[طلب]طرق الأتى

[ليبية حرة]

بالله عليكم في أكلات ضقتهم في الأعراس
وماعرفتش الطريقة علي قد مادورت عليها
ودورتهم حتى في النت لقيت الصور بس أرجوكم تساعدوني والأكلات هما:
طاجين سحابة - سويسرول دجاج وفستق - تارت دجاج - سكالوب فارسي -
كباب حلزوني - زمبقة لحم - بوفتيك دجاج - آيس كريم دجاج -
مشبكة خضرا ودجاج - قرن غزال الحار - وسادة دجاج ولحم أخطبوطة - قرقرينا -
كانون لحم - مقرود حار - صندوق دجاج - سلة مفروم...
إنشاء الله مانكونش ثقلت عليكم بس بجديات خاطري فيهم
واللي تعرف أي وصفة ترد الله يرحم ولديها وينولها اللي في بالها
ولو تبو الصور إنزلهملكم...
...وشكرا...

[نعومي نت]

كان تنزلي الصور لان مرات الاكلة تحمل أكثر من تسمية

[Om Amory]

ان شاءالله البنات يفيدوك

وأنى ان شاءالله لو عرفت حنقولك

ليا عوده

[حبيبتهم]

السلام عليكم

ان شاء الله البنات ايساعدوك باللي يقدروا عليه
بس يا ريت اتنزلي صور اسهل

مثلا قرن غزال انا كليتها في تونس وعجبتني هلبه ولما بحتت عليهافي النت كل ماندير بحث نلقى قرن غزال المغربي الطريقة المغربية ومش هي اللي نبيها
لوين اكتضفت انه ايقولوا له حتى محشي تطاوين ولقيت طريقته
سامحيني على كثرة الهدرزة ولي عودة

سلام

[زهرة البنفسج]

بالنسبة لوسادة الدجاج من مطبخ ميلا وان شاء الله انكون افدتك ولو باكلة واحدة

http://www.libyan-kitchen.com/kitchen/showthread.php?t=1385

[ام انس]

عزيزتي انا عندي طريقة الاتي: سويسرول دجاج وفستق
تارت الدجاج
سلة مفروم
كباب حلزوني
وهل تقصدي بالمقروض الحار (البكلاوة الحارة)؟
وياريت تشرحي مكونات بعض الاكلات اللي ّذكرتيها احتمال نعرفها بس الاسم منعرفاش.

[snaaaa]

المقروض الحار عبارة على بطا طا مهروسه متبله محشيه مفروم الفكرة انك تفردى البطاطا معصم زي عجينه المقروض وتحشيها مفروم اللى هو استعاضه على التمر وتقطعيها زى المقروض وتلفيها فى البيض والخبزة والى المقلاة تطلع روعه ان شاء الله اتكون نفس طلبك وهدة الاغلبيه يعرفوها

[شاطئ بلا رمال]

السلام عليكم
حبوبه نزلت لك كعب الغزال وتلقيه في قسم الحلويات العربيه والعالميه وطريقه أخرى نفس القسم بس المنقوله
وكذلك نزلت لك طريقة وسادة الدجاج في قسم المقبلات الليبيه
أما عن السله بالمفروم فافيه طريقه في المنتدى بس بالدجاج تقريبا وأنتي تغيري بس الحشو كيما وتزيدي عليها بازيليا أو بطاطا مكعبات وترشيها بالجبنه
سويسرول الدجاج عندي عدة طرق هل تقصدى اللي يكون فيه الدجاج مفروم وفيه الطريقه اللي تكون لحمة دجاج ملفوفه
أما عن تارت الدجاج هل هو تقصدي سلة الدجاج
أو تارت الدجاج اللي يجي بعجينة الباف؟؟؟
وكان لقيت حاجات أخرى نحاول إنزلها
والصراحه مافيش في المناسبات أحلى من الحاجات الزمنيه امبطن بوريك الجبده محاشي وغيرها
تحياتي للجميع

[ليبية حرة]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة ام انسhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifعزيزتي انا عندي طريقة الاتي: سويسرول دجاج وفستق
تارت الدجاج
سلة مفروم
كباب حلزوني
وهل تقصدي بالمقروض الحار (البكلاوة الحارة)؟
وياريت تشرحي مكونات بعض الاكلات اللي ّذكرتيها احتمال نعرفها بس الاسم منعرفاش.
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif
ياحبوبة ممكن تبعتيهم الطرائق اللي عندك
وبالنسبة للمقورض الحار هكي إسمه ومشكورة حبيبتي...
:):):):):):)

[ليبية حرة]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة الغربة صعبةhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifبالنسبة لوسادة الدجاج من مطبخ ميلا وان شاء الله انكون افدتك ولو باكلة واحدة

http://www.libyan-kitchen.com/kitchen/showthread.php?t=1385
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif
مشكورة حبوبة لوتبي أي خدمة تفضلي...
:):):):):):)

[ليبية حرة]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة snaaaahttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifالمقروض الحار عبارة على بطا طا مهروسه متبله محشيه مفروم الفكرة انك تفردى البطاطا معصم زي عجينه المقروض وتحشيها مفروم اللى هو استعاضه على التمر وتقطعيها زى المقروض وتلفيها فى البيض والخبزة والى المقلاة تطلع روعه ان شاء الله اتكون نفس طلبك وهدة الاغلبيه يعرفوها http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif
شكرا ياحبوبة يسلمو إيديك...
:):):):):):)

[ام انس]

عزيييييييزتي ياحرة بالنسبة لسويسرول الدجاج والفستق:تحتاجي طبعا لصدر دجاج نيئ مش طايب وتفرميه بالفرامة فرم جيد مرتين او ثلاثة الى ان يصبح اللحم ناعم مثل الكريمة وبعدها اضيفي للدجاج المفروم بصلة صغيرة مفرومة :ملح ,فلفل اكحل, زعتر او اكليل, المهم التوابل حسب الرغبة)وتعاودي تفرمي اللحم مرة اخرى حتى تتجانس التوابل مع اللحم.
تاخدي سلفر او( نايلون اللي يغلفوا بيه في الطعام لكن يفضل السلفر) وتطرحي عليه مزيج الدجاج المفروم الناعم وتطرحيه على شكل مستطيل كبير(وهدا يعتمد علي كمية اللحم اللي عندك) وبعد ما طرحتي اللحم على السلفر وزعي فوقه حبات الفستق في كل الاتجاهات(تكون محمصة وكبيرة) وبعدين ابدي لفي السلفر شوي شوي الى ان تحصلي على اسطوانة(بالزبط زي ما تلفي كيك السويسرول)وطبعا كل ما لفيتي اللحم اسحبي السلفر ولما تتكون عندك الاسطوانة سكريها بالسلفر كويس من جميع الاتجاهات وطريقة طبخها عندك خيارين :اما تبوخيها عالكسكاس فوق طنجرة ماء او:تحطيها اطيب في ماء مغلي في الطنجرة وفي هالحالة لازم تسكريها بالسلفر كويس عشان ماتتسربلهاش الماء.وفي الحالتين تعطي نفس النتيجة ولما تتاكدي انها طابت تفكي عنها السلفر وتحصلي على اسطوانة جميلة وعندك خيارين :اما تخليها زي ماهيا وتقصيها قطع دائرية وتقدميها او:تغلفي الاسطوانة بالدقيق ثم البيض ثم الخبزة المرحية وتقليهاوبعد ماتبرد تقصيها.
والنتيجة تحصلي على دوائر جميلة محشوة بالفستق الاخضر.
(تقدري لو ماعندكش الفستق تحطي الحشو سبانخ مع جبنة الشرايح وتلفي).اسفة طولت عليك ويتبببببببببببببع...