المساعد الشخصي الرقمي

مشاهدة النسخة كاملة : تهنئة بمناسبة عيد الاضحى ادخلو بسرعة


ام رواسي
10-31-2011, 03:13 AM
أيها الشعب الليبي المجاهد
.
.
يا ايها الشعب الليبي المناضل
.....
اريد اعلامكم انه
.
.
دقة ساعة العصبان

دقة ساعة القديد

دقة ساعة الشوايات

لا رجوع الي الامام الي الامام

لحمة..........لحمة.......كبدة........كبدة........ع صبان........عصبان
شدو الخرفان متخافو منهم ........
(كل عام وانتم با الف خير)
خدوج
10-31-2011, 07:28 AM
هلا ياام رواسى
بصرعة بصرعة والا بسرعة بسرعة
اهو خشيت بصرعة بصرعة
باش نقولك
مبروك العيد
ونقولك

انى كوجنتى بنيتها طوبة طوبة
علشان العيد القديد والعصبان
مبروك العيد عليك وعلى كل عضوات المنتدى
mnona
10-31-2011, 10:57 AM
مبروك علينا وعليكم العيد وان شا الله ينعاد عليكم يارب
وعلي خاطر المناسبة هدي خودو النكتة هدي هي

في واحد شري خروف روح بيه للحوش قال لمرته
نصه شوا والنص الثاني قديد والراس والرجلين برديم
والبطن عصبان والصوف ديريه للفرشات
رد عليه الخروف قله ماتبيش بعععععععع اديرها نغمة
هههههههههههههههههه


كبش العيد قال الله الله لا معمر لاعاد ضناه
كبش العيد فرح بـ جليل قال معمر راهو عيل
كبش العيد شكر بوشنة والطاغي افتكينا منه
كبش العيد داير زردة على هربة شفشوفة بجرده


كل عام وانتم بالف خير وان شا الله هالعام وكل عام يارب
بنت طبرق
10-31-2011, 12:59 PM
ههههههههههههههه
والله ياخيتي نبو ننسوه بكل خلااااص فكنا ربي منه
والعيد هذا غير ولله الحمد والمنة
كل سنة وليبيا وأهلها الطيبين بخير
أم أيوب
10-31-2011, 04:28 PM
أحرق حطبة وتقعد طنجرة العصبان تطبخ .....

ديباجة حللللللللللللللللوة أم رواسي يا عسل

عيدنا الله على عيدنا بلا بوشفشوفة ...

يخطر عليا لما فرض عالليبيين يديروا يوم وقفة بروحهم

الحمد لله ربي انتقم منه وخدا حق الشعب الليبي اللي ظلمه 42 سنة

لا عيدهم زي الناس ولا رمضانهم زي الناس ... اللهم لك الحمد والشكر

نقوللكم كلكم كلكم عيد لحم سعيد وشواية وعصبان فايحات من بعيد

وحبل معبى بالقديد ولحاجانا حج مبرور وذنب مغفور
أمـ ساره
10-31-2011, 06:25 PM
يعطيك الهني والله

أحلى عيد ان شاء الله بيفوت علينا يارب


بالله نبي نسألكم حبوبات شنو قصة الخرفان المريضة

والله ربي يستر ما سادنا ان الخروف غالي وزيدها انه مريض
الساجدة لله
10-31-2011, 06:45 PM
مبررررررررررروك عيدنا عيدين يابلادي مااحلى الفرحة

رووووووووووووري عيد وعصبان وشواء وجووووووو وبورديم من غير المشفشف

ام سروو اما خرفان اللي مريضة ؟ ماسمعتش بيها نحس فيها اشاعات المشفشف الله لاتربحه
أمـ ساره
10-31-2011, 06:56 PM
اليوم كلمت أمي وقالت لي أن الخرفات قالوا مريضة هذا من غير انها غالية

وعزوزتي قالت لي ان جارتنا ماتوا عندها خروف ونعجة


والله ربي يستر ويطلع كلام طحالب بس
الساجدة لله
10-31-2011, 07:22 PM
ان شاء الله خير ياام سرو
بس سمعت جايبين خروفات من المناطق الشرقية وايضا من تركيا
أم أيوب
10-31-2011, 10:39 PM
ياصبايا شلة المشفشفين يبو ينكدوا علينا العيد بأي طريقة

ما تعدلوش عالاشاعات ان شاء الله عيدنا من غير مرض من غير نكد

يا سلااااااااااااااااااااااااااااااااااااااااام

صدقوني اشاعات عشان يخلوا الناس يخافوا ويقعدوا العيد على أعصابهم

عيدو اشوو عصبنوا امرحوا ما تعدلوش عالاشاعات
بنية بوها
10-31-2011, 10:39 PM
الف مبروك مبروك والحمدلله عيدنا عيدين يابنات
انشالله من عام لي عام ومن احسن الي احسن
وعقبال بلادنا ماتتحسن ونعيشوا في هناء وراحة
ويحفظ شبابنا ويرحم شهدائنا يااااكريم يارحيم
وكل عام وانتم طيبين وعقبال مانروح لي بلادي ادعولي معاكم
ليبية حرة
11-01-2011, 12:44 AM
كبش العيد امحول صوفه خايف من قولة شفشوفة
كبش العيد فرح من جده قال زمان الطاغي عدا
قبل تعليق السقايط واللحم يبقى شايط نقولك كل عام وإنت زايط...
مبروك عليكم العيد وربي يهني ليبيا الحبيبة...
mnona
11-01-2011, 03:16 PM
http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة أمـ سارهhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifاليوم كلمت أمي وقالت لي أن الخرفات قالوا مريضة هذا من غير انها غالية

وعزوزتي قالت لي ان جارتنا ماتوا عندها خروف ونعجة


والله ربي يستر ويطلع كلام طحالب بس

http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif


اهلا بالحلوات
ايه حتى اني سمعت بيه الموضوع هذا
قالك الخرفان كانو ياكلو في العشب والعشب اللي كانو ياكلو فيه عليه غبرة الصواريخ وضربولهم يبرا واليبرا تبي باش تاخد مفعولها 6 شهور ، وحتى حني جار بنت تخدم معانا ياناري شري خروف بي 550 وناض الصبح حاشاكم لقاه جيفة قعد يندب في الشارع
المهم فيه توا خرفان جايين من الشرق اجدابيا وطبرق ودرنة وامورهم بإذن الله تمام التمام والا الرومانيات وخلاص وربك يستر
وكانها اشاعة اشاعة اهو الواحد ياخد حدره وخلاص وناس زمان يقولو مافيش نار بلا دخان والباب اللي يجيك منه الريح سده واستريح
المهم عيدك مبارك ان شا الله
ام رواسي
11-03-2011, 08:28 PM
كل عيد وقلوبنا بالحب في الله أنقى
كل عيد وأرواحنا بذكر الله أنقى
كل عيد وصفحات أيامنا بحب الخير ترقى



بالتهاني قد لا أكون الأسبق
لكن بالمحبة أتمنى أن أكون الأصدق



http://a7.sphotos.ak.fbcdn.net/hphotos-ak-snc7/379763_286647928041934_179449562095105_883318_1589 256343_n.jpg
مغتربة 7
11-03-2011, 08:37 PM
http://www.libyan-kitchen.com/gallery/images/adha3304.gif
زهرة البنفسج
11-03-2011, 11:34 PM
مبارك عليكم العيد وكل عام وانتم بالف خير
ليبية حرة
11-04-2011, 12:36 AM
مبروك علينا الرصيد ‘ وكبش العيد‘ شوا وقديد‘ وحجة بيت الله أكيد‘ الحنة في الإيد ولبس جديد‘
وخلاص كسرنا باب حديد‘ خوف وتهديد‘ تهنى ياليبي بالعيد تمت أيامه العقيد...
ماتسمعوش إشاعات الطحالب حاسدينا في العيد بلا المشفشف لأن هما كانو يحسابوه بي يعيد معاهم وهو اللي بيقوللهم على الوقفة زي العادة ولكن زوا عليهم الفيل وربي يستر وكل عام وإنتم بخير...