طريقتي في تنظيف أمعاء الخروف

[نعومي نت]

السلام عليكم ورحمة الله وبركاته
العيد السنة هادي ليها نكهة جديدة إن شاء الله أعلاش لعدة أسباب كل أخت إتخش لموضوعي إتحط سبب يختلف عن التانية الاسباب هلبة ما شاء الله لين تحيروا المهم أني وأعوذ بالله من كلمة أني سر النكهة إني مش رايح نسمع اغنية كل عام وإنت بخير يا قايد ثورتنا يا بابنا الكبير يا حلم عروبتنا ((صح هكي الاغنية )) كنا إنشوفوا في الهلال وإنقولوا لا مش عيد نسمعوا الاغنية هادي خلااااااااااص ثبتت الرؤية :eek::eek:
المهم حبيت من خلال طرحي لهذا الموضوع نحكيلكم علي طريقتي في تنظيف (( الدوارة )) أهم حاجة وتعتبر نقطة اساسية لازم الدوارة تكون سخونة بمعنى اول ما يطلعوها على طول ديري شغلك في الاول طبعاً تتنظف من الفضلات كوييييييس وبعدين إنحطوها في اميه سخونة لمدة 10 دقايق وبعدين إنطلعوا المعدة بعد ما نحطوها في الكسكاس باش تنزل أميتها ناخدوا موس و نبدوا بسم الله طبعاً الطبقة اللي في المعدة بالطريقة هادي تزال بسهوووووووووووووووولة وبعدين إنتي وشني تبي تستعملي لإزالة الرائحة أني نستعمل في الخل
المهم بالنسبة للمصاريين إنظفهم بالمية وبعدين إنحط فيهم شب مدقوق مش ناعم حبوب تعرفوا والله ما تقعد فيهم حتى حاجة بدليل لما تقلبهم باش ......... ما نلقاش حتى حاجة كل المادة المخاطية تنزل مع الشب يعدين مصمصيهم و صبي عليهم شوية خل وخليهم يتنقعوا شوية وشوفي النظافة علي أصولها بياض ناصع ولا بياض كلوركس جربوا الطريقة و مش راح تندموا بالعكس رايح تدعولي لانها ساااااااااااااااااااااااهلة وما فيهاش تعب بكل
وكل عام وإنتم بخير و صحة وسلامة :D:D:D:D:D

[79nana]

ان شاء الله عيد مبروك علينا وان شاء الله عيد بريحة الحرية والاستقلال
طريقة منعرفهاش قبل ولاكن الدنيا تعرفك الجديد اني ندير فيها بالسيفن اب والليم وتجي بيضة ولاكن الواحد يتعلم ويجرب ويشوف

ان شاء الله كل عام وانت بصحة وسلامة

[خدوج]

شكرا نعومى
طريقة جديدة عليا
ومن اسباب فرحة العيد
يكفى ان احنى حاسين بطعم الحرية وماعادش نحافوا
ويكفى ان معيدين مع المسلمين على سنة الله ورسوله عليه السلام
وان شاء الله يعم الامن والامان كل ربوع ليبيا
وكل عام وانتم بخير

[ام تغريد]

اولا كل عام والجميع بالف خير من غير بو شفشوفة طبعا العيد السنة هادي ليه طعم غير معيدين مع السعودية

ولينا اسبوعين عارفين موعد العيد مش حايرين زي كل عام والحمد لله

وعن غسل الدوارة متعودة على الخل والليمون والملح انظف لين روحي تطلع

والله مالقوا مادارولنا الاهذا العصبان الحق شقي وتعب

لكن السنة هذه خلي انغير تو انجرب طريقتك بالك اسهل ومنك نستفيد

وكل عام والجميع بخير

[guidona]

اولا كل عام وانت بالف خير ياحبوبه
وراح ندعيلك اكيد لانه طريقتك ساهله
وسبحان الله كل واحد وطريقته في التنضيف
واه انسيت عاد اني ليا سنين منسمعش لافي اغانيهم الثوريه ولا في عزاهم
والحمد الله بس حاسدتكم لانه عيدكم اكيد السنه هده احلي عيد تمنيت روحي في ليبيا لكن الله غالب

[مغتربة 7]

كل عام والجميع بخير
مشكورة نعومي على الطريقة حتى اني طريقتي التقليدية خرطي ونقعي فى الليمون والملح
ان شاء الله نجرب طريقتك
الله يجبر بخاطرك وعيد سعيد

[mnona]

عيدكم مبارك ان شا الله
بالنسبة لطرق التنظيف تختلف كل واحد وطريقته واني ليا 4 سنين متزوجة ونعاني من طريقة تنظيف الامعاء لاهل زوجي ( اني منحبش الشحم الزايد بكل ولا الدهون ) ومعظم الناس تموت فيه وللاسف منقدرش نعلق لانه مرات لو تعلقي علي حاجة يفهموك غلط فأهو ماشية بنفس طريقتهم وتبي الحق العصبان مافيشي بنة في العيد وخاصة اول يوم
عموما الباين عليها طريقتك قنينة لاني تبي الحق نكره حاشاكم طبعا الشحم ومنقدرش نهائي نتبننه ، بإذن الله نجربها في حوشي بعد العيد كان حياني ربي

[ايمان]

انا بنفد طريقتك ونجربها تسلمي حبيتي عالافكار

[الساجدة لله]

طريقتك في الشب جديدة عليا الحق اما لقطة الماء المغلي مدايرتها بس ماخليتاش 10 دقايق لالا تواني لان الكرشة اطيب لو تقعد اكتر من دقيقة , اما طريقتي في التنظيف هي بالصابون والوراكينا تم بالخل باانواعه والملح والليم لين تستشهد تحت يديا الكرشة هههههههههههههههه والخرط طبعا بيكون اولا تم المنظفات
تسلمي ياغالية على الطريقة وان شاء الله نجربها للمصارين الرقاق خصوصا اني نحب نديرهم مرقاز

[ملكةالرومانسيه]

كل سنة والجميع بخير


http://files2.fatakat.com/2011/8/13125428681118.gif (http://forums.fatakat.com/thread1810863)

[أمـ ساره]

طريقة جديدة وغريبة متاع الشب

نعرف يتنقع شوي في الليم وتمي منها الصنة


لكن اني يا حسرة لا دوارة ولا هم يحزنون

زوجي ما يحب العصبان وما ندير فيه ولا ناخذ في الدوارة ممكن عام بس درتها مع أهلي

يعني مفتكية من التنظيف والحوسة متاع الدوارة


مشكورة نعومي على الطريقة الحلوة


وكل عام وانتي وكل أهلك وأحبابك بخير يارب

وكل الليبين والليبيات متهنين وفرحانين

[بنغازية]

شكرا نعومتي بارك الله فيك كان حصلت شبه انجربها

قوليلي اوخيتي الساجده لله امسكينه دوارتك ياروحي شن خاليتي عليها ناقص تعطيها دعكه في الغساله ههههههههههههه
وكل العم وانتم بدون القذافي بخير

[ام ليبيه حره]

اول مرة نسمع بهذه الطريقة
كل يوم الوحدة فينا تتعلم
بارك الله فيك

[نعومي نت]

ان شاء الله عيد مبروك علينا وان شاء الله عيد بريحة الحرية والاستقلال
طريقة منعرفهاش قبل ولاكن الدنيا تعرفك الجديد اني ندير فيها بالسيفن اب والليم وتجي بيضة ولاكن الواحد يتعلم ويجرب ويشوف

ان شاء الله كل عام وانت بصحة وسلامة
إيه سامعة بيها طريقة السفن أب وحتى هيا يشكروا فيها
و شكراً علي مرورك

[نعومي نت]

شكرا نعومى
طريقة جديدة عليا
ومن اسباب فرحة العيد
يكفى ان احنى حاسين بطعم الحرية وماعادش نحافوا
ويكفى ان معيدين مع المسلمين على سنة الله ورسوله عليه السلام
وان شاء الله يعم الامن والامان كل ربوع ليبيا
وكل عام وانتم بخير
غير قولينا شنوا صار في عزومتك
وبعدين إنقولك شكراً لمرورك

[نعومي نت]

اولا كل عام والجميع بالف خير من غير بو شفشوفة طبعا العيد السنة هادي ليه طعم غير معيدين مع السعودية

ولينا اسبوعين عارفين موعد العيد مش حايرين زي كل عام والحمد لله

وعن غسل الدوارة متعودة على الخل والليمون والملح انظف لين روحي تطلع

والله مالقوا مادارولنا الاهذا العصبان الحق شقي وتعب

لكن السنة هذه خلي انغير تو انجرب طريقتك بالك اسهل ومنك نستفيد

وكل عام والجميع بخير

وإنتي بالف خير ام تغريد
والله صدقتي فيها اول مرة إنعيدوا زي العالم والناس
جربيها وبإذن الله راح تدعيلي

[نعومي نت]

اولا كل عام وانت بالف خير ياحبوبه
وراح ندعيلك اكيد لانه طريقتك ساهله
وسبحان الله كل واحد وطريقته في التنضيف
واه انسيت عاد اني ليا سنين منسمعش لافي اغانيهم الثوريه ولا في عزاهم
والحمد الله بس حاسدتكم لانه عيدكم اكيد السنه هده احلي عيد تمنيت روحي في ليبيا لكن الله غالب

ههههههههههههههههههههههههههههه
حلو منك ليا سنين منسمعش لافي اغانيهم الثوريه ولا في عزاهم
بارك اله فيك يا غيدونا والله تمنيت كل مغتربة ترجع لبلادها تشوف ليبيا الجديدة
وكل عام و انتي وبنوتك وزوجك وعيلتك كلها بخير

[نعومي نت]

كل عام والجميع بخير
مشكورة نعومي على الطريقة حتى اني طريقتي التقليدية خرطي ونقعي فى الليمون والملح
ان شاء الله نجرب طريقتك
الله يجبر بخاطرك وعيد سعيد
إن شاء الله يا مغتربة
وحتى إنتي إن شاء الله ترجعي لبلادك في اقرب وقت و تقري عينك بشوفة غواليك يا رب
وكل عام وا نتي والاسرة الكريمة بالف خير

[نعومي نت]

عيدكم مبارك ان شا الله
بالنسبة لطرق التنظيف تختلف كل واحد وطريقته واني ليا 4 سنين متزوجة ونعاني من طريقة تنظيف الامعاء لاهل زوجي ( اني منحبش الشحم الزايد بكل ولا الدهون ) ومعظم الناس تموت فيه وللاسف منقدرش نعلق لانه مرات لو تعلقي علي حاجة يفهموك غلط فأهو ماشية بنفس طريقتهم وتبي الحق العصبان مافيشي بنة في العيد وخاصة اول يوم
عموما الباين عليها طريقتك قنينة لاني تبي الحق نكره حاشاكم طبعا الشحم ومنقدرش نهائي نتبننه ، بإذن الله نجربها في حوشي بعد العيد كان حياني ربي

الحشم الزايد غير امتى بنتعاركوا احني وياه و اني بالنسبة ليا الحاجة اللي ما ناكلاهاش والله ما نقدر إنجامل وبالدات في الصحة او الاكل
كل عام وانتي خير قوليلي شنوا يصير معاك

[التا ئبه لله]

مش حلوه طريقة الاخت نعومى فى التنطيف بكل

هههههههههههههههههههه

[نعومي نت]

انا بنفد طريقتك ونجربها تسلمي حبيتي عالافكار

ومش راح تندمي بإذن الله تسلمي يا رب :p:p

[نعومي نت]

اللي يبيت من بعيد نبي انقوله من راقب الناس مات هماً

[نعومي نت]

طبعاً الكلام موجه للأنسة الثائبة

[نعومي نت]

مش حلوه طريقة الاخت نعومى فى التنطيف بكل

هههههههههههههههههههه


اسكتي اسكتي اللي ما يعرفكش وانتي بطنك حاصلة فيها كل عام عزوزتك مسكينة مراة تمشي علي وجهها
طامعة فيها كناين اخر زمن حسبي الله
اسمعي الدكتور فوزي اهني

[التا ئبه لله]

اسمعو يا بنات ويا ستات دنبكم على جنبكم

ما تسمعويش كلامها راهو المصارين يبدو

شماته زى الكسكاس شن هما مصارين فيل ههههههههههه

[نعومي نت]

اسمعو يا بنات ويا ستات دنبكم على جنبكم

ما تسمعويش كلامها راهو المصارين يبدو

شماته زى الكسكاس شن هما مصارين فيل ههههههههههه


متعدلوش عليها راهو حسادة ما تبيكمش تستفيدوا أني قلتلها علي الطريقة من السنة اللي فاتت وعيت وهيا تشكر فيا حطي إيدياتك في الجنة وبري علي هالموال نحساب روحي غير نظفتهملها
اهو جاياتك تجويد غير توصل فيك الما توريك
هيا تجويد راهو مستفردة بيا واني تعرفيني بنية صغيرة ما نقدرهاش امنا الغولة

[تجويد]

كل عام وانتم بألف خير والعقبة لداير والله فكرة الشب فكرة جديدة مانعرفهاش قبل وان شاء الله نجربها في العيد ورينا طريقتك ياتائبة كان فكرة نعومي ماعجباتكش والله شكلك ماعمرك نظفتيها هههههههههههه .

[تجويد]

انا جيت ياغزالة ماتخافيش منها انا لها بالمرصاد ارقدي يا تائبة خيرلك .

[نعومي نت]

انا جيت ياغزالة ماتخافيش منها انا لها بالمرصاد ارقدي يا تائبة خيرلك .

ايه وريها الجدعنة
يا عم احنا ناس بتاكل الزلط اه هيا وينك يا تائبة مش كنتي تستعرضي في عضلاتك ولسانك ملوي علي رقبتك والا لسانك كلتوا القطة

[نعومي نت]

جوجو شكلها خافت ورقدت ناس ما تخافش الا بعيونها

[نجلاء الخالدية]

تسلم ايدياتك
اول مرة نسمع بيها الشبة في التنظيف
لكن اخسارة فاتت علي العام هذا تجربتها لأني اليوم بس كيف روحت لبيتي بعد انتهاء موسم العيد وحوسته
ان حيانه ربي ح انجرب الشبة في اقرب ذبحة حولي جديد
المهم
العيد السنه هذي له نكهة جديدة رغم انه نفس العيد ونفس عدد الاضاحي لكن حوسته كانت اخف لأن النفسيات مرتاحة وشكله السحر اللي دايرة المنجوه فك والحمد لله افتكينا من شره وشر افروخه

[mnona]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة نعومي نتhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifالحشم الزايد غير امتى بنتعاركوا احني وياه و اني بالنسبة ليا الحاجة اللي ما ناكلاهاش والله ما نقدر إنجامل وبالدات في الصحة او الاكل
كل عام وانتي خير قوليلي شنوا يصير معاك
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

اولا كل العام وانتي بألف خير وصحيتي وبارك الله فيك وبالنسبة للعيد السنة هدي بصراحة احلى عيد حتى جو العيلة ماشا الله ودرنا عصبان زي ما نبي وزي ماجي في خاطري وطلع بنة علي صنة يهبل ، المهم في نهاية الامر مادرتش الشب مع انه فيه من فكرني فيه اول يوم العيد وقالي راك تنسيه ولكن للأسف هذاكة الوقت كنا منظفين الدوارة بالليم ومقعدتش فيها شئ ، وبإذن الله بإذن الله ح نجربه وح نقولك لآنه فيه قريبتي لما قلتلها قالتلي حق اني نستخدم فيه الشب ومش عادية الطريقة يالله كل يوم قاعدين نتعلمو حني


ومشكورة هلبا هلبا هلبا

[سراب]

كل سنة وانتم طيبين اخواتي بالنسبة ليا انظف في الكرشة والمصارين بالخرط الكويس وبعدين غسيل بالصابون فقط لاني زمان كنت انديرلها في ليم لكن الليم والخل يخلي المصارين يطربقو وهما علي النار

[نسيبة]

صحيتي حبيبة سلمت يداك طريقو جديدة علي احنا متعودين ديما علي الملح و الليمون و الدعك الجيد
شكرا لككككككككككككككككككككك استفدت طريقة جديدة