رسائل عبر الايميل عن الضرة

[ام رواسي]

كان بتجيب عليا مراة****نضربك بالميم طاء
نمشي لي حوش اماليا**** ولا تجيب عليا اوليه
تبي و لا ماتبش *** الضرة مافيش
ماتفكر تاخذني بالمرة** كان بتجيب عليا ضرة
حوش باتي يكفيني** ولا ضرة اتجيي اتوريني
في حوش باتي نعيش حرة **ولا تجيب عليا ضرة
ضرة هذا الي مزال***والله واراي رجال
بالصاروخ نمشيله انعدي*** كان جاب ضرة ضذي
قول قول شن ناقصني**** ولا بالضرة بتغششني
لاو الله مانبي الضرة*** وتعيشني حياة مرة
بالضرة ماتفكر اتعيش****وراية رجالة وتريس
يابابا اسمع وشوف *** بيجيب عليا ضره هالشفشوف
ياخوي تعالى وريه***بيجيب الضره انهييه
ياخوي امسحها بيه***بونيه وكف وشويه فيه
ياخويه اعطيه طريحه*** بيجيب ضرة والضرة مش مليحه
لاكيف لاعلاش*** مع الضرة العيشه ماتسواش
مظاهرات الليله نبوو***ضد الضرة نبو انردو

[ام صهيب]

ههههههههه ربى ما يدوقنا همها يااااااااااااارب

[خدوج]

ان شاء الله مافى رجال يجيب لمرته ضرة
من غير سبب
وربى يهنيكم ياحبابى مع ازوجكم
طيبوله باهى عبوا بطونهم
نظفوا حيشانهم
وهدوا الصغار لما يجى بابا
وماتعلوش اصواتكم عليهم
وماتكثروا طلبات
تضمنوا مافي ضرة

[الساجدة لله]

((أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ ))

ليش تحرمو شئ ربي حلله ؟

تعالو شو نسبة الوفيات في الشباب ؟ بلاهي ياسرنا اللي ماتو في تشاد واوغندا وغير ان الشاب الليبي ماعنده بش يتزوج واللي يلقى باش يلم روحه يلقى روحه وصل لاخر التلاتينات.
وتوا الموتى في المدنيين غير المفقودين وشهدائنا من التوار وقتلى الكتائب هؤلاء لم يتم حصرهم؟ باهي فكرو بالعقل منين بيلقو البنات من يتزوجهم ؟

وبعدين المستشار ضرب مثل للقوانين اللي حتتغير واعطى مثال على موضوع تعدد الزوجات ليش الناس تركت كل شئ وماعلقت ودارت ضجة الا على تعدد الزوجات .
أولا واخيرا هذا نصيب ومش ضروري كل راجل بياخد على مرته , واللي صار وتزوج على مرته هذا نصيب وهذا رأيي الخاص

[نعومي نت]

بارك الله فيك أم رواسي علي طرحك لهذا الموضوع
لو شفنا للموضوع من ناحية الشرع فهذا شرع ربي وربي لما شرع تعدد الزوجات أكيد إنه في حكمة وهذا كلام الاكيد إننا ما نختلفوش فيه
وثانياً هذا الموضوع اثاره السيد الفاضل مصطفى عبد الجليل واني مع هذا الانسان الفاضل إلى اخر المشوار
ولكن لو تبي الحق والله الموضوع صعب جداً جداااااااااااااااااَ
ومن الاخير الراجل لو ينوي والله ما شاده لا القوانين والقرارات ولا التشريعات النافذة اللي سنها ناكر الشريعة الاسلامية الكافر المدمر حي عليه حي إشبح شنوا صاير فيه توا والله لما نتذكره لين لحمي يرعش

[الساجدة لله]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة نعومي نتhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifبارك الله فيك أم رواسي علي طرحك لهذا الموضوع
لو شفنا للموضوع من ناحية الشرع فهذا شرع ربي وربي لما شرع تعدد الزوجات أكيد إنه في حكمة وهذا كلام الاكيد إننا ما نختلفوش فيه
وثانياً هذا الموضوع اثاره السيد الفاضل مصطفى عبد الجليل واني مع هذا الانسان الفاضل إلى اخر المشوار
ولكن لو تبي الحق والله الموضوع صعب جداً جداااااااااااااااااَ
ومن الاخير الراجل لو ينوي والله ما شاده لا القوانين والقرارات ولا التشريعات النافذة اللي سنها ناكر الشريعة الاسلامية الكافر المدمر حي عليه حي إشبح شنوا صاير فيه توا والله لما نتذكره لين لحمي يرعش
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

انا معاك في كل كلمة قلتيها يعني شن عاجبكم الحرام اللي بدي منتشر زي السلام عليكم والعلاقات المحرمة والشاب اللي مايقدر يوتي روحه لين يوصل الاربعينات والا البنات اللي نصيبهم كان مقابلهم اللي دفنهم في تشاد واوغندة والا يناري عليهم اللي مقابلينهم التمانينات والتسعينات اللي استشهدو توا والله الا شئ يبغدد والا الخصوبة اللي في تدني والا شيني يمشو الليبيات ياخدو مش ليبيين ؟ فكرو فيها بالعقل بدون انانية انا حققت حلمي الحمدلله في الامومة في غيري تتمنى تكون ام ؟؟؟؟
صح انها صعبة بس ربي حللها ومدام ربي حللها وشرعها يعني لحكمة ولظرف زي اللي صاير في بلادنا , واما الشفوفة يااااااااااااااااااااااويله الله لاترحمه ولاتربحه ولاتغفرله دنوبه الفاجر ناشر الفساد

[نعومي نت]

يلا شني بنديروا يا ساجدة
إدي ربي وادي حكتوا الله غالب علينا لعنة معمرهالجيفة هذا لاحقتنا حتى وهو ميت

[أم ميوسة]

السلام عليكم ورحمة الله وبركاته

ونعم بالله نحن لا ننكر أمرا قد شرعه الله ونحن لسنا الأن بصدد مناقشته من الناحية التشريعة وما أسنه الله يبقي على رؤس العباد ولكنه ليس بالأمر السهل أختي الساجدة فمن هي التي تتقبل طواعية ضرة يبقى هذا الأمر صعبا للنفس البشرية وحتى وأن قبلن ابعضهن بذلك قولا ولكن الكلام ليس كالأفعال
نعم من حق الرجل أن يتزوج وأنا ضذ وضع شروط للرجل من أجل الزواج فما أسنه الله نعمل به كما هو ولكن من حق المراة أيضا أن تخيير أما أن تقبل أو ترفض هذا أولا وثانيا من شروط الزواج الثاني العدل واتمنى أن من يقدم على موضوع الزواج يعرف مدى صعوبة هذا الشرط فلا نكون كمن يأخذ بالظواهر ويترك البواطن اي أن يندفع الشباب للزواج الثاني وتترك ركائزه وهي القدرة المالية والنفسية والعدل بين الزوجات فالموضوع يبدو في ظاهره سهل ولكنه السهل الممتنع .



أختي رواسي مش نضربه بالميم طاء بس بالميم طاء والهاون والجراد ونخشوا عالكيماوي وحتى النووي ههههههههه واحدة ارهابية