[مهم لكل الليبيات]

[ليبية حرة]

شن رأيكم في حفلات البارح حضرتوهم يجننو
وشن رايكم في أسماء سليم وصلاح غالي
خشو خلي نهدرزو عليهم
:):):):):):)

[تجويد]

حفلة تهبل عجبتني هلبة وراقية اصلا مديرة القناة بنت عمي ههههههه واي تعليق انوصله طول .

[ليبية حرة]

من عجبك من الفنانين أكثر لكن ماشاء الله كلهم شرفونا وعلو روسنا
وهياجتهم تجنن اللي داروها تمنيت نكون في قطر راني حضرتها معاهم وإنت شن رايك

[أمـ ساره]

وخيتي اعذريني

لكن حني في الايام العشر الاولى من ذي الحجة

يعني المفروض مافيها الا صيام ودعاء والاستغفار

وأيضاً علينا بالتكبير والدعاء حتى ربي يتمم علينا بالنصر والأمن والأمان

[ام رواسي]

السلام عليكم
كيف حالكم يا ليبية حرة وياام سارة بنسبة لموضوع الحفلة يللى تحكى عليها والله ماتفرجت عليها وانى مع راى اوخيتى ام سارة والله ما وقتة بكل هدا

[ام رواسي]

تجويد كيف حالك وشنو اخبارك والله ليك وحشة شكلك انسيتى الناس

[ليبية حرة]

كيف حالكم ياأم رواسي وأم سارة ونورتوني
ولكن معليشي لأنها حفلة مش ديما حيعرضوها وأحني فرحانين بفنانين الثورة هلبا...

[79nana]

والله ماتزعلو من رايي البسيط ياوخياتيي ماتفرحوش بيهم هلبة لان بعدها حيولو فنانين حب وغرام هادي اول فتحة ولا تغرة هي الغني علي التورة ولاكن بعدين يولو زي ايمن الاعتر وغيره وغير اسال الله ان يهديهم ويمتعونا باصواتهم في اناشيد وموشحات وايات تهديهم وتهدينا

نتمنى انكم تفهموني وماتزعلوش مني والله هدا الي صاير في ليبيا مش بهين واما حتزيدنا ايمان ووفخر وعز او ممكن تولي علينا بزيادة الفتن الله المستعان راهوي ياوخياتي لاني ملتزمة في الدينة ولا شي فقط انسانة عادية ولاكن والله هده الحرب علمتني حاجات هلللللللللللللللبة الواحد المفروض يتعض منه

اسال الله ان يهديني سامحيني ياوخيتي ممكن المفروض مانقولش هدا ولاكن قلت ماكان في خاطري بس

اكرر اعتداري تحياتي ليكم ولليبيا ولتوارنا واسال الله ان يحفظ بلادنا من الفتن اللهم امين

[ليبية حرة]

صح يا وخيتي والله عندك الحق نكبروهم ونفرحو بيهم وبعدين يتكبرو علينا
وينسى فضل الشعب الليبي عليهم زي اللي مانحبش نذكر إسمه اللي قلتيه
وهذاكا طارق التايب اللي باع الليبين على خاطر شوية فلوس من الطاغية
وتوا قال نتمنى من الشعب الليبي يخليني نرجع نلعب في المنتخب طيح والله سعده...

[ليبية حرة]

شن رايكم في طارق التايب قال يبي يرجع
ويلعب في المنتخب بعد ما سب الثوار أسياده وأسياد راسه وقال عليهم جردان
ونكر إنه ليبي وقال أني تونسي وتوا قال نتمنى الشعب الليبي يسامحني
ويخليني نلعب شن رايكم في هالكلام اللي قاله...

[أم أيوب]

يمشي سحيقة ونار طليقة

خليه يدير منتخب للطحالب ويلعبوا بالعلم الأخضر

صقع عليه ألوان علمنا وفانيلا المنتخب الجديدة

أصلا منتخبنا ماشاء الله ربي يحفظهم توة قعدوا يلعبوا عشان ليبيا

مش زي قبل عشان بوشفشوفة وعياله

والحمد لله تأهلو لنهائيات كاس افريقيا وتحت علم بونجمة وهلال

ربي ياخده مع اللي زيه

[بنت طبرق]

انا ضد انه يلعب في المنتخب
خليه تو ينفعه ضلاله

[ليبية حرة]

مرحبتين بيكم ياأم طه وبنت طبرق والله عندك الحق ياأم طه يمشي سحيقة
ويمشي يلعب مع الساعدي قالو بيدير فريق في النيجر بيسميه منتخب الطحالب
وأصلا هو مش وطني وديما كان في وقت الشدة يخلي فينا
يحسابنا مانعرفوش نلعبو إلا بيه وإنشاء منتخبنا بونجمة وهلال
ياخذ كاس أفريقيا فطسة فيه يارب وبعدين توينفعه بوشفشوفة متاعه...

[سيدة ليبية]

خلاص .... اقوله والطحالب معاه ...... فاتكم القطار بونجمه وهلال

[خدوج]

طحلب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟
قولوله صقع عليك الليبين
يسحاب معمر دايمله
خلاص تمت عليكم ياطحالب
فى ربى كبير
الله اكبر

[ليبية حرة]

لاتمت عليه بالطويل خلاص وشن قال معقولة انوض الصبح ومانشوفش الخرقة الخضراء
ومعقولة مانسمعش نشيد الله أكبر وصغاري كل يوم يقولو في هديكا المقولة
قصده ثلاثي الكفر وسب بونجمة وهلال قاللهم هذا علم موزمبيق
تي قولوله برا روح لا موزمبيق لا تفاح امبيق(تمله تمله هو وبوشفشوفة مقملة)...

[ليبية حرة]

الشباب غدوة بيديرو مظاهرة قدام شركة الإتصالات
من الساعة 11 صباحا إلى الساعة 1 مساءا
باش يطالبو بتخفيض ثمن الإشتراك إلى 5دينار شهريا بدل 40دينار
شن رايكم والدعوة عامة للتظاهر...

[نعم درناويه]

اخس عليه المنافق انا سمعت مداخلاته الاثنين الاولى الى اتصل بشاكير وسب الثوار وقال عليهم جرذان وتانى مداخله على قناة ليبيا اولا مع نزار المتجول ايقول انه كدب ماسبش الثوار وانه ياما عانه من نظام القذافى ...تعباااااااااااان يمشى لتونس كان مزبوط بلاده

[سيدة ليبية]

ياريت والله والخط التعبان البطئ لازم يتعدل .... ماهو خلاص محمد القدافي بح بح ..واللي مسكوا بعده مفروض يعدلوا النت والاتصالات والا لا ؟؟؟

[ليبية حرة]

المفروض هذا علاش الشباب بيتظاهرو لأن غدوة النت بيبدا بالفلوس زي قبل...

[ليبية حرة]

مازال إنتي ماسمعتيش إتصاله بهالة سب فيه المستشار مصطفى عبد الجليل
وقال فيه كلام حشاك حقير زيه هو وتوا يقول أني كان مضغوط عليا
الكذاب أصلا لما تكلم كان يتكلم من تونس قولولي كيف كان مضغوط عليه...

[ليبية حرة]

المستشار مصطفى عبد الجليل قال للثوار الشرع محللكم أربعة
(إنت ياثاير غير إتدلل الدين ليك فوق ثلاثة حلل)
ردو عليه الليبيات وقالوله(ياجليل ياشينك ورطة تدليعك جابلنا الجلطة)
شن رايكم في كلامه عجبكم أو لا...

[حبيبتهم]

امالا نت الليبيانا \
تسميه اي شئ الا نت والتسعيرة وااااااااااااااااااااااااااااو

ان شاء الله ربي يصلح البلاد والعباد

[ليبية حرة]

إنشاء الله ياربي هما يتظاهرو على شان الواي ماكس لأن سعره غالي كل 15قيقا ب40 دينار...

[snaaaa]

هو ما قالش حاجه مش معروفه الشرع امحلل للزوج الزواج باربع يعنى فى شنو اناقشو هدا شرع الله وكل واحد وتفكيرة واللى خاطرة فى الزواج ما ايراجيش فيه لين ايقول

[الساجدة لله]

ياودي يمشي يفكنا من سوه لانبوه ولانبو نشوفو خليقته

[التا ئبه لله]

هذا شرع ربى زى ما قالت الاخت الاقبلى الايتزوج

ما ايرجيش لين ايقولوله مش عيل هو الرجل

لين ايقوله جليل وقبل لماكان بموفقة الزوجه هلبه

اتزوجو من غير موفقتها واساس التعدد العدل

ومن يقدر اعليها الا من رحم ربى والله يصلح ازوجنا

[ليبية حرة]

شن رايكم في قصة خرفان العيد اللي أقل خروف فيهم ب500دينار مشكلة
والناس ماعندهاش مرتبات المفروض المجلس يجيهم بالبلاش أو حتى بملغ رمزي
لأن فيه من ماستلمش راتبه من شهر5 وفيه حتى من شهر2...
...وكل عام وأنتم بخير...

[حبيبتهم]

ربي يرزق الجميع من واسع فضله

بس والله المجلس على شنو بيلحق
المرتبات الجرحي ووووووو والاموال المجمدة مازال مش قادرين يستفيدوا منها
وحتى لو قرر المجلس بيجيب توا خرفان ماعادش في وقت مش بالسرعة بيوصلوا
مع اني سمعت الفترة اللي فاتت ان المجلس مستورد عدد كبير من رؤوس الماشية لكن ماعاد نعرف شنو صار فيه الموضوع

وكل شخص مايحصل غير اللي ربي كاتب بيه

[ليبية حرة]

هو صح كلامكم الشرع محللهم ولكن بطبع المرأة ماتحبش وحدة تشاركها في راجلها
ومهما يبي يعدل إستحالة يقدر أكيدة مرة مرة حيسبق وحدة على الثانية
وخاصة كان جاته من النساوين اللي يلحسو في عقل الراجل وتكرهه في مرته
وأنتم أدرى على عمايل النساوين...

[ليبية حرة]

أكيد زي مايقولو رزق حد ماياخذه حد وبالنسبة للخرفان المستوردة أقل خروف ب350 دينار
يعني المفروض على الأقل فيهم شوية تخفيض لأن اللي بيدين 350 يقدر يتدين 500
ولكن إنشاء الله ربي يساعد الجميع...