المساعد الشخصي الرقمي

مشاهدة النسخة كاملة : مساعده عندي مشكله في اعتماد الموضوع


شاطئ بلا رمال
11-04-2011, 07:52 PM
السلام عليكم
كيف أحوالكم إن شاء الله بخير
كل العام وانتم بخير
مشكلتي هي نخش للمنتدى عادي نكتب أسمي وكلمة المرور
اول حاجه تطلعلى رساله إداريه وبعدين نخش على الأقسام
ننزل الموضوع والصور وبعد المجهود والتعب وخلاص كل شي تمام :)
ندير أعتمد الموضوع الجديد وهنا الكارثه:mad:
تطلع الرساله الإداريه تاني ويطير الموضوع والتعب والمجهود كله:eek:
ونلقى روحي ماعنديش قدامي إلا الأقسام من البدايه والخانات متع الاسم وكلمة المرور فاضيه ولا كأني درت حاجه
وهذي صارتلي عدة مرات تسببلي إحباط وكل موضوع باش ينزل المنتدى نقعد نعاود فيه ثلاثه مرات واكتر باش في الأخير ينزل
ليش المشكله هادي شن السبب؟؟؟؟:(
ممكن إديرولها حل أو تقولولي كيف إندير في اللي يصير هذا:confused:
ليبية حرة
11-04-2011, 08:06 PM
أحسن شيء إنك تبعثي رسالة خاصة لزينب محمد مؤسسة المنتدى
وتشرحيلها فيها مشكلتك وهي تعطيك الجواب الشافي...
زينب محمد
11-04-2011, 08:20 PM
حبوبة بعد ماتكتبي اسمك وكلمة مرورك

فيه خانة على يمينهم لحفظ بياناتك ديري في المربع كليك

خلاص هكي الامور تمام معادش يطب منك التسجيل ثاني

وفيه شيء ثاني تقدر تديريه يضمن ان تعبك مايضيعش

وهو انك تكتبي الموضوع وتنسخيه وتلصقيه في مستند نصي قبل ماتعتمدي الموضوع

هكي حتى لو صارت مشكلة ومااعتمدش مايضيعش تعبك
زينب محمد
11-04-2011, 08:21 PM
اهو زينب جت بروحهاكانت تكتب في الرد ياليبية لما انت رديتي
ليبية حرة
11-04-2011, 08:28 PM
تسلمي هذا العشم فيكي ياحبيبتي وكل عام وإنتي بخير وإنشاء الله غير وصلتلك رسالتي يازينب...
أمـ ساره
11-04-2011, 08:36 PM
ماشاء الله زوبة ما قصرت ربي يعطيها الصحة ويقويها يارب

وفعلاً هذه أفضل الطرق حتى تعتمديها وتساعدك هلبة

وربي يوفقك حبيبة وتورينا ابداعاتك الحلوة
شاطئ بلا رمال
11-04-2011, 09:28 PM
السلام عليكم جميعا
وكل سنه وانتم بألف ألف خير وصحه وسلامه وينعاد عليكم وعلى أسركم وأهلكم بالخير إن شاء الله
نورتيني وأنستي ونورتي المنتدى يا أخت زينب في هالأمسيه الحلوه بردودك
فاتتني هادي متع المربع أخخخخخ
والأخت ليبيه وأمساره نورتوني
الأحباب أجتمعواعندي ماشاء الله
دا يوم المنى
مشكورين على المساعده والإهتمام
وإن شاء الله ديما منورين وربي يعطيكم الصحه
ليبية حرة
11-05-2011, 01:12 AM
http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة شاطئ بلا رمالhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifالسلام عليكم جميعا
وكل سنه وانتم بألف ألف خير وصحه وسلامه وينعاد عليكم وعلى أسركم وأهلكم بالخير إن شاء الله
نورتيني وأنستي ونورتي المنتدى يا أخت زينب في هالأمسيه الحلوه بردودك
فاتتني هادي متع المربع أخخخخخ
والأخت ليبيه وأمساره نورتوني
الأحباب أجتمعواعندي ماشاء الله
دا يوم المنى
مشكورين على المساعده والإهتمام
وإن شاء الله ديما منورين وربي يعطيكم الصحه
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif تسلمي ياحبوبة ماعندناش فيه جميل...
:):):):):):)
الساجدة لله
12-15-2011, 05:14 PM
بارك الله فيها زوبة كفت ووفت وهده مشكلة حتى انا تصيرلي وانا ندير في نفس الشئ