المساعد الشخصي الرقمي

مشاهدة النسخة كاملة : سلامات للصديقات انا بخير وليبيا بخير ولله الحمد والسجود


للاهم
10-26-2011, 09:36 PM
خير يا بنات
الحمدلله الذي لا يحمد سواه
انا بخير لكل من سأل عني في الخاص وفي رسائل الزوار
مغتربة سجودة زوبة جميعكن
مانكون نسيت حد
مشيت لبنغازي زيارة سريعة
للاطمئنان على الاهل
طبعا الله غالب كملت الزيارة في تعزية المعارف والاقارب الذين لديهم شهداء
سلف اختي
ابن بنت عمتي
زوج بنت عمتي
ابناء لصديقات لي
ابناء لأصدقاء للعائلة
وكثيرون كثيرون لحتى جف دمع عيني
الحمدلله لهم الشهادة باذن الله ولنا الصبر والامل في مستقبل رائع لليبيا
عاشت ليبيا وعشتن صديقاتي
الحمدلله علي هالساعة المباركة
ام صهيب
10-26-2011, 09:39 PM
عظم الله اجركم ورحم الله موتاكم

ونورتى المنتدى
للاهم
10-26-2011, 09:45 PM
شكرا ام صهيب شكرا ياخيتي الحمدلله اللي طيبات كلكن
ام رواسي
10-26-2011, 09:55 PM
الحمدلله على سلامتك
وعظم الله لكم الاجر وجعلهم الله ان شاء الله من الشهداء ومن اهل الجنة
خدوج
10-26-2011, 10:18 PM
سلامات ياحبيبة
والله انشغلت عليك
الله يرحم كل شهيد ويصبر اهله
وان شاء الله فى الجنات الخلد
لك الحمد والشكر ربى
نعومي نت
10-27-2011, 01:29 AM
الحمد لله علي سلامتك
وعظم الله لكم الاجر
و هنيئاً ليهم الجنة يدخلونها بغير حساب إن شاء الله
بنية بوها
10-27-2011, 01:52 AM
الف الحمدلله علي سلامتك وعظم الله اجركم في شهدائكم
ونورتي المنتدى فقدناك والله
الساجدة لله
10-27-2011, 02:28 AM
الف الف الف الحمدلله على سلامتك ياغالية

والله لين حسيت روحي زعلت منك لانك خشيتي ومارديتي عليا

حبيبة البقاء والدوام لله ان لله وان اليه راجعون

شهداء يارب العالمين

حمدلله على سلامة اهلك ياغالية وان شاء الله ليبيا تتحسن وتتغير للاحسن وباهي اللي طمنتيني عليك والله لين زعلت وانشغلت عليك ياشينة ههههههههه قصدي ياسموحة
أم أيوب
10-27-2011, 03:15 AM
نورتي للاهم والحمد لله على سلامتك

ربي يرحمهم شهداء ليبيا والحمد لله ربي خدا حقهم
حبيبتهم
10-29-2011, 02:04 AM
الحمد لله على سلامتك

وربي يتقبل شهدائكم وشهداءنا وشهداء ليبيا قبولا حسنا
اللي استشهد الله يرحم وربي اختاره للشهادة اما المفقود ناره لتوا قاعدة والعة
لا تعرفيه حي لا ميت ولو ميت مافيش ليه جثة

الله يصبرنا
أمـ ساره
10-29-2011, 02:16 AM
مرحبتين وخيتي للاهم والحمد لله على سلامتك وخيتي

وربي يرحم موتانا ويتقبلهم من الشهداء يارب ويدخلهم فسيح الجنات يارب


والحمد لله اطمنا عليك وخيتي

وان شاء الله ترجعي لـ ليبيا وانتي متهنية يارب
مغتربة 7
10-30-2011, 02:19 AM
مرحبتين بالغالية للاهم ليك وحشة كبيرة
عظم الله اجرك فى الشهداء ربي يتقبلهم بواسع رحمته
اه ياحبيبة والله كل ما نتدكر الشهداء قلبي يعصرني
شن استفاد من الدمار الى داره اهو مات موتة كلاب ودمر البلاد الله لا تسامحه
وحسبي الله ونعم الوكيل فى كل من ساعده وسانده
أم ميوسة
10-30-2011, 10:11 AM
عزيزتي للاهم الحمد لله على السلامة

ربي يرحم الموتى جميعهم ويتقبلهم شهداء في جنات الخلد

هما يوجعوا بجديات لكن حنا راهو الفانيين وهما أحياء يرزقون

الحمد على سلامتك

هدرزينا على الاجواء في بنغازي وكيف لقيتي ليبية بعد التحرير

وشن اللي تغير في الناس الطيبة غادي بعد نهاية الطاغية ونظامه

عموما ليك وحشة خليتي مكانك فاضي في المنتدى
79nana
10-30-2011, 11:02 AM
اسال الله ياحي ياقيوم ان يتقبل شهدائنا في جنات النعيم وعضم الله اجركم والحمد لله على سلامتك وسلامة ليبيا واهلك
Om Saga
11-01-2011, 01:53 AM
الله يرحمهم يارب العالمين
وألف الحمد لله على السلامة
ليك وحشة ونورتي المنتدى