رسائل بمناسة عيد الأضحى

[دلوعة زوجي]

السلام عليكم
كل عام وأنتم بخير هذا أول موضوع لي معكم
***
خروف ليبيا يتحدث لليبيين:هذي أخرتها يا ليبيين خرفان مرتزقة.. هذي أخرتها..سنزحف أنا والجديان لتطهير الأسواق سوق سوق زريبة زريبة.. حتى تتطهر ليبيا من التركي والروماني..أنا معي الجديان والنعجات من أنتم. دقت ساعة الدبح دقت ساعة الشوي..دقت ساعة العصبان لا رجوع إلى الأمام وطني وطني وطني..
*** النعجه تندب واك عليا بيموت الغالي منهو بيه.
***
النعجة دزت للكبش تقوله .بعد العيد أريدو حل،دبلةولا حتي تل.رد عليها الكبش قال .كان نجينا من القديد الدخلة رابع يوم العيد.‏

[خدوج]

تسلمى دلوعة
ربى يخلى البسمة منورة دنيتك

[mnona]

الله يبارك هالعيد ... وفتكينا من هالعقيد ... وخروف جديد ولحم قديد ... وثوارنا بعتونا رصيد
****
الكبش ينوح بالقوية ... احليلي ياناري القوية ... بعد ايام بيضحو بيا .. لاتقعد كبدة ولا ريه
ورافعني بالعكارية وسط السوق يدلل بيا مخلي الكل يفتش فيا ... من سنوني لي كرعيا ... وبسوم رخيص يساوم فيا ...آه ياناري القوية كل عيد تجيني ليه
****
الكبش الليبي غنى وقال (( حتى فيها ذبح ونار محلى العيد مع الثوار ))
****
http://www.libyan-kitchen.com/gallery/images/d8a7d984d8.gif

[ايمان]

كبش العيد يودع في صاحبه:
انى ماشي فرحان وطاير بضحي بيا واحد ثائر
رد صاحبه:
انى راجي قاعد منكوب نخاف لضحي بيا يطلع طحلوب :) كل سنة وأنتم بخير

[ام تغريد]

كبش العيـد سعيـد و طايـر ** فرحـان بثورة فبرايــــر

كبش العيد امحول صوفه ** خايف من قولة شفشوفه
كبش العيد ضحك من جده ** قال زمـــان اعمورة عدا
كبش العيد قعد ينادي ** الثورة جتنا من بنغازي
كبش العيد فرحان يبان ** الله علي تريس الزنتان
... ... كبش العيد يبي سلاطة ** حاير في ثورة مصراتة
كبش العيد مولع سبسي ** يا معمر جاك طرابلسي
كبش العيد جن جنونه ** فرحان بثورة ترهونة
كبش العيد راحو فلوسه ** يبي تريس جبل نفوسة
كبش العيد يضحك ياتريس ** فرحان بقتلة خَـميس
كبش العيد قال للثوار ** ضحو بيا يا احرار
كبش العيد حاير من صغره ** كيف المشفشف لابد في حفره
كبش العيد لو صحابه ماتوو ** بيعطي موقعكم للناتوو
كبش العيد اليوم تهني ** شفشوه افتكينا منه




أيها الشعب الليبي العظيم......


ايها الشعب المناضــــــــل ......


شدوا الخرفان.. ما تخافوا منهم..
اذبحوهم و اسلخوهم و قطعوهم ...
... ... نص نص ..ربع ربع.. قطعة قطعة ..هبرة هبرة..
حتى نحصل على احلي اسياخ شوايا
دقت ساعة الشوايا.....
دقت ساعة العصبان ....
دقت ساعة القديد.....
الى الامام..... الى الامام....
كبده... عصبانة... قلايا




_كبش العيد فرح بجليل قال معمر راهو عيل




ﻛﺒﺶ ﺍﻟﻌﻴﺪ ﻓﺮﺡ ﺑـ ﺍﺻﻄﻮﻓﺔ * ﻳﺎﺧﺬ

ﺳﻮﻙ ﻳﺎ ﺷﻔﺸﻮﻓﺔ

[ليبية حرة]

خبر عاجل/ مظاهرة حاشدة للخرفان تطالب بالحرية وإسقاط نظام العصبان والبورديم
منددين بالخرفان المرتزقة القادمة من تركيا : مرددون ياندمرو الزريبة : يانشكلو كتيبة:
...كبش العيد ضحك من جده قال زمان الطاغي عدا...

[ليبية حرة]

واحد شري خروف روح بيه الحوش قال لمرته نصه شوا ونصه قديد والراس والرجلين بورديم
والبطن والدوارة عصبان والصوف ديريه فراشات
رد عليه الخروف: ماتبيش حتى بعععععععععععععععع اديرها رنة...

[دلوعة زوجي]

مشكورات يا أخواتي على المرور والمسجات الحلوى وربي ايكمل فرحتنا

[مغتربة 7]

ماشاء الله عليكم يابنات
مسجات حلوة
كل سنة وانتم بالف خير يارب انتم واحبابكم

[أمـ ساره]

كبش العيد قال للثوار ** ضحو بيا يا احرار

كبش العيد لو صحابه ماتوو ** بيعطي موقعكم للناتوو

كبش العيد اليوم تهني ** شفشوه افتكينا منه

كبش العيد داير حالة **بيضرب شفشوفة بالبالة

كبش العيد احصل في الذبحة ** كي حصلة شاكير في السبحة




وربي يتقبل منا ومنكم يارب

[بنية بوها]

محلاهم والاحلى اللي كتبهم

[مغتربة 7]

سوف ندبح هناااا..كي يزيد الجسم ..سوف نسلخ هناااا..كلنا نبقى خدم..نعجتي نعجتي.. نصفها يمشي شواااء.. نعجتي نعجتي.. نصفها تمشي غذاااء..رغم أكل الغذاء..نشوي حتى الشحم..سوف نسعى إلى أن نقرقد العضم..سوف نسرع إلى رفع كل الكمم..نعجتي نعجتي



كبش العيد شكر بوشنه....والطاغي فتكينا منه ..كبش العيد فرح ب (اجليل ) و قال معمر راهو عيل..كبشي قال الله الله لا معمر لا عاد ضناه....كبش العيد حقه مسلوب .مايبي معانا طحلوب.
بوشفشوفه عطاكم عمره ..هارب وعبيده في غمره...هرب من سرت حي عليه ..جاته طلقه في رجليه..جاته في العشرين قويه..ضربه في رجليه هديه .....كبش العيد قال للثوار ***ضحو بيا يا احرار****

[دلوعة زوجي]

بارك الله فيكم أخواتي كل الرسائل وحدة احلى من التانية كل عام وأنتم بخير

[التا ئبه لله]

السلام عليكم

كل عام وانتم بصحه وسلامه

[ليبية حرة]

بارك الله فيكم على الرسائل الحلوة...