المساعد الشخصي الرقمي

مشاهدة النسخة كاملة : [تبريكات] اعلان تحرير ليبيا الحرة باذن الله


أم أيوب
10-23-2011, 04:34 PM
السلام عليكم ورحمة الله وبركاته

في هاللحظات اللي مش حننسوها طول عمرنا

اللحظات اللي دفعنا ثمنها من الدم غالي

اللحظات اللي راجيناها 42 سنة

لحظة أن يتم الاعلان الرسمي عن تحرير كامل ليبيا

تحريرها من القذافي وعصابته وأبناءه

اللحظة اللي ما يكونش فيها موجود على وجه الدنيا

ااااااااااااااااااااه من هكي لحظة

قداش راجيناها وتمنيناها

ياليبيا ياليبيا .... ياليبيا مبروك

ياليبيا ياليبيا سلم أولادك جابوك

ياليبيا ياليبيا تعيشي حرة خلوك

ربي يحفظك يابلادي من دسائس المندسين

وربي يحفظكم ياثوار من بلادي من كل ماهو شين

وربي يحفظكم يا شعب الصمود على مر السنين
الساجدة لله
10-23-2011, 04:47 PM
اللهم ارحم شهدائنا اللذين اوصلونا لهذه اللحظة التاريخية

الحمدلله ياربي احييتني لهذه اللحظة والله ماتوقعنا ارواحنا نحضروها نحسابوها مستحيلة بس كان الامل ديما

فينا وينادي فينا ويخبر فينا خبر زين ومحلى نغمته في الفم

ليبيا حتتحرر وهو بيطلع منها هو وولاده

الحمدلله تحررنا يابنات يالله نغنو نشيد يابلادي ونغنو لتوار مشاء الله عليكم ياثوار وبعدها نغنو عيدك عيدين يابلادي محلى الفرحة

وكل وحدة بعدي تخش تكتب اسم اغنية نغنوها في هاليوم
أم أيوب
10-23-2011, 04:52 PM
يا بلادي بجهادي وجلادي ادفعي كيد الأعادي، والعوادي
واسلمي
اسلمي طول المدى إننا نحن الفداء
ليبيا ليبيا ليبيا
يا بلادي أنت ميراث الجدود لارعى الله يداً تمتد لك
فاسلمي،
إنا -على الدهر- جنود لا نبالي إن سلمت من هلك
وخذي منا وثيقات العهود إننا يا ليبيا لن نخذلك
لن نعود للقيود
قد تحررنا وحررنا الوطن
ليبيا ليبيا ليبيا
جرد الأجداد عزماً مرهفاً يوم ناداهم منادٍ للكفاح
ثم ساروا يحملون المصحفا باليد الأولى، وبالأخرى السلاح
فإذا في الكون دين وصفا وإذا العالم خير وصلاح
فالخلود للجدود
إنهم قد شرفوا هذا الوطن
ليبيا ليبيا ليبيا
حيّ إدريس سليل الفاتحين[2] إنه في ليبيا رمز الجهاد
حمل الراية فينا باليمين وتبعناه لتحرير البلاد
فانثنى بالملك والفتح المبين وركزنا فوق هامات النجاد
رايةً حرّةً
ظللت بالعز أرجاء الوطن
ليبيا ليبيا ليبيا
يا ابن ليبيا، يا ابن آساد الشرى إننا للمجد والمجدُ لنا
مذ سرونا حمد القوم السرى بارك الله لنا استقلالنا
فابتغوا العلياء شأواً في الورى واستعدوا للوغى أشبالنا
للغلاب يا شباب
إنما الدنيا كفاح للوطن
ليبيا ليبيا ليبيا
مغتربة 7
10-23-2011, 07:58 PM
الحمد لله رب العالمين

الف مليووووون مبروووووووووووك
على التحرير يابلادي يا اغلى من ولادي
والله من الفرحة ما ني عارفة شن اندير
ربي يرحم الشهداء ويشفي الجرحة ويعم على بلادنا الامن الامان ويولي علينا خيارنا ويلف بين قلوبنا ..امين
بنت طبرق
10-23-2011, 08:19 PM
الحمد الله اللي ربي حضّرنا هاليوم
وخذينا بثار اولادنا وماراح دمهم هباء
الحمد الله وألف مبروك لليبيا وهلها وربي يتمم علينا بالامن والامان
أمـ ساره
10-23-2011, 11:10 PM
الله أكبر الله أكبر الله أكبر ولله الحمد

الله أكبر الله أكبر الله أكبرلا اله الا الله


نحمد الله على هذا اليوم الذي انتظرناه وانتظره كل الليبين والليبيات

وأخيراً ليبيا

بدون لا جماهيرية ولا القاب فريبة لا معنى لها

ليبيا الحبيبة
ليبيا الحرة
ليبيا العزة
ليبيا الكرامة
ليبيا النصر
ليبيا المحبة
ليبيا ليبيا


ربي يحفظ ليبيا وأهل ليبيا واحرار وحرائر ليبيا

اللهم ارحم موتانا واغفر لهم وتقبلهم من الشهداء وادخلهم جنات عدن في

عليين مع الابرار والشهداء

اللهم اشفي جرحانا ومرضانا وصبرهم وارجعهم الى وطنهم سالمين

وقر أعين امهاتهم وذويهم برؤيتهم معافيين


وربي يتمم علينا وان شاء الله ديمة منتصرين ومرفوعين
بنت طبرق
10-24-2011, 08:20 PM
السلام عليكن اخواتي

منذ بداية الثورة ومن يوم 17 فبراير بالتحديد أنشقت مدينة طبرق وأعلنت انها خارج سيطرة القذافي
ووعد شبابها ورجالها بذبح الذبائح يوم مقتل القذافي وتحرير ليبيا
وبعد ان مات معمر وأعلن التحرير تحدد اليوم ليكون يوم الشواء بميدان طبرق أحتفالا وإبتهاجا بخلاصنا من الطاغية

وقد قدم سكان طبرق اكثر من 100 خروف وعشرات القعدان والعجول ليتم شواءها اليوم بعد صلاة المغرب
ونحنا في الحوش احتفلنا بهذا النصر المبين وصورت لكم شواياتنا في الحوش
لعدم تمكني من الحصول على صور الاحتفال بعد
هذه الصور و تسلم بلادي من كل سوء وربي يرحم اولادنا ويجعل مثواهم جنة النعيم

http://www.libyan-kitchen.com/gallery/images/bt77awww.jpg

وهذه التورتا ولكنها جاهزة من المحل




http://www.libyan-kitchen.com/gallery/images/bt88a.jpg

ربي يدوم علينا الخير ويعمي عنا الاعداء
أمـ ساره
10-24-2011, 10:02 PM
ماشاء الله لاقوة الا بالله

والله ايجي في الخاطر وخاصة الشواء ريحته لعندي

وحتى في مسلاته ماشاء الله الذبائح والحفلات من يوم الي شدو الطاغية

لكن طبعا ما عندي صور للأسف


ربي يكمل علينا فرحتنا ويعم الأمن والأمان يااااااااااااااااااارب في كل ربوع ليبيا الحبيبة


بالهني والعافية وخيتي
نعومي نت
10-24-2011, 10:42 PM
الله أكبر الله أكبر الله أكبر ولله الحمد
الحمد لله كما ينبغي لجلال وجهه وعظيم سلطانه
سيدة ليبية
10-25-2011, 12:40 AM
الله اكبر ....الله اكبر ....الله اكبر

ولله الحمد
مسلاتية حرة
10-25-2011, 01:18 AM
الله اكبر الله اكبر الله اكبر ولله الحمد
الله اكبر علي من طغاء وتجبر
مسلاتية حرة
10-25-2011, 02:26 AM
الف مبروك التحرير ومنورين باهل طبرق الاجواد
وقريبا نشوفو زردة مسلاته
والله اكبر وهادى كيكة التحرير
بنية بوها
10-25-2011, 04:33 AM
الحمدلله الف الف الف الف الف الف الف مبرووووووووووووك
الله اكبر الله اكبر الله اكبر الله اكبر
ياليبيا ياحرة يوم تااااااااااااااااااااااااااريخي
مغتربة 7
10-25-2011, 04:42 AM
ماشاء الله عليك يا بنت طبرق شويات يسهفوا
ان شاء الله ديمة افراح يارب وقليبي مرتاح
79nana
10-25-2011, 09:37 AM
الف الف مبرووووووووووووووووك علينا يالينات الله يارب يزيدنا خير وبركة يارب ويارب احفظ اهلنا ويسعدهم ويهنيهم ويارب يبعد عنهم كل سوء اللهم امين ياارحم الرحمين
ام زكريا
10-25-2011, 03:28 PM
الله اكبر الله اكبر والله الحمد
نسيبة
10-25-2011, 03:34 PM
الله اكبر الله اكبر و لله الحمد حماك الرحمن بلادي و حمى ابناء شعبك البررة
ام رواسي
10-26-2011, 07:33 PM
الحمد لله ربى العالمين
هدا انهار علية اندور من بلادى اليوم ربيع منور
الله اكبر الله اكبر ولله الحمد
ام عبدالكريم
11-17-2011, 11:55 AM
الله اكبر الله اكبر الله اكبر ولله الحمد
خدوج
11-17-2011, 12:23 PM
اللهم لك الحمد كماينبغى لجلال وجهك وعظيم سلطانك
الحمدلله
اللهم لك الحمد حتى ترضى ولك الحمد اذا رضيت