيا دقايق وتتحمر مع بعضها،


نا حسيتها تحمرت شوي




http://www.libyan-kitchen.com/gallery/images/8dyd.jpg




وهذي بريوشة مع كابتشينوا لأول وحدة ترد ^_^




http://www.libyan-kitchen.com/gallery/images/9ldl.jpg




تاخذ وقت بس النتيجة تستاهل



وصحتين على قلوبكن

أمـ ساره
10-22-2011, 05:53 PM
ماشاء الله بريوش يجي في الخاطر حبيبة

سلم ايديات الحلوة الي داراته

وبالهني والعافية على قلب الي كلاه

وأحلى تقيييييييييييييييييييييييييم



وينقل لركن السندويشات والمعجنات

الساجدة لله
10-22-2011, 06:14 PM
تسلم الايادي ياغالية بريوش يجنن

خدوج
10-22-2011, 07:20 PM
بريوش سمح
يسلم ايدياتك
وعجينته تشبه العجينة المورقة ومن زمان ندور فيها
بس ياريت تشرحيلى طريقة طى العجينة بعد ماتفرديها
لانك طويتها من جهة وحدة والباقى مافهمته
ولك خاص شكرى وامتنانى
وتسلم ايديك

بنت طبرق
10-22-2011, 08:06 PM
ماشاء الله تبارك الرحمن
بريوشات من الاخيييير بكل
سلم ايدياتك

سحابه صيف
10-22-2011, 09:30 PM
روووووووووووووووووعه بارك الله فيك

ويسلم ايدياتك

بنية بوها
10-23-2011, 03:53 AM
يسلموا ايديك اممممممممممممم بريوش

ام عبدالمعز
10-23-2011, 01:19 PM
http://www.libyan-kitchen.com/gallery/images/9ldl.jpg


امممممممممممم النتيجة روعة

يسلمو ايديك ياحبيبة

وبانتظار جديدك بكل شوق

saliamr
10-23-2011, 02:02 PM
شكرا على ردودكن وتسلمن
ام سارة، الساجدة لله، بنت طبرق، سحابة صيف، بنية بوها، ام عبد المعز

saliamr
10-23-2011, 02:27 PM
بريوش سمح
يسلم ايدياتك
وعجينته تشبه العجينة المورقة ومن زمان ندور فيها
بس ياريت تشرحيلى طريقة طى العجينة بعد ماتفرديها
لانك طويتها من جهة وحدة والباقى مافهمته
ولك خاص شكرى وامتنانى
وتسلم ايديك

تسلمي خدوج على ردك
بالنسبة للعجينة بعد حطيتي الزبدة على ثلثينها تطوي الثلث اللي ما فيش زبدة على ثلث فيه زبدة وبعدين تطوي الثلث الثالث فوقهن وتفرديها مستطيل من جديد بعدين طبقيها كيف ما درتي في الاول بس تزيدي عليها تطبيقتين اخرى
حسيت اني لخبطتك ^_^ المشكلة اني دورت الصور نبي نشوف بلكي مصورة الخطوة هذي لقيت المجلد محذوف بس ان شاء الله كي انديرها مرة اخرى توا نصورها
بالنسبة للمورقة عندي طريقة لها حلوة وساهلة وتطلع معاك العجينة رقيقة ورطبة وان شاء الله توا انديرها ونحطها لك قريب

طمطم
10-23-2011, 09:26 PM
ماشاء الله ولا قوة إلا بالله
يسلموا يديك
بس عندي سؤال..... شن فايدة القصة الصغيرة من قاعدة المثلث؟

ام رواسي
10-23-2011, 10:38 PM
ماشاء الله
يسلموووووووووووووو ايدياتك

بنغازية
10-24-2011, 01:00 AM
يا خصاره جيت في الاخير زعم مانحصلص اطريف لكن ما عليش خيرها في غيرها ياغاليه

أم أيوب
10-24-2011, 02:54 AM
يسلم ايديك حبوبة

بريوش يجي في الخاطر

مغتربة 7
10-24-2011, 05:25 AM
ماشاء الله عليك يا بنت بلادي فالحة
الله يسلم الايادي

saliamr
10-24-2011, 08:26 PM
ماشاء الله ولا قوة إلا بالله
يسلموا يديك
بس عندي سؤال..... شن فايدة القصة الصغيرة من قاعدة المثلث؟

تسلمي طمطم
والله اختك شافت هالطريقة وطبقتها بحذافيرها
بس يمكن عشان الشكل فب الاخير يطلع مضبوط

saliamr
10-24-2011, 08:28 PM
ام رواسي وبنغازية وام طه ومغتربة
تسلمن على ردودكن ولا عدمت وجودكن

أم إيناس3
12-17-2011, 05:49 PM
يسلمووووووووووووووووووووو

ام تغريد
12-17-2011, 07:44 PM
تسلم ايديك ياغالية علي البريوش الرائع بس شكله يبي وسعة بال هلبىة

ام نسيبة
12-24-2011, 12:39 AM
ماشاء الله حلوووة منضرها ويسلم ايديك

ام جنى
12-28-2011, 08:43 PM
تسلم ايدياتك

sweet nona
12-28-2011, 09:00 PM
ماشاااالله عليك بريوش ايسهف يامحلاه باذن المولى حنجربه واحلى تقييييم تسلم ايديك ويستحق التمييز

فضااوي
01-01-2012, 05:56 PM
ماشاء الله

تسلم الاياادي يالغلا

ام تسنيم
01-03-2012, 04:15 AM
http://up.arab-x.com/Nov10/GCf12756.gif

نسيبة
01-10-2012, 10:37 PM
بريوش روعة تسلم ادياتك حبوبة

Om Saga
01-14-2012, 04:39 PM
تم التقييم لعيونك أختي
شكلها يم يم
تسلمي يااااااااااااارب

الصابرة
07-09-2012, 04:15 AM
http://www.str-ly.com/up/uploads/images/str-ly.com5c9425fbef.gif

luba
11-13-2012, 08:47 PM
http://www.karom.net/up/uploads/132533875712.gif