[ الفاصولياء بالكرشة ] من مطبخ أم أيوب

[أم أيوب]

السلام عليكم ورحمة الله وبركاته

منورات صبايا المطبخ الليبي ويارب ديما المنتدى عامر بوجودكن

اليوم كان فطورنا فاصولياء بالكرشة أو زي ما يسميها البعض المثاومة

هالأكلة نحبوها وااااااااااااااجد خاصة لما تكون حااااااااااااااااااااااارة

طريقتي فيها كالتالي :

بصلة كبيرة مفرومة في ست البيت + طماطم معجون زي ما تحبي ( مانحبوهش يكون داكن )

كرشة خروف منظفة ومخروطة ومسلوقة نصف ساعة مع نصف ليمونة

ثلاث أو أربع قرون فلفل حاااار ( حسب الرغبة طبعا )

نص ملعقة صغيرة من ( فلفل أكحل + كمون حوت + كسبر حب محمس ومطحون + كروية )

ملح + كسبر أخضر مفروم حوالي ربع لفة + فاصولياء مطبوخة وممكن استعمال فاصولياء المعلبة

وأهم شي فيها الثوم ..... حوالي 6 فصوص كيار

الطريقة :

ناخدش الكرشة في البداية بعد ما سلقتها نص ساعة مع نص ليمونة

نحطها عالنار من جديد تغلي مع رشة ملح ونخليها تقريبا ساعتين

لو مستعجلة ممكن تحطي معاها ملعقة صغيرة بيكنج باودر تطيب اسرع

http://www.libyan-kitchen.com/gallery/images/01010101.jpg

نقلي البصل في شوية زيت ونحط معاه الفلفل ونخليه لغاية ما يتحمر

نضيف الطماطم والثوم ونخليها تعقد كويس ( تسبك )

http://www.libyan-kitchen.com/gallery/images/010101011.jpg

نضيف التوابل والكسبر المفروم

نضيف الكرشة بعد ما طابت وناخد شوي من المية اللي فيها ونحطها عالطبيخة

نحط الفاصولياء نخليها شوي ونرفعها من النار

وصحتين على قلوبكم

http://www.libyan-kitchen.com/gallery/images/0101010101.jpg

[خدوج]

صحتين على قلوبكم
خطرتيها فى بالى
ان شاءالله غدوة نغديهم بيها
يسلم ايدك ويسهل حملك

[أمـ ساره]

يعطيك الهني يا أم طه على الفاصوليا الفايحة

صنتها جت لعندي ياريتك جارتي حبوبة

تعرفي الفاصوليا ما عندي روح معاها وخاصة بالكرشة (( مع اني ما نحب الكرة ))

ابعثيلي منها راهو تقعد في خاطري

سلم ايدياتك حبيبة وبالهني والعافية على قلوبكم

[أم أيوب]

صحتين على قلوبكم
خطرتيها فى بالى
ان شاءالله غدوة نغديهم بيها
يسلم ايدك ويسهل حملك

صحيحة غداكم مقدما خدوجة

نورتي ياغالية

[أم أيوب]

يعطيك الهني يا أم طه على الفاصوليا الفايحة

صنتها جت لعندي ياريتك جارتي حبوبة

تعرفي الفاصوليا ما عندي روح معاها وخاصة بالكرشة (( مع اني ما نحب الكرة ))

ابعثيلي منها راهو تقعد في خاطري

سلم ايدياتك حبيبة وبالهني والعافية على قلوبكم


والله لو كنتي بحدايا نبعتلك منها أم سوسو قبل حتى ماناكل

انا نموت عليها بالكرشة الفاصولياء غير هدا ما ندورهاش

سلم قلبك يارب وربي يقومك بالسلامة

بس شدي روحك لبعد العيد هههههههههه

نورتي حبيبة

[ام رواسي]

الله عليك يا ام طة شكلها اتسفة انموت فيها صحيحة يا حبيبة
وسلم ايدياتك

[امتنان]

اممممممممممم
نموت عليها ام ايوب الله يعطيك الصحة
ياقمر

[أم أيوب]

الله عليك يا ام طة شكلها اتسفة انموت فيها صحيحة يا حبيبة
وسلم ايدياتك

سلامتك من الموت حبيبة وربي يسلم قلبك يارب

نورتي أم رواسي .... قوليلي أم أيوب نبي نغير اسمي

[أم أيوب]

اممممممممممم
نموت عليها ام ايوب الله يعطيك الصحة
ياقمر

يسلملي الحلو من كل شر

نورتي يا حبيبة

[بنت طبرق]

سلّم ايدياتك
من يكره الفاصوليا عيوني انا

[ام صهيب]

ماشاء الله

تعرفى عندى راجل ميت فيها والحق انا مانعرفش انديرها ناكلها بس كل ما اندير ايقولى قربتى

[بنية بوها]

واااو فاصولياء ومعاها بالكرشة امممممممممم يسلموا ايدياتك
شكلها فايح

[الساجدة لله]

ماشاء الله لاقوة الابالله حبيبة فاصوليا تهبل وزي العسل تسلم الايادي ياغالية

[Om Saga]

شن هل الفاصوليا ؟؟؟؟؟؟؟؟؟؟؟؟؟؟
عادية جدا لا والبنات طايحنها شكران
غر مادقتوش فاصوليتي ياحنة تزلبح فيكم وإنت تسكسكو في رياقتكم
توه ندرلكم لمة وبنطيب فاصوليا
كل ولا جميل أم أيوب (بسلامته) تتجمل عليكم على أساس أهي تعلم فيكم
وإلعفو نازلة فيا غر أني قفاصة أم سارة حامل بعتيلها حتى طاسة فاصوليا
بس ذوقتاها بس إلطف السم والبخل
هههههههههههههههههههههه
والله مش عادية عجبتني وصنتها قالت أم سارة طلعت
مميزة دائما بمواضيعك الرائعة والشهية قتلتينا بأكلاتك هههههههههههه
وأحلى تقييم ليك وللموضوع

[أم أيوب]

سلّم ايدياتك
من يكره الفاصوليا عيوني انا


سلم عيونك يا قمر نورتي

[أم أيوب]

ماشاء الله

تعرفى عندى راجل ميت فيها والحق انا مانعرفش انديرها ناكلها بس كل ما اندير ايقولى قربتى

أغلب الرجالة يحبوها الفاصولياء بالاخص بالكرشة

جربي طريقتي يارب تعجبه وتعجبك

نورتي حبيبة

[أم أيوب]

واااو فاصولياء ومعاها بالكرشة امممممممممم يسلموا ايدياتك
شكلها فايح

يسلمك بنوتة بوها

تفضلي الصحن كله ليك

[أم أيوب]

ماشاء الله لاقوة الابالله حبيبة فاصوليا تهبل وزي العسل تسلم الايادي ياغالية

يسلمك سجودة بارك الله فيك على ردودك اللي زي العسل

[أم أيوب]

شن هل الفاصوليا ؟؟؟؟؟؟؟؟؟؟؟؟؟؟
عادية جدا لا والبنات طايحنها شكران
غر مادقتوش فاصوليتي ياحنة تزلبح فيكم وإنت تسكسكو في رياقتكم
توه ندرلكم لمة وبنطيب فاصوليا
كل ولا جميل أم أيوب (بسلامته) تتجمل عليكم على أساس أهي تعلم فيكم
وإلعفو نازلة فيا غر أني قفاصة أم سارة حامل بعتيلها حتى طاسة فاصوليا
بس ذوقتاها بس إلطف السم والبخل
هههههههههههههههههههههه
والله مش عادية عجبتني وصنتها قالت أم سارة طلعت
مميزة دائما بمواضيعك الرائعة والشهية قتلتينا بأكلاتك هههههههههههه
وأحلى تقييم ليك وللموضوع


هههههههههههههههههههههههههههه

ضحكتيني يا عسل يعطيك الهنا

أم سارة خليها تشبح في فاصوليتي عشان تتأخر ولادتها لبعد العيد

توة نبعتلها منها بعد العيد عشان تاكلها وتجيب طول

عارفتها فاصوليتك أم سجى تبيني نحكي عليها للبنات

هذاك اليوم أم سجى بعتتلي فاصولياء يا الله

لا بنة ولا صنة وما قدر حد ياكلها

تهبل بكل مش عادية

نورتي ام سجو يا عسل

[مغتربة 7]

اشيه مااشاء الله بنة وصنة
فاصوليا تشهي الله خاطري نرجع للبلاد وناكل كل الاكلات اللذيدة
الله يسلم الايادي يا احلى ام طه

[أم أيوب]

اشيه مااشاء الله بنة وصنة
فاصوليا تشهي الله خاطري نرجع للبلاد وناكل كل الاكلات اللذيدة
الله يسلم الايادي يا احلى ام طه

يااااااااااارب ترجعوا من غربتكم وتاكلي كل مافي خاطرك

خالتي في سويسرا قالت كم عيد أضحى غادي ما ندوقوه العصبان

لأن الدبح تحت اشراف طبيب بيطري وأول حاجة يرميها عصبان الحولي

سلمتي على مرورك حبيبة

[الكتومه]

بكره بأذن الله غداي

[luba]

ماشاء الله وجاري التطبيق علي اول خروف يندبح من بعد هالشوفه

[مرام البيان]

الفاصوليا ماعنديش معاها روح ....يسلموا ايديك ام ايوب

[ام سحر]

تبارك الرحمن شكلها بنة وصنة تجي في الخاطر
الله يسلم ايدياتك الحلوة

[بنت الاشراف]

سلمت يداك

[Om Amory]

ماشاءالله تسلم الايادى يالغلا

[نسيبة]

يعطيك الصحة ام ايوب المثاومة بنة وصنه تسلم الايادي عسولة

[om_adnan]

من طريقتك باين عليها مش عادية,جارى التطبيق,بس قوليلى شنو حكاية الفطور ولا زعمك قصدك الضحى.سلم إيديك.

[عهود]

اممم مشاءالله ع طريقتك تقريبا نفس طريقتي نسمو فيها المثاومة
بارك الله فيك ويسلمو ايديك الحلوات

[المروالوردي]

يسلم ايديك أم أيوب

http://4upz.almsloob.com/uploads/images/www.almsloob.com-15ca4c1f24.gif